ᠣᠯᠠᠨ ᠤᠯᠤᠰ ᠤᠨ ᠵᠢᠦ᠋ᠳᠣ᠋ ᠪᠥᠬᠡ ᠶᠢᠨ ᠬᠣᠯᠪᠣᠭᠠ ︵IJF︶ ᠭᠧᠷᠮᠠᠨ ᠤ ︽ ᠳ᠋ᠶᠤᠰᠰᠸᠯᠳᠤᠷᠹ ᠶᠡᠬᠡ ᠳᠤᠭᠤᠯᠠᠭᠠ 2019︾ ᠲᠡᠮᠡᠴᠡᠭᠡᠨ ᠦ ᠳᠠᠷᠠᠭᠠ ᠪᠥᠬᠡᠴᠦᠳ ᠦᠨ ᠴᠢᠨᠰᠠᠭᠠ ᠶᠢ ᠰᠢᠨᠡ ᠪᠡᠷ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠰᠢᠨᠡᠴᠢᠯᠡᠭᠰᠡᠨ ᠴᠢᠨᠰᠠᠭᠠ ᠪᠠᠷ ᠡᠮᠡᠭᠲᠡᠶᠢᠴᠦᠳ ᠦᠨ 48᠂ 70᠂ -78 ᠺᠢᠯᠦᠭᠷᠡᠮ ᠦᠨ ᠵᠢᠩ ᠦᠨ ᠲᠡᠷᠢᠭᠦᠯᠡᠭᠰᠡᠳ ᠰᠤᠯᠢᠭᠳᠠᠭᠰᠠᠨ ᠢᠶᠠᠷ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠮ∙ᠦᠷᠠᠨᠴᠡᠴᠡᠭ ᠦᠺᠷᠠᠶᠢᠨ ᠤ ᠳᠠᠷᠢᠶᠠ ᠪᠧᠯᠣᠳᠧᠳᠢ ᠶᠢᠨ ᠡᠮᠦᠨᠡ ᠣᠷᠣᠵᠤ ᠴᠢᠨᠰᠠᠭᠠ ᠶᠢ ᠲᠡᠷᠢᠭᠦᠯᠡᠯᠡ᠃ ᠰᠡᠭᠦᠯ ᠦᠨ ᠦᠶᠡ ᠳᠦ ᠪᠠᠷᠢᠯᠳᠤᠬᠤ ᠦᠭᠡᠢ ᠪᠠᠶᠢᠭᠠ ᠳ᠋ᠠᠷᠢᠶᠠ ᠪᠸᠯᠤᠳ᠋ᠸᠳ᠋ ᠡᠨᠡ ᠤᠳᠠᠭᠠ 2 ᠪᠠᠶᠢᠷᠢ ᠪᠠᠷ ᠤᠬᠤᠷᠢᠭᠰᠠᠨ ᠪᠠᠶᠢᠨᠠ᠃ ᠡᠮᠡᠭᠲᠡᠢ 48 ᠺᠢᠯᠦᠭᠷᠡᠮ ᠳᠦ ᠮ∙ᠦᠷᠠᠨᠴᠡᠴᠡᠭ 6218 ᠣᠨᠣᠭᠠ ᠪᠠᠷ ᠲᠡᠷᠢᠭᠦᠯᠡᠭᠰᠡᠨ ᠪᠤᠯ 57 ᠺᠢᠯᠦᠭᠷᠡᠮ ᠳᠦ ︽ᠳ᠋ᠶᠤᠰᠰᠸᠯᠳᠤᠷᠹ ᠶᠡᠬᠡ ᠳᠤᠭᠤᠯᠠᠭᠠ 2019︾ ᠲᠡᠮᠡᠴᠡᠭᠡᠨ ᠡᠴᠡ ᠬᠦᠷᠡᠯ ᠮᠧᠳᠠᠯ ᠬᠦᠷᠲᠡᠭᠰᠡᠨ᠂ ᠬᠥᠳᠡᠯᠮᠦᠷᠢ ᠶᠢᠨ ᠪᠠᠭᠠᠲᠤᠷ ᠳ∙ᠰᠤᠮᠢᠶᠠ 5849 ᠤᠨᠤᠭᠠ ᠪᠠᠷ ᠴᠢᠨᠰᠠᠭᠠ ᠶᠢᠨ ᠭᠤᠷᠪᠠ ᠳᠤ ᠡᠷᠡᠮᠪᠡᠯᠡᠭᠳᠡᠵᠡᠢ᠃ ᠬᠠᠷᠢᠨ ᠡᠮᠡᠭᠲᠡᠶᠢᠴᠦᠳ ᠦᠨ 52 ᠺᠢᠯᠦᠭᠷᠡᠮ ᠳᠦ ︽ᠳ᠋ᠶᠤᠰᠰᠸᠯᠳᠤᠷᠹ ᠶᠡᠬᠡ ᠳᠤᠭᠤᠯᠠᠭᠠ 2019︾ ᠲᠡᠮᠡᠴᠡᠭᠡᠨ ᠡᠴᠡ ᠬᠦᠷᠡᠯ ᠮᠧᠳᠠᠯ ᠬᠦᠷᠲᠡᠭᠰᠡᠨ ᠯ∙ᠰᠤᠰᠤᠷᠪᠠᠷᠠᠮ 20 ᠪᠠᠶᠢᠷᠢ ᠠᠬᠢᠵᠤ᠂ 34 ᠳᠦ ᠳᠡᠪᠰᠢᠵᠡᠢ᠃ 63 ᠺᠢᠯᠦᠭᠷᠡᠮ ᠳᠦ ᠪ∙ᠮᠦᠩᠭᠦᠨᠴᠢᠮᠡᠭ 2976 ᠣᠨᠣᠭᠠ ᠪᠠᠷ 11 ᠳ᠋ᠤᠭᠡᠷ ᠲᠦ᠂ ᠪ∙ᠭᠠᠩᠬᠠᠶᠢᠴᠢ1780 ᠣᠨᠣᠭᠠ ᠪᠠᠷ 25᠍ ᠳᠦ ᠲᠤᠰ ᠲᠤᠰ ᠡᠷᠡᠮᠪᠡᠯᠡᠭᠳᠡᠭᠰᠡᠨ ᠪᠠᠶᠢᠨᠠ᠃
