ᠺᠢᠷᠭᠢᠽᠰᠲ᠋ᠠᠨ᠂ ᠲᠠᠵᠢᠺᠰᠲ᠋ᠠᠨ ᠤ ᠬᠢᠯᠢ ᠳᠡᠭᠡᠷᠡ ᠤᠷᠤᠰᠢᠬᠤ 7134 ᠮᠸᠲᠷ ᠦᠨᠳᠦᠷ ᠯᠧᠨᠢᠨ ᠣᠷᠭᠢᠯ ᠳᠤ ᠮᠣᠩᠭᠣᠯ ᠤᠨ ᠠᠭᠤᠯᠠᠴᠢᠳ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠶᠢᠨ 5᠍ ᠤ ᠡᠳᠦᠷ ᠠᠮᠵᠢᠯᠲᠠ ᠲᠠᠢ ᠠᠪᠠᠷᠢᠭᠰᠠᠨ ᠮᠡᠳᠡᠭᠡᠯᠡᠯ ᠢ ᠪᠠᠭ ᠤᠨ ᠬᠢᠨ ᠳᠠᠮᠵᠢᠭᠤᠯᠪᠠ᠃ ᠪᠠᠭ ᠤᠨ ᠪᠦᠷᠢᠯᠳᠦᠬᠦᠨ ᠳᠦ ᠭᠠᠪᠢᠶᠠᠲᠤ ᠲᠠᠮᠢᠷᠴᠢᠨ ᠭ∙ᠦᠰᠬᠦᠪᠠᠶᠠᠷ᠂ ᠪ∙ᠣᠨᠣᠨ ᠪᠣᠯᠤᠨ ᠡᠮᠡᠭᠲᠡᠢ ᠠᠭᠤᠯᠠᠴᠢᠨ ᠳ∙ᠡᠷᠳᠡᠨᠢᠲᠤᠭᠲᠤᠬᠤ ᠪᠠᠭᠲᠠᠵᠠᠢ᠃
ᠲᠡᠳᠡ ᠥᠩᠭᠡᠷᠡᠭᠴᠢ ᠳᠣᠯᠣᠳᠤᠭᠠᠷ ᠰᠠᠷᠠ ᠳᠤ ᠫᠠᠮᠢᠷ ᠤᠨ ᠨᠢᠷᠤᠭᠤᠨ ᠤ ᠺᠣᠮᠮᠤᠨᠢᠰᠮᠠ ︵7495 ᠮᠸᠲᠷ︶᠂ ᠺᠣᠷᠵᠧᠨᠧᠦᠢᠰᠺᠣᠢ ︵7105 ᠮᠸᠲᠷ︶ ᠣᠷᠭᠢᠯ ᠳᠤ ᠠᠪᠠᠷᠢᠬᠤ ᠪᠠᠷ ᠮᠣᠩᠭᠣᠯ ᠠᠴᠠ ᠬᠥᠳᠡᠯᠦᠭᠰᠡᠨ ᠪᠠᠶᠢᠨᠠ᠃ ᠭᠡᠪᠡᠴᠦ ᠲᠠᠵᠢᠺᠰᠲ᠋ᠠᠨ ᠤ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠡᠵᠡᠮᠰᠢᠯ ᠦᠨ ᠴᠣᠷ ᠤᠨ ᠭᠠᠭᠴᠠ ᠨᠢᠰᠳᠡᠭ ᠲᠡᠷᠭᠡ ᠡᠪᠳᠡᠷᠡᠵᠦ ᠂ ᠪᠠᠭᠠᠽ ᠤᠷᠤᠭᠤ ᠣᠴᠢᠬᠤ ᠪᠣᠯᠤᠮᠵᠢ ᠦᠭᠡᠢ ᠪᠣᠯᠤᠭᠰᠠᠨ ᠤᠴᠢᠷ ᠳᠡᠭᠡᠷᠡᠬᠢ ᠠᠪᠠᠷᠢᠯᠲᠠ ᠨᠤᠭᠤᠳ ᠢ ᠴᠤᠴᠠᠯᠠᠵᠤ᠂ ᠯᠧᠨᠢᠨ ᠣᠷᠭᠢᠯ ᠢ ᠵᠤᠷᠢᠭᠰᠠᠨ ᠨᠢ ᠡᠨᠡ ᠪᠠᠶᠢᠨᠠ᠃
