ᠦᠽᠪᠧᠺᠰᠲ᠋ᠠᠨ ᠤᠯᠤᠰ ᠲᠤ ᠪᠣᠯᠤᠭᠰᠠᠨ ᠵᠡᠷᠯᠢᠭ ᠠᠮᠢᠲᠠᠳ ᠤᠨ ᠨᠡᠭᠦᠳᠡᠯ ᠦᠨ ᠵᠦᠢᠯ ᠦᠳ ᠢ ᠬᠠᠮᠠᠭᠠᠯᠠᠬᠤ ᠲᠤᠬᠠᠢ ᠺᠣᠨᠸᠧᠨᠼ ᠤᠨ ᠲᠠᠯᠠ ᠨᠤᠭᠤᠳ ᠤᠨ ᠠᠷᠪᠠᠨ ᠳᠦᠷᠪᠡᠳᠦᠭᠡᠷ ᠪᠠᠭᠠ ᠬᠤᠷᠠᠯ︵CMS COP14︶ ᠦᠨ ᠦᠶᠡ ᠪᠡᠷ ᠮᠠᠨ ᠤ ᠤᠯᠤᠰ ᠤᠨ ᠪᠠᠢᠭᠠᠯᠢ ᠤᠷᠴᠢᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤᠨ ᠶᠠᠮᠤᠨ ᠠᠽᠢᠶᠠ ᠶᠢᠨ ᠬᠣᠨᠢᠨ ᠲᠣᠭᠣᠳᠠᠭ ᠬᠠᠮᠠᠭᠠᠯᠠᠬᠤ ᠦᠢᠯᠡ ᠠᠵᠢᠯᠯᠠᠭᠠᠨ ᠤ ᠲᠥᠯᠥᠪᠯᠡᠭᠡ ᠶᠢ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠶᠤᠮ᠃ ᠬᠤᠷᠠᠯ ᠳᠤ ᠣᠷᠣᠯᠴᠠᠭᠴᠢ ᠲᠠᠯᠠ ᠨᠤᠭᠤᠳ ᠤᠭ ᠲᠥᠯᠥᠪᠯᠡᠭᠡ ᠶᠢ ᠬᠡᠯᠡᠯᠴᠡᠨ᠂ ᠪᠠᠲᠤᠯᠠᠬᠤ ᠪᠠᠷ ᠰᠢᠢᠳᠪᠦᠷᠢᠯᠡᠭᠰᠡᠨ ᠶᠤᠮ᠃
ᠮᠣᠩᠭᠣᠯ ᠤᠯᠤᠰ ᠡᠨᠡ ᠵᠦᠢᠯ ᠦᠨ ᠬᠠᠮᠠᠭᠠᠯᠠᠯ ᠳᠤ ᠪᠠᠶᠢᠩᠭᠤ ᠲᠡᠷᠢᠭᠦᠯᠡᠬᠦ ᠡᠭᠦᠷᠭᠡ ᠲᠡᠢ ᠣᠷᠣᠯᠴᠠᠵᠤ ᠢᠷᠡᠭᠰᠡᠨ ᠪᠥᠭᠡᠳ 2011 ᠣᠨ ᠳᠤ ᠡᠺᠸᠠᠳᠣᠷ ᠤᠯᠤᠰ ᠲᠤ ᠪᠣᠯᠤᠭᠰᠠᠨ ᠺᠣᠨᠸᠧᠨᠼ ᠤᠨ ᠲᠠᠯᠠ ᠨᠤᠭᠤᠳ ᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠪᠠᠭᠠ ᠬᠤᠷᠠᠯ ᠤᠨ ᠦᠶᠡ ᠪᠡᠷ ᠬᠣᠨᠢᠨ ᠲᠣᠭᠣᠳᠠᠭ ᠢ ᠬᠠᠪᠰᠤᠷᠤᠯᠲᠠ I ᠳᠦ ᠤᠷᠤᠭᠤᠯᠬᠤ ᠠᠵᠢᠯ ᠢ ᠬᠢᠭᠰᠡᠨ᠃ ᠮᠥᠨ ᠤᠯᠠᠮ ᠢᠶᠠᠷ ᠺᠣᠨᠸᠧᠨᠼ ᠤᠨ ᠳᠡᠮᠵᠢᠯᠭᠡ ᠪᠡᠷ ᠠᠽᠢᠶᠠ ᠶᠢᠨ ᠤᠯᠤᠰ ᠤᠳ ᠲᠠᠢ ᠬᠠᠮᠲᠤᠷᠠᠨ ᠬᠠᠮᠠᠭᠠᠯᠠᠯ ᠤᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠬᠢᠬᠦ᠂ ᠤᠭ ᠵᠦᠢᠯ ᠦᠨ ᠬᠣᠪᠣᠷᠳᠠᠯ ᠤᠨ ᠲᠤᠬᠠᠢ ᠲᠠᠨᠢᠭᠤᠯᠬᠤ ᠮᠡᠳᠡᠭᠡᠯᠡᠯ ᠢ ᠬᠢᠵᠦ ᠢᠷᠡᠵᠡᠢ᠃
ᠪᠠᠭᠠ ᠬᠤᠷᠠᠯ ᠳᠡᠭᠡᠷᠡ ᠵᠡᠷᠯᠢᠭ ᠠᠮᠢᠲᠠᠨ ᠰᠤᠳᠤᠯᠬᠤ ᠬᠠᠮᠠᠭᠠᠯᠠᠬᠤ ᠲᠥᠪ ᠦᠨ ᠵᠠᠬᠢᠷᠤᠯ ᠳ᠋ᠣᠺᠲ᠋ᠣᠷ ᠪ∙ᠨᠢᠮᠠᠪᠠᠶᠠᠷ《ᠠᠽᠢᠶᠠ ᠶᠢᠨ ᠬᠣᠨᠢᠨ ᠲᠣᠭᠣᠳᠠᠭ ᠬᠠᠮᠠᠭᠠᠯᠠᠬᠤ ᠦᠢᠯᠡ ᠠᠵᠢᠯᠯᠠᠭᠠᠨ ᠤ ᠲᠥᠯᠥᠪᠯᠡᠭᠡ》 ᠶᠢᠨ ᠲᠠᠯᠠ ᠪᠠᠷ ᠪᠣᠯᠤᠨ ᠪᠥᠰᠡ ᠨᠤᠲᠤᠭ ᠤᠨ ᠬᠦᠷᠢᠶᠡᠨ ᠳᠦ ᠰᠡᠭᠦᠯ ᠦᠨ ᠦᠶᠡ ᠳᠦ ᠬᠢᠵᠦ ᠪᠤᠢ ᠲᠣᠭᠣᠳᠠᠭ ᠰᠤᠳᠤᠯᠤᠯ ᠪᠠ ᠬᠠᠮᠠᠭᠠᠯᠠᠯ ᠤᠨ ᠲᠠᠯᠠ ᠪᠠᠷ ᠲᠣᠪᠴᠢ ᠢᠯᠡᠳᠬᠡᠯ ᠲᠠᠯᠪᠢᠪᠠ᠃
