Бараг жилийн өмнө тасарсан хэлэлцээрээ сэргээхийг Израиль, Палестин хоёр зөвшөөрч байна. Одоо тэд хэлэлцээрийн техникийн асуудлуудыг америк зуучлагч нараар дамжуулан тохирч байна. Ерөнхийлөгч Обамагийн бие төлөөлөгч Жорж Митчелл гурав хоногийн турш Раммалах, Иерусалимын хооронд зуучлан ажиллаад Вашингтонд тайлагнахаар явсан байна.
Монгол болон Чех улсын хооронд дипломат харилцаа тогтоосны 60 жилийн ойд зориулан хоёр орны бага ангийн сурагчдын дунд гар зургийн уралдааныг зарлалаа.
Оскарын хоёр удаагийн шагналт Роберт ди Ниро ”Ломбарди” кинонд Америкийн хөлбөмбөгийн нэрт дасгалжуулагч Винс Ломбарди /Vince Lombardi/-гийн дүрийг бүтээнэ. ”ESPN” телевизийн суваг энэ тухай мэдээллээ.
Эзэн Чингис хааны өлгий нутаг Хэнтий аймгийн Дадал сумын нутгийн зөвлөлөөс их хааныхаа тоонотыг хөгжүүлэх аян өрнүүлж эхэлжээ. Дадал сум эзэн хааны тоонот нутаг гэдгээрээ төдийгүй үзэсгэлэнт сайхан байгалиараа хэн бүхний харааг татах увидастай.
“G” энтертайнмент болон Реклам бүтээгчдийн холбоо, Монголын телевизүүдийн холбоо, Монголын үндэсний фм радиогийн холбоо нийгмийн сэдэвт рекламны фестивалийг зохион байгуулах гэж байна.
Дорнын их яруу найрагч, Монгол Улсын төрийн шагналт, соёлын гавьяат зүтгэлтэн Б.Явуухулангийн мэндэлсний 81 жилийн ой энэ сарын 15-нд тохиох аж. Энэ баярыг Явуугийн өдөр хэмээн нэрийдэж, ёслол төгөлдөр тэмдэглэх болсноор өдгөө арав гаруй жил болж байгаа юм байна.
Монголын урчуудын эвлэлийн уран зургийн галарейд “Эмэгтэй уран бүтээлчдийн үзэсгэлэн -2010” үзэсгэлэн өнгөрсөн амралтын өдөр нээлтээ хийсэн билээ. Үзэсгэлэнд Төрийн соёрхолт зураач С.Саранцацралт, МУЭ-ийн шагналт зураач С.Төгс-Оюун, Д.Бадам, Я.Оюунчимэг нарын 100 гаруй уран бүтээлчийн 150 бүтээл тавигджээ.
“Нийгмийн хамгааллыг дэмжих хийморьтой өглөө” ТББ-аас зудад нэрвэгдээд байгаа аймаг сумдад туслан, хандив өргөх зорилгоор “Сэтгэлийн эгшиг” хандивын тоглолтыг зохион байгуулах ажээ. Рок поп, хип хоп, хошин урлагийн оддын хамтарсан энэхүү тоглолтонд Нисванис, Татар, Fire, Lumino, A Sound, Дэлгэрмөрөн, Агиймаа, Баярцэцэг, Анхаа, Халиун зэрэг олон хамтлаг дуучид ая дуугаа өргөх юм.
Индонезийн тусгай албаныхан Жакарта хотын захын дүүрэгт хэт даврагчидтай буудалцахдаа “Жемаа Исламии” бүлгийн лидерүүдийн нэг Дулматин (Dulmatin) гэгчийг устгажээ. Дулматин 2002 онд Бали аралд зохион байгуулсан дэлбэрэлтэд хамаатай гэгддэг ба тэрхүү аллагат гадаадын жуулчид голдуу 200 гаруй хүн амиа алдсан юм.
“Үндсэн хууль гэнэ ээ? Оросын хаан ямар нэгэн малнуудад тангараглах хэрэг үү?”
(Эзэн хаан III Александр 1845 оны гуравдугаар сарын 10-нд төржээ)
