НҮБ-ын ЮНИСЕФ байгууллага Итали улсад буяны тусламжийн хөтөлбөр эхлүүлсэн талаар ИТАР-ТАСС бичиж байна. Лхагва гаригт болсон хөтөлбөрийн нээлтийн үеэр Итали улсад ядуурал нэмэгдэж байгаа нь насанд хүрээгүй хүүхдүүдэд хүндээр тусч байгааг албаны хүмүүс хэлсэн байна. Одоо зөвхөн хөгжиж байгаа орнуудын хүүхдүүдийн асуудал биш Италид хүртэл хүүхдүүдэд тусламж хэрэгтэй болоод байна. Хэдэн жилийн өмнө энэ тухай төсөөлдөг ч үгүй байлаа гэж хөтөлбөрийн ахлагч Жакомо Гуеррера онцолжээ.

НҮБ-ын судалгаагаар Италийн Аппенинах мужийн 1,8 сая хүүхдэд тусламж хэрэгтэй байгаа юм. Гуеррера нэмж хэлэхдээ зөвхөн цагаачид бус уугуул иргэд хүртэл ядууралд нэрвэгдээд байна. Хамгийн түрүүнд хүүхдүүд л зовдог гэжээ.

Хөтөлбөр нь үнэ төлбөргүй зөвөлгөөний төвүүд нээж, туслалцаа хэрэгтэй байгаа хүүхдүүдэд хүмүүнлэгийн тусламж цуглуулан өгөхөөр төлөвлөөд байна.