ᠬᠥᠪᠰᠥᠭᠥᠯ ᠠᠶᠢᠮᠠᠭ ᠤᠨ ᠡᠷᠳᠡᠨᠢᠪᠤᠯᠠᠭᠠᠨ ᠰᠤᠮᠤᠨ ᠳᠤ ︽ᠳ᠋ᠠᠯᠢ ᠴᠡᠴᠡᠭᠯᠡᠬᠦ ᠴᠠᠭ-2019》 ᠪᠠᠶᠠᠷ ᠮᠠᠷᠭᠠᠰᠢ ᠪᠣᠯᠤᠨᠠ᠃ ᠲᠤᠰ ᠰᠤᠮᠤ ᠵᠢᠯ ᠪᠦᠷᠢ ᠰᠤᠮᠤ ᠣᠷᠣᠨ ᠨᠤᠲᠤᠭ ᠢᠶᠠᠨ ᠰᠤᠷᠲᠠᠯᠴᠢᠯᠠᠬᠤ᠂ ᠦᠵᠡᠰᠬᠦᠯᠡᠩᠲᠦ ᠪᠠᠶᠢᠭᠠᠯᠢ ᠪᠠᠷ ᠢᠶᠠᠨ ᠪᠠᠬᠠᠷᠬᠠᠬᠤ᠂ ᠳᠣᠲᠣᠭᠠᠳᠤ ᠶᠢᠨ ᠵᠢᠭᠤᠯᠴᠢᠳ ᠢ ᠨᠡᠮᠡᠭᠳᠡᠭᠦᠯᠬᠦ᠂ ᠲᠥᠷᠥ ᠶᠢᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠪᠣᠯᠤᠨ ᠬᠤᠪᠢ ᠶᠢᠨ ᠬᠡᠪᠰᠢᠯ ᠦᠨ ᠪᠠᠶᠢᠭᠤᠯᠤᠯᠭᠠ ᠨᠤᠭᠤᠳ᠂ ᠪᠠᠭ ᠤᠨ ᠢᠷᠭᠡᠳ ᠦᠨ ᠢᠳᠡᠪᠬᠢ ᠣᠷᠣᠯᠴᠠᠭᠠ ᠶᠢ ᠨᠡᠮᠡᠭᠳᠡᠭᠦᠯᠵᠦ ᠂ ᠨᠢᠭᠡ ᠡᠳᠦᠷ ᠦᠨ ᠢᠳᠡᠪᠬᠢᠲᠡᠢ ᠬᠥᠳᠡᠯᠭᠡᠭᠡᠨ ᠬᠢᠯᠭᠡᠬᠦ ᠵᠣᠷᠢᠯᠭᠠ ᠪᠠᠷ ᠡᠨᠡ ᠪᠠᠶᠠᠷ ᠢ ᠬᠢᠳᠡᠭ ᠪᠣᠯᠵᠠᠢ᠃
ᠲᠤᠰ ᠠᠷᠭᠠ ᠬᠡᠮᠵᠢᠶᠡ ᠶᠢ ᠠᠩᠬᠠ 2007 ᠣᠨ ᠳᠤ ᠬᠢᠭᠰᠡᠨ ᠪᠣᠯ ᠥᠷᠭᠡᠵᠢᠨ ᠲᠡᠯᠡᠭᠰᠡᠭᠡᠷ ︽ ᠳ᠋ᠠᠯᠢ ᠶᠢᠨ ᠪᠠᠶᠠᠷ ︾ ᠨᠡᠷᠡ ᠲᠡᠢ ᠪᠣᠯᠵᠤ ᠂ ᠰᠤᠮᠤ ᠣᠷᠣᠨ ᠨᠤᠲᠤᠭ ᠲᠡᠳᠦᠢ ᠦᠭᠡᠢ ᠬᠥᠷᠰᠢ ᠵᠡᠷᠭᠡᠯᠡᠳᠡᠭᠡ ᠰᠤᠮᠤ᠂ ᠠᠶᠢᠮᠠᠭ ᠣᠷᠣᠨ ᠨᠤᠲᠤᠭ ᠠᠴᠠ ᠣᠯᠠᠨ ᠢᠷᠭᠡᠳ ᠵᠣᠷᠢᠨ ᠣᠴᠢᠳᠠᠭ ᠪᠣᠯᠵᠠᠢ᠃ ᠳ᠋ᠠᠯᠢ ᠨᠢ 5 ᠳ᠋ᠤᠭᠠᠷ ᠰᠠᠷᠠ ᠶᠢᠨ ᠡᠬᠢ ᠪᠡᠷ ᠴᠡᠴᠡᠭᠯᠡᠳᠡᠭ ᠪᠥᠭᠡᠳ 7 ᠬᠣᠨᠣᠭᠠᠳ ᠬᠠᠭᠳᠠᠷᠠᠳᠠᠭ ᠲᠤᠯᠠ ᠳᠥᠩᠭᠡᠵᠢ ᠳᠡᠯᠪᠢᠭᠡᠯᠡᠬᠦ ᠦᠶᠡ ᠳᠦ ᠨᠢ ᠡᠮᠴᠢᠯᠡᠭᠡᠨ ᠦ ᠵᠢᠷᠤᠮ ᠢᠶᠠᠷ ᠪᠤᠲᠠᠨ ᠳᠤᠮᠳᠠ ᠰᠠᠭᠤᠳᠠᠭ ᠭᠡᠨᠡ᠃ ᠮᠣᠩᠭᠣᠯᠴᠤᠳ ᠡᠷᠲᠡ ᠳᠡᠭᠡᠷᠡ ᠦᠶᠡᠰ ᠳ᠋ᠠᠯᠢ ᠴᠡᠴᠡᠭ ᠢ ᠨᠤᠶᠢᠷ ᠦᠭᠡᠶᠢᠲᠡᠯ᠂ ᠶᠠᠳᠠᠷᠠᠭᠠ᠂ ᠲᠥᠪ ᠪᠠ ᠵᠠᠬᠠ ᠶᠢᠨ ᠮᠡᠳᠡᠷᠡᠯ ᠦᠨ ᠡᠮᠭᠡᠭ᠂ ᠵᠢᠷᠦᠬᠡᠨ ᠦ ᠡᠪᠡᠳᠴᠢᠨ ᠢ ᠡᠮᠴᠢᠯᠡᠵᠦ᠂ ᠬᠦᠮᠦᠨ ᠢ ᠲᠠᠶᠢᠪᠤᠰᠢᠷᠠᠭᠤᠯᠤᠨ ᠠᠯᠵᠢᠶᠠᠯ ᠶᠠᠳᠠᠷᠠᠭᠠ ᠲᠠᠶᠢᠯᠳᠠᠭ ᠭᠡᠵᠦ ᠦᠵᠡᠳᠡᠭ ᠪᠥᠭᠡᠳ ᠬᠡᠲᠦ ᠤᠳᠠᠭᠠᠨ ᠰᠠᠭᠤᠬᠤ ᠶᠢ ᠬᠣᠷᠢᠭᠯᠠᠳᠠᠭ ᠠᠵᠡᠢ᠃
