ᠥᠩᠭᠡᠷᠡᠭᠴᠢ 2018 ᠣᠨ ᠳᠤ ᠬᠡᠨᠲᠡᠢ ᠠᠶᠢᠮᠠᠭ ᠤᠨ ᠬᠡᠮᠵᠢᠶᠡᠨ ᠳᠦ 56 ᠰᠢᠨᠡ ᠬᠦᠯᠡᠮᠵᠢ ᠶᠢ ᠤᠷᠤᠨ ᠨᠤᠲᠤᠭ ᠢ ᠬᠦᠭᠵᠢᠭᠦᠯᠬᠦ ᠰᠠᠩ᠂ ᠳᠡᠯᠡᠬᠡᠢ ᠶᠢᠨ ᠵᠥᠩ ᠪᠣᠷᠣ-ᠥᠨᠳᠥᠷ ᠬᠤᠶᠠᠳᠤᠭᠠᠷ ᠬᠥᠲᠥᠯᠪᠦᠷᠢ᠂ ᠬᠦᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠶᠠᠮᠤᠨ ᠤ ᠬᠥᠩᠭᠡᠯᠡᠯᠲᠡ ᠲᠡᠢ ᠳᠡᠮᠵᠢᠯᠭᠡ ᠳᠦ ᠬᠠᠮᠤᠷᠤᠭᠳᠠᠵᠤ ᠪᠠᠷᠢᠭᠰᠠᠨ ᠪᠥᠭᠡᠳ᠂ ᠨᠡᠶᠢᠲᠡ ᠳᠦ ᠪᠡᠨ 4512 ᠲᠡᠭᠰᠢ ᠳᠦᠷᠪᠡᠯᠵᠢᠨ ᠮᠸᠲᠷ ᠵᠤᠨ ᠤ ᠬᠦᠯᠡᠮᠵᠢ ᠨᠡᠮᠡᠭᠳᠡᠵᠦ᠂ ᠬᠦᠯᠡᠮᠵᠢ ᠶᠢᠨ ᠠᠵᠤ ᠠᠬᠤᠢ ᠠᠴᠠ 103.5 ᠲᠣᠨ ᠤᠷᠭᠤᠴᠠ ᠬᠤᠷᠢᠶᠠᠴᠠᠢ᠃ ᠮᠥᠨ 390 ᠲᠣᠨ ᠤᠨ ᠪᠠᠭᠲᠠᠭᠠᠮᠵᠢ ᠲᠠᠢ ᠶᠢᠰᠦᠨ ᠵᠣᠭᠣᠷᠢ ᠰᠤᠮᠤᠳ ᠲᠤ ᠰᠢᠨᠡ ᠪᠡᠷ ᠪᠠᠷᠢᠭᠰᠠᠨ ᠪᠣᠯ ᠥᠪᠡᠷ ᠦᠨ ᠬᠥᠷᠥᠩᠭᠡ ᠪᠡᠷ ᠵᠣᠭᠣᠷᠢ ᠪᠠᠷᠢᠭᠰᠠᠨ ᠬᠣᠶᠠᠷ ᠢᠷᠭᠡᠨ᠂ ᠨᠢᠭᠡ ᠬᠣᠷᠰᠢᠶᠠᠨ ᠳᠤ ᠨᠡᠶᠢᠲᠡ ᠭᠤᠷᠪᠠᠨ ᠰᠠᠶᠠ ᠲᠥᠭᠥᠷᠢᠭ ᠦᠨ ᠮᠥᠩᠭᠥᠨ ᠤᠷᠮᠠᠰᠢᠭᠤᠯᠤᠯ ᠣᠯᠭᠤᠭᠰᠠᠨ ᠠᠵᠠᠢ᠃
2015-2017 ᠣᠨ ᠳᠤ ᠬᠠᠪᠤᠷ ᠵᠤᠨ ᠳᠤ ᠪᠠᠨ ᠭᠠᠩᠳᠠᠭᠤ ᠂ ᠤᠷᠭᠤᠴᠠ ᠪᠠᠨ ᠠᠯᠳᠠᠬᠤ ᠨᠥᠬᠥᠴᠡᠯ ᠡᠭᠦᠰᠴᠦ ᠪᠠᠶᠢᠭᠰᠠᠨ ᠪᠣᠯ ᠥᠩᠭᠡᠷᠡᠭᠰᠡᠨ ᠣᠨ ᠳᠤ ᠬᠡᠨᠲᠡᠢ ᠶᠢᠨ ᠲᠠᠷᠢᠶᠠᠯᠠᠩᠴᠢ᠂ ᠨᠣᠭᠣᠭᠠᠴᠢᠳ 21.7 ᠮᠢᠩᠭᠠᠨ ᠭᠠ ᠠᠴᠠ 27.3 ᠮᠢᠩᠭᠠᠨ ᠲᠣᠨ ᠤᠷᠭᠤᠴᠠ ᠠᠪᠤᠭᠰᠠᠨ ᠳ᠋ᠦᠩ ᠭᠠᠷᠴᠠᠢ᠃ ᠲᠤᠬᠠᠶᠢᠯᠠᠪᠠᠯ᠂ ᠦᠷᠡ ᠲᠠᠷᠢᠶᠠ 15 ᠮᠢᠩᠭᠠᠨ ᠭᠠ ᠳᠦ ᠲᠠᠷᠢᠶᠠᠯᠠᠵᠤ᠂ 15.4 ᠮᠢᠩᠭᠠᠨ ᠲᠣᠨ ᠬᠤᠷᠢᠶᠠᠵᠤ ᠂ ᠮᠠᠯ ᠤᠨ ᠲᠡᠵᠢᠭᠡᠯ 1.7 ᠮᠢᠩᠭᠠᠨ ᠭᠠ ᠠᠴᠠ 5.2 ᠮᠢᠩᠭᠠᠨ ᠲᠣᠨ ᠢ ᠲᠤᠰ ᠲᠤᠰ ᠬᠤᠷᠢᠶᠠᠨ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠲᠡᠭᠦᠨᠴᠢᠯᠡᠨ ᠲᠤᠰ ᠠᠶᠢᠮᠠᠭ ᠤᠨ ᠵᠠᠰᠠᠭ ᠳᠠᠷᠤᠭᠠ ᠶᠢᠨ ᠵᠠᠬᠢᠷᠤᠮᠵᠢ ᠪᠠᠷ ᠪᠠᠲᠤᠯᠠᠭᠤᠯᠤᠭᠰᠠᠨ ︽ᠬᠡᠨᠲᠡᠢ-ᠠᠲᠠᠷ ᠤᠨ ᠠᠶᠠᠨ ︾ ᠬᠥᠲᠥᠯᠪᠦᠷᠢ ᠶᠢᠨ ᠨᠠᠢᠮᠠᠨ ᠵᠣᠷᠢᠯᠲᠠ ᠪᠦᠬᠦᠢ 18 ᠬᠡᠷᠡᠭᠵᠢᠭᠦᠯᠬᠦ ᠠᠵᠢᠯ ᠤᠨ ᠲᠥᠯᠥᠪᠯᠡᠭᠡ ᠶᠢ 84 ᠬᠤᠪᠢ ᠲᠠᠢ᠂ ︽ᠬᠦᠨᠡᠰᠦᠨ ᠦ ᠨᠣᠭᠣᠭᠠ︾᠂ ︽ᠵᠢᠮᠢᠰ ᠵᠢᠮᠢᠰᠬᠡᠨᠡ︾ ᠬᠥᠲᠥᠯᠪᠦᠷᠢ ᠶᠢᠨ ᠲᠥᠯᠦᠪᠯᠡᠭᠡᠨ ᠦ ᠪᠡᠶᠡᠯᠡᠯᠲᠡ 80 ᠬᠤᠪᠢ ᠲᠠᠢ ᠬᠠᠩᠭᠠᠭᠳᠠᠭᠰᠠᠨ ᠳ᠋ᠦᠩ ᠮᠡᠳᠡᠭᠡ ᠭᠠᠷᠴᠠᠢ᠃