Шинэ улирал эхлэхээс өмнө хэд хэдэн асуудал дагуулаад байсан Японы сүмогийн холбоо товлосон хугацаан­даа хаврын башёг эхлүүлж чадлаа. Ингэхдээ санхүүгийн хям­ралд орсон хэвээрээ байгааг холбооны удирдлагууд мэдээлсэн. Сүмогийн тэмцээн эхэлдэг өдөр тус холбооны ерөнхий­лөгч нийт сүмоч, сүмо сонирхогч болон ояката нарын­хаа тусламж­тайгаар санхүүгийн хямралаас гарна гэдгээ илэрхийл­жээ. Энэ удаагийн башё хэд хэдэн сүмочид чухал гэд­гээрээ онцлогтой. Ингээд хаврын башёгийн гурав дахь өдрийн барилдааныг тоймлон хүргэе. Тавин хувийн амжилтаа үзүүлээгүй тохиол­долд жюүрёод унах магадлал­тай байгаа Тамаваши /2-1/ өчигдөр нутаг нэгт Шотэнрүд /2-1/ өвдөг шороодлоо. Тэгвэл башёгийн эхний өдөр урамтай барилдаж даваа авсан Асасэкирюү /1-2/ хоёр дараалан унав. Харин Маэга­ширагийн гуравт эрэмбэтэй байгаа Кёкүтэнхо /0-3/ одоогоор даваа авч амжаагүй явна. Башё эхлэхийн өмнөхөн түүний харьяалагддаг “Ошима” дэвжээ татан буугдсан. Уг нь энэ дэвжээг Кёкүтэн­хо өвлөн авах ёстой байсан. Гэвч тэрээр жюүрёод унах хүртлээ зодог тайлах бодолгүй байгаагаа илэр­хийлс­нээр дэвжээг нь татан буулга­хаас өөр аргагүйд хүрчээ. Тус дэвжээ­нээс одоогийн байдлаар таван бөх “Миягино”-д данстай болсон байна. Энэ башёд оозэки цол авах магадлал өндөртэй байгаа Какирюү /3-0/ өрсөлдөгчөө шилдэж татах /шита­тэнагэ/ мэхээр өвдөг шороодуулжээ. Ингэснээр тэрээр тэргүү­лэгчдийн эгнээнд хэвээр үлдсэн. Харүмафүжи /3-0/ нутгийн хүчтэн Токитэнкүгээр /0-3/ даваагаа ахиулав. 13-аас дээш давж түрүүлэх болзолтой Барүто өрсөлдөгчөө түвэггүйхэн унагалаа. Ингэснээр тэрээр гурван даваатай тэргүү­лэгчдийн эгнээнд байна. Түүнийг 13-аас дээш даваатай түрүүлбэл ёкозүна цол олгоно хэмээн сүмогийн холбооноос амласан. Котоошү, Кисэносато, Котошогикү нарын оозэки цолтнууд бүгд 1-2 унаатай байгаа юм. Өнгөрсөн башёд түрүүгээ алдсан 69 дэх их аварга Хакүхо алдаагаа засахын тулд нэлээд эрчимтэй бэлтгэл хийжээ. Үүнийгээ барилдаан бүр дээрээ нотолж байна. Өчигдөр Хакүхо /3-0/ ээлжит даваагаа авсан юм. Түүний гол зорилго нь хаврын башёд түрүүлж их аварга Таканоханатай амжил­таараа зэрэгцэх явдал ажээ. Гурван өдрийн дараахь байдлаар нэг ч унаагүй найман бөх байна.

Өнөөдрийн барилдаанд:

Тамаваши-Икиой
Шотэнрү-Ваканосато
Асасэкирюү-Такарафүжи
Точиновака-Харүмафүжи
Барүто-Какирюү
Кёкүтэнхо-Котошогикү
Хакүхо-Токитэнкү