2021 ᠣᠨ ᠤ ᠵᠢᠷᠭᠤᠳᠤᠭᠠᠷ ᠰᠠᠷ᠎ᠠ ᠶᠢᠨ 3 ᠳᠦ ᠤᠯᠠᠭᠠᠨᠪᠠᠭᠠᠲᠤᠷ ᠠᠴᠠ ᠬᠥᠳᠡᠯᠦᠭᠰᠡᠨ 20 ᠲᠣᠨ ᠤᠭᠢᠶᠠᠭᠰᠠᠨ ᠲᠦᠭᠦᠬᠡᠢ ᠨᠤᠯᠤᠤᠷ ᠠᠴᠢᠭᠰᠠᠨ ᠲᠡᠭᠡᠭᠡᠪᠦᠷᠢ ᠶᠢᠨ ᠮᠠᠰᠢᠨ 22 ᠳᠤ ᠢᠲ᠋ᠠᠯᠢ ᠶᠢᠨ ᠨᠣᠣᠰᠣ᠂  ᠨᠤᠯᠤᠤᠷ ᠤᠨ ᠨᠡᠬᠡᠮᠡᠯ ᠡᠳ᠋ᠯᠡᠯ ᠦᠨ ᠦᠢᠯᠡᠳᠪᠦᠷᠢᠯᠡᠯ ᠦᠨ ᠲᠥᠪ ᠪᠣᠯᠤᠭᠰᠠᠨ ᠫᠢᠧᠮᠣᠨᠲ᠋ᠧ ᠮᠤᠵᠢ ᠶᠢᠨ ᠪᠸᠯᠯᠠ ᠬᠤᠲᠠ ᠳᠤ ᠢᠷᠡᠪᠡ᠃ ᠡᠨᠡ ᠣᠨ ᠳᠦ《ᠬᠠᠨᠪᠣᠭᠳᠠ ᠺᠠᠱᠮᠢᠷ》ᠺᠣᠮᠫᠠᠨᠢ《ᠬᠠᠭᠠᠨ ᠰᠢᠷᠬᠡᠭᠲᠦ》ᠭᠡᠷᠡᠴᠢᠯᠡᠭᠡ ᠪᠦᠬᠦᠢ 400 ᠭᠠᠷᠤᠢ ᠲᠣᠨ ᠲᠦᠭᠦᠬᠡᠢ ᠨᠤᠯᠤᠤᠷ ᠢ ᠢᠲ᠋ᠠᠯᠢ ᠶᠢᠨ ᠳᠡᠭᠡᠷᠡᠬᠢ ᠺᠣᠮᠫᠠᠨᠢ ᠨᠤᠭᠤᠳ ᠲᠤ ᠲᠡᠳᠦᠢ ᠦᠭᠡᠢ ᠶᠡᠬᠡ ᠪᠷᠢᠲ᠋ᠠᠨ ᠤ ᠨᠤᠯᠤᠤᠷ ᠤᠨ ᠪᠦᠲᠦᠭᠡᠭᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠭᠴᠢ ᠨᠡᠷ᠎ᠡ ᠪᠦᠬᠦᠢ ᠺᠣᠮᠫᠠᠨᠢ ᠳᠤ ᠭᠠᠵᠠᠷ ᠤᠨ ᠲᠡᠭᠡᠭᠡᠪᠦᠷᠢ ᠪᠡᠷ ᠨᠡᠶᠢᠯᠡᠭᠦᠯᠬᠦ ᠶᠤᠮ᠃
ᠮᠣᠩᠭᠣᠯ ᠤᠯᠤᠰ ᠠᠴᠠ ᠢᠲ᠋ᠠᠯᠢ ᠤᠯᠤᠰ ᠲᠤ ᠰᠠᠭᠤᠭ᠎ᠠ ᠡᠯᠴᠢᠨ ᠰᠠᠶᠢᠳ ᠼ∙ᠵᠠᠮᠪᠠᠯᠳᠣᠷᠵᠢ ᠪᠸᠯᠯᠠ ᠬᠣᠲᠠ  ᠳᠤ ᠠᠵᠢᠯᠯᠠᠬᠤ ᠦᠶ᠎ᠡ ᠪᠡᠷ ᠢᠶᠡᠨ ᠢᠲ᠋ᠠᠯᠢ ᠶᠢᠨ ᠨᠤᠯᠤᠤᠷ᠂ ᠨᠣᠣᠰᠣᠨ ᠪᠦᠲᠦᠭᠡᠭᠳᠡᠬᠦᠨ ᠦᠢᠯᠡᠳᠪᠦᠷᠢᠯᠡᠭᠴᠢᠳ ᠲᠡᠢ ᠠᠭᠤᠯᠵᠠᠵᠤ᠂ ᠳᠡᠯᠡᠬᠡᠢ ᠶᠢᠨ ᠲᠦᠭᠦᠬᠡᠢ ᠨᠤᠯᠤᠤᠷ ᠤᠨ 40 ᠣᠷᠴᠢᠮ ᠬᠤᠪᠢ ᠶᠢ ᠭᠠᠭᠴᠠᠭᠠᠷ ᠦᠢᠯᠡᠳᠪᠦᠷᠢᠯᠡᠭᠴᠢ ᠮᠣᠩᠭᠣᠯ ᠤᠨ ᠤᠭᠢᠶᠠᠭᠰᠠᠨ ᠨᠤᠯᠤᠤᠷ ᠤᠨ ᠢᠲ᠋ᠠᠯᠢ ᠪᠣᠯᠤᠨ ᠧᠦ᠋ᠷᠣᠫᠠ ᠶᠢᠨ ᠬᠣᠯᠪᠣᠭᠠᠨ ᠤ ᠵᠠᠬ᠎ᠠ ᠵᠡᠭᠡᠯᠢ ᠳᠦ ᠭᠠᠷᠭᠠᠬᠤ ᠬᠡᠮᠵᠢᠶ᠎ᠡ ᠶᠢ ᠴᠢᠨᠠᠭᠰᠢᠳᠠ ᠨᠡᠮᠡᠭᠳᠡᠭᠦᠯᠬᠦ᠂ ᠲᠡᠭᠡᠭᠡᠪᠦᠷᠢ ᠯᠤᠵᠢᠰᠲ᠋ᠢᠺ ᠤᠨ ᠠᠰᠠᠭᠤᠳᠠᠯ ᠢ ᠬᠥᠩᠭᠡᠪᠴᠢᠯᠡᠬᠦ᠂  ᠡᠷᠡᠰᠳᠡᠯ ᠦᠨ ᠳᠠᠭᠠᠳᠬᠠᠯ ᠤᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠪᠣᠯᠤᠮᠵᠢ ᠶᠢᠨ ᠲᠠᠯ᠎ᠠ ᠪᠠᠷ ᠰᠠᠨᠠᠯ ᠰᠣᠯᠢᠯᠴᠠᠯ᠎ᠠ᠃