Өнөөдөр болох байсан Засгийн газрын ээлжит хуралдааныг хойшлуулжээ. Ерөнхий сайд С.Батболд Японд айлчилж буй тул ийнхүү өнөөдрийн хурлыг хойшлуулж ирэх баасан гаригт болгон шилжүүлсэн байна. Хоёр хоногийн дараа болох Засгийн газрын хуралдаанаар УИХ-ын ээлжит бус хуралдаанаар баталсны дагуу төрийн албан хаагчдын цалин, ахмадуудын тэтгэврийн нэмэгдлийг нөхөн олгох зэрэг асуудлыг хэлэлцэхээр төлөвлөжээ.