ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠨᠡᠶᠢᠲᠡ ᠶᠢᠨ ᠨᠣᠮ ᠤᠨ ᠰᠠᠩ ᠲᠥᠷᠥ ᠨᠡᠶᠢᠭᠡᠮ ᠤᠨ ᠨᠡᠷᠡᠲᠦ ᠵᠢᠳᠬᠦᠯᠲᠡᠨ᠂ ᠲᠥᠷᠥ ᠶᠢᠨ ᠬᠣᠱᠣᠢ ᠱᠠᠩᠨᠠᠯᠲᠤ᠂ ᠡᠷᠳᠡᠮᠲᠡᠨ᠂ ᠵᠣᠬᠢᠶᠠᠯᠴᠢ ᠴ∙ᠯᠣᠳᠤᠶᠢᠳᠠᠮᠪᠠ ᠶᠢᠨ ᠨᠡᠷᠡᠮᠵᠢᠲᠦ ᠲᠠᠩᠬᠢᠮ ᠲᠠᠢ ᠪᠣᠯᠤᠨᠠ᠃ ᠤᠭ ᠲᠠᠩᠬᠢᠮ ᠢ ᠲᠡᠭᠦᠨ ᠦ ᠵᠢᠭᠡ ᠥᠬᠢᠨ ᠯ∙ᠡᠩᠬᠡᠨᠠᠰᠤᠨ ᠰᠠᠨᠠᠭᠠᠴᠢᠯᠠᠨ ᠬᠡᠦᠬᠡᠳ ᠪᠠᠭᠠᠴᠤᠳ ᠤᠨ ᠠᠶᠠ ᠲᠤᠬᠠ ᠶᠢ ᠬᠠᠩᠭᠠᠭᠰᠠᠨ᠂ ᠲᠡᠳᠡᠨ ᠦ ᠴᠢᠯᠦᠭᠡᠲᠡᠢ ᠰᠡᠳᠬᠢᠨ ᠪᠣᠳᠣᠬᠤ᠂ ᠤᠩᠰᠢᠬᠤ ᠴᠢᠳᠠᠪᠤᠷᠢ ᠶᠢ ᠬᠥᠭᠵᠢᠭᠦᠯᠦᠭᠰᠡᠨ ᠨᠣᠮ ᠢᠶᠠᠷ ᠪᠠᠶᠠᠯᠢᠭ᠂ ᠭᠡᠭᠡᠯᠭᠡ ᠲᠠᠩᠬᠢᠮ ᠪᠣᠯᠭᠠᠬᠤ ᠶᠢ ᠵᠣᠷᠢᠵᠤ ᠲᠣᠬᠢᠵᠢᠯᠲᠠ ᠶᠢᠨ ᠠᠵᠢᠯ ᠢ ᠬᠢᠵᠦ ᠪᠠᠶᠢᠨᠠ᠃
ᠵᠢᠭᠡ ᠥᠬᠢᠨ ᠯ∙ᠡᠩᠬᠡᠨᠠᠰᠤᠨ᠄ ᠥᠬᠢᠨ ᠨᠢ ᠣᠷᠴᠢᠨ ᠦᠶᠡ ᠶᠢᠨ᠂ ᠤᠶᠤᠨᠯᠢᠭ᠂ ᠭᠡᠭᠡᠯᠢᠭ ᠤᠩᠰᠢᠯᠭᠠ ᠶᠢᠨ ᠲᠠᠩᠬᠢᠮ ᠲᠣᠬᠢᠵᠢᠭᠤᠯᠤᠨ ᠬᠠᠶᠢᠷᠠᠲᠠᠢ ᠤᠩᠰᠢᠭᠴᠢᠳ ᠲᠤ ᠲᠠᠨᠢ ᠬᠦᠯᠢᠶᠡᠯᠭᠡᠨ ᠥᠭᠭᠦᠨᠡ ᠭᠡᠵᠦ ᠠᠮᠠᠯᠠᠨ ᠵᠣᠭᠰᠣᠭᠰᠠᠨ ᠡᠨᠡ ᠮᠥᠴᠡ ᠶᠢ ᠠᠵᠢᠯ ᠬᠡᠷᠡᠭ ᠪᠣᠯᠭᠠᠬᠤ ᠭᠡᠳ ᠭᠦᠶᠦᠵᠦ ᠯᠠ ᠶᠠᠪᠤᠨᠠ᠃ ᠮᠡᠳᠡᠭᠡᠵᠢ᠂ ᠡᠨᠡ ᠥᠷᠭᠦᠭᠡᠨ ᠦ ᠬᠣᠶᠢᠮᠣᠷ ᠲᠤ ᠵᠠᠭᠤᠨ ᠤ ᠮᠠᠩᠯᠠᠢ ᠷᠣᠮᠠᠨ︽ᠲᠤᠩᠭᠠᠯᠠᠭ ᠲᠠᠮᠢᠷ︾ ᠵᠠᠯᠠᠭᠳᠠᠬᠤ ᠪᠣᠯᠤᠨᠠ᠃ ᠪᠢ ᠴ∙ᠯᠣᠳᠤᠶᠢᠳᠠᠮᠪᠠ ᠶᠢᠨ ᠵᠢᠭᠡ ᠥᠬᠢᠨ ᠰᠢᠦ ᠳ᠋ᠡ᠃ ᠵᠠᠭᠤᠨ ᠤ ᠲᠤᠭᠤᠷᠪᠢᠨ ᠪᠦᠲᠦᠭᠡᠭᠴᠢ ᠡᠪᠦᠭᠡ ᠶᠢᠨ ᠢᠶᠡᠨ 100 ᠨᠠᠰᠤᠨ ᠤ ᠣᠢ ᠶᠢᠨ ᠡᠳᠦᠷ ᠡᠴᠡ ᠡᠬᠢᠯᠡᠨ ᠪᠣᠳᠣᠵᠤ ᠲᠥᠯᠥᠪᠯᠡᠭᠰᠡᠨ᠂ ᠭᠤᠷᠪᠠᠨ ᠵᠢᠯ ᠰᠡᠳᠬᠢᠯ ᠳᠦ ᠪᠡᠨ ᠲᠡᠭᠡᠭᠡᠭᠰᠡᠨ ᠵᠣᠷᠢᠯᠭᠠ ᠪᠠᠨ ᠪᠡᠶᠡᠯᠡᠭᠦᠯᠬᠦ ᠪᠣᠯᠤᠮᠵᠢ ᠣᠯᠭᠤᠭᠰᠠᠨ ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠨᠡᠶᠢᠲᠡ ᠶᠢᠨ ᠨᠣᠮ ᠤᠨ ᠰᠠᠩ ᠤᠨ ᠬᠠᠮᠲᠤ ᠤᠯᠠᠨ ᠳᠤ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ᠃ ᠡᠪᠦᠭᠡ ᠶᠢᠨ ᠢᠶᠡᠨ ᠡᠬᠢᠯᠡᠭᠦᠯᠦᠭᠰᠡᠨ ᠣᠶᠤᠨ ᠤ ᠰᠤᠪᠤᠷᠭᠠ ᠶᠢ ᠥᠪᠡᠷ ᠦᠨ ᠴᠢᠳᠠᠯ ᠢᠶᠠᠷ ᠡᠷᠭᠦᠵᠦ ᠶᠠᠪᠤᠬᠤ ᠴᠢᠩ ᠬᠦᠰᠡᠯ ᠨᠠᠳᠠ ᠳᠤ ᠪᠠᠶᠢᠳᠠᠭ ᠶᠤᠮ ᠬᠡᠮᠡᠨ ᠰᠡᠳᠬᠢᠭᠳᠡᠯ ᠢᠶᠡᠨ ᠢᠯᠡᠷᠬᠡᠶᠢᠯᠡᠭᠰᠡᠨ ᠶᠤᠮ᠃