“Сентерра гоулд” уул уурхайн компанийнхан Монголд үйл ажиллагаа явуулж байгаа хэрнээ хууль дүрэмд захирагдахгүй байгаа талаар “Монголын гол, нууруудын нэгдсэн хөдөлгөөн”, “Оюутолгойн хяналт” ТББ-аас өчигдөр мэдээлэл хийлээ.

“Сентерра гоулд 2009 онд батлагдсан Ой мод, голын эхийг хамгаалах тухай хууль, Эдийн засгийн хамтын ажиллагаа, хөгжлийн байгууллагын “Үндэстэн дамнасан аж ахуй нэгжийн данаж мөрдөх удирдамж” буюу “Улс үндэстний хуулинд захирагдах нь компанийн нэн тэргүүний үүрэг болно”, “Эдийн засаг, байгаль, нийгмийн хөгжилд хувь нэмрээ оруулах үүрэгтэй” зэрэг заалтыг зөрчиж байна гэв. Тиймээс  дээрх хууль, жумрын хэрэгжилтэд хяналт тавьдаг Канад улс дахь холбоонд гомдол гаргажээ.