ᠮᠤᠩᠭᠤᠯ ᠤᠯᠤᠰ ᠤᠨ ᠵᠢᠨᠨ ᠲᠤᠰᠠᠭᠠᠷ ᠲᠤᠬᠲᠠᠨᠢᠯ ᠊ᠢ ᠪᠦᠬᠦ ᠨᠡᠢᠢᠲᠡ ᠪᠡᠷ ᠵᠢᠨᠨ ᠪᠠᠲᠤᠯᠠᠬᠰᠠᠨ ᠲᠡᠦᠬᠡᠲᠦ ᠡᠳᠦᠷ ᠤᠨ 75 ᠵᠢᠯ ᠤᠨ ᠣᠢ ᠥᠴᠦᠭᠡᠳᠦᠷ ᠲᠤᠬᠢᠶᠠᠯᠠ᠃ ᠡᠭᠦᠨ ᠲᠠᠢ ᠬᠤᠯᠪᠣᠭᠠᠲᠠᠢ ᠪᠡᠷ ︽ᠪᠦᠬᠦ ᠠᠷᠠᠳ ᠲᠦᠮᠡᠨ ᠪ ᠰᠠᠨᠠᠯ ᠬᠤᠷᠢᠶᠠᠯᠲᠠ – 1945 ᠄ ᠪᠠᠷᠢᠮᠲᠠ ᠂ ᠰᠤᠳᠤᠯᠭᠠᠨ︾ ᠰᠡᠳᠦᠪᠲᠦ ᠠᠷᠬᠢᠪ ᠤᠨ ᠪᠠᠷᠢᠮᠲᠠ ᠂ ᠭᠡᠷᠡᠯ ᠵᠢᠷᠤᠭ ᠤᠨ ᠦᠵᠡᠰᠬᠦᠯᠡᠩ ᠊ᠢ ᠥᠴᠦᠭᠡᠳᠦᠷ ᠳᠡᠯᠭᠡᠯᠡ ᠃ ᠠᠷᠬᠢᠪ ᠤᠨ ᠶᠡᠷᠦᠩᠬᠡᠢ ᠭᠠᠵᠠᠷ ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪ ᠠᠺᠠᠳᠧᠮᠢ ᠵᠢᠨ ᠲᠡᠦᠬᠡ ᠂ ᠤᠬᠰᠠᠭᠠᠲᠠᠨ ᠪ ᠵᠦᠢ ᠵᠢᠨ ᠬᠦᠷᠢᠶᠡᠯᠡᠩ ᠬᠠᠮᠲᠤᠷᠠᠨ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨ ᠪ ᠶᠠᠮᠤᠨ ᠳᠤ ᠤᠭ ᠦᠵᠡᠰᠬᠦᠯᠡᠩ ᠊ᠢ ᠵᠤᠬᠢᠶᠠᠨ ᠪᠠᠢᠢᠭᠤᠯᠤᠬᠰᠠᠨ ᠶᠤᠮ ᠃ 1945 ᠣᠨ ᠪ ᠪᠦᠬᠦ ᠠᠷᠠᠳ ᠲᠦᠮᠡᠨ ᠪ ᠰᠠᠨᠠᠯ ᠬᠤᠷᠢᠶᠠᠯᠲᠠ ᠲᠠᠢ ᠬᠤᠯᠪᠣᠭᠠᠲᠠᠢ ᠲᠡᠦᠬᠡᠨ ᠪᠠᠷᠢᠮᠲᠠ ᠨᠤᠭᠤᠳ ᠊ᠢ ᠦᠵᠡᠰᠬᠦᠯᠡᠩ ᠳ᠋ᠦ ᠳᠡᠯᠭᠡᠪᠡ ᠃ ᠲᠤᠬᠠᠢᠢᠯᠠᠪᠠᠯ ᠂ ᠪᠦᠭᠦᠳᠡ ᠨᠠᠢᠢᠷᠠᠮᠳᠠᠬᠤ ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠲᠤᠰᠠᠭᠠᠷ ᠲᠤᠬᠲᠠᠨᠢᠬᠰᠠᠨ ᠲᠠᠯᠠ ᠪᠡᠷ ᠪᠦᠬᠦ ᠠᠷᠠᠳ ᠲᠦᠮᠡᠨ ᠪ ᠰᠠᠨᠠᠯ ᠬᠤᠷᠢᠶᠠᠯᠲᠠ ᠶᠠᠪᠤᠭᠤᠯᠬᠤ ᠵᠢ ᠳᠡᠮᠵᠢᠭᠰᠡᠨ ᠢᠷᠭᠡᠳ ᠤᠨ ᠲᠠᠯᠠᠷᠬᠠᠯ ᠂ ᠮᠡᠨᠳᠦᠴᠢᠯᠡᠭᠡ ᠨᠤᠭᠥᠳ ᠂ ᠬᠢᠲᠠᠳ ᠤᠨ ᠺᠣᠮᠮᠤᠨᠢᠰᠲ ᠨᠠᠮ ᠤᠨ ᠲᠥᠪ ᠪᠠᠢᠢᠭᠤᠯᠭᠠ ᠵᠢᠨ ︽ ᠵᠢᠶ᠋ᠸ ᠹᠠᠩ ᠷᠢ ᠪᠤᠤ ︾ ᠰᠤᠨᠢᠨ ᠪ 1945 ᠣᠨ ᠪ ᠠᠷᠪᠠᠳᠤᠭᠠᠷ ᠰᠠᠷᠠ ᠵᠢᠨ 29 ᠪ ᠳ᠋ᠤᠭᠠᠷ ᠲᠤ ᠨᠡᠢᠢᠲᠡᠯᠡᠭᠰᠡᠨ ︽ ᠪᠦᠭᠦᠳᠡ ᠨᠠᠢᠢᠷᠠᠮᠳᠠᠬᠤ ᠮᠤᠩᠭᠤᠯ ᠠᠷᠠᠳ ᠤᠯᠤᠰ ᠤᠨ ᠲᠤᠰᠠᠭᠠᠷ ᠲᠤᠬᠲᠠᠨᠢᠯ ᠳ᠋ᠤ ᠪᠠᠶᠠᠷ ᠬᠦᠷᠭᠡᠭᠰᠡᠨ ᠨᠢ ︾ ᠬᠡᠮᠡᠬᠦ ᠨᠡᠷᠡ ᠲᠠᠢ ᠥᠭᠦᠯᠡᠯ ᠤᠨ ᠣᠷᠴᠢᠭᠤᠯᠭᠠ ᠵᠢᠨ ᠡᠬᠡ ᠨᠤᠤᠷᠠᠭ ᠪᠠᠢᠢᠯᠠ ᠃
ᠮᠥᠨ ᠦᠨᠳᠦᠰᠦᠨ ᠪ ᠲᠥᠪ ᠠᠷᠬᠢᠪ ᠤᠨ ᠰᠠᠩ ᠬᠥᠮᠦᠷᠭᠡ ᠳ᠋ᠦ ᠬᠠᠳᠠᠭᠠᠯᠠᠵᠤ ᠪᠤᠢ ︽ ᠲᠤᠰᠠᠭᠠᠷ ᠲᠤᠬᠲᠠᠨᠢᠬᠰᠠᠨ ᠮᠤᠩᠭᠤᠯ ᠤᠯᠤᠰ︾ᠪᠠᠷᠢᠮᠲᠠᠲᠤ ᠺᠢᠨᠣ᠋ ᠂ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠰᠤᠨᠢᠨ ᠂ ᠬᠡᠪᠯᠡᠯ ᠤᠨ ᠮᠡᠳᠡᠭᠡ ᠵᠡᠷᠭᠡ ᠪᠠᠷᠢᠮᠲᠠ ᠵᠢ ᠡᠬᠡ ᠬᠤᠪᠢ ᠪᠡᠷ ᠨᠢ ᠂ ᠵᠠᠷᠢᠮ ᠤᠨ ᠬᠢᠨᠢ ᠬᠠᠭᠤᠯᠪᠤᠷᠢ ᠵᠢ ᠳᠡᠯᠭᠡᠵᠦ ᠂ 75 ᠵᠢᠯ ᠤᠨ ᠡᠮᠦᠨᠡᠬᠢ ᠲᠡᠦᠬᠡᠨ ᠦᠢᠯᠡ ᠶᠠᠪᠤᠳᠠᠯ ᠊ᠢ ᠡᠷᠭᠢᠨ ᠰᠠᠨᠠᠭᠤᠯᠤᠯᠠ ᠃
ᠲᠡᠦᠬᠡ ᠵᠢᠨ ᠡᠳᠡᠭᠡᠷ ᠪᠠᠷᠢᠮᠲᠠ ᠪᠠᠨ ᠮᠠᠨ ᠪ ᠤᠯᠤᠰ ᠶᠤᠨᠧᠰᠺᠤ ᠵᠢᠨ ︽ ᠳᠡᠯᠡᠬᠡᠢ ᠵᠢᠨ ᠳᠤᠷᠠᠰᠤᠮᠵᠢ ︾ ᠬᠥᠲᠦᠯᠪᠦᠷᠢ ᠵᠢᠨ ᠣᠯᠠᠨ ᠤᠯᠤᠰ ᠤᠨ ᠪᠠᠷᠢᠮᠲᠠᠲᠤ ᠥᠪ ᠤᠨ ᠵᠢᠬᠰᠠᠭᠠᠯᠲᠠ ᠳᠤ ᠨᠡᠷᠡ ᠳᠡᠪᠰᠢᠭᠦᠯᠬᠦ ᠡᠷᠬᠡ ᠪᠡᠨ ᠠᠪᠤᠬᠰᠠᠨ ᠭᠡᠨᠡ ᠃ ᠮᠠᠨ ᠪ ᠤᠯᠤᠰ ᠡᠴᠠ ᠣᠳᠣ ᠪᠡᠷ ︽ ᠯᠤ ᠠᠯᠲᠠᠨ ᠲᠤᠪᠴᠢ ︾ ᠂ ︽ ᠮᠤᠩᠭᠤᠯ ᠰᠢᠩᠬᠤᠨ ᠳ᠋ᠠᠨᠵᠤᠤᠷ ︾ ᠂ ︽ ᠶᠢᠰᠦᠨ ᠡᠷᠳᠡᠨᠢ ᠵᠢᠨ ᠭᠠᠨᠵᠤᠤᠷ ︾ ᠪᠠᠬᠲᠠᠵᠠᠢ ᠃