Сомалийн эрэг хавийн усан хилд Европын орнуудын тэнгисийн цэргийн хөлөг онгоцууд Сомалийн далайн дээрэмчидтай дөрвөн удаа буудалцлаа. Дээрэмчдын бүх довтолгоог няцааж тэднээс 10 хүнийг барьсан байна.
Монгол Улсын Ерөнхий сайд С.Батболд 2010 оны гуравдугаар сарын 8-9-нд Австри улсад айлчилна. Тэрбээр Бүгд Найрамдах Австри Улсын Вена хотноо байрлах НҮБ-ын төв, НҮБ-ын Үйлдвэр хөгжлийн байгууллага, Олон улсын атомын энергийн агентлаг, Европын аюулгүй байдал, хамтын ажиллагааны байгууллагын удирдлагатай уулзана.
Монгол Улсын боловсролын их сургуулийн Монгол судлалын сургуулиас хоёр жилд нэг удаа зохион байгуулдаг шүлэг, яруу найргийн “Янжинлхам” улсын уралдаан ирэх сарын эхээр болно. Их, дээд сургууль, коллежийн шүлэг, яруу найраг сонирхдог оюутан, залуучууд шилдэг шүлгээ сойх боломжтой юм.
Бүх Хятадын ардын төлөөлөгчдийн чуулганын (БХАТЧ) Байнгын хорооны дарга У Банга, Ардын улс төрийн зөвлөлдөх Хятадын зөвлөлийн Бүх Хятадын хорооны (АУТЗХЗБХХ) дарга Цзя Цинлинь, Хятадын коммунист намын Төв хорооны Байнгын хорооны дарга Ли Чанчунь, БНХАУ-ын орлогч дарга Си Цзиньпин нар БХАТЧ-ны 5-ны өглөөний хуралдаан дээр БНХАУ-ын Төрийн зөвлөлийн Ерөнхий сайд Вэнь Жябаогийн тавьсан илтгэлийг Аньхой, Бээжин, Сычуань ба Шанхай төлөөлөгч нартай хамт хэлэлцэн ярилцав.
Их Британийн загвар өмсөгч 39 настай загвар өмсөгч Наоми Кэмпбэлл урьд нь гэрийн үйлчлэгчдээ гар хүрч таван өдөр олон нийтийн ажил хийхээр шийтгүүлсэн. Мөн тэрбээр уур уцаараа барьж сурах хичээлд явж байсан юм. 2008 онд Английн нисэх онгоцны буудалд танхайран, цагдаагийн ажилтантай ам зөрж 200 цаг олон нийтийн ажил хийж байсан байна.
АНУ-ын поп од Lady Gaga Их Британид Monster Ball аялан тоглолтоо хийхээр боллоо. Тоглолтын тасалбар аль хэдийнэ зарагдаж дууссан бөгөөд үнийг нь хоёр дахин нугалж, шагийн үнээр зарж байгаа аж. Өөрийн гэсэн өвөрмөц хоолой, дүр төрхөөрөө стиль имижээ бүрдүүлж чадсан тэрбээр Их Британийн Brit-Award шагнал гардуулах ёслолоос шагнал хүртсэн нь английн үзэгчид түүний улаан фэн болсныг гэрчилж байна.
Гуравдугаар сарын 7-ны баярууд
Британийн Виргинийн арлууд далайн чанадын нутаг дэвсгэрийн анхны бие даасан гол сайд Лэвити Стаутын төрсөн өдрийг тэмдэглэдэг. Тэр хүн Виргинийн арлуудыг оффшорын диваажин болгосон юм.
ОХУ-ын элчин сайд орос хэл дээр сургалт явуулдаг сургуулиудтай хамтран ”Еремей” хааны домог мюзикл жүжгийг орос хэл дээр тавихаар зэхэж байгаа аж. Түүнчлэн БСШУЯ-наас ОХУ-ын Санкт-Петербург хотноо дөрвөн жилийн гэрээгээр 100 хувийн тэтгэлэгт хамруулан арван хүүхдийг хүүхэлдэйн театрын мэргэжлээр суралцуулахаар болжээ.
“Paramount pictures” кино компанийн толилуулж буй ХАРААЛ ИДСЭН АРАЛ /SHUTTER ISLAND/ триллер нь өнгөрсөн сарын 12-нд дэлхий нийтээр нээлтээ хийсэн билээ. Уг кино нь Box Office-ын шилдэг 10 киноны тэргүүн байранд шалгарч байсан ба гол дүрд алдарт жүжигчин Леонардо Ди Каприо тоглосон ажээ. Киноны найруулагчаар Мартин Скорсез ажилласан бөгөөд тэрбээр киноны зураг авалт нилээд амаргүй байсныг дурьдсан юм.
“Universal pictures” кино компаны толилуулж буй “ХҮН ЧОНО” /WOLFMAN/ аймшгийн адал явдалт бүрэн хэжээний уран сайхны кино нь өнгөрсөн сарын 12-нд дэлхийн нээлтээ хийжээ. Кино урлагийг дэмжигч байгууллага “Тэнгис” кино театр нь энэ сарын 3-аас эхлэн үзэгч олондоо зориулаад энэхүү онц сонирхолтой уран сайхны киног өргөн бариад байгаа билээ.
