ᠵᠠᠪᠬᠠᠨ ᠠᠶᠢᠮᠠᠭ ᠤᠨ ᠳᠥᠷᠪᠡᠯᠵᠢᠨ ᠰᠤᠮᠤ ᠶᠢᠨ ᠬᠣᠮ ᠤᠨ ᠲᠠᠯ᠎ᠠ ᠶᠢᠨ ᠲᠠᠬᠢ ᠶᠢᠨ ᠰᠦᠷᠦᠭ ᠦᠨ ᠬᠠᠮᠠᠭᠠᠯᠠᠯ᠂ ᠰᠤᠳᠤᠯᠭᠠᠨ ᠤ ᠠᠵᠢᠯ ᠤᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠪᠠᠶᠢᠳᠠᠯ ᠢ ᠬᠠᠩᠭᠠᠬᠤ ᠵᠣᠷᠢᠯᠭ᠎ᠠ ᠲᠠᠢ ᠤᠨᠠᠭ᠎ᠠ ᠦᠷᠡᠴᠢᠯᠡᠭᠦᠯᠬᠦ ᠦᠢᠯᠡ ᠠᠵᠢᠯᠯᠠᠭ᠎ᠠ ᠶᠢ ᠶᠠᠪᠤᠭᠤᠯᠳᠠᠭ᠃

ᠤᠨᠠᠭ᠎ᠠ ᠦᠷᠡᠴᠢᠯᠡᠨ᠎ᠡ ᠭᠡᠳᠡᠭ ᠨᠢ ᠦᠷᠡᠴᠢᠯᠡᠵᠦ ᠥᠭᠭᠦᠭᠡᠳ ᠶᠠᠪᠤᠭᠤᠯᠬᠤ ᠦᠢᠯᠡ ᠠᠵᠢᠯᠯᠠᠭ᠎ᠠ ᠪᠢᠰᠢ ᠶᠤᠮ᠃ ᠬᠠᠷᠢᠨ ᠬᠣᠮ ᠤᠨ ᠲᠠᠯ᠎ᠠ ᠨᠤᠲᠤᠭ ᠲᠤ ᠥᠰᠴᠦ ᠦᠷᠡᠵᠢᠵᠦ ᠪᠠᠶᠢᠭ᠎ᠠ ᠲᠠᠬᠢ ᠶᠢᠨ ᠰᠦᠷᠦᠭ ᠦᠨ ᠰᠤᠳᠤᠯᠭᠠᠨ ᠤ ᠠᠵᠢᠯ ᠢ ᠳᠡᠮᠵᠢᠬᠦ᠃ ᠮᠥᠨ ᠲᠠᠬᠢ ᠶᠢᠨ ᠰᠦᠷᠦᠭ ᠦᠨ ᠲᠠᠯᠠᠭᠠᠷᠬᠢ ᠲᠠᠨᠢᠨ ᠮᠡᠳᠡᠬᠦᠢ ᠶᠢᠨ ᠮᠡᠳᠡᠯᠭᠡ ᠣᠶᠢᠯᠠᠭᠠᠯᠲᠠ ᠶᠢ ᠲᠦᠭᠡᠭᠡᠬᠦ᠂ ᠰᠤᠷᠲᠠᠯᠴᠢᠯᠠᠬᠤ᠃ ᠬᠣᠮ ᠤᠨ ᠲᠠᠯ᠎ᠠ ᠶᠢᠨ ᠲᠠᠬᠢ ᠶᠢ ᠦᠵᠡᠬᠦ ᠪᠡᠷ ᠢᠷᠡᠭᠰᠡᠨ ᠵᠢᠭᠤᠯᠴᠢᠳ᠂ ᠠᠶᠠᠯᠠᠭᠴᠢᠳ ᠬᠦᠨᠳᠦᠲᠦ ᠵᠣᠴᠢᠳ ᠢ ᠳᠡᠭᠡᠷᠡᠬᠢ ᠦᠢᠯᠡ ᠠᠵᠢᠯᠯᠠᠭᠠᠨ ᠳᠤ ᠲᠠᠲᠠᠨ ᠣᠷᠤᠯᠴᠠᠭᠤᠯᠬᠤ ᠵᠣᠷᠢᠯᠭ᠎ᠠ ᠲᠠᠢ ᠶᠤᠮ᠃

ᠲᠤᠬᠠᠶᠢᠯᠠᠪᠠᠯ 2021 ᠣᠨ ᠳᠤ ᠲᠦᠷᠦᠭᠰᠡᠨ ᠬᠣᠶᠠᠷ ᠤᠨᠠᠭ᠎ᠠ ᠶᠢ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠹᠷᠠᠨᠼᠢ ᠤᠯᠤᠰ ᠠᠴᠠ ᠮᠣᠩᠭᠣᠯ ᠳᠤ ᠰᠠᠭᠤᠬᠤ ᠡᠯᠴᠢᠨ ᠰᠠᠶᠢᠳ ᠦᠷᠡᠴᠢᠯᠡᠵᠦ ᠥᠪᠡᠷ ᠢᠶᠡᠨ ᠨᠡᠷ᠎ᠡ ᠰᠣᠩᠭᠣᠵᠤ ᠥᠭᠭᠦᠭᠰᠡᠨ᠃ ᠲᠡᠷᠡ ᠨᠢᠭᠡ ᠤᠨᠠᠭᠠᠨ ᠳᠤ ᠪᠠᠨ 《Shadowfax》 ᠪᠤᠶᠤ ︽ᠪᠥᠭᠡᠵᠢᠨ ᠦ ᠡᠵᠡᠨ︾ ᠺᠢᠨᠤ᠋ ᠶᠢᠨ ᠰᠠᠷᠠᠯ ᠬᠦᠯᠦᠭ᠂ ᠮᠣᠷᠢᠳ ᠤᠨ ᠬᠠᠭᠠᠨ ᠤ ᠨᠡᠷ᠎ᠡ ᠶᠢ ᠥᠭᠴᠡᠢ᠃

ᠮᠥᠨ 2023 ᠣᠨ ᠳᠤ ᠲᠦᠷᠦᠭᠰᠡᠨ ᠤᠤᠭᠠᠨ ᠤᠨᠠᠭ᠎ᠠ ᠶᠢ Wildlife Conservation Society Mongolia  ᠶᠢᠨ ᠬᠠᠮᠲᠤ ᠣᠯᠠᠨ  ᠬᠣᠮ ᠤᠨ ᠲᠠᠯ᠎ᠠ ᠳᠤ ᠵᠣᠴᠢᠯᠠᠵᠤ ᠢᠷᠡᠬᠦ ᠦᠶ᠎ᠡ ᠪᠡᠷ ᠢᠶᠡᠨ ᠡᠷᠭᠦᠵᠦ ᠠᠪᠤᠭᠰᠠᠨ ᠶᠤᠮ᠃ ᠲᠡᠳᠡ ᠤᠨᠠᠭᠠᠨ ᠳᠤ ᠪᠠᠨ 《ᠲᠠᠪᠤᠨ ᠣᠳᠣ》 ᠪᠤᠶᠤ Сassiopeia ᠨᠡᠷ᠎ᠡ ᠶᠢ ᠬᠠᠶᠢᠷᠠᠯᠠᠭᠰᠠᠨ᠃