Францын Льон хотод хамгийн сүүлийн үеийн роботын “Инноробо” үзэсгэлэн нээгдлээ. Үзэсгэлэнд хүний сэтгэл хөдлөлд хариу үйлдэл үзүүлэх чадвартай роботоос авахуулаад хүний үйлдлийг дуурайдаг роботуудыг тавьжээ. Өмнөд Солонгосын инженерийн бүтээл  “Future Robot” үзэсгэлэнгийн хамгийн сонирхолтой робот байсан гэнэ. Дуулж бүжиглэдэг робот зочдыг хөгжөөж чадсан бөгөөд тэдэнд хамгийн  их таалагдсан нь аж. Энтертайнмент роботоос гадна өвчтөнүүдийг шалгаж, эрүүл мэндэд нь өөрчлөлт орж буй эсэхийг хянадаг робот хүртэл байгаа гэнэ. Мөн тахир дутуу хүмүүст хөл гар болох роботыг зохион бүтээжээ.