ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠰᠠᠯᠪᠤᠷᠢ ᠶᠢᠨ ᠰᠢᠨᠡᠴᠢᠯᠡᠯ ᠦᠨ ᠬᠦᠷᠢᠶᠡᠨ ᠳᠦ ᠵᠠᠶᠢᠯᠠᠰᠢ ᠦᠭᠡᠢ ᠬᠢᠭᠳᠡᠬᠦ ᠱᠠᠭᠠᠷᠳᠠᠯᠭᠠ ᠲᠠᠢ ᠠᠵᠢᠯ ᠤᠳ ᠤᠨ ᠨᠢᠭᠡ ᠨᠢ ᠮᠣᠩᠭᠣᠯ ᠤᠯᠤᠰ ᠲᠤ ᠣᠨᠣᠰᠢᠯᠠᠭᠳᠠᠵᠤ᠂ ᠡᠮᠴᠢᠯᠡᠭᠳᠡᠬᠦ ᠪᠣᠯᠤᠮᠵᠢ ᠦᠭᠡᠢ ᠡᠪᠡᠳᠴᠢᠨ ᠢ ᠣᠨᠣᠰᠢᠯᠠᠵᠤ ᠡᠮᠴᠢᠯᠡᠳᠡᠭ ᠪᠣᠯᠬᠤ ᠶᠤᠮ᠃ ᠡᠨᠡ ᠬᠦᠷᠢᠶᠡᠨ ᠳᠦ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ᠂ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠰᠠᠶᠢᠳ ᠲ ∙ ᠮᠥᠩᠬᠡᠰᠠᠶᠢᠬᠠᠨ ᠤ ᠰᠠᠨᠠᠭᠠᠴᠢᠯᠠᠭᠠ ᠪᠠᠷ 2024 ᠤᠨ ᠳᠤ ᠪᠠᠨ ᠪᠠᠭᠲᠠᠭᠠᠨ ᠥᠨᠳᠥᠷ ᠬᠥᠭᠵᠢᠯᠲᠡᠢ ᠤᠯᠤᠰ ᠣᠷᠣᠨ ᠳᠤ ᠲᠤᠬᠠᠢ ᠶᠢᠨ ᠴᠢᠭᠯᠡᠯ ᠢᠶᠡᠷ ᠲᠡᠷᠢᠭᠦᠯᠡᠳᠡᠭ ᠡᠮᠨᠡᠯᠭᠡ᠂ ᠶᠡᠬᠡ ᠰᠤᠷᠭᠠᠭᠤᠯᠢ ᠳᠤ 12 ᠦᠨᠳᠦᠰᠦᠨ ᠦ ᠪᠠᠭ ᠢ ᠴᠢᠳᠠᠪᠬᠢᠵᠢᠭᠤᠯᠬᠤ ᠪᠠᠷ ᠪᠣᠯᠤᠯᠠ᠃ ᠡᠭᠦᠨ ᠦ ᠦᠷᠡ ᠳ᠋ᠦᠩ ᠳᠦ ᠮᠣᠩᠭᠣᠯ ᠤᠯᠤᠰ ᠲᠤ ᠡᠮᠴᠢᠯᠡᠬᠦ ᠪᠣᠯᠤᠮᠵᠢ ᠦᠭᠡᠢ ᠡᠪᠡᠳᠴᠢᠨ ᠦ ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠭᠰᠠᠨ 25 ᠡᠪᠡᠳᠴᠢᠨ ᠡᠴᠡ ᠳᠠᠷᠠᠭᠠᠬᠢ ᠡᠪᠡᠳᠴᠢᠨ ᠨᠦᠭᠦᠳ ᠢ ᠡᠬᠡ ᠣᠷᠣᠨ ᠳᠤ ᠪᠠᠨ ᠣᠨᠣᠰᠢᠯᠠᠵᠤ᠂ ᠡᠮᠴᠢᠯᠡᠬᠦ ᠪᠣᠯᠤᠮᠵᠢ ᠪᠥᠷᠢᠳᠦᠨᠡ᠃ ᠲᠡᠳᠡᠭᠡᠷ ᠨᠢ᠄
ᠲᠠᠷᠢᠬᠢ ᠨᠤᠭᠤᠰᠤᠨ ᠤ ᠭᠦᠨ ᠦ᠂ ᠲᠥᠪᠡᠭ ᠲᠡᠢ ᠪᠠᠶᠢᠷᠢᠯᠠᠯ ᠲᠠᠢ ᠨᠡᠪᠴᠢᠭᠰᠡᠨ᠂ ᠮᠡᠰᠡ ᠵᠠᠰᠠᠯ ᠢᠶᠠᠷ ᠠᠪᠬᠤ ᠪᠣᠯᠤᠮᠵᠢ ᠦᠭᠡᠢ ᠪᠣᠯᠤᠨ ᠪᠤᠰᠤᠳ ᠠᠵᠢᠯᠯᠠᠪᠤᠷᠢ ᠡᠮᠴᠢᠯᠡᠭᠡ ᠱᠠᠭᠠᠷᠳᠠᠭᠳᠠᠬᠤ ᠬᠠᠪᠤᠳᠠᠷ᠂ ᠬᠠᠪᠤᠳᠠᠷ ᠲᠥᠰᠲᠦ ᠡᠮᠭᠡᠭ ᠦᠨ ᠮᠡᠰᠡ ᠵᠠᠰᠠᠯ᠂ ᠡᠮᠴᠢᠯᠡᠭᠡ
ᠮᠧᠨᠢᠶᠧᠷ ᠤᠨ ᠡᠪᠡᠳᠴᠢᠨ ᠦ ᠬᠦᠨᠳᠦ ᠬᠡᠯᠪᠡᠷᠢ ᠶᠢᠨ ᠦᠶᠡ ᠶᠢᠨ ᠮᠡᠰᠡ ᠵᠠᠰᠠᠯ ᠡᠮᠴᠢᠯᠡᠭᠡ
ᠬᠡᠦᠬᠡᠳ ᠦᠨ ᠬᠦᠨᠳᠦ ᠬᠡᠯᠪᠡᠷᠢ ᠶᠢᠨ ᠵᠢᠷᠦᠬᠡᠨ ᠦ ᠲᠥᠷᠥᠯᠬᠢ ᠶᠢᠨ ᠭᠠᠵᠢᠭ ᠢ ᠡᠮᠴᠢᠯᠡᠬᠦ ᠮᠡᠰᠡ ᠵᠠᠰᠠᠯ
ᠵᠢᠷᠦᠬᠡᠨ ᠦ ᠲᠢᠲᠢᠮ ᠰᠤᠳᠠᠰᠤᠨ ᠤ ᠬᠦᠨᠳᠦ ᠬᠡᠯᠪᠡᠷᠢ ᠶᠢᠨ ᠨᠠᠷᠢᠰᠤᠯ᠂ ᠰᠤᠳᠠᠰᠤᠨ ᠤ ᠳ᠋ᠢᠰᠫᠯᠠᠽᠢ ᠡᠮᠴᠢᠯᠡᠭᠡ
ᠭᠣᠣᠯ ᠰᠤᠳᠠᠰᠤᠨ ᠤ ᠬᠦᠨᠳᠦ ᠬᠡᠯᠪᠡᠷᠢ ᠶᠢᠨ ᠴᠦᠯᠬᠡᠨ᠂ ᠬᠠᠤᠯᠠᠷᠠᠯᠲᠠ ᠶᠢᠨ ᠡᠮᠴᠢᠯᠡᠭᠡ
ᠲᠣᠯᠣᠭᠠᠢ᠂ ᠬᠦᠵᠦᠭᠦᠨ ᠦ ᠡᠷᠬᠡᠲᠡᠨ ᠦ ᠰᠣᠭᠣᠭ ᠢ ᠮᠡᠰᠡ ᠵᠠᠰᠠᠯ ᠪᠣᠯᠤᠨ ᠰᠣᠭᠣᠭ ᠵᠠᠰᠠᠯ ᠤᠨ ᠴᠣᠭᠴᠠ ᠠᠷᠭᠠ ᠪᠠᠷ ᠨᠥᠬᠥᠨ ᠰᠡᠷᠭᠦᠭᠡᠬᠦ ᠡᠮᠴᠢᠯᠡᠭᠡ
ᠨᠢᠷᠤᠭᠤᠨ ᠤ ᠬᠦᠨᠳᠦ ᠬᠡᠯᠪᠡᠷᠢ ᠶᠢᠨ ᠮᠤᠷᠤᠢᠯᠲᠠ ᠪᠣᠯᠤᠨ ᠨᠤᠭᠤᠯᠤᠮᠠ ᠶᠢᠨ ᠦᠶᠡ ᠰᠣᠯᠢᠬᠤ ᠮᠡᠰᠡ ᠵᠠᠰᠠᠯ
ᠳᠤᠤᠷᠠᠳᠤ ᠮᠦᠴᠢ ᠶᠢᠨ ᠲᠥᠷᠥᠯᠬᠢ ᠶᠢᠨ ᠬᠦᠨᠳᠦ ᠬᠡᠯᠪᠡᠷᠢ ᠶᠢᠨ ᠰᠣᠭᠣᠭ ᠤᠳ᠂ ᠭᠡᠮᠲᠦᠯ ᠦᠨ ᠳᠠᠷᠠᠭᠠᠬᠢ ᠱᠠᠭᠠ ᠶᠢᠨ ᠦᠶᠡ ᠶᠢᠨ ᠲᠣᠭᠲᠠᠪᠤᠷᠢᠭᠦᠶᠢᠲᠦᠯ ᠦᠨ ᠦᠶᠡ ᠶᠢᠨ ᠮᠡᠰᠡ ᠵᠠᠰᠠᠯ ᠤᠨ ᠡᠮᠴᠢᠯᠡᠭᠡ᠂ ᠳᠤᠤᠷᠠᠳᠤ ᠮᠦᠴᠢ ᠶᠢᠨ ᠳᠤᠲᠠᠭᠤ ᠬᠥᠭᠵᠢᠯ ᠶᠠᠰᠤᠨ ᠤ ᠬᠠᠪᠤᠳᠠᠷ ᠤᠨ ᠨᠥᠬᠥᠨ ᠰᠡᠷᠭᠦᠭᠡᠬᠦ ᠮᠡᠰᠡ ᠵᠠᠰᠠᠯ ᠤᠨ ᠡᠮᠴᠢᠯᠡᠭᠡ
ᠬᠡᠦᠬᠡᠳ ᠦᠨ ᠳᠤᠤᠷᠠᠳᠤ ᠳᠡᠭᠡᠳᠦ ᠮᠦᠴᠢ ᠶᠢᠨ ᠲᠥᠷᠥᠯᠬᠢ ᠶᠢᠨ ᠬᠦᠨᠳᠦ ᠬᠡᠯᠪᠡᠷᠢ ᠶᠢᠨ ᠳᠤᠲᠠᠭᠤ ᠬᠥᠭᠵᠢᠯ᠂ ᠭᠡᠮᠲᠦᠯ ᠦᠨ ᠮᠡᠰᠡ ᠵᠠᠰᠠᠯ
ᠦᠷᠡ ᠬᠥᠪᠦᠷᠡᠯ ᠢ ᠤᠮᠠᠢ ᠳᠤ ᠰᠠᠭᠤᠯᠭᠠᠬᠤ ᠠᠴᠠ ᠡᠮᠦᠨᠡᠬᠢ ᠭᠧᠨᠧᠲ᠋ᠢᠭ ᠤᠨ ᠣᠨᠣᠰᠢᠯᠠᠭᠠ
ᠠᠦ᠋ᠲ᠋ᠢᠰᠮ ᠤᠨ ᠬᠦᠷᠢᠶᠡᠨ ᠦ ᠡᠮᠭᠡᠭ ᠵᠡᠷᠭᠡ ᠪᠠᠶᠢᠨᠠ᠃
