Хошин шогийн авьяаслаг жүжигчдийн нэг МУГЖ Аглуу “Монгол ёсолгоо”-нд нэгджээ. Сурталчилж эхэлснээс нь хойш анхааралтай харсан тэрээр “хараад суухаар хамжилцъя” хэмээн шийджээ. Телевизийн сурталчилгааны эхний хэсэгт АУЗ Б.Лхагвасүрэн гуай тоглосон байдаг. Хоёр дахь сурталчилгаанд Олимпийн аваргууд болох Н.Түвшинбаяр, Э.Бадар-Ууган, Гавьяат тамирчин Х.Цагаанбаатар нар тоглосон. Энэхүү хоёр сурталчилгааг “Hero” студид бүтээж байсан бол МУГЖ Аглуу тэргүүтэй олны хүндлэл хүлээсэн эрхмүүд оролцох гурав дахь сурталчилгааг On’n Off продакшнд бүтээж эхлээд байна.

Тэрбээр энэ талаараа “Цаана нь ямар гүн гүнзгий утга агуулгатай байгааг ойлгож мэдсэн учир оролцохоор шийдсэн. Хараад суух биш хамжилцъя гэж бодсон. Олон түмэнд ч гэсэн ёс заншлаа дээдлэн хөгжүүлэхийг уриалж байна” хэмээсэн юм.