ᠲᠤᠯᠭᠤᠷ ᠲᠥᠷᠦ ᠵᠢᠨ 2229᠂ ᠶᠡᠬᠡ ᠮᠤᠩᠭᠤᠯ ᠤᠯᠤᠰ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠪ 814᠂ ᠦᠨᠳᠦᠰᠦᠨ ᠦ ᠡᠷᠬᠡ ᠴᠢᠯᠦᠭᠡ ᠲᠤᠰᠠᠭᠠᠷ ᠲᠤᠭᠲᠠᠨᠢᠯ ᠢᠶᠠᠨ ᠰᠡᠷᠭᠦᠭᠡᠭᠰᠡᠨ ᠦ 109᠂ ᠠᠷᠠᠳ ᠦᠨ ᠬᠤᠪᠢᠰᠬᠠᠯ ᠤᠨ 99᠂ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ 30 ᠵᠢᠯ ᠤᠨ ᠣᠢ᠂ ᠦᠨᠳᠦᠰᠦᠨ ᠪ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠲᠤᠢᠢᠮᠣ ᠵᠢ ᠬᠦᠷᠭᠡᠵᠦ ᠪᠠᠢᠢᠨᠠ᠃ ᠲᠠᠬᠤᠯ ᠤᠨ ᠤᠯᠠᠮ ᠡᠴᠠ ᠰᠤᠶᠤᠯ ᠤᠷᠠᠯᠢᠭ᠂ ᠰᠫᠣᠷᠲ ᠤᠨ ᠣᠯᠠᠨ ᠠᠷᠭᠠ ᠬᠡᠮᠵᠢᠶᠡ ᠵᠢ ᠴᠤᠴᠠᠯᠠᠨ ᠬᠥᠯ ᠬᠤᠷᠢᠭᠠ ᠲᠤᠭᠲᠠᠭᠠᠭᠠᠳ ᠪᠠᠢᠢᠭᠠ ᠴᠦ ᠦᠨᠳᠦᠰᠦᠨ ᠪ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠵᠢᠨᠨ ᠦᠵᠡᠭᠴᠢ ᠦᠭᠡᠢ ᠴᠠᠬᠢᠮ ᠵᠢᠨᠷ ᠰᠢᠭᠤᠳ ᠳᠠᠮᠵᠢᠭᠤᠯᠤᠨ ᠬᠦᠷᠭᠡᠬᠦ ᠰᠢᠢᠳᠪᠦᠷᠢ ᠵᠢ ᠤᠯᠤᠰ ᠤᠨ ᠤᠨᠴᠠᠭᠠᠢ ᠺᠤᠮᠢᠰ ᠡᠴᠠ ᠭᠠᠷᠭᠠᠨ ᠦᠨᠳᠦᠰᠦᠨ ᠪ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠬᠥᠲᠦᠯᠪᠦᠷᠢ ᠵᠢ ᠪᠠᠲᠤᠯᠠᠭᠰᠠᠨ ᠪᠢᠯᠡ᠃ ᠡᠨᠡ ᠳᠠᠭᠠᠤ ᠨᠠᠭᠠᠳᠤᠮ ᠤᠨ ᠨᠡᠭᠡᠭᠡᠯᠲᠡ᠂ ᠬᠠᠭᠠᠯᠲᠠ ᠵᠢᠨ ᠠᠷᠭᠠ ᠬᠡᠮᠵᠢᠶᠡ᠂ ᠬᠦᠴᠦᠲᠦ ᠪᠥᠬᠡ ᠵᠢᠨ ᠪᠠᠷᠢᠯᠳᠤᠭᠠᠨ᠂ ᠰᠤᠷ᠂ ᠱᠠᠭᠠᠢ ᠵᠢᠨ ᠬᠠᠷᠪᠤᠭᠠ ᠲᠥᠪ ᠠᠢᠢᠮᠠᠭ ᠤᠨ ᠡᠷᠳᠡᠨᠢ ᠰᠤᠮᠤ ᠵᠢᠨ ᠨᠤᠲᠤᠭ ᠲᠠᠬᠢ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠴᠤᠭᠴᠠᠯᠠᠪᠤᠷᠢ ᠳᠤ ᠵᠤᠬᠢᠶᠠᠨ ᠪᠠᠢᠢᠭᠤᠯᠤᠭᠳᠠᠭᠰᠠᠨ ᠪᠣᠯ ᠬᠤᠷᠳᠤᠨ ᠮᠤᠷᠢᠳ ᠤᠨ ᠤᠷᠤᠯᠳᠤᠭᠠᠨ ᠊ᠢ ᠤᠯᠠᠮᠵᠢᠯᠠᠯ ᠶᠤᠰᠣ ᠪᠡᠷ ᠬᠦᠢ ᠳᠤᠯᠤᠭᠠᠨ ᠬᠤᠳᠳᠤᠭ ᠲᠤ ᠦᠵᠡᠭᠴᠢ ᠦᠭᠡᠢ ᠪᠡᠷ ᠵᠤᠬᠢᠶᠠᠨ ᠪᠠᠢᠢᠭᠤᠯᠤᠭᠰᠠᠨ ᠶᠤᠮ᠃ ᠨᠠᠭᠠᠳᠤᠮ ᠦᠨ ᠨᠡᠭᠡᠭᠡᠯᠲᠡ᠂ ᠬᠠᠭᠠᠯᠲᠠ᠂ ᠬᠦᠨᠳᠦᠳᠬᠡᠯ ᠤᠨ ᠲᠤᠭᠯᠠᠯᠲᠠ ᠶᠢᠨ ᠶᠡᠷᠦᠩᠬᠡᠢ ᠨᠠᠢᠢᠷᠠᠭᠤᠯᠤᠭᠴᠢ ᠪᠠᠷ︽ᠾᠸᠷᠤ᠋ ᠢᠨᠲᠸᠷᠲ᠋ᠠᠢᠮᠸᠨᠲ︾ ᠤᠨ ᠶᠡᠷᠦᠩᠬᠡᠢ ᠨᠠᠢᠢᠷᠠᠭᠤᠯᠤᠭᠴᠢ ᠪ᠊·ᠪᠠᠭᠠᠲᠤᠷ ᠠᠵᠢᠯᠯᠠᠭᠰᠠᠨ᠃
ᠰᠢᠨᠡ ᠠᠪᠤᠷᠭᠤ ᠂ ᠰᠢᠨᠡ ᠵᠠᠭᠠᠨ᠂ ᠭᠤᠷᠪᠠᠨ
ᠬᠠᠷᠴᠠᠭᠠᠢ ᠂ ᠳᠤᠯᠤᠭᠠᠨ ᠨᠠᠴᠢᠨ ᠲᠥᠷᠦᠯᠡ
ᠦᠨᠳᠦᠰᠦᠨ ᠪ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠳᠤ 512 ᠪᠥᠬᠡ ᠪᠠᠷᠢᠯᠳᠤᠭᠰᠠᠨ ᠤ 93 ᠨᠢ ᠤᠯᠤᠰ ᠤᠨ ᠴᠤᠯᠠ ᠲᠠᠢ ᠪᠥᠬᠡ ᠪᠠᠢᠢᠪᠠ᠃ ᠤᠯᠤᠰ ᠤᠨ ᠠᠪᠤᠷᠭᠤ ᠨ᠊·ᠪᠠᠲᠤᠰᠠᠭᠤᠷᠢ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠮ᠊·ᠪᠠᠳᠢᠷᠴᠢ ᠪᠠᠷ᠂ ᠤᠯᠤᠰ ᠤᠨ ᠠᠷᠰᠯᠠᠨ ᠫ᠊·ᠪᠦᠷᠢᠨᠲᠡᠭᠦᠰ ᠤᠯᠤᠰ ᠤᠨ ᠵᠠᠭᠠᠨ ᠪ᠊·ᠫᠦᠷᠪᠦᠰᠠᠢᠬᠠᠨ ᠢᠶᠠᠷ ᠨᠠᠢᠮᠠ ᠳᠠᠪᠠᠵᠤ᠂ ᠦᠵᠦᠭᠦᠷ ᠲᠦᠷᠦᠭᠦᠦ ᠳᠤ ᠰᠢᠯᠭᠠᠷᠠᠭᠰᠠᠨ ᠪᠥᠭᠡᠳ ᠠᠷᠰᠯᠠᠨ ᠫ᠊· ᠪᠦᠷᠢᠨᠲᠡᠭᠦᠰ ᠨ᠊·ᠪᠠᠲᠤᠰᠠᠭᠤᠷᠢ ᠠᠪᠤᠷᠭᠤ ᠪᠠᠷ ᠶᠢᠰᠦ ᠳᠠᠪᠠᠨ ᠲᠥᠷᠦ ᠵᠢᠨ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠳ᠋ᠤ ᠪᠠᠨ ᠬᠤᠶᠠᠳᠠᠭᠢ ᠤᠳᠠᠭᠠ ᠪᠠᠨ ᠲᠦᠷᠦᠭᠦᠯᠡᠨ᠂ ᠮᠤᠩᠭᠤᠯ ᠤᠯᠤᠰ ᠤᠨ 25 ᠳ᠋ᠡᠬᠢ ᠠᠪᠤᠷᠭᠤ ᠴᠤᠯᠠᠲᠠᠨ ᠲᠦᠷᠦᠭᠰᠡᠨ᠃ ᠲᠡᠷᠡ ᠬᠤᠶᠠᠭᠤᠯᠠ ᠪᠠᠨ ᠤᠪᠰᠤ ᠠᠢᠢᠮᠠᠭ ᠤᠨ ᠬᠠᠷᠢᠶᠠᠲᠤ᠂︽ᠤᠪᠰᠤ ᠨᠠᠭᠤᠷ︾ᠪᠥᠬᠡ ᠵᠢᠨ ᠳᠡᠪᠵᠢᠶᠡᠨ ᠦ ᠪᠥᠬᠡᠴᠦᠳ ᠶᠤᠮ ᠃
ᠡᠨᠡ ᠵᠢᠯ ᠤᠨ ᠦᠨᠳᠦᠰᠦᠨ ᠪ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠬᠦᠴᠦᠲᠦ ᠪᠥᠬᠡ ᠵᠢᠨ ᠪᠠᠷᠢᠯᠳᠤᠭᠠᠨ ᠳ᠋ᠤ 419 ᠠᠢᠢᠮᠠᠭ᠂ ᠴᠡᠷᠢᠭ ᠤᠨ ᠴᠤᠯᠠ ᠲᠠᠢ ᠪᠣᠯᠤᠨ ᠵᠠᠯᠠᠭᠤ ᠪᠥᠬᠡᠴᠦᠳ ᠵᠤᠳᠤᠭᠯᠠᠭᠰᠠᠨ ᠶᠤᠮ᠃ ᠡᠭᠦᠨ ᠡᠴᠡ ᠠᠢᠢᠮᠠᠭ᠂ ᠴᠡᠷᠢᠭ ᠤᠨ ᠠᠷᠰᠯᠠᠨ ᠴᠤᠯᠠ ᠲᠠᠢ ᠳᠤᠯᠤᠭᠠᠨ ᠪᠥᠬᠡ ᠤᠯᠤᠰ ᠤᠨ ᠨᠠᠴᠢᠨ᠂ ᠬᠤᠶᠠᠷ ᠪᠥᠬᠡ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠴᠤᠯᠠᠨ ᠳ᠋ᠤ ᠬᠦᠷᠦᠭᠰᠡᠨ᠃ ᠮᠥᠨ ᠤᠯᠤᠰ ᠤᠨ ᠨᠠᠴᠢᠨ ᠴ᠊·ᠣᠳᠤᠪᠠᠶᠠᠷ ᠵᠢᠷᠭᠤᠭᠠ ᠳᠠᠪᠠᠵᠤ ᠬᠠᠷᠴᠠᠭᠠᠢ᠂ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠮ᠊· ᠪᠠᠳᠢᠷᠴᠢ ᠳᠤᠯᠤᠭᠠ ᠳᠠᠪᠠᠨ᠂ ᠵᠠᠭᠠᠨ ᠴᠤᠯᠠᠲᠠᠨ ᠪᠣᠯᠤᠯᠠ᠃ ᠶᠡᠷᠦᠩᠬᠡᠢᠢᠯᠡᠭᠴᠢ ᠵᠠᠷᠯᠢᠭ ᠭᠠᠷᠭᠠᠨ᠂ ᠰᠢᠨᠡ ᠪᠡᠷ ᠲᠥᠷᠦᠭᠰᠡᠨ ᠤᠯᠤᠰ ᠤᠨ ᠴᠤᠯᠠᠲᠠᠳ ᠪᠣᠯᠤᠨ ᠴᠤᠯᠠ ᠪᠠᠨ ᠠᠬᠢᠭᠤᠯᠤᠭᠰᠠᠨ ᠪᠥᠬᠡᠴᠦᠳ ᠲᠦ ᠤᠯᠤᠰ ᠤᠨ ᠨᠠᠴᠢᠨ ᠂ ᠬᠠᠷᠴᠠᠭᠠᠢ ᠂ ᠵᠠᠭᠠᠨ ᠴᠤᠯᠠ ᠣᠯᠭᠤᠭᠰᠠᠨ ᠶᠤᠮ ᠃
ᠵᠠᠪᠬᠠᠨ ᠂ ᠡᠮᠦᠨᠡᠭᠤᠪᠢ ᠂ ᠲᠥᠪ ᠠᠢᠢᠮᠠᠭ ᠤᠨ
ᠤᠶᠠᠭᠠᠴᠢᠳ ᠣᠳᠤᠲᠠᠢ ᠨᠠᠭᠠᠳᠤᠯᠠ
ᠳᠤᠯᠤᠳᠤᠭᠠᠷ ᠰᠠᠷᠠ ᠵᠢᠨ 10 ᠪ ᠡᠳᠦᠷ ᠬᠦᠢ ᠳᠤᠯᠤᠭᠠᠨ ᠬᠤᠳᠳᠤᠭ ᠲᠤ ᠰᠢᠷᠦᠭᠦᠨ ᠪᠣᠷᠤᠭᠠᠨ ᠲᠠᠢ᠂ ᠤᠷᠤᠯᠳᠤᠭᠠᠨ ᠪ ᠵᠠᠮ ᠰᠢᠪᠬᠠᠢ ᠶᠡᠬᠡᠲᠡᠢ᠂ ᠮᠤᠷᠢ ᠬᠠᠯᠲᠤᠷᠢᠬᠤ ᠂ ᠬᠡᠦᠬᠡᠳ ᠤᠨᠠᠵᠤ ᠪᠡᠷᠲᠡᠬᠦ ᠂ ᠪᠡᠭᠡᠷᠡᠬᠦ ᠡᠷᠡᠰᠳᠡᠯ ᠲᠠᠢ ᠪᠠᠢᠢᠭᠠ ᠭᠡᠵᠦ ᠦᠵᠡᠭᠰᠡᠨ ᠲᠤᠯᠠ ᠬᠢᠵᠠᠭᠠᠯᠠᠩ᠂ ᠰᠢᠳᠦᠯᠡᠩ ᠨᠠᠰᠤᠨ ᠪ ᠬᠤᠷᠳᠤᠨ ᠮᠤᠷᠢᠳ ᠤᠨ ᠤᠷᠤᠯᠳᠤᠭᠠᠨ ᠊ᠢ ᠥᠨᠦᠳᠦᠷ︵7.13︶ᠵᠤᠬᠢᠶᠠᠨ ᠪᠠᠢᠭᠤᠯᠤᠭᠰᠠᠨ᠃
ᠠᠵᠢᠷᠭᠠᠨ ᠪ ᠤᠷᠤᠯᠳᠤᠭᠠᠨ ᠳᠦ 104 ᠬᠤᠷᠳᠤᠨ ᠠᠵᠢᠷᠭᠠ ᠰᠢᠨᠳᠠᠰᠤ ᠪᠠᠨ ᠰᠤᠷᠢᠭᠰᠠᠨ ᠡᠴᠠ ᠲᠦᠷᠦᠭᠦᠦ ᠮᠠᠩᠨᠠᠢ ᠳᠦ ᠲᠥᠪ ᠠᠢᠢᠮᠠᠭ ᠤᠨ ᠪᠠᠶᠠᠨ ᠰᠤᠮᠤ ᠵᠢᠨ ᠬᠠᠷᠢᠶᠠᠲᠤ ᠪ᠊·ᠨᠢᠮᠠᠵᠠᠪ ᠤᠨ ᠬᠡᠭᠡᠷ ᠠᠵᠢᠷᠭᠠ᠂ ᠠᠮᠠᠨ ᠬᠦᠵᠦᠭᠦᠨ ᠳᠦ ᠥᠪᠥᠷᠬᠠᠩᠭᠠᠢ ᠠᠢᠢᠮᠠᠭ ᠤᠨ ᠬᠤᠵᠢᠷᠲᠤ ᠰᠤᠮᠤ ᠵᠢᠨ ᠬᠠᠷᠢᠶᠠᠲᠤ ᠫ᠊·ᠪᠠᠲᠤᠰᠠᠢᠢᠬᠠᠨ ᠪ ᠬᠡᠭᠡᠷ ᠠᠵᠢᠷᠭᠠ᠂ ᠠᠢᠢᠷᠠᠭ ᠦᠨ ᠭᠤᠷᠪᠠ ᠳᠦ᠂ ᠠᠷᠤ ᠬᠠᠩᠭᠠᠢ ᠠᠢᠢᠮᠠᠭ ᠦᠨ ᠳ᠋᠊·ᠯᠾᠬᠠᠪᠠᠰᠦ᠋ᠷᠤᠩ ᠤᠨ ᠬᠠᠷᠠ ᠠᠵᠢᠷᠭᠠ ᠳᠠᠪᠬᠢᠯᠠ᠃
ᠶᠡᠬᠡ ᠨᠠᠰᠤᠨ ᠪ ᠮᠤᠷᠢᠳ ᠤᠨ ᠤᠷᠤᠯᠳᠤᠭᠠᠨ ᠳᠤ 210 ᠮᠤᠷᠢ ᠤᠷᠤᠯᠳᠤᠵᠤ᠂ ᠲᠦᠷᠦᠭᠦᠦ ᠮᠠᠩᠨᠠᠢ ᠳᠤ ᠵᠠᠪᠬᠠᠨ ᠠᠢᠢᠮᠠᠭ ᠤᠨ ᠲᠤᠰᠤᠨᠴᠡᠩᠭᠡᠯ ᠰᠤᠮᠤ ᠵᠢᠨ ᠤᠶᠠᠭᠠᠴᠢ ᠰ᠊·ᠪᠠᠶᠠᠷᠰᠠᠢᠢᠬᠠᠨ ᠪ ᠬᠠᠯᠢᠭᠤᠨ ᠮᠤᠷᠢ ᠲᠦᠷᠦᠭᠦᠯᠡᠯᠡ᠃ ᠠᠮᠠᠨ ᠬᠦᠵᠦᠭᠦᠨ ᠳ᠋ᠦ ᠵᠠᠪᠬᠠᠨ ᠠᠢᠢᠮᠠᠭ ᠤᠨ ᠵᠠᠪᠬᠠᠨᠮᠠᠨᠳᠠᠯ ᠰᠤᠮᠤ ᠵᠢᠨ ᠤᠶᠠᠭᠠᠴᠢ ᠴ᠊·ᠮᠥᠩᠬᠡᠬᠤᠶᠠᠭ ᠤᠨ ᠴᠠᠪᠢᠳᠠᠷ ᠮᠤᠷᠢ᠂ ᠠᠢᠢᠷᠠᠭ ᠦᠨ ᠭᠤᠷᠪᠠ ᠳᠦ ᠳᠤᠮᠲᠠᠭᠤᠪᠢ ᠠᠢᠢᠮᠠᠭ ᠦᠨ ᠮᠠᠩᠯᠠᠢ ᠤᠶᠠᠭᠠᠴᠢ ᠭ᠊·ᠴᠢᠩᠵᠤᠷᠢᠭ ᠤᠨ ᠬᠡᠭᠡᠷ ᠮᠤᠷᠢ ᠳᠠᠪᠬᠢᠯᠠ᠃
ᠰᠤᠶᠤᠭᠠᠯᠠᠩ ᠮᠤᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ 184 ᠬᠤᠷᠳᠤᠨ ᠦᠷᠢᠶᠡ ᠪᠦᠷᠢᠳᠭᠡᠭᠦᠯᠵᠤ᠂ ᠤᠷᠤᠯᠳᠤᠭᠰᠠᠨ ᠠᠴᠠ ᠲᠦᠷᠦᠭᠦᠦ ᠮᠠᠩᠨᠠᠢ ᠳᠤ᠂ ᠭᠤᠪᠢ ᠠᠯᠲᠠᠢ ᠠᠢᠢᠮᠠᠭ ᠦᠨ ᠬᠠᠯᠢᠭᠤᠨ ᠰᠤᠮᠤ ᠵᠢᠨ ᠬᠠᠷᠢᠶᠠᠲᠤ ᠭ᠊·ᠴᠢᠩᠵᠤᠷᠢᠭ ᠤᠨ ᠬᠠᠷᠠ ᠦᠷᠢᠶᠡ᠂ ᠠᠮᠠᠨ ᠬᠦᠵᠦᠭᠦᠨ ᠳ᠋ᠦ᠂ ᠪᠤᠯᠠᠭᠠᠨ ᠠᠢᠢᠮᠠᠭ ᠦᠨ ᠭᠤᠷᠪᠠᠨ ᠪᠤᠯᠠᠭ ᠰᠤᠮᠤ ᠵᠢᠨ ᠳ᠋᠊·ᠬᠡᠰᠢᠭᠵᠢᠷᠭᠠᠯ ᠤᠨ ᠬᠠᠯᠵᠠᠨ ᠦᠷᠢᠶᠡ᠂ ᠠᠢᠢᠷᠠᠭ ᠦᠨ ᠭᠤᠷᠪᠠ ᠳᠤ ᠬᠥᠪᠰᠦᠬᠥᠯ ᠠᠢᠢᠮᠠᠭ ᠦᠨ ᠴᠡᠴᠡᠷᠯᠢᠭ ᠰᠤᠮᠤ ᠵᠢᠨ ᠭ᠊·ᠪᠠᠲᠤᠪᠣᠯᠤᠳ ᠤᠨ ᠬᠠᠯᠲᠠᠷ ᠦᠷᠢᠶᠡ ᠳᠠᠪᠬᠢᠯᠠ᠃
ᠳᠠᠭᠠᠨ ᠪ ᠤᠷᠤᠯᠳᠤᠭᠠᠨ ᠳᠦ 49 ᠬᠤᠷᠳᠤᠨ ᠳᠠᠭᠠ ᠤᠷᠤᠯᠳᠤᠵᠤ᠂ ᠲᠦᠷᠦᠭᠦᠦ ᠮᠠᠩᠨᠠᠢ ᠳᠦ᠂ ᠣᠷᠬᠤᠨ ᠠᠢᠢᠮᠠᠭ ᠦᠨ ᠪᠠᠶᠠᠨ ᠥᠨᠳᠦᠷ ᠰᠤᠮᠤ ᠵᠢᠨ ᠬᠠᠷᠢᠶᠠᠲᠤ ᠲ᠊ ·ᠪᠠᠶᠠᠷᠰᠠᠢᠢᠬᠠᠨ ᠪ ᠤᠶᠠᠭᠰᠠᠨ ᠵ᠊·ᠲᠡᠮᠦᠵᠢᠨ ᠪ ᠬᠤᠯᠠ ᠳᠠᠭᠠ᠂ ᠠᠮᠠᠨ ᠬᠦᠵᠦᠭᠦᠨ ᠳ᠋ᠦ ᠵᠠᠪᠬᠠᠨ ᠠᠢᠢᠮᠠᠭ ᠦᠨ ᠲᠤᠰᠤᠨᠴᠡᠩᠭᠡᠯ ᠰᠤᠮᠤ ᠵᠢᠨ ᠬᠠᠷᠢᠶᠠᠲᠤ ᠰ᠊·ᠪᠠᠶᠠᠷᠰᠠᠢᠢᠬᠠᠨ ᠪ ᠪᠣᠷᠣ ᠳᠠᠭᠠ᠂ ᠠᠢᠢᠷᠠᠭ ᠦᠨ ᠭᠤᠷᠪᠠ ᠳᠤ ᠲ᠊ · ᠪᠠᠲᠤᠴᠤᠤᠵᠢ᠂ ᠮᠠᠩᠯᠠᠢ ᠶᠢᠨ ᠤᠶᠠᠭᠰᠠᠨ ᠴ᠊·ᠭᠤᠨᠴᠤᠭᠰᠦ᠋ᠷᠤᠩ ᠤᠨ ᠬᠡᠭᠡᠷᠡ ᠳᠠᠭᠠ ᠤᠷᠤᠯᠠ᠃
ᠬᠢᠵᠠᠭᠠᠯᠠᠩ ᠮᠤᠷᠢᠨ ᠪ ᠤᠷᠤᠯᠳᠤᠭᠠᠨ ᠳᠦ 286 ᠬᠤᠷᠳᠤᠨ ᠬᠦᠯᠦᠭ ᠤᠷᠤᠯᠳᠤᠭᠠᠳ᠂ ᠲᠦᠷᠦᠭᠦᠦ ᠮᠠᠩᠨᠠᠢ ᠳᠦ ᠥᠩᠭᠡᠷᠡᠭᠰᠡᠨ ᠵᠢᠯ ᠤᠨ ᠰᠢᠳᠦᠯᠡᠩ ᠮᠤᠷᠢᠨ ᠤ ᠲᠦᠷᠦᠭᠦᠦ ᠲᠥᠪ ᠠᠢᠢᠮᠠᠭ ᠤᠨ ᠠᠯᠲᠠᠨᠪᠤᠯᠠᠭ ᠰᠤᠮᠤ ᠵᠢᠨ ᠳ᠋᠊ · ᠭᠠᠩᠵᠤᠷᠢᠭ ᠤᠨ ᠬᠠᠷᠠ ᠦᠷᠢᠶᠡ ᠵᠢ ᠠᠢᠢᠮᠠᠭ ᠤᠨ ᠤᠶᠠᠭᠠᠴᠢ ᠪ᠊·ᠪᠠᠲᠤᠬᠦᠦ ᠤᠶᠠᠵᠤ ᠲᠦᠷᠦᠭᠦᠯᠡᠭᠦᠯᠦᠯᠡ᠃ ᠠᠮᠠᠨ ᠬᠦᠵᠦᠭᠦᠨ ᠳ᠋ᠦ ᠵᠠᠪᠬᠠᠨ ᠠᠢᠢᠮᠠᠭ ᠦᠨ ᠲᠤᠰᠤᠨᠴᠡᠩᠭᠡᠯ ᠰᠤᠮᠤ ᠵᠢᠨ ᠬᠠᠷᠢᠶᠠᠲᠤ ᠲ᠊·ᠤᠤᠭᠠᠨᠪᠠᠶᠠᠷ ᠤᠨ ᠬᠦᠷᠡᠩ ᠦᠷᠢᠶᠡ᠂ ᠠᠢᠢᠷᠠᠭ ᠦᠨ ᠭᠤᠷᠪᠠ ᠳᠦ ᠤᠯᠠᠭᠠᠨᠪᠠᠭᠠᠲᠤᠷ ᠬᠤᠲᠠ ᠵᠢᠨ ᠪᠠᠭᠠ ᠬᠠᠩᠭᠠᠢ ᠲᠡᠭᠦᠷᠭᠡ ᠵᠢᠨ ᠤᠶᠠᠭᠠᠴᠢ ᠳ᠋᠊ · ᠫᠦᠷᠪᠦᠰᠠᠮᠪᠤᠤ ᠶᠢᠨ ᠬᠦᠷᠡᠩ ᠦᠷᠢᠶᠡ ᠳᠠᠪᠬᠢᠯᠠ᠃
ᠳ᠋᠊ · ᠳᠡᠮᠪᠡᠷᠢᠯᠰᠠᠢᠬᠠᠨ ᠳᠠᠶᠠᠩ ᠮᠡᠷᠭᠡᠨ ᠪᠣᠯᠪᠠ
ᠡᠷᠡᠭᠲᠡᠢ ᠰᠤᠷᠴᠢᠳ ᠠᠴᠠ ᠮᠤᠩᠭᠤᠯ ᠤᠯᠤᠰ ᠦᠨ ᠮᠡᠷᠭᠡᠨ ᠵᠠᠪᠬᠠᠨ ᠠᠢᠢᠮᠠᠭ ᠤᠨ ᠡᠷᠳᠡᠨᠢᠬᠠᠢᠢᠷᠬᠠᠨ ᠰᠤᠮᠤ ᠵᠢᠨ ᠳ᠋᠊·ᠳᠡᠮᠪᠡᠷᠢᠯᠰᠠᠢᠬᠠᠨ 40 ᠰᠤᠮᠤᠨ ᠡᠴᠠ 38 ᠣᠨᠤᠵᠤ ᠬᠤᠶᠠᠳᠠᠬᠢ ᠤᠳᠠᠭᠠ ᠲᠦᠷᠦᠭᠦᠯᠡᠵᠦ ᠳᠠᠶᠠᠩ ᠮᠡᠷᠭᠡᠨ ᠪᠣᠯᠤᠯᠠ᠃ ᠬᠤᠶᠠᠳᠤᠭᠠᠷ ᠪᠠᠢᠢᠷᠢᠨ ᠳᠦ ᠠᠢᠢᠮᠠᠭ ᠤᠨ ᠮᠡᠷᠭᠡᠨ ᠳ᠋᠊·ᠪᠠᠲᠤᠲᠤᠯᠭᠠ 36 ᠣᠨᠤᠭᠠ ᠠᠪᠴᠤ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠭᠠᠷᠮᠠᠭᠠᠢ ᠮᠡᠷᠭᠡᠨ ᠪᠤᠯᠤᠯᠠ᠃ ᠭᠤᠷᠪᠠᠳᠤᠭᠠᠷ ᠪᠠᠢᠢᠷᠢᠨ ᠳᠤ ᠠᠢᠢᠮᠠᠭ ᠤᠨ ᠮᠡᠷᠭᠡᠨ ᠫ᠊·ᠶᠠᠪᠤᠭᠤᠬᠤᠯᠠᠩ 36 ᠣᠨᠤᠭᠠ ᠪᠠᠷ ᠭᠤᠴᠣ ᠮᠠᠷᠭᠡᠨ ᠪᠤᠯᠤᠯᠠ ᠃
ᠡᠮᠡᠭᠲᠡᠢ ᠬᠠᠷᠪᠤᠭᠠᠴᠢᠳ ᠡᠴᠠ᠂ ᠰᠦᠬᠡᠪᠠᠭᠠᠲᠤᠷ ᠠᠢᠢᠮᠠᠭ ᠦᠨ ᠪᠠᠶᠠᠨ ᠳᠡᠯᠭᠡᠷ ᠰᠤᠮᠤ ᠵᠢᠨ ᠤᠤᠭᠠᠯ᠂ ᠠᠢᠢᠮᠠᠭ ᠤᠨ ᠮᠡᠷᠭᠡᠨ ᠯ᠊·ᠤᠳᠤᠰᠠᠢᠬᠠᠨ 34 ᠤᠨᠤᠭᠠ ᠬᠠᠷᠪᠤᠵᠤ ᠮᠤᠩᠭᠤᠯ ᠤᠯᠤᠰ ᠤᠨ ᠮᠡᠷᠭᠡᠨ᠂ ᠬᠤᠶᠠᠳᠤᠭᠠᠷ ᠲᠤ ᠮᠤᠩᠭᠤᠯ ᠤᠯᠤᠰ ᠤᠨ ᠳᠠᠶᠠᠩ ᠮᠡᠷᠭᠡᠨ᠂ ᠵᠠᠪᠬᠠᠨ ᠠᠢᠢᠮᠠᠭ ᠤᠨ ᠲᠦᠳᠦᠪᠲᠡᠢ ᠰᠤᠮᠤ ᠵᠢᠨ ᠤᠤᠭᠠᠯ ᠳ᠋᠊·ᠡᠷᠳᠡᠨᠢᠲᠤᠶᠠᠭᠠ 34 ᠤᠨᠤᠭᠠ ᠪᠠᠷ᠂ ᠭᠤᠷᠪᠠᠳᠤᠭᠠᠷ ᠲᠤ ᠳᠤᠷᠤᠨᠠᠲᠤ ᠠᠢᠢᠮᠠᠭ ᠤᠨ ᠬᠥᠯᠦᠨ ᠪᠣᠢᠢᠷ ᠰᠤᠮᠤ ᠵᠢᠨ ᠤᠤᠭᠠᠯ᠂ ᠮᠤᠩᠭᠤᠯ ᠤᠯᠤᠰ ᠦᠨ ᠭᠠᠷᠮᠠᠭᠠᠢ ᠬᠠᠷᠪᠤᠭᠠᠴᠢ ᠴ᠊ · ᠭᠠᠩᠳᠠᠸᠠ ᠰᠢᠯᠭᠠᠷᠠᠯᠠ᠃ ᠤᠷᠤᠯᠳᠤᠭᠠᠨ ᠳᠤ ᠡᠮᠡᠭᠲᠡᠢ 144᠂ ᠡᠷᠡᠭᠲᠡᠢ 396 ᠬᠠᠷᠪᠤᠭᠠᠴᠢ ᠤᠷᠤᠯᠴᠠᠪᠠ᠃
ᠦᠯᠡᠮᠵᠢ ᠳᠠᠷᠬᠠᠨ ᠮᠡᠷᠭᠡᠨ᠂ ᠭᠠᠷᠮᠠᠭᠠᠢ ᠮᠡᠷᠭᠡᠨ ᠂ ᠤᠯᠤᠰ ᠤᠨ
ᠮᠡᠷᠭᠡᠨ ᠬᠤᠶᠠᠷ ᠂ ᠬᠤᠱᠤᠢ ᠮᠡᠷᠭᠡᠨ ᠲᠠᠪᠤ ᠲᠥᠷᠦᠪᠡ
ᠨᠠᠭᠠᠳᠤᠮ ᠤᠨ ᠱᠠᠭᠠ ᠬᠠᠷᠪᠤᠭᠠᠨ ᠪ ᠲᠥᠷᠦᠯ ᠳ᠋ᠦ ᠤᠯᠤᠰ ᠤᠨ ᠮᠡᠷᠭᠡᠨ ᠪ᠊·ᠠᠮᠤᠭᠤᠯᠠᠩᠪᠠᠶᠠᠷ ᠠᠬᠠᠯᠠᠭᠴᠢ ᠲᠠᠢ ᠬᠡᠨᠲᠡᠢ ᠠᠢᠢᠮᠠᠭ ᠤᠨ ᠪᠠᠭ ᠲᠦᠷᠦᠭᠦᠯᠡᠯᠡ ᠃ ᠬᠤᠶᠠᠳᠤᠭᠠᠷ ᠪᠠᠢᠢᠷᠢ ᠳᠤ᠂ ᠤᠯᠤᠰ ᠤᠨ ᠦᠯᠡᠮᠵᠢ ᠳᠠᠷᠬᠠᠨ ᠮᠡᠷᠭᠡᠨ ᠱ᠊·ᠣᠳᠬᠤᠨᠪᠠᠶᠠᠷ ᠠᠬᠠᠯᠠᠭᠴᠢ ᠲᠠᠢ ᠳᠤᠷᠤᠨᠠᠭᠤᠪᠢ ᠠᠢᠢᠮᠠᠭ ᠤᠨ︽ᠪᠣᠯᠤᠳ ᠲᠡᠮᠦᠷ ᠢᠷᠦᠭᠡ ᠭᠤᠤᠯ︾ᠺᠣᠮᠫᠠᠨᠢ ᠵᠢᠨ ᠪᠠᠭ ᠰᠢᠯᠭᠠᠷᠠᠪᠠ᠃ ᠭᠤᠷᠪᠠᠳᠤᠭᠠᠷ ᠪᠠᠢᠢᠷᠢ ᠳᠤ᠂ ᠤᠯᠤᠰ ᠤᠨ ᠦᠯᠡᠮᠵᠢ ᠳᠠᠷᠬᠠᠨ ᠮᠡᠷᠭᠡᠨ ᠯ᠊ · ᠪᠣᠯᠤᠳ ᠠᠬᠠᠯᠠᠭᠴᠢ ᠲᠠᠢ ︽ᠤᠯᠠᠭᠠᠨᠪᠠᠭᠠᠲᠤᠷ ᠲᠡᠮᠦᠷ ᠵᠠᠮ︾ ᠤᠨ ᠪᠠᠭ ᠣᠷᠤᠯᠠ ᠃
