Автозамын газраас Улаанбаатар хотын хэмжээнд барих зам засвар, шинэчлэлийн ажлуудын төлөв­лөгөөг гаргасан байна.  Зам засварын ажил нь ирэх дөрөвдүгээр сарын нэгнээс эхлэх ажээ. Зам засварын ажлыг дүүргээр авч үзвэл:

Хан-Уул дүүрэгт Яармагийн гүүрээс Нисэхийн товчоо, Сонсголонгийн уулзвараас Яармагийн товчоо хүртэл 13.7 км авто зам, Нисэхийн товчооноос Биокомбинат, Шувуун фабрик чиглэлийн 22.5 км авто замын өргөтгөл, шинэчлэлт, Чимэд-Осорын гудамжны авто зам, Нэгдү-гээр хороо, 52-р сургуулийн арын авто зам, 28-р байрны дундуурх авто зам, ЗДТГ-ын уулзвараас хойш Дунд голын гудамж хүртэлх авто замыг засч сайжруулахаар төлөвлөжээ.

Чингэлтэй дүүргийн хувьд Дэнжийн мянгын эцсээс цааш шинээр 1.2 км зам барих бол

Баянзүрх дүүрэгт Туул жин пангийн уулзвараас зүүн тийш Цайз зах хүртэлх 2.8 км автозам, мөн Улаанхуаран Цэргийн их сур­гуу­лиас Шархадны зам хүртэлх 1.5 км замын өргөтгөл шинэчлэлийн ажил хийгдэх юм байна. Хан-Уул дүүрэгт Зайсангийн 1.7 км авто зам,

Сонгинохайрхан дүүрэгт Зүүн салааны 3.6 км авто замыг шинэчилж, шинээр 1.2 км авто зам үргэлжлүүлэн барих ажлыг гүй­цэтгэх аж.

Мөн зам засвараас гадна гүүр, замын туслах ажил буюу гэрэлтүүлэг, ус зайлуулах шугамын ажил, явган хүний зам зэрэг засвар шинэтгэлүүдийг дараах байршилд хийхээр төлөвлөөд байгаа аж. Баруун Нарангийн үерийн хамгаалалтын далан дээрх 18 метр хос бетон гүүр, Баянголын амны орон сууцны хорооллын дулааны хос шугам дээгүүр гарах замын хучилтын ажлыг хийх гэнэ. Хан-Уул дүүргийн III хороо, Энгельсийн гудамжны 0.29 км авто замын өргөтгөл, шинэч­лэлт гүйцэтгэж, Баянзүрх дүүр­гийн XXVI хороон дахь Нарны зам, «Баянмонгол» хорооллыг холбо­сон авто зам, автомашины нүхэн гар­цын хамт барьж ашиглалтад оруулахаар төлөвлөсөн байна.