Словени улсын Парламентын албан ёсны сайтыг өчигдөр уншсан хүмүүс гайхашралд автсан гэнэ. Учир нь Парламентийн чуулганаар Холливудын од 72 настай жүжигчин Чак Норрисийг Словени улсын Зэвсэгт хүчний тэргүүнээр томилсон тухай тус сайтад мэдээлсэн байж. Гэхдээ сайтын бусад хуудсыг унших боломжгүй байжээ. Сайтын хамгаалалтын системийн доголдлыг ашиглан хакерууд нүүр хуудасны мэдээг өөрчлөн, хүмүүсийг төөрөгдүүлсэн нь энэ юм.

Энэ мэдээнээс гадна зарим нэгэн мэдээг өөрчлөн, тоглоом шоглоомын аястай болгосон гэжээ. Парламентын сайтын мэдээллийн архивийг өөрчилж чадаагүй хакерууд дараа нь системийн хамгаалалтын өөр алдааг олж, дахин “уулзахаа” амласан гэнэ.

Дашрамд, Чак Норрис нь Словенид  нэр хүндтэй бөгөөд Морава голын дээрх явган болон дугуйтай хүнд зориулсан гүүрийг түүний нэрээр нэрлэсэн ажээ. Түүнчлэн интернэт сүлжээ хэрэглэгчид Чак Норрисийн нэрийг их хэрэглэдэг гэнэ.