Чингэлтэй дүүргийн нутаг дэвсгэрт байрлах Гэсэр сүмын уулзварт том оврын автобус энэ өглөө нийт таван машиныг хаман  мөргөсөн зам тээврийн ноцтой осол гарчээ. “Тэнүүн-Огоо” компанийн 9-102 паркийн дугаартай УНБ 45-02 дугаартай автобус уг ослыг гаргасан байна.

Автобусны жолоочийн тайлбарласанаар “Тоормоз барихаа больсон” гэсэн байна. Азаар хүнд гэмтэж бэртсэн хүн байхгүй байгаа аж. Хамгийн арын мөргүүлсэн машины жолоочийн нуруу ихээр өвдөж байна хэмээн эмнэлэг рүү явсан байна. Одоогийн байдлаар ослын шалтгааныг тодруулахаар цагдаагийн ажилтнууд ажиллаж байна.