ᠺᠢᠷᠭᠢᠽᠲ᠋ᠠᠨ ᠤᠯᠤᠰ ᠲᠤ ᠰᠠᠭᠤᠭᠠ ᠮᠣᠩᠭᠣᠯ ᠤᠨ ᠡᠯᠴᠢᠨ ᠰᠠᠶᠢᠳ ᠰ∙ᠭᠠᠩᠬᠤᠶᠠᠭ᠂ ᠳᠤᠮᠳᠠᠭᠤᠪᠢ ᠠᠶᠢᠮᠠᠭ ᠤᠨ ᠢᠷᠭᠡᠨ ᠦ ᠲᠥᠯᠥᠭᠡᠯᠡᠭᠴᠢᠳ ᠦᠨ ᠬᠤᠷᠠᠯ ᠤᠨ ᠳᠠᠷᠤᠭᠠ ᠰ∙ᠤᠳᠤᠡᠷᠳᠡᠨᠢ ᠨᠠᠷ ᠺᠢᠷᠭᠢᠽ ᠦᠨ ᠪᠠᠲᠤᠺᠧᠨ ᠮᠤᠵᠢ ᠳᠤ ᠠᠵᠢᠯ ᠤᠨ ᠠᠶᠢᠯᠴᠢᠯᠠᠯ ᠬᠢᠵᠤ᠂ ᠺᠠᠳᠠᠮᠵᠠᠢ ᠬᠣᠲᠠ ᠶᠢᠨ ᠢᠮᠠᠭᠠᠨ ᠤ ᠠᠵᠤ ᠠᠬᠤᠢ ᠶᠢᠨ ᠬᠣᠷᠰᠢᠶᠠ᠂ ᠭᠦᠢᠯᠡᠰᠦ ᠵᠢᠮᠢᠰᠦᠨ︵apricot︶ ᠤ ᠲᠠᠷᠢᠶᠠᠯᠠᠯᠲᠠ᠂ ᠦᠷᠡᠰᠯᠡᠭᠡᠨ ᠦ ᠬᠣᠷᠰᠢᠶᠠ ᠲᠠᠢ ᠲᠠᠨᠢᠯᠴᠠᠵᠤ᠂ ᠣᠷᠣᠨ ᠨᠤᠲᠤᠭ ᠤᠨ ᠴᠡᠴᠡᠷᠯᠢᠭᠴᠢᠳ ᠲᠡᠢ ᠠᠭᠤᠯᠵᠠᠵᠠᠢ᠃
ᠤᠯᠠᠮ ᠢᠶᠠᠷ ᠲᠤᠰ ᠮᠤᠵᠢ ᠠᠴᠠ ᠭᠦᠢᠯᠡᠰᠦ᠂ ᠪᠦᠢᠯᠡᠰᠦ ᠶᠢᠨ ᠰᠠᠮᠤᠷ︵almond︶ ᠤᠨ ᠦᠷᠡᠰᠯᠡᠭᠡ ᠶᠢ ᠳᠤᠮᠳᠠᠭᠤᠪᠢ ᠳᠤ ᠨᠡᠶᠢᠯᠡᠭᠦᠯᠬᠦ ᠲᠤᠬᠠᠢ ᠬᠡᠯᠡᠯᠴᠡᠨ ᠲᠣᠬᠢᠷᠠᠯᠴᠠᠭᠰᠠᠨ ᠪᠠ ᠮᠥᠨ ᠮᠤᠵᠢ ᠶᠢᠨ ᠵᠠᠬᠢᠷᠤᠭᠴᠢ ᠠᠪᠳᠢᠺᠠᠷᠢᠮ ᠠᠯᠢᠮᠪᠠᠶᠧ ᠲᠡᠢ ᠮᠣᠩᠭᠣᠯ ᠳᠤ ᠮᠠᠯ ᠤᠨ ᠹᠧᠷᠮ ᠬᠥᠭᠵᠢᠭᠦᠯᠬᠦ ᠲᠤᠬᠠᠢ ᠶᠠᠷᠢᠯᠴᠠᠵᠤ᠂ ᠢᠷᠡᠬᠦ ᠨᠠᠮᠤᠷ ᠮᠣᠩᠭᠣᠯ ᠠᠴᠠ ᠺᠢᠷᠭᠢᠽ ᠲᠤ ᠢᠮᠠᠭᠠ ᠨᠡᠶᠢᠯᠡᠭᠦᠯᠬᠦ ᠪᠣᠯᠤᠮᠵᠢ ᠶᠢᠨ ᠲᠠᠯᠠ ᠪᠠᠷ ᠶᠠᠷᠢᠯᠴᠠᠵᠠᠢ᠃
