ᠮᠣᠩᠭᠣᠯ ᠤᠯᠤᠰ ᠤᠨ ᠬᠥᠳᠡᠯᠮᠦᠷᠢ ᠶᠢᠨ ᠪᠠᠭᠠᠲᠤᠷ᠂ ᠠᠷᠠᠳ ᠤᠨ ᠵᠦᠴᠦᠭᠡᠴᠢᠨ ᠪ ∙ ᠵᠠᠩᠭᠠᠳ ᠠᠷᠠᠳ ᠲᠦᠮᠡᠨ ᠦ ᠳᠠᠭᠤᠯᠠᠬᠤ ᠳᠤᠷᠠᠲᠠᠢ 《ᠲᠤᠩᠭᠠᠯᠠᠭ ᠪᠤᠶᠠᠨᠲᠤ》ᠳᠠᠭᠤᠤ ᠶᠢ ᠠᠩᠬᠠ ᠳᠠᠭᠤᠯᠠᠵᠤ᠂ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠣᠯᠭᠠᠭᠰᠠᠨ ᠠᠴᠠ ᠬᠣᠶᠢᠰᠢ 70 ᠵᠢᠯ ᠥᠩᠭᠡᠷᠡᠴᠡᠢ᠃
70 ᠵᠢᠯ ᠦᠨ ᠣᠢ ᠶᠢᠨ ᠬᠦᠨᠳᠦᠳᠬᠡᠯ ᠦᠨ ᠠᠭᠤᠯᠵᠠᠯᠲᠠ ᠲᠣᠭᠯᠠᠯᠲᠠ ᠥᠨᠥᠳᠥᠷ ᠤᠯᠤᠰ ᠤᠨ ᠹᠢᠯᠠᠷᠮᠣᠨᠢ ᠳᠤ ᠪᠣᠯᠤᠯᠠ᠃
ᠡᠨᠡ ᠦᠶᠡ ᠪᠡᠷ ᠪ ∙ᠵᠠᠩᠭᠠᠳ ᠳᠠᠭᠤᠴᠢᠨ ᠤ ᠤᠷᠠᠨ ᠪᠦᠲᠦᠭᠡᠯ᠂ ᠨᠠᠮᠲᠠᠷ ᠤᠨ《ᠠᠶᠠ ᠳᠠᠭᠤᠤ᠂ ᠠᠶᠢᠵᠠᠮ᠂ ᠡᠭᠡᠰᠢᠭ ᠦᠨ ᠨᠣᠶᠠᠨ ᠰᠦᠮᠪᠦᠷ ᠣᠷᠭᠢᠯ》ᠨᠣᠮ ᠤᠨ ᠨᠡᠭᠡᠭᠡᠯᠲᠡ ᠪᠣᠯᠤᠭᠰᠠᠨ ᠶᠤᠮ᠃ ᠴ∙ᠪᠠᠯᠳᠠᠨ ᠦᠭᠡ ᠶᠢ ᠪᠢᠴᠢᠵᠦ᠂ ᠳ ∙ᠯᠾᠠᠰᠢᠳ ᠠᠶᠠ ᠶᠢ ᠵᠣᠬᠢᠶᠠᠭᠰᠠᠨ 《ᠲᠤᠩᠭᠠᠯᠠᠭ ᠪᠤᠶᠠᠨᠲᠤ》ᠳᠠᠭᠤᠤ ᠶᠢ ᠠᠩᠬᠠ 1954 ᠣᠨ ᠳᠤ ᠤᠯᠠᠭᠠᠨᠪᠠᠭᠠᠲᠤᠷ ᠬᠤᠲᠠ ᠳᠤ ᠪᠣᠯᠤᠭᠰᠠᠨ ᠬᠣᠪᠳᠣ ᠠᠶᠢᠮᠠᠭ ᠤᠨ ᠰᠤᠶᠤᠯ ᠤᠨ ᠡᠳᠦᠷ ᠦᠳ ᠢᠶᠠᠷ ᠠᠩᠬᠠ ᠳᠠᠭᠤᠯᠠᠵᠤ ᠲᠦᠮᠡᠨ ᠦ ᠬᠦᠷᠲᠡᠭᠡᠯ ᠪᠣᠯᠭᠠᠭᠰᠠᠨ ᠲᠤᠬᠠᠢ ᠪ ∙ ᠵᠠᠩᠭᠠᠳ ᠳᠠᠭᠤᠴᠢᠨ ᠳᠤᠷᠠᠰᠪᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠦ ᠳᠠᠭᠤᠴᠢᠨ ᠮᠠᠨᠢ ᠬᠣᠪᠳᠣ ᠠᠶᠢᠮᠠᠭ ᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ 8 ᠳ᠋ᠤᠭᠠᠷ ᠠᠩᠬᠢ ᠶᠢᠨ ᠰᠤᠷᠤᠭᠴᠢ ᠪᠠᠢᠵᠠᠢ᠃
