Оросын Ерөнхийлөгч Дмитрий Медведев өнгөрсөн баасан гаригт Украины Ерөнхийлөгч Виктор Януковичийг Кремльд хүлээн авлаа. Оросууд өмнөх Ерөнхийлөгч Виктор Ющенког огт урьж байгаагүйгээс гадна түүнийг Оросын эсрэг үйл ажиллагаа явуулж байна гээд хамтран ажиллахаас татгалзаж байлаа.

Монгол Улсын Ерөнхий сайд С.Батболд өнгөрсөн баасан гаригт Нийгмийн хамгаалал, хөдөлмөрийн сайд Т.Ганди, Хөдөлмөр, халамж үйлчилгээний газрын дарга Д.Баярсайхан, Улсын бүртгэлийн газрын дарга Л.Мөнхбаатар болон албаны бусад хүнийг хүлээн авч уулзан “Хүний хөгжил сан”-гаас иргэдэд хишиг, хувь хүртээх ажлын явц, үр дүнгийн талаар мэдээлэл сонсов.

Нийслэлийн Эрүүл мэндийн газрын дарга Ц.Ганхүүг албан тушаалаас нь чөлөөлөх асуудал хөндөгдөж эхэлжээ. Өнгөрсөн долоо хоногийн Засгийн газрын ээлжит хуралдаанд Мэргэжлийн хяналтын ерөнхий газрын дарга нийслэлийн амаржих газруудад үүсээд байгаа асуудалтай холбогдуулж, мэдээлэл хийсэн.

Завхан аймгийн хэмжээнд дөрвөн сум гамшгийн, 16 сум зудтай гэсэн ангилалд багтаад байгааг Онцгой байдлын ерөнхий газраас зарласны дагуу өнгөрсөн хугацаанд олон улсын байгууллага болон Засгийн газрын хандив тусламж тус аймагт нэлээдгүй хүрчээ.

Цэнхэр өнгө шөнийн жижүүр хийдэг хүмүүст тусладаг болохыг эрдэмтэд тогтоов. Хөх өнгийн гэрэлтүүлэгтэй байсан хүмүүс ногоон гэрэлд байсан хүмүүсээс илүүтэй сэргэлэн байв. Цэнхэр өнгө нь нойрыг хөөхөд тустай байлаа. Сүүлийн үед эрдэмтэд өнгө хэрхэн нойронд нөлөөлөхийг сайтар судалсан ба өнгө хүлээн авах мэдрэлийн цэгүүд нь хараанаас тусдаа байдгийг тэд тогтоож өгсөн байна. Хараагүй хүмүүст ч өнгө хүлээн авах мэдрэлийн цэгүүд нь ажиллаж, тэд организмын дотоод цагийг зохицуулж байдаг.

Монголын үндэсний худалдаа аж үйлдвэрийн танхимын National Exhibition and Convention Centre үзэсгэлэнгийн танхимд энэ сарын 11-17-нд Монголын арьс шир, ноос ноолуурын бүтээгдхүүнийн загварын долоо хоног үзэсгэлэнг анх удаагаа зохиох гэж байна.

Өнгөрсөн долоо хоногийн сүүлийн өдрийн арилжаагаар Нью-Йоркийн хөрөнгийн бирж дээр WTI маркийн нефтийн дөрөвдүгээр сарын нийлүүлэлтийн нэг баррелийн үнэ 80,68 ам.доллараар зарагдлаа. Хятадаас ирсэн мэдээ нефтийн үнийг өсгөсөн байна.

Оскарын ёслолыг зохион байгуулагчид Саша Барон Коэнийг шагнал гардуулах хөтлөгчдийн нэгэнд оруулсан. Гэвч тэд энэ шийдвэрээ эргэн харахад хүрчээ. Зохион байгуулагчид Коэнийг шууд нэвтрүүлгийн тайзан дээрээс Жеймс Камероныг гомдоох вий гэдгээс айж байна.

Жонни Депп нь ”Карибын тэнгисийн дээрэмчид” киноноос татгалзах бодолгүй байна. Өмнө нь олон нийтийн мэдээллийн хэрэгслүүдээр ташаа мэдээлэл тарж байсан билээ.

Америкийн кино академийн шагнал гардуулах ёслол хаяанд ирлээ. ”Оскар” ойртох тусам гол нэр дэвшигчдийн төлөөх ашиг сонирхлын тэмцэл ил, далд үргэлжилж байна. Гэхдээ энэ бүхэн хүмүүсийн анхаарлыг татахаас хэтрэхгүй бөгөөд шалгаруулалтад нөлөөлөх боломжгүй гэж зохион байгуулагчид хэлдэг.