ᠳᠣᠷᠤᠨᠠᠭᠤᠪᠢ ᠠᠢᠮᠠᠭ ᠤᠨ ᠶᠡᠬᠡᠬᠡᠲᠡ ᠰᠤᠮᠤ ᠶᠢᠨ ᠮᠠᠯᠴᠢᠨ ᠰᠠᠩᠵᠠᠰᠦ᠋ᠷᠤᠩ ᠤᠨ ᠰᠡᠯᠡᠩᠭᠡ ᠬᠡᠦᠬᠡᠳ ᠪᠠᠯᠴᠢᠷ ᠨᠠᠰᠤ ᠠᠴᠠ ᠪᠠᠨ ᠡᠬᠢᠯᠡᠨ ᠡᠮᠨᠢᠭ ᠰᠤᠷᠭᠠᠵᠤ ᠂ ᠬᠤᠷᠳᠤᠨ ᠮᠣᠷᠢ ᠤᠨᠤᠵᠤ ᠮᠠᠯ ᠮᠠᠯᠯᠠᠵᠤ ᠥᠰᠴᠡᠢ ᠃ ᠡᠳᠦᠭᠡ ᠲᠡᠷᠡ ᠪᠡᠷ ᠮᠣᠷᠢ ᠪᠠᠨ ᠤᠨᠤᠵᠤ ᠮᠠᠯ ᠰᠦᠷᠦᠭ ᠢᠶᠡᠨ ᠥᠰᠬᠡᠨ ᠦᠷᠡᠵᠢᠭᠦᠯᠵᠦ ᠂ ᠥᠪ ᠰᠣᠶᠣᠯ ᠢᠶᠠᠨ ᠲᠡᠭᠡᠭᠡᠵᠦ ᠂ ᠡᠷᠭᠢᠬᠦ ᠳᠥᠷᠪᠡᠨ ᠴᠠᠭ ᠤᠨ ᠡᠷᠭᠢᠯᠲᠡ ᠳᠤ ᠠᠵᠢᠯᠯᠠᠵᠤ ᠂ ᠬᠥᠳᠡᠯᠮᠦᠷᠢᠯᠡᠬᠦ ᠶᠢᠨ ᠰᠠᠢᠬᠠᠨ ᠢ ᠪᠤᠰᠤᠳ ᠲᠤ ᠲᠦᠭᠡᠭᠡᠵᠦ ᠶᠠᠪᠤᠨ᠎ᠠ ᠃ ᠲᠡᠷᠡ ᠪᠡᠷ᠄ 《 ᠪᠢ ᠬᠥᠳᠡᠭᠡ ᠲᠥᠷᠥᠵᠦ ᠂ ᠬᠥᠳᠡᠭᠡ ᠥᠰᠦᠭ᠍ᠰᠡᠨ ᠃ ᠨᠤᠲᠤᠭ ᠤᠨ ᠢᠶᠠᠨ ᠴᠡᠩᠭᠡᠭ ᠠᠭᠠᠷ ᠂ ᠨᠠᠷᠠ ᠰᠠᠯᠬᠢᠨ ᠳᠤ ᠬᠡᠳᠦᠨ ᠮᠠᠯ ᠤᠨ ᠢᠶᠠᠨ ᠵᠠᠬ᠎ᠠ ᠳᠤ ᠪᠠᠢᠬᠤ ᠨᠢ ᠮᠢᠨᠤ ᠬᠠᠮᠤᠭ ᠤᠨ ᠳᠤᠷᠠᠲᠠᠢ ᠠᠵᠢᠯ ᠂ ᠡᠭᠦᠨ ᠠᠴᠠ ᠥᠭᠡᠷ᠎ᠡ ᠵᠢᠷᠭᠠᠯ  ᠬᠠᠮᠢᠭ᠎ᠠ ᠪᠠᠢᠬᠤᠪ 》 ᠬᠡᠮᠡᠨ ᠶᠠᠷᠢᠭ᠌ᠰᠠᠨ ᠶᠤᠮ ᠃

ᠮᠠᠯ ᠮᠠᠯᠯᠠᠬᠤ ᠶᠢᠨ ᠬᠠᠵᠠᠭᠤ ᠪᠠᠷ ᠦᠢᠯᠡ ᠤᠷᠠᠯᠠᠬᠤ ᠂ ᠱᠠᠭᠯᠠᠬᠤ ᠂ ᠵᠡᠭᠦᠦ ᠣᠷᠢᠶᠠᠬᠤ ᠂ ᠮᠠᠯ ᠤᠨ ᠢᠶᠠᠨ ᠨᠣᠣᠰᠣ ᠪᠠᠷ ᠭᠡᠷ ᠤᠨ ᠴᠢᠭ᠌ᠳᠠᠭ᠎ᠠ ᠂ ᠳᠡᠭᠡᠰᠦ ᠲᠠᠮᠤᠬᠤ ᠂ ᠢᠰᠡᠭᠡᠢ ᠰᠢᠷᠢᠮᠡᠯ ᠣᠶᠣᠬᠤ ᠂ ᠲᠣᠷᠤᠮ ᠤᠨ ᠨᠣᠣᠰᠣ ᠪᠡᠷ ᠢᠰᠡᠭᠡᠢ ᠭᠤᠲᠤᠯ ᠂ ᠪᠦᠷᠢᠶᠡᠰᠦ ᠲᠤᠭᠤᠷᠭᠠᠨ ᠤ ᠵᠡᠭᠡᠭ ᠬᠢᠬᠦ ᠂ ᠬᠦᠭᠡᠷᠭᠡᠨ ᠤ ᠲᠡᠯᠢᠩ ᠤᠷᠠᠯᠠᠬᠤ ᠭᠡᠳ ᠲᠡᠭᠦᠨ ᠤ ᠠᠵᠢᠯ ᠳᠠᠭᠤᠰᠬᠤ ᠦᠭᠡᠢ ᠃ ᠡᠨᠡ ᠠᠵᠢᠯ ᠢ ᠬᠢᠭ᠍ᠰᠡᠨ ᠢᠶᠡᠷ ᠢᠶᠡᠨ ᠲᠡᠷᠡ ᠪᠡᠷ ᠥᠪ ᠰᠣᠶᠣᠯ ᠢ ᠲᠡᠭᠡᠭᠡᠭ᠍ᠴᠢ ᠪᠣᠯᠵᠤ ᠪᠠᠢᠨ᠎ᠠ ᠃

ᠲᠡᠭᠦᠨ ᠤ ᠠᠵᠢᠯ ᠦᠦᠷ ᠤᠨ ᠭᠡᠭᠡᠨ ᠡᠴᠡ ᠦᠳᠡᠰᠢ ᠶᠢᠨ ᠪᠦᠷᠦᠢ ᠵᠠᠷᠢᠮ ᠳᠠᠭᠠᠨ ᠰᠥᠨᠢ ᠳᠤᠮᠳᠠ ᠬᠦᠷᠳᠡᠯ᠎ᠠ ᠦᠷᠭᠦᠯᠵᠢᠯᠡᠨ᠎ᠡ ᠃ ᠥᠭᠡᠳᠡᠯᠡᠬᠦ ᠠᠢᠯ ᠡᠭᠦᠳᠡ ᠠᠴᠠ ᠯᠡ ᠮᠡᠳᠡᠷᠡᠭ᠍ᠳᠡᠳᠡᠭ ᠃ ᠵᠣᠷᠢᠭᠠᠳ ᠣᠴᠢᠬᠤ ᠳᠤ ᠮᠠᠯ ᠤᠨ ᠬᠠᠰᠢᠶ᠎ᠠ ᠂ ᠬᠣᠷᠣᠭ᠎ᠠ ᠪᠠᠭᠤᠴᠠ ᠴᠡᠪᠡᠷ ᠴᠡᠮᠴᠡᠭᠡᠷ ᠂ ᠪᠥᠷᠲᠥᠢᠬᠦ ᠴᠤ ᠬᠣᠭ ᠦᠭᠡᠢ ᠂ ᠭᠡᠷ ᠲᠤ ᠭᠠᠳᠠᠭ᠎ᠠ ᠪᠦᠬᠦᠨ ᠡᠮᠬᠢ ᠴᠡᠭ᠍ᠴᠡ ᠲᠠᠢ ᠪᠠᠢᠬᠤ ᠨᠢ ᠲᠡᠭᠦᠨ ᠢ ᠶᠠᠮᠠᠷ ᠬᠦ ᠠᠵᠢᠯᠰᠠᠭ ᠬᠥᠮᠥᠨ ᠪᠤᠢ  ᠭᠡᠳᠡᠭ ᠢ ᠢᠯᠡᠳᠬᠡᠨ᠎ᠡ ᠃ ᠦᠬᠡᠷ ᠢᠶᠡᠨ ᠰᠠᠭᠠᠵᠤ ᠂ ᠴᠠᠭᠠᠨ ᠢᠳᠡᠭᠡ ᠪᠠᠨ ᠬᠢᠬᠦ ᠂ ᠬᠣᠨᠢ ᠪᠠᠨ ᠨᠣᠣᠰᠣᠯᠠᠬᠤ ᠂ ᠢᠮᠠᠭ᠎ᠠ ᠪᠠᠨ ᠰᠠᠮᠨᠠᠬᠤ ᠭᠡᠳ ᠲᠡᠭᠦᠨ ᠤ ᠠᠵᠢᠯ ᠤᠨᠳᠤᠷᠤᠨ᠎ᠠ ᠃ ᠵᠣᠷᠢᠵᠤ ᠣᠴᠢᠵᠤ ᠠᠭᠤᠯᠵᠠᠬᠤ ᠠᠴᠠ ᠨᠠᠰᠢ ᠣᠯᠳᠠᠬᠤ ᠦᠭᠡᠢ ᠲᠡᠢᠢᠮᠦ ᠯᠡ ᠠᠵᠢᠯᠰᠠᠭ ᠬᠥᠮᠥᠨ ᠭᠡᠵᠦ  ᠨᠤᠲᠤᠭ ᠤᠨ ᠬᠢᠨ ᠨᠢ ᠶᠠᠷᠢᠬᠤ ᠃

ᠲᠡᠷᠡ ᠲᠥᠪ ᠪᠠᠷᠠᠭᠠᠳᠠᠵᠤ ᠂ ᠰᠠᠭᠤᠷᠢᠨ ᠠᠮᠢᠳᠤᠷᠠᠯ ᠳᠤ ᠪᠡᠶ᠎ᠡ ᠠᠮᠤᠷ ᠠᠵᠤ ᠲᠥᠷᠥᠵᠦ ᠪᠣᠯᠬᠤ ᠴᠤ ᠡᠳᠦᠷ ᠲᠤᠲᠤᠮ ᠠᠯᠤᠰᠷᠠᠨ ᠣᠳᠴᠤ ᠪᠤᠶ ᠨᠡᠭᠦᠳᠡᠯ ᠤᠨ ᠰᠣᠶᠣᠯ ᠂ ᠵᠠᠩ ᠵᠠᠩᠰᠢᠯ ᠂ ᠤᠯᠠᠮᠵᠢᠯᠠᠯ ᠂ ᠮᠠᠯ ᠠᠵᠤ ᠠᠬᠤᠢ ᠪᠠᠨ ᠥᠰᠬᠡᠨ ᠦᠷᠡᠵᠢᠭᠦᠯᠬᠦ ᠠᠷᠭ᠎ᠠ ᠤᠬᠠᠭᠠᠨ ᠡᠪᠦᠭᠡᠳ ᠡᠴᠡ ᠦᠯᠡᠳᠡᠭ᠍ᠰᠡᠨ ᠰᠠᠢᠨ ᠰᠠᠢᠬᠠᠨ ᠪᠦᠬᠦᠨ ᠢ ᠭᠡᠭᠡᠬᠦ ᠶᠢ ᠬᠦᠰᠡᠬᠦ ᠦᠭᠡᠢ ᠪᠠᠢᠭ᠎ᠠ ᠶᠤᠮ ᠃ ᠨᠡᠭᠦᠳᠡᠯ ᠤᠨ ᠮᠠᠯᠴᠢ ᠤᠬᠠᠭᠠᠨ ᠂ ᠥᠪ ᠰᠣᠶᠣᠯ ᠂ ᠤᠯᠠᠮᠵᠢᠯᠠᠯ ᠢᠶᠠᠨ ᠳᠡᠭᠡᠳᠦᠯᠡᠭ᠍ᠰᠡᠨ ᠡᠢᠮᠦ ᠨᠢᠭᠡᠨ ᠮᠠᠯᠴᠢᠨ ᠪᠦᠰᠡᠭᠦᠢ ᠭᠣᠪᠢ ᠶᠢᠨ ᠠᠭᠤᠳᠠᠮ ᠲᠠᠯ᠎ᠠ ᠳᠤ ᠮᠠᠯ ᠢᠶᠠᠨ ᠮᠠᠯᠯᠠᠨ ᠨᠤᠲᠤᠭ ᠲᠤ ᠪᠠᠨ ᠡᠵᠡᠨ ᠪᠣᠯᠵᠤ ᠠᠮᠢᠳᠤᠷᠠᠵᠤ ᠪᠠᠢᠨ᠎ᠠ ᠃ ­