Барилгын салбарын хөгжлийг илтгэж, стандарт шаардлагад нийц­сэн шилдэг техник технологи, орчин үеийн шийдэлтэй барилга, орон сууцны төслүүд олноор тавигдсан “Ба­рилга-2012” үзэсгэлэн яармаг өчиг­дөр “Мишээл экспо” төвд үүдээ нээв. Энэ удаагийн хаврын уламж­лалт үзэсгэлэн яармагт барилга угс­ралт, орон сууцны 120 гаруй ком­пани болон барилгын материал үйлд­вэрлэгч, импортлогчид оролцож байна. Олны сонирхлыг татаж хүний хөлд дарагдсан үзэсгэлэнг ЗТБХБ-ын сайд Ц.Дашдорж нээсэн бөгөөд нээлтийн ажиллагаанд тус яамны дэд сайд Б.Цэнгэл, Газрын харилцаа, барилга, геодези зураг зүйн газрын дарга Ц.Ганхүү, ОССК-ийн захирал Ж.Алдаржавхлан болон албаны бусад хүмүүс хүрэлцэн ирсэн байв. ЗТБХБ-ын сайд Ц.Дашдорж “Монгол Улсын хэмжээнд хот төлөвлөлт, эрчим хүч, инженерийн дэд бүтэц, авто за­мын сүлжээг олон улсын жишигт хүр­гэх, хүн амын орон сууцны хан­гам­жийг нэмэгдүүлэх зорилгоор “Ши­нэ бүтээн байгуулалт” дунд хуга­цаа­ны зорилтот хөтөлбөрийг УИХ, Засгийн газар баталсан. Уг хөтөл­бөр амжилттай хэрэгжихэд энэхүү үзэс­гэлэн ач холбогдол өндөртэй” хэ­мээн онцлон тэмдэглсэн юм. Үзэс­гэлэн яармагт оролцогч аж ахуйн нэгжүүд “Мишээл экспо” тө­вийн дотор болон гадна талбайд бүтээг­дэ­хүүнээ байрлуулж ЗТБХБ-ын сай­дад өөрсдийн бүтээгдэхүүний да­вуу тал болон бусад зүйлийг тайл­бар­лаж байв. Зөөж, тээж болох авсаархан орон сууц үйлдвэрлэж зах зээлд нийлүүлэх бодолтой байгаа үйлд­вэрлэгч салбарын сайддаа тус орон сууцыг хэрэглэгчийн хүсэл­тээр том хэмжээгээр барьж бас зөөв­рийн хэлбэрээр ашиглаж болно. Үнэ материалын хувьд зах зээлд ха­маагүй хямд үнээр нийлүүлнэ гэж танил­цуулсан. Харин салбарын сайд Мон­гол Улсын Засгийн газрын үйл ажил­лагааны хөтөлбөрт Барилга, хот байгуулалт, орон сууцны чиг­лэ­лээр тусгасан зорилтуудыг ам­жилт­тай хэрэгжүүлж, бодитой үр дүнд хүргэхэд гадаад дотоодын хө­рөнгө оруулагчид, үндэсний үйлдвэр­лэгчид, гүйцэтгэгч аж ахуйн нэгж бай­гууллагуудын өргөн оролцоо, идэвх­тэй үйл ажиллагаа чухал үүрэг­тэй байгааг дурдаж барилгын салба­рын бизнес эрхлэгчдийг “БАРИЛГА-2012” үзэсгэлэн яармагийн үйл ажиллагаанд идэвхитэй оролцож, бизнесийн түншлэл, үйл ажиллагаагаа өргөжүүлэн, бүтээгдэхүүн, ажил үйлчилгээгээ сурталчлан, мэдээлэл солилцох таатай боломжийг үр дүнтэй ашиглахыг уриалсан юм.