ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠲᠥᠪ ᠦᠨ ᠢᠷᠭᠡᠳ ᠵᠢᠯ ᠳᠦ 8.2 ᠰᠠᠶᠠ ᠯᠢᠲ᠋ᠷ ᠰᠦ ᠬᠡᠷᠡᠭᠯᠡᠳᠡᠭ᠃ ᠡᠭᠦᠨ ᠦ 78.4 ᠬᠤᠪᠢ ᠶᠢ ᠳᠣᠲᠣᠭᠠᠳᠤ ᠠᠴᠠ ᠪᠠᠨ ᠬᠠᠩᠭᠠᠵᠤ ᠪᠠᠶᠢᠨᠠ᠃ ᠰᠦᠨ ᠦ ᠬᠡᠷᠡᠭᠯᠡᠭᠡᠨ ᠦ 62.6 ᠬᠤᠪᠢ ᠶᠢ ᠴᠠᠢ ᠴᠢᠨᠠᠬᠤ ᠳᠤ᠂ 10.7 ᠬᠤᠪᠢ ᠶᠢ ᠬᠡᠦᠬᠡᠳ ᠦᠨ ᠲᠡᠵᠢᠭᠡᠯ ᠳᠦ᠂ 8.2 ᠬᠤᠪᠢ ᠶᠢ ᠰᠢᠭᠤᠳ ᠤᠤᠭᠤᠬᠤ ᠪᠠᠶᠢᠳᠠᠯ ᠢᠶᠠᠷ ᠬᠡᠷᠡᠭᠯᠡᠳᠡᠭ ᠭᠡᠵᠦ ᠰᠤᠳᠤᠯᠭᠠᠨ ᠳᠤ ᠣᠷᠣᠯᠴᠠᠭᠰᠠᠨ ᠢᠷᠭᠡᠳ ᠬᠠᠷᠢᠭᠤᠯᠵᠠᠢ᠃
ᠮᠦᠨ ᠰᠦᠨ ᠦ 63.3 ᠬᠤᠪᠢ ᠶᠢ ᠰᠢᠩᠭᠡᠨ ᠰᠦ᠂ 19 ᠬᠤᠪᠢ ᠶᠢ ᠰᠠᠪᠠᠯᠠᠭᠰᠠᠨ ᠰᠦ᠂ 17.5 ᠬᠤᠪᠢ ᠶᠢ ᠬᠠᠭᠤᠷᠠᠢ ᠰᠦ ᠡᠵᠡᠯᠡᠵᠦ ᠪᠠᠶᠢᠨᠠ᠃ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠲᠤ ᠬᠣᠨᠣᠭ ᠲᠤ 1600 ᠲᠣᠨ ᠰᠦ ᠪᠣᠯᠪᠠᠰᠤᠷᠠᠭᠤᠯᠬᠤ ᠬᠦᠴᠦᠨ ᠴᠢᠳᠠᠯ ᠪᠦᠬᠦᠢ 13 ᠴᠧᠾ ᠪᠠᠶᠢᠳᠠᠭ ᠠᠴᠠ ᠨᠢᠭᠡ ᠨᠢ ᠯᠠ ᠪᠠᠶᠢᠩᠭᠤ ᠶᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠲᠠᠢ᠂ ᠪᠤᠰᠤᠳ ᠨᠢ ᠤᠯᠠᠷᠢᠯ ᠤᠨ ᠴᠢᠨᠠᠷ ᠲᠠᠢ᠃
