ᠬᠤᠪᠲᠤ ᠠᠢᠢᠮᠠᠭ ᠲᠤ ︽ᠠᠷᠠᠳ ᠦᠨ ᠪᠢᠯᠢᠭ ᠵᠦᠢ ᠵᠢᠨ ᠠᠮᠠᠨ ᠵᠤᠬᠢᠶᠠᠯ︾ ᠤᠨ ᠴᠠᠬᠢᠮ ᠤᠷᠤᠯᠳᠤᠭᠠᠨ ᠪᠣᠯᠤᠨᠠ᠃ ᠬᠤᠪᠲᠤ ᠠᠢᠢᠮᠠᠭ ᠲᠤ ᠤᠷᠢᠶᠠᠩᠬᠠᠢ᠂ ᠳᠦᠷᠪᠡᠳ᠂ ᠵᠠᠬᠠᠴᠢᠨ᠂ ᠮᠢᠩᠭᠠᠳ᠂ ᠥᠭᠡᠯᠡᠳ᠂ ᠲᠤᠷᠭᠤᠳ᠂ ᠬᠠᠯᠬᠠ᠂ ᠺᠡᠽᠠᠬ ᠵᠡᠷᠭᠡ 13 ᠤᠭᠰᠠᠭᠠᠲᠠᠨ ᠠᠵᠤ ᠲᠥᠷᠦᠵᠦ ᠪᠠᠢᠢᠨᠠ᠃ ᠡᠳᠡᠭᠡᠷ ᠤᠭᠰᠠᠭᠠᠲᠠᠨ ᠪ ᠠᠵᠤ ᠪᠠᠢᠢᠳᠠᠯ᠂ ᠥᠪ ᠤᠯᠠᠮᠵᠢᠯᠠᠯ᠂ ᠬᠡᠯᠡ ᠠᠶᠠᠯᠭᠤ ᠂ ᠰᠤᠶᠤᠯ᠂ ᠶᠤᠰᠣ ᠵᠠᠩᠰᠢᠯ᠂ ᠰᠡᠳᠬᠢᠯᠭᠡ ᠳᠠᠪᠲᠠᠭᠳᠠᠰᠢ ᠦᠭᠡᠢ ᠥᠭᠡᠷᠡ ᠥᠩᠭᠡ ᠲᠥᠷᠬᠦ ᠲᠠᠢ᠃ ᠡᠢᠢᠮᠦ ᠳ᠋ᠦ ᠣᠯᠠᠨ ᠤᠭᠰᠠᠭᠠᠲᠠᠨ ᠪ ᠪᠦᠯᠦᠭ ᠦᠨ ᠬᠡᠯᠡ ᠠᠶᠠᠯᠭᠤ ᠂ ᠠᠮᠠᠨ ᠵᠤᠬᠢᠶᠠᠯ ᠦᠨ ᠲᠥᠷᠦᠯ ᠵᠦᠢᠯ ᠊ᠢ ᠣᠯᠠᠨ ᠨᠡᠢᠢᠲᠡ ᠳ᠋ᠦ ᠰᠤᠷᠲᠠᠯᠴᠢᠯᠠᠬᠤ᠂ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦ ᠂ ᠭᠤᠴᠣ ᠠᠪᠢᠶᠠᠰᠲᠠᠨ ᠊ᠢ ᠲᠤᠳᠤᠷᠠᠭᠤᠯᠬᠤ ᠂ ᠠᠯᠳᠠᠷᠰᠢᠭᠤᠯᠬᠤ ᠂ ᠰᠤᠶᠤᠯ ᠦᠨ ᠥᠪ ᠦᠨ ᠰᠠᠩ ᠳᠤ ᠬᠠᠳᠠᠭᠠᠯᠠᠨ ᠬᠠᠮᠠᠭᠠᠯᠠᠬᠤ ᠵᠤᠷᠢᠯᠭᠠ ᠪᠦᠬᠦᠢ ︽ᠠᠷᠠᠳ ᠦᠨ ᠪᠢᠯᠢᠭ ᠵᠦᠢ ᠵᠢᠨ ᠠᠮᠠᠨ ᠵᠤᠬᠢᠶᠠᠯ︾ ᠤᠨ ᠴᠠᠬᠢᠮ ᠤᠷᠤᠯᠳᠤᠭᠠᠨ ᠵᠤᠬᠢᠶᠠᠨ ᠪᠠᠢᠢᠭᠤᠯᠬᠤ ᠭᠡᠵᠦ ᠪᠠᠢᠢᠨᠠ ᠃
ᠤᠷᠤᠯᠳᠤᠭᠠᠨ ᠪ ᠶᠡᠷᠦᠩᠬᠡᠢ ᠵᠤᠬᠢᠶᠠᠨ ᠪᠠᠢᠢᠭᠤᠯᠤᠭᠴᠢ ᠪᠡᠷ ᠬᠤᠪᠲᠤ ᠠᠢᠢᠮᠠᠭ ᠦᠨ ᠢᠷᠭᠡᠳ ᠦᠨ ᠲᠥᠯᠦᠭᠡᠯᠡᠭᠴᠢᠳ ᠦᠨ ᠬᠤᠷᠠᠯ ᠂ ᠪᠣᠯᠪᠠᠰᠤᠷᠠᠯ ᠰᠤᠶᠤᠯ ᠤᠷᠠᠯᠢᠭ ᠦᠨ ᠭᠠᠵᠠᠷ ᠂ ᠭᠡᠷ ᠪᠦᠯᠢ ᠂ ᠬᠡᠦᠬᠡᠳ ᠵᠠᠯᠠᠭᠤᠴᠤᠳ ᠦᠨ ᠬᠥᠭᠵᠢᠯ ᠦᠨ ᠭᠠᠵᠠᠷ ᠂ ᠬᠥᠭᠵᠢᠮᠲᠦ ᠳ᠋ᠷᠠᠮ ᠦᠨ ᠲᠢᠶᠠᠲ᠋ᠷ᠂ ᠨᠤᠮ ᠦᠨ ᠰᠠᠩ᠂ ᠮᠦᠽᠧᠢ ᠂ ᠰᠤᠮᠤᠳ ᠦᠨ ᠰᠤᠶᠤᠯ ᠦᠨ ᠲᠥᠪ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠶᠤᠮ᠃ ᠴᠠᠬᠢᠮ ᠤᠷᠤᠯᠳᠤᠭᠠᠨ ᠨᠢ ᠰᠤᠶᠤᠯ ᠦᠨ ᠦᠨᠡᠲᠦ ᠵᠦᠢᠯ ᠊ᠢ ᠪᠤᠢ ᠪᠣᠯᠭᠠᠬᠤ ᠂ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠂ ᠬᠦᠷᠲᠡᠬᠦ ᠂ ᠡᠵᠡᠮᠰᠢᠬᠦ ᠂ ᠬᠠᠳᠠᠭᠠᠯᠠᠨ ᠬᠠᠮᠠᠭᠠᠯᠠᠬᠤ ᠣᠷᠴᠢᠨ ᠨᠥᠬᠥᠴᠡᠯ ᠪᠤᠢ ᠪᠣᠯᠭᠠᠵᠤ᠂ ᠬᠡᠦᠬᠡᠳ᠂ ᠵᠠᠯᠠᠭᠤ ᠦᠶᠡ ᠵᠢ ᠣᠶᠤᠨᠯᠢᠭ ᠂ ᠰᠤᠶᠤᠯ ᠤᠯᠠᠮᠵᠢᠯᠠᠯ ᠵᠢᠨᠨ ᠳᠡᠭᠡᠳᠦᠯᠡᠳᠡᠭ ᠢᠷᠭᠡᠨ ᠪᠣᠯᠭᠠᠨ ᠲᠥᠯᠦᠪᠰᠢᠭᠦᠯᠬᠦ ᠳ᠋ᠦ ᠴᠢᠬᠤᠯᠠ ᠠᠴᠢ ᠲᠤᠰᠠᠲᠠᠢ᠃ ᠲᠡᠢᠢᠮᠦ ᠡᠴᠡ ᠣᠷᠤᠨ ᠨᠤᠲᠤᠭ ᠦᠨ ᠢᠷᠭᠡᠳ ᠂ ᠬᠥᠳᠡᠯᠮᠦᠷᠢᠴᠢᠳ ᠲᠤᠰ ᠤᠷᠤᠯᠳᠤᠭᠠᠨ ᠳᠤ ᠢᠳᠡᠪᠬᠢᠲᠡᠢ ᠣᠷᠤᠯᠴᠠᠬᠤ ᠵᠢ ᠵᠤᠬᠢᠶᠠᠨ ᠪᠠᠢᠢᠭᠤᠯᠤᠭᠴᠢᠳ ᠤᠷᠢᠶᠠᠯᠠᠪᠠ ᠃ ᠣᠷᠤᠯᠴᠠᠭᠴᠢᠳ ᠤᠭᠰᠠᠭᠠᠲᠠᠨ ᠪ ᠬᠡᠯᠡ ᠂ ᠰᠤᠶᠤᠯ ᠂ ᠶᠤᠰᠣ ᠵᠠᠩᠰᠢᠯ ᠂ ᠠᠮᠢᠳᠤᠷᠠᠯ ᠦᠨ ᠬᠡᠪ ᠮᠠᠶ᠋ᠢᠭ ᠂ ᠵᠠᠩ ᠦᠢᠯᠡ ᠂ ᠨᠤᠲᠤᠭ ᠦᠨ ᠠᠶᠠᠯᠭᠠ ᠂ ᠳᠠᠭᠤᠳᠠᠯᠭᠠ ᠵᠢ ᠲᠤᠳᠤᠳᠬᠠᠨ ᠬᠠᠷᠠᠭᠤᠯᠤᠭᠰᠠᠨ ᠬᠠᠷᠢᠯᠴᠠᠨ ᠶᠠᠷᠢᠶᠠ ᠂ ᠥᠭᠦᠯᠡᠮᠵᠢ ᠂ ᠠᠷᠠᠳ ᠦᠨ ᠳᠤᠮᠳᠠ ᠲᠦᠭᠡᠭᠰᠡᠨ ᠠᠮᠠᠨ ᠵᠤᠬᠢᠶᠠᠯ ᠂ ᠲᠦᠷᠭᠡᠨ ᠬᠡᠯᠡᠯᠭᠡ ᠂ ᠬᠤᠱᠤᠩ ᠶᠠᠷᠢᠶᠠ ᠵᠡᠷᠭᠡ ᠵᠢ ᠵᠤᠬᠢᠶᠠᠮᠵᠢᠯᠠᠨ ᠵᠦᠴᠦᠭᠡᠴᠢᠯᠡᠭᠰᠡᠨ ᠲᠤᠭᠯᠠᠯᠲᠠ ᠬᠢᠬᠦ ᠤᠴᠢᠷᠲᠠᠢ ᠃
