ᠮᠣᠩᠭᠣᠯ ᠤᠨ ᠦᠨᠳᠦᠰᠦᠨ ᠦ ᠪᠥᠬᠡ ᠶᠢᠨ ᠬᠣᠯᠪᠣᠭᠠᠨ ᠠᠴᠠ ᠬᠦᠴᠦᠲᠦ ᠪᠥᠬᠡᠴᠦᠳ ᠦᠨ ᠴᠢᠨᠰᠠᠭᠠ ᠶᠢ ᠰᠢᠨᠡᠴᠢᠯᠡᠨ ᠭᠠᠷᠭᠠᠵᠠᠢ᠃ ᠤᠭ ᠴᠢᠨᠰᠠᠭᠠ ᠶᠢ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠣᠷᠭᠢᠬᠤ ᠶᠢᠨ ᠬᠠᠩᠭᠠᠢ 11025 ᠣᠨᠣᠭᠠ ᠪᠠᠷ ᠲᠡᠷᠢᠭᠦᠯᠡᠭᠰᠡᠨ ᠪᠣᠯ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠪᠠᠶᠠᠷᠬᠦᠦ ᠶᠢᠨ ᠪᠠᠲᠤ-ᠥᠯᠵᠡᠢ 10924 ᠣᠨᠣᠭᠠ ᠲᠠᠢ ᠤᠳᠠᠭᠠᠯᠠᠵᠠᠢ᠃ ᠡᠶᠢᠨ ᠬᠦ ᠦᠨᠳᠦᠰᠦᠨ ᠦ ᠪᠥᠬᠡ ᠶᠢᠨ ᠨᠣᠬᠠᠢ ᠵᠢᠯ ᠦᠨ ᠴᠢᠨᠰᠠᠭᠠ ᠶᠢ ᠬᠠᠷᠴᠠᠭᠠᠢ ᠴᠣᠯᠠᠲᠠᠨ ᠨᠤᠭᠤᠳ ᠲᠡᠷᠢᠭᠦᠯᠡᠵᠡᠢ᠃ ᠲᠡᠳᠡᠨ ᠦ ᠠᠷᠤ ᠠᠴᠠ ᠤᠯᠤᠰ ᠤᠨ ᠠᠪᠤᠷᠭᠤ ᠨ∙ᠪᠠᠲᠤᠰᠠᠭᠤᠷᠢ᠂ ᠫ∙ᠪᠦᠷᠢᠨᠲᠡᠭᠦᠰ᠂ ᠴ∙ᠰᠠᠩᠵᠠᠶᠢᠳᠠᠮᠪᠠ ᠨᠠᠷ ᠵᠢᠭᠰᠠᠭᠰᠠᠨ ᠠᠵᠠᠢ᠃
ᠤᠯᠤᠰ ᠤᠨ ᠨᠠᠴᠢᠨ ᠨᠤᠭᠤᠳ ᠢ ᠳ∙ᠠᠨᠠᠷ ᠲᠡᠷᠢᠭᠦᠯᠡᠵᠦ᠂ ᠴᠢᠨᠰᠠᠭᠠ ᠶᠢᠨ ᠵᠢᠷᠭᠤᠭᠠ ᠳᠤ ᠪᠢᠴᠢᠭᠳᠡᠭᠰᠡᠨ ᠪᠠᠶᠢᠨᠠ᠃ ᠳ∙ᠠᠨᠠᠷ ᠨᠠᠴᠢᠨ ᠡᠨᠡ ᠠᠮᠵᠢᠯᠲᠠ ᠪᠠᠷ ᠢᠶᠠᠨ ᠤᠯᠤᠰ ᠤᠨ ᠠᠷᠰᠯᠠᠨ ᠴᠣᠯᠠᠲᠠᠨ ᠨᠤᠭᠤᠳ ᠤᠨ ᠪᠦᠭᠦᠳᠡ ᠶᠢᠨ ᠬᠢᠨᠢ ᠡᠮᠦᠨᠡ ᠡᠷᠡᠮᠪᠡᠯᠡᠭᠳᠡᠭᠰᠡᠨ ᠭᠡᠰᠡᠨ ᠦᠭᠡ᠃ ᠤᠴᠢᠷ ᠨᠢ ᠤᠯᠤᠰ ᠤᠨ ᠠᠷᠰᠯᠠᠨ ᠨᠤᠭᠤᠳ ᠢ ᠠᠮᠵᠢᠯᠲᠠ ᠪᠠᠷ ᠢᠶᠠᠨ ᠲᠡᠷᠢᠭᠦᠯᠡᠭᠰᠡᠨ ᠡ᠊∙ᠤᠶᠤᠨᠪᠤᠯᠤᠳ ᠠᠷᠰᠯᠠᠨ ᠳ∙ᠠᠨᠠᠷ ᠤᠨ ᠳᠠᠷᠠᠭᠠ ᠳᠣᠯᠣᠳᠤᠭᠠᠷ ᠲᠤ ᠪᠢᠴᠢᠭᠳᠡᠵᠡᠢ᠃ ᠭᠠᠷᠤᠳᠢ ᠴᠣᠯᠠᠲᠠᠨ ᠨᠤᠭᠤᠳ ᠢ ᠪ∙ᠭᠣᠨᠴᠣᠭᠳᠠᠮᠪᠠ᠂ ᠵᠠᠭᠠᠨ ᠴᠣᠯᠠᠲᠠᠨ ᠨᠤᠭᠤᠳ ᠢ ᠨ∙ᠵᠢᠷᠭᠠᠯᠪᠠᠶᠠᠷ ᠲᠡᠷᠢᠭᠦᠯᠡᠵᠡᠢ᠃
