ᠬᠥᠪᠰᠥᠭᠥᠯ ᠠᠶᠢᠮᠠᠭ ᠤᠨ ᠮᠦᠽᠧᠢ ᠶᠢᠨ ᠰᠠᠨᠠᠭᠠᠴᠢᠯᠠᠭᠠ ᠪᠠᠷ ᠮᠣᠩᠭᠣᠯ ᠳᠤ ᠠᠩᠬᠠ ᠤᠳᠠᠭᠠ ᠮᠦᠽᠧᠢ ᠶᠢᠨ ᠣᠷᠴᠢᠨ ᠤ ᠴᠣᠭᠴᠠ ᠰᠤᠳᠤᠯᠭᠠᠨ ᠢ ᠬᠣᠶᠠᠷ ᠦᠶᠡ ᠱᠠᠲᠤ ᠲᠠᠢ ᠪᠠᠷ ᠬᠢᠬᠦ ᠭᠡᠵᠦ ᠪᠠᠶᠢᠨᠠ᠃ ᠰᠤᠳᠤᠯᠭᠠᠨ ᠤ ᠭᠣᠣᠯ ᠵᠣᠷᠢᠯᠭᠠ ᠨᠢ ᠮᠦᠽᠧᠢ ᠶᠢᠨ ᠦᠵᠡᠮᠦᠷᠢ ᠶᠢ ᠬᠠᠳᠠᠭᠠᠯᠠᠵᠤ ᠪᠤᠢ ᠰᠠᠩ ᠬᠦᠮᠦᠷᠭᠡ᠂ ᠦᠵᠡᠭᠦᠯᠦᠯᠭᠡ ᠶᠢᠨ ᠲᠠᠩᠬᠢᠮ᠂ ᠰᠢᠯᠢᠨ ᠬᠣᠷᠭᠣᠨ ᠤ ᠳᠤᠯᠠᠭᠠᠨ ᠪᠠ ᠴᠢᠭᠢᠭ ᠦᠨ ᠬᠡᠯᠪᠡᠯᠵᠡᠯ ᠢ ᠲᠣᠳᠣᠷᠠᠭᠤᠯᠵᠤ ᠬᠢᠨᠠᠬᠤ᠂ ᠳᠤᠷᠠᠰᠬᠠᠯ ᠳᠤ ᠡᠭᠦᠰᠬᠦ ᠭᠡᠮᠲᠦᠯ ᠢ ᠤᠷᠢᠳᠴᠢᠯᠠᠨ ᠲᠠᠭᠠᠮᠠᠭᠯᠠᠬᠤ᠂ ᠭᠡᠮᠲᠦᠯ ᠦᠨ ᠰᠢᠯᠲᠠᠭᠠᠨ ᠢ ᠲᠣᠳᠣᠷᠠᠭᠤᠯᠬᠤ ᠳᠤ ᠴᠢᠭᠯᠡᠭᠳᠡᠬᠦ ᠶᠤᠮ᠃
ᠰᠤᠳᠤᠯᠭᠠᠨ ᠤ ᠡᠬᠢᠨ ᠦ ᠦᠷᠡ ᠳ᠋ᠦᠩ ᠢ 2022 ᠣᠨ ᠳᠤ ᠣᠯᠠᠨ ᠨᠡᠶᠢᠲᠡ ᠳᠦ ᠲᠠᠨᠢᠯᠴᠠᠭᠤᠯᠤᠨᠠ᠃ ᠲᠤᠰ ᠰᠤᠳᠤᠯᠭᠠᠨ ᠳᠤ ᠠᠮᠧᠷᠢᠺᠠ ᠳᠦ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠬᠠᠮᠤᠭ ᠤᠨ ᠰᠡᠭᠦᠯ ᠦᠨ ᠦᠶᠡ ᠶᠢᠨ НОВО ᠪᠷᠡᠨᠳ᠋ ᠦᠨ ᠥᠨᠳᠥᠷ ᠦᠵᠡᠭᠦᠯᠦᠯᠲᠡ ᠪᠦᠬᠦᠢ ᠪᠠᠭᠠᠵᠢ ᠶᠢ ᠠᠰᠢᠭᠯᠠᠨ᠂ ᠮᠦᠽᠧᠢ ᠶᠢᠨ ᠳᠤᠯᠠᠭᠠᠨ᠂ ᠴᠢᠭᠢᠭᠰᠢᠯ ᠦᠨ ᠰᠤᠳᠤᠯᠭᠠ ᠶᠢ ᠶᠠᠫᠣᠨ ᠤ ᠺᠢᠤᠲ᠋ᠤ᠋ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠰᠤᠳᠤᠯᠤᠭᠠᠴᠢ ᠲᠠᠢ ᠬᠠᠮᠲᠤᠷᠠᠨ ᠬᠢᠵᠦ ᠬᠡᠷᠡᠭᠵᠢᠭᠦᠯᠦᠨᠡ᠃
