ᠮᠣᠩᠭᠣᠯᠴᠤᠳ ᠤᠨ ᠳᠡᠯᠡᠬᠡᠢ ᠳ᠋ᠥ ᠭᠠᠶᠢᠬᠠᠭᠤᠯᠬᠤ ᠰᠣᠶᠣᠯ ᠤᠨ ᠥᠪ ᠤᠨ ᠨᠢᠭᠡ ᠪᠣᠯᠬᠤ ᠱᠠᠭᠠ ᠶ᠋ᠢᠨ ᠬᠠᠷᠪᠤᠭᠠ ᠶ᠋ᠢ 2014 ᠣᠨ ᠤ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠳᠤ ᠶᠤᠨᠧᠰᠺᠤ ᠶ᠋ᠢᠨ ᠰᠣᠶᠣᠯ ᠤᠨ ᠪᠡᠶᠡᠲᠦ ᠪᠤᠰᠤ ᠥᠪ ᠤᠨ ᠵᠢᠭᠰᠠᠭᠠᠯᠲᠠ ᠳᠤ ᠪᠦᠷᠢᠳᠬᠡᠭᠰᠡᠨ ᠪᠢᠯᠡ ᠃ ᠱᠠᠭᠠ ᠶ᠋ᠢᠨ ᠬᠠᠷᠪᠤᠭᠠ ᠨᠢ ᠬᠡᠦᠬᠡᠳ ᠵᠠᠯᠠᠭᠤᠰ ᠴᠠᠭ ᠢᠶᠡᠨ ᠵᠥᠪ ᠪᠣᠯᠪᠠᠰᠤᠨ ᠥᠩᠭᠡᠷᠡᠭᠦᠯᠬᠦ ᠂ ᠬᠣᠶᠢᠴᠢ ᠦᠶᠡ ᠳ᠋ᠦ ᠪᠡᠨ ᠦᠨᠳᠦᠰᠦᠨ ᠣ ᠥᠪ ᠰᠣᠶᠣᠯ ᠢᠶᠡᠨ ᠤᠯᠠᠮᠵᠢᠯᠠᠭᠤᠯᠬᠤ ᠣᠯᠠᠨ ᠲᠠᠯᠠ ᠶ᠋ᠢᠨ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠃ ᠲᠡᠭᠡᠪᠡᠯ ᠮᠣᠩᠭᠣᠯ ᠲᠦᠮᠡᠨ ᠥ ᠨᠠᠭᠠᠳᠤᠭᠠᠢ ᠪᠣᠯᠬᠤ ᠱᠠᠭᠠ ᠶ᠋ᠢᠨ ᠬᠠᠷᠪᠤᠭᠠᠨ ᠤ ᠠᠩᠬᠠᠨ ᠤ ᠲᠥᠷᠥᠯᠵᠢᠭᠰᠡᠨ ︽ᠮᠣᠩᠭᠣᠯ ᠥᠪ ︾ ᠠᠰᠠᠷ ᠢ ᠥᠩᠭᠡᠷᠡᠭᠰᠡᠨ ᠳᠠᠸᠠ ᠭᠠᠷᠠᠭ ᠲᠤ ᠨᠡᠭᠡᠭᠡᠪᠡ ᠃ ᠱᠠᠭᠠ ᠶ᠋ᠢᠨ ᠬᠠᠷᠪᠤᠭᠠ ᠶ᠋ᠢ ᠵᠠᠯᠠᠭᠤᠰ ᠲᠤ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠵᠣᠷᠢᠯᠭᠠ ᠪᠡᠷ ᠪᠠᠶᠢᠭᠤᠯᠤᠭᠰᠠᠨ ᠲᠤᠰ ᠠᠰᠠᠷ ᠲᠤ 50 ᠭᠠᠷᠤᠢ ᠬᠥᠮᠥᠨ ᠬᠢᠴᠢᠶᠡᠯᠯᠡᠬᠦ ᠪᠣᠯᠣᠮᠵᠢᠲᠠᠢ ᠃ ᠰᠣᠨᠢᠷᠬᠠᠭᠤᠯᠬᠤ ᠳ᠋ᠤ ᠂ ᠱᠠᠭᠠ ᠶ᠋ᠢᠨ ᠬᠠᠷᠪᠤᠭᠠ ᠨᠢ ᠥᠪᠡᠷ ᠤᠨ ᠭᠡᠰᠡᠨ ᠳᠦᠷᠢᠮ ᠲᠠᠢ ᠃ 1999 ᠣᠨ ᠳᠤ ᠱᠠᠭᠠ ᠶ᠋ᠢᠨ ᠬᠠᠷᠪᠤᠭᠠ ᠶ᠋ᠢ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠳᠥᠷᠪᠡᠳᠡᠬᠢ ᠲᠥᠷᠥᠯ ᠪᠣᠯᠭᠠᠵᠤ ᠂ ᠬᠥᠲᠥᠯᠪᠦᠷᠢ ᠳ᠋ᠦ ᠨᠢ ᠠᠯᠪᠠᠨ ᠶᠣᠰᠣ ᠪᠡᠷ ᠪᠠᠭᠲᠠᠭᠠᠭᠰᠠᠨ ᠃ ᠱᠠᠭᠠ ᠶ᠋ᠢ ᠵᠢᠷᠤᠬᠠᠢ ᠡᠴᠠ ᠶᠢᠰᠦᠨ ᠲᠣᠬᠣᠢ ᠪᠤᠶᠤ 4.72 ᠮᠧᠲ᠋ᠷ ᠵᠠᠢ ᠡᠴᠠ ᠬᠠᠷᠪᠤᠨ ᠬᠠᠰᠠ ᠶᠢ ᠣᠨᠣᠬᠤ ᠪᠥᠭᠡᠳ ᠬᠠᠷᠪᠤᠬᠤ ᠬᠡᠷᠡᠭᠰᠡᠯ ᠢ ᠬᠠᠰᠢᠯᠭᠠ ᠂ ᠰᠤᠮᠤ ᠬᠡᠮᠡᠨ ᠨᠡᠷᠡᠯᠡᠳᠡᠭ ᠃ ᠮᠣᠩᠭᠣᠯ ᠳᠦ ᠡᠨᠡ ᠰᠫᠣᠷᠲ ᠢᠶᠠᠷ ᠬᠢᠴᠢᠶᠡᠯᠯᠡᠳᠡᠭ 18 000 ᠰᠣᠨᠢᠷᠬᠠᠭᠴᠢ ᠪᠤᠢ ᠃ ᠱᠠᠭᠠ ᠶ᠋ᠢᠨ ᠬᠠᠷᠪᠤᠭᠠ ᠪᠠᠷ ᠬᠢᠴᠢᠶᠡᠯᠯᠡᠭᠴᠢ ᠲᠡᠰᠪᠦᠷᠢ ᠬᠠᠲᠠᠭᠤᠵᠢᠯᠲᠠᠢ ᠪᠣᠯᠬᠤ ᠡᠴᠠ ᠭᠠᠳᠠᠨᠠ ᠠᠯᠢᠪᠠ ᠳᠤ ᠬᠦᠯᠢᠶᠡᠴᠡ ᠲᠠᠢ ᠬᠠᠨᠳᠤᠵᠤ ᠂ ᠵᠥᠪ ᠰᠢᠢᠳᠪᠦᠷᠢ ᠭᠠᠷᠭᠠᠬᠤ ᠴᠢᠳᠠᠪᠤᠷᠢ ᠡᠵᠡᠮᠰᠢᠳᠡᠭ ᠪᠠᠶᠢᠨᠠ ᠃
