Хуучирсан мэдээ: 2012.03.13-нд нийтлэгдсэн

“Долоодугаар сарын 1-ний үймээн” гэхээр зарим улстөрчийн зүрх үхэж, заримынх нь цөс  хөөр­дөг болж. Тэгвэл энэ үед “Долоо­дугаар сарын 1-ний үймээн” гэх дуулиант хэргийг өөрийн пиар бол­гон ашиглах нэгэн ч байх юм. Тэр бол Ерөнхийлөгч асан Н.Энхбаяр. Тэрбээр эл үймээн болох үед Ерөн­хийлөгчөөр ажиллаж байсан. Харин одоо бол долоодугаар сарын 1-ний үймээнтэй холбоотой хэргийн гэрч. Энэ үед цагдаагийн байгууллагыг удирдаж байсан  хүмүүсийг шүүх хурал маргааш болно. Уг шүүх хуралд Н.Энхбаяр гэрчээр дуудагдсан. Тэг­вэл олон жил төрийн эрх барьж байсан хүн гэсэндээ түүний толгой сайн ажиллажээ. Тэрбээр шүүхийн танхимд бус хэвлэл мэдээллийнхнээр дамжуулан гэр­чийн үүрэг гүйцэтгэхийг илүүд үзсэн бололтой. Н.Энхбаяр ч мөн дөө. “Долоодугаар сарын 1-тэй холбоотой нууц асуудлыг ил болгоно” гэж өчигдөр хэвлэлийнхнийг гэнэ­дүүлсэн Н.Энхбаярын урилгыг хэвлэ­лийн­хэн шүүрч авсан билээ. Харин тэр­бээр  бүхнийг  өөрийн  тооцоолсны дагуу хийж, хэвлэлийнхэнд Үндэс­ний аюулгүй байдлын зөвлө­лийн хуралдааны тэмдэглэл нэртэй мэдээ­лэл өгөөд л “гэрчийн мэдүүлэг”-ээ өндөрлөсөн юм. Тэрхүү тэмдэглэлд өөрийг нь зөвтгөсөн  мэдээлэл байсан нь мэдээжийн хэрэг байсан. Тэр яг өөрийнхөө хүссэнээр бүхнийг зохион байгуулж чадлаа. Харин маргааш болох шүүх хурал дээр юу болох бол гэдэг л сонин байна.

Р.Сарангоо

Эх сурвалж: "Улс төрийн тойм" сонин

NewsMN Гар утасны хувилбар Татах
NEWS.mn

Мэдээллийн эх сурвалж