CNN ᠲᠧᠯᠸᠢᠰ ᠦᠨ ᠣᠯᠠᠨ ᠤᠯᠤᠰ ᠤᠨ ᠪᠢᠽᠢᠨᠧᠰ ᠦᠨ ᠰᠡᠳᠬᠦᠯᠴᠢ᠂《Quest Means Business》 ᠨᠡᠪᠲᠡᠷᠡᠭᠦᠯᠭᠡ ᠶᠢᠨ ᠬᠥᠲᠥᠯᠥᠭᠴᠢ ᠷᠢᠴᠠᠷᠳ᠋ ᠺᠸᠧᠰᠲ ᠨᠠᠢ᠌ᠮᠠᠳᠤᠭᠠᠷ ᠰᠠᠷᠠ ᠶᠢᠨ 15 ᠳᠦ ᠮᠣᠩᠭᠣᠯ ᠤᠯᠤᠰ ᠲᠤ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ᠃ ᠲᠡᠷᠡᠪᠡᠷ 08 ᠰᠠᠷᠠ ᠶᠢᠨ19 ᠳᠤ ᠨᠤᠲᠤᠭ ᠪᠤᠴᠠᠬᠤ ᠶᠢᠨ ᠡᠮᠦᠨᠡ ᠶᠡᠷᠦᠩᠬᠡᠶᠢᠯᠡᠭᠴᠢ ᠠᠰᠠᠨ ᠴ ∙ᠡᠯᠪᠡᠭᠳᠣᠷᠵᠢ ᠲᠠᠢ ᠠᠭᠤᠯᠵᠠᠭᠰᠠᠨ ᠪᠠᠶᠢᠨᠠ᠃
ᠮᠣᠩᠭᠣᠯ ᠤᠯᠤᠰ ᠪᠣᠯ ᠷᠢᠴᠠᠷᠳ᠋ ᠺᠸᠧᠰᠲ ᠤᠨ ᠠᠶᠠᠯᠠᠵᠤ ᠪᠤᠢ 95 ᠳ᠋ᠠᠬᠢ ᠣᠷᠣᠨ ᠶᠤᠮ᠃ 《ᠮᠢᠨᠦ ᠮᠣᠩᠭᠣᠯ ᠳ᠋ᠠᠬᠢ ᠠᠶᠠᠯᠠᠯ ᠠᠯᠳᠠᠷᠲᠤ ᠮᠣᠩᠭᠣᠯ ᠮᠣᠷᠢᠳ ᠤᠨ ᠲᠤᠰᠠᠯᠠᠮᠵᠢ ᠪᠠᠷ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠨᠠ᠃ ᠡᠷᠡᠰ ᠲᠡᠰᠦ ᠴᠠᠭ ᠠᠭᠠᠷ ᠲᠤ ᠰᠠᠶᠢᠨ ᠳᠠᠰᠤᠭᠠ ᠦᠭᠡᠢ ᠯᠠ ᠪᠠᠶᠢᠨᠠ᠃ ᠮᠣᠷᠢ ᠪᠠᠷ ᠡᠳᠦᠷ ᠲᠦ 45 ᠺᠢᠯᠣᠮᠧᠲ᠋ᠷ ᠭᠠᠵᠠᠷ ᠢ ᠲᠤᠭᠤᠯᠬᠤ ᠪᠣᠯᠤᠮᠵᠢ ᠲᠠᠢ ᠶᠤᠮ ᠪᠠᠶᠢᠨᠠ ᠭᠡᠵᠦ ᠲᠡᠷᠡ ᠪᠢᠴᠢᠵᠡᠢ᠃
ᠲᠡᠷᠡᠪᠡᠷ ᠮᠣᠩᠭᠣᠯ ᠮᠣᠷᠢᠳ ᠢ 《ᠬᠤᠷᠳᠤ ᠲᠠᠢ᠂ ᠬᠦᠴᠦ ᠲᠡᠢ᠂ ᠳᠡᠯᠡᠬᠡᠢ ᠶᠢᠨ ᠬᠣᠶᠠᠳᠤᠭᠠᠷ ᠳᠠᠶᠢᠨ ᠤ ᠦᠶᠡ ᠳᠦ ᠭᠧᠷᠮᠠᠨᠴᠤᠳ ᠤᠨ ᠡᠰᠡᠷᠭᠦ ᠲᠤᠯᠤᠯᠳᠤᠬᠤ ᠳᠤ ᠬᠠᠮᠤᠭ ᠤᠨ ᠰᠢᠯᠢᠳᠡᠭ ᠮᠣᠷᠢᠳ ᠪᠠᠶᠢᠭᠰᠠᠨ》 ᠭᠡᠵᠦ ᠲᠣᠳᠣᠷᠬᠠᠶᠢᠯᠠᠭᠰᠠᠨ᠃ ᠮᠥᠨ ᠲᠡᠷᠡᠪᠡᠷ᠄《ᠵᠠᠮ ᠤᠨ ᠲᠦᠭᠵᠢᠷᠡᠯ ᠠᠶᠤᠮᠰᠢᠭᠲᠠᠢ ᠪᠠᠶᠢᠨᠠ᠃ ᠮᠣᠩᠭᠣᠯ ᠤᠯᠤᠰ 3.3 ᠰᠠᠶᠠ ᠬᠦᠮᠦᠨ ᠠᠮᠠ ᠲᠠᠢ᠃ ᠪᠥᠭᠥᠳᠡᠭᠡᠷ ᠢᠶᠡᠨ ᠵᠠᠮ ᠳᠡᠭᠡᠷᠡ ᠪᠡᠨ ᠭᠠᠷᠤᠭᠠᠳ ᠢᠷᠡᠭᠰᠡᠨ ᠪᠣᠯᠤᠯᠲᠠᠢ》ᠭᠡᠵᠦ ᠵᠢᠷᠭᠢᠵᠦ ᠪᠠᠶᠢᠪᠠ᠃