UBS ᠲᠸᠯᠸᠢᠰ ᠡᠴᠡ ᠰᠠᠨᠠᠭᠠᠴᠢᠯᠠᠭᠰᠠᠨ ︽ᠠᠰᠠᠬᠤ ᠭᠡᠷᠡᠯ︾ ᠱᠤᠸᠤ᠋ ᠲᠠᠪᠤᠨ ᠰᠠᠷᠠ ᠦᠷᠭᠦᠯᠵᠢᠯᠡᠵᠦ ᠥᠴᠥᠭᠡᠳᠦᠷ ᠰᠢᠯᠢᠳᠡᠭ ᠢᠶᠡᠨ ᠲᠣᠳᠣᠷᠠᠭᠤᠯᠤᠯᠠ᠃ ᠮᠣᠩᠭᠣᠯ ᠤᠨ ᠭᠡᠷᠡᠯ ᠵᠢᠷᠤᠭ ᠤᠨ ᠨᠢᠭᠡᠳᠦᠭᠰᠡᠨ ᠬᠣᠯᠪᠣᠭᠠ ᠲᠠᠢ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠠᠩᠬᠠᠨ ᠤ ᠭᠡᠷᠡᠯ ᠵᠢᠷᠤᠭ ᠤᠨ ТВ ᠱᠤᠸᠤ᠋ ᠳᠤ ᠨᠡᠶᠢᠲᠡ 120 ᠭᠡᠷᠡᠯ ᠵᠢᠷᠤᠭᠴᠢᠨ ᠣᠷᠣᠯᠴᠠᠭᠰᠠᠨ ᠠᠴᠠ ᠰᠢᠯᠢᠳᠡᠭ 16 ᠨᠢ ᠲᠤᠨᠵᠤ ᠦᠯᠡᠳᠡᠭᠰᠡᠨ ᠪᠠᠶᠢᠨᠠ᠃ ᠣᠷᠣᠯᠴᠠᠭᠴᠢᠳ 10 ᠳᠠᠭᠠᠭᠠᠯᠭᠠᠪᠤᠷᠢ ᠭᠦᠢᠴᠡᠳᠭᠡᠨ ᠬᠠᠰᠤᠭᠳᠠᠬᠤ ᠵᠢᠷᠤᠮ ᠢᠶᠠᠷ ᠥᠷᠢᠰᠦᠯᠳᠦᠭᠰᠡᠭᠡᠷ ᠳᠥᠷᠪᠡᠨ ᠭᠡᠷᠡᠯ ᠵᠢᠷᠤᠭᠴᠢᠨ ᠰᠢᠯᠢᠳᠡᠭ ᠦᠨ ᠲᠥᠯᠥᠭᠡ ᠦᠷᠢᠰᠦᠯᠳᠦᠭᠰᠡᠨ ᠶᠤᠮ᠃ ᠡᠨᠡ ᠳᠥᠷᠪᠡᠨ ᠭᠡᠷᠡᠯ ᠵᠢᠷᠤᠭᠴᠢᠨ ︽ᠮᠡᠷᠭᠡᠵᠢᠯ ᠪᠦᠬᠦᠨ ᠰᠠᠶᠢᠬᠠᠨ︾᠂ ︽ᠪᠠᠶᠢᠭᠠᠯᠢ︾᠂ ︽ᠬᠥᠷᠥᠭ︾᠂ ︽ᠪᠦᠲᠦᠭᠡᠭᠳᠡᠬᠦᠨ︾᠂ ︽ᠹᠤᠲ᠋ᠤ᠋ ᠰᠤᠷᠪᠤᠯᠵᠢᠯᠠᠭᠠ︾᠂ ︽ᠪᠤᠤᠬᠢᠶᠠ︾᠂ ︽ᠠᠰᠠᠬᠤ ᠭᠡᠷᠡᠯ︾᠂ ︽ᠭᠱᠠᠨ︾ ᠵᠡᠷᠭᠡ ᠰᠡᠳᠦᠪ ᠢᠶᠡᠷ ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠨ ᠭᠦᠢᠴᠡᠳᠭᠡᠨ ᠮᠡᠷᠭᠡᠵᠢᠯ ᠦᠨ ᠰᠢᠭᠦᠭᠴᠢᠳ ᠢᠶᠡᠷ ᠰᠢᠭᠦᠯᠭᠡᠵᠡᠢ᠃ ᠡᠶᠢᠨ ᠬᠦ ᠲᠤᠨᠵᠤ ᠦᠯᠡᠳᠡᠭᠰᠡᠨ ᠪ∙ᠪᠠᠲᠤᠭᠡᠷᠡᠯ᠂ ᠪ∙ᠢᠷᠡᠭᠡᠳᠦᠢ᠂ ᠮ∙ᠮᠢᠰᠢᠶᠡᠯ᠂ ᠰ∙ᠬᠠᠰᠡᠷᠳᠡᠨᠢ ᠨᠠᠷ ᠠᠴᠠ ᠰᠤᠶᠤᠯ ᠤᠷᠠᠯᠢᠭ ᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠦᠨ ᠷᠠᠳᠢᠣ᠋ ᠲᠸᠯᠸᠢᠰ ᠦᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠦᠨ ᠵᠢᠷᠤᠭᠯᠠᠭᠠᠴᠢ ᠶᠢᠨ ᠬᠣᠶᠠᠳᠤᠭᠠᠷ ᠳᠠᠮᠵᠢᠶᠠᠨ ᠤ ᠣᠶᠤᠲᠠᠨ ᠪᠤᠯᠠᠭᠠᠨᠲ᠋ᠠᠮᠢᠷ ᠤᠨ ᠢᠷᠡᠭᠡᠳᠦᠢ ᠢᠯᠠᠭᠴᠢ ᠪᠣᠯᠤᠯᠠ᠃
