Маргааш буюу гуравдугаар сарын 15-ны пүрэв гаригийн 10.00 цагт Төрийн ордны А танхимд УИХ-аас батлан гаргасан хууль, бусад шийдвэрийн хэрэгжилтийн талаар УИХ-ын Тамгын газраас яамдын төрийн нарийн бичгийн дарга нар, Засгийн газрын агентлагуудын удирдлагатай уулзалт, ярилцлага хийхээр болжээ.
УИХ-аас баталж гаргасан хуулиудын хэрэгжилт газар дээрээ тааруу, Засгийн газар хууль хэрэгжүүлэх талаар хангалтгүй ажилладаг гэх зэрэг шүүмжлэл гардаг. Тэгвэл энэ сэдвээр УИХ, Засгийн газрын холбогдох албаныхан уулзаж санал солилцох юм байна.