АНУ-ын хэрэглэгчдийн нарны үүсгүүр бүхий эрчим хүчний эрэлт өнгөрөгч онд дээд цэгтээ хүрсэн тухай мэдээлжээ. Энэ үзүүлэлт 2010 онд хоёр дахин бага байсан аж. Албаныхны мэдээлж буйгаар 2010 онд л гэхэд 887 мегаваттын хэрэглээг нийлүүлж байсан бол энэ үзүүлэлт нь 2011 онд даруй хоёр дахин өсч 1.855 мегаватт болон нэмэгджээ.

Хэрэглэгчдийн эрэлт ихэсч байгаатай холбоотой АНУ дахь нарны эрчим хүчний үйлдвэрлэл ч эрс нэмэгдэж байгаа аж. Дэлхийн нарны эрчим хүч үйлдвэрлэх зах зээлд тус улс дөнгөж долоон хувь эзэлдэг хэдий ч 2016 он болоход энэ нь хоёр дахин нэмэгдэх төлөвтэй байгаа тухай шинжээчид мэдээлжээ.

Улмаар ирээдүйд тус улсад нарын эрчим хүчний эрэлт нэмэгдэх бөгөөд 2012 онд рекорд эвдэх магадлал өндөр байна.