ᠠᠮᠧᠷᠢᠺᠠ ᠶ᠋ᠢᠨ ᠬᠣᠯᠢᠮᠠᠭ ᠲᠤᠯᠤᠭᠠᠨ ᠤ ᠲᠠᠮᠢᠷᠴᠢᠨ ᠾᠸᠩᠷᠢ ᠰᠸᠾᠤᠳᠤ᠋ ᠵᠣᠳᠣᠭ ᠲᠠᠶᠢᠯᠵᠤ ᠪᠠᠶᠢᠭᠠ ᠪᠠᠨ ᠵᠠᠷᠯᠠᠯᠠ ᠃ ᠲᠡᠷᠡ ᠪᠡᠷ ᠥᠨᠥᠳᠥᠷ ᠪᠣᠯᠣᠭᠰᠠᠨ UFC249 ᠲᠤᠯᠤᠭᠠᠨ ᠤ ᠦᠳᠡᠰᠢ ᠶ᠋ᠢᠨ ᠳᠡᠳ᠋ ᠣᠷᠭᠢᠯ ᠲᠤᠯᠤᠭᠠᠨ ᠳᠤ ᠳ᠋ᠤᠮᠢᠨᠢᠺ ᠺᠷᠦᠽ ᠢ ᠬᠣᠶᠠᠳᠤᠭᠠᠷ ᠦᠶᠡ ᠳ᠋ᠥ ᠢᠯᠠᠵᠤ ᠂ ᠬᠡᠲᠦ ᠬᠥᠩᠭᠡᠨ ᠵᠢᠩ ᠤᠨ ᠠᠪᠤᠷᠭᠤ ᠴᠣᠯᠠ ᠪᠠᠨ ᠬᠠᠮᠠᠭᠠᠯᠠᠭᠠᠳ ᠪᠠᠶᠢᠭᠰᠠᠨ ᠶᠤᠮ ᠃
ᠲᠡᠷᠡ ᠪᠡᠷ ᠲᠤᠯᠤᠭᠠᠨ ᠤ ᠳᠠᠷᠠᠭᠠ ᠬᠦᠭᠵᠢᠶᠡᠨ ᠳᠡᠮᠵᠢᠭᠴᠢᠳ ᠪᠣᠯᠣᠨ ᠬᠣᠯᠪᠣᠭᠠᠨ ᠤ ᠲᠡᠷᠢᠭᠦᠨ ᠳ᠋ᠠᠨᠠ ᠤᠢᠲ᠋ᠠ ᠳᠤ ᠲᠠᠯᠠᠷᠬᠠᠯ ᠢᠯᠡᠷᠬᠡᠶᠢᠯᠡᠭᠡᠳ ᠵᠣᠳᠣᠭ ᠲᠠᠶᠢᠯᠵᠤ ᠪᠤᠢ ᠪᠠᠨ ᠵᠠᠷᠯᠠᠭᠰᠠᠨ ᠪᠠᠶᠢᠨᠠ ᠃ ᠲᠡᠷᠡ ᠪᠡᠷ ᠬᠣᠯᠢᠮᠠᠭ ᠲᠤᠯᠤᠭᠠᠨ ᠤ ᠳᠡᠪᠵᠢᠶᠡᠨ ᠳ᠋ᠥ 16 ᠲᠤᠯᠤᠯᠳᠤᠵᠤ ᠂ ᠨᠢᠭᠡ ᠴᠦ ᠢᠯᠠᠭᠳᠠᠭᠠ ᠦᠭᠡᠢ ᠰᠦᠷᠳᠡᠮᠡ ᠠᠮᠵᠢᠯᠲᠠ ᠲᠠᠢ ᠪᠠᠷ ᠳᠡᠪᠵᠢᠶᠡ ᠪᠡᠨ ᠣᠷᠭᠢᠵᠤ ᠪᠠᠶᠢᠨᠠ ᠃ ᠾᠸᠩᠷᠢ ᠰᠸᠾᠤᠳᠤ᠋ ᠬᠣᠯᠢᠮᠠᠭ ᠲᠤᠯᠤᠭᠠᠨᠴᠢ ᠪᠣᠯᠬᠤ ᠡᠴᠠ ᠪᠠᠨ ᠡᠮᠦᠨᠡ ᠴᠢᠯᠦᠭᠡᠲᠦ ᠪᠥᠬᠡ ᠪᠡᠷ ᠬᠢᠴᠢᠶᠡᠯᠯᠡᠵᠦ ᠂ ᠪᠡᠭᠡᠵᠢᠩ 2008 ᠵᠤᠨ ᠤ ᠣᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠡᠴᠠ ᠠᠯᠲᠠᠨ ᠮᠧᠳᠠᠯ ᠠᠪᠴᠤ ᠪᠠᠶᠢᠪᠠ ᠃
