ᠢᠨᠳᠦᠨᠢᠰᠢᠶᠡ ᠤᠯᠤᠰ ᠤᠨ ᠨᠡᠶᠢᠰᠯᠡᠯ ᠵᠠᠺᠠᠷᠲ᠋ᠠ ᠬᠤᠲᠠᠨᠠ ᠳᠤᠭᠤᠢ ᠶᠢᠨ ᠠᠽᠢᠶᠠ ᠲᠢᠪ ᠦᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ 39 ᠳ᠋ᠡᠬᠢ ᠤᠳᠠᠭᠠ ᠶᠢᠨ ᠲᠡᠮᠡᠴᠡᠭᠡᠨ ᠥᠨᠥᠳᠥᠷ ᠡᠬᠢᠯᠡᠯᠡ᠃ ᠤᠭ ᠲᠡᠮᠡᠴᠡᠭᠡᠨ ᠳᠦ ᠮᠠᠨ ᠤ ᠤᠯᠤᠰ ᠠᠴᠠ ᠬᠠᠨᠠᠨ ᠲᠣᠭᠣᠷᠢᠭ ︵TRACK︶ ᠦᠨ ᠲᠥᠷᠥᠯ ᠢᠶᠡᠷ ᠵᠡᠪᠰᠡᠭᠲᠦ ᠬᠦᠴᠦᠨ ᠦ ︽ᠠᠯᠳᠠᠷ︾ ᠰᠫᠣᠷᠲ ᠬᠣᠷᠢᠶᠠ᠂ ᠮᠣᠩᠭᠣᠯ ᠤᠨ ᠳᠤᠭᠤᠢ ᠶᠢᠨ ᠬᠣᠯᠪᠣᠭᠠᠨ ᠤ ᠰᠢᠭᠰᠢᠭᠡ ᠪᠠᠭ ᠤᠨ ᠲᠠᠮᠢᠷᠴᠢᠨ ᠪ∙ᠲᠡᠭᠰᠢᠪᠠᠶᠠᠷ᠂ ᠰ∙ᠵᠠᠮᠪᠠᠯᠵᠠᠮᠰᠤ ᠨᠠᠷ ᠤᠷᠤᠯᠴᠠᠬᠤ ᠭᠡᠵᠦ ᠪᠠᠶᠢᠨᠠ᠃
ᠪ∙ᠲᠡᠭᠰᠢᠪᠠᠶᠠᠷ ᠥᠨᠥᠳᠥᠷ Scratch ᠪᠤᠶᠤ ᠪᠥᠭᠡᠮ ᠭᠠᠷᠤᠭᠠᠨ ᠳᠤ ᠤᠷᠤᠯᠳᠤᠬᠤ ᠪᠣᠯ ᠰ∙ᠵᠠᠮᠪᠠᠯᠵᠠᠮᠰᠤ ᠮᠠᠷᠭᠠᠰᠢ Omnium ᠪᠤᠶᠤ ᠣᠯᠠᠨ ᠲᠦᠷᠦᠯᠲᠦ ᠤᠷᠤᠯᠳᠤᠭᠠᠨ ᠳᠤ ᠬᠤᠷᠳᠤ ᠪᠠᠨ ᠰᠣᠷᠢᠨᠠ᠃ ᠲᠡᠮᠡᠴᠡᠭᠡᠨ ᠦ ᠰᠡᠭᠦᠯ ᠦᠨ ᠡᠳᠦᠷ ᠪᠤᠶᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ 12 ᠳᠦ Point race ᠪᠤᠶᠤ ᠣᠨᠣᠭᠠ ᠴᠤᠭᠯᠠᠭᠤᠯᠬᠤ ᠤᠷᠤᠯᠳᠤᠭᠠᠨ ᠳᠤ ᠪ᠂ ᠲᠡᠭᠰᠢᠪᠠᠶᠠᠷ ᠤᠷᠤᠯᠳᠤᠬᠤ ᠬᠤᠪᠢᠶᠠᠷᠢ ᠲᠠᠢ ᠪᠠᠶᠢᠨᠠ᠃
