ᠡᠳ᠋ ᠦᠨ ᠵᠠᠰᠠᠭᠴᠢ ᠳ∙ᠵᠢᠷᠭᠠᠯᠰᠠᠶᠢᠬᠠᠨ ᠲᠠᠢ ᠶᠠᠷᠢᠯᠴᠠᠯᠠ᠃
– ᠰᠢᠲᠠᠬᠤᠨ ᠤ ᠦᠨᠡ ᠥᠰᠦᠭᠰᠡᠨ ᠢ ᠢᠷᠭᠡᠳ ᠡᠰᠡᠷᠭᠦᠴᠡᠵᠦ᠂ ᠵᠢᠭᠰᠠᠵᠤ ᠪᠠᠶᠢᠨᠠ ᠃ ᠦᠨᠡ ᠶᠢᠨ ᠥᠰᠦᠯᠲᠡ ᠶᠢ ᠢᠷᠭᠡᠳ ᠦᠨ ᠬᠡᠯᠡᠭᠡᠳ ᠪᠠᠶᠢᠭᠠ ᠰᠢᠭ᠋ ᠰᠢᠭᠤᠳ ᠵᠣᠬᠢᠴᠠᠭᠤᠯᠬᠤ ᠪᠣᠯᠤᠮᠵᠢ ᠪᠠᠶᠢᠨᠠ ᠤᠤ ︖
– ᠤᠭ ᠠᠴᠠ ᠪᠠᠨ ᠵᠣᠬᠢᠴᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ ᠵᠦᠢᠯ ᠢ ᠫᠤᠫᠤᠯᠢᠰᠲ ᠤᠯᠤᠰ ᠲᠦᠷᠦᠴᠢᠳ ᠵᠣᠬᠢᠴᠠᠭᠤᠯᠬᠤ ᠶᠢ ᠣᠷᠣᠯᠳᠤᠭᠰᠠᠨ᠃ ᠶᠡᠷᠦ ᠨᠢ ᠪᠣᠯ ᠲᠥᠷᠥ ᠳᠦ ᠮᠥᠩᠭᠥ ᠪᠠᠶᠢᠬᠤ ᠦᠭᠡᠢ᠃ ᠲᠥᠷᠥ ᠳᠦ ᠵᠥᠪᠬᠡᠨ ᠠᠷᠠᠳ ᠢᠷᠭᠡᠳ ᠦᠨ ᠮᠥᠩᠭᠥ ᠯᠠ ᠪᠤᠢ᠃ ᠲᠡᠭᠡᠬᠦ ᠪᠡᠷ ᠮᠠᠰᠢᠨ ᠤᠨᠠᠳᠠᠭ ᠦᠭᠡᠢ ᠪᠦᠬᠦ ᠢᠷᠭᠡᠳ ᠦᠨ ᠮᠥᠩᠭᠥ ᠪᠡᠷ ᠮᠠᠰᠢᠨ ᠤᠨᠤᠳᠠᠭ ᠬᠦᠮᠦᠰ ᠲᠦ ᠬᠢᠮᠳᠠ ᠪᠧᠨ᠋ᠽᠢᠨ ᠥᠭᠴᠦ ᠡᠬᠢᠯᠡᠭᠰᠡᠨ᠃ ᠮᠠᠰᠢᠨ ᠲᠠᠢ ᠬᠦᠮᠦᠰ ᠬᠢᠮᠳᠠ ᠪᠧᠨ᠋ᠽᠢᠨ ᠠᠪᠤᠨᠠ᠂ ᠵᠦᠷᠢᠶᠡ ᠶᠢ ᠨᠢ ᠨᠥᠭᠥᠭᠡ ᠬᠦᠮᠦᠰ ᠡᠴᠡ ᠠᠪᠴᠤ ᠥᠭᠭᠦᠭᠰᠡᠨ ᠪᠠᠶᠢᠬᠤ ᠦᠭᠡᠢ ᠤᠤ᠃ ᠡᠨᠡ ᠨᠢ ᠥᠪᠡᠷ ᠢᠶᠡᠨ ᠲᠡᠪᠡᠷᠢᠵᠦ ᠪᠣᠯᠬᠤ ᠦᠭᠡᠢ ᠲᠣᠮᠣ ᠮᠣᠳᠣ ᠶᠢ ᠲᠡᠪᠡᠷᠢᠬᠦ ᠭᠡᠵᠦ ᠣᠷᠣᠯᠳᠤᠭᠰᠠᠨ ᠲᠠᠢ ᠠᠳᠠᠯᠢᠬᠠᠨ ᠪᠣᠯᠴᠢᠬᠠᠭᠠᠳ ᠪᠠᠶᠢᠭᠠ ᠶᠤᠮ᠃ 2012 ᠣᠨ ᠠᠴᠠ ᠬᠣᠶᠢᠰᠢ ᠶᠠᠭ ᠡᠶᠢᠮᠦ ᠦᠢᠯᠡᠳᠦᠯ ᠢ ᠬᠢᠬᠦ ᠭᠡᠵᠦ ᠣᠷᠣᠯᠳᠤᠭᠰᠠᠨ᠃ ᠮᠢᠬᠠᠨ ᠤ ᠨᠥᠭᠡᠴᠡ ᠪᠦᠷᠢᠳᠦᠭᠦᠯᠦᠨᠡ᠂ ᠭᠤᠯᠢᠷ ᠤᠨ ᠦᠢᠯᠡᠳᠪᠦᠷᠢ ᠪᠠᠷᠢᠨᠠ ᠭᠡᠬᠦ ᠵᠡᠷᠭᠡ ᠶᠠᠩᠵᠤ ᠪᠦᠷᠢ ᠶᠢᠨ ᠦᠭᠡ ᠦᠰᠦᠭ ᠦᠨ ᠳᠣᠣᠷᠠ ᠵᠠᠰᠠᠭ ᠤᠨ ᠭᠠᠵᠠᠷ᠂ ᠮᠣᠩᠭᠣᠯ ᠪᠠᠩᠬᠢ ᠬᠣᠶᠠᠷ ᠨᠡᠶᠢᠯᠡᠭᠡᠳ 5.4 ᠶᠡᠬᠡ ᠨᠠᠶᠠᠳ ᠲᠥᠭᠥᠷᠢᠭ ᠭᠠᠷᠭᠠᠭᠰᠠᠨ᠃ ᠡᠭᠦᠨ ᠡᠴᠡ ᠪᠠᠷᠢᠯᠭᠠ᠂ ᠢᠫᠣᠲ᠋ᠧᠺ ᠬᠣᠶᠠᠷ ᠢ ᠡᠰᠡ ᠲᠣᠭᠠᠴᠠᠪᠠᠯ 1.2 ᠶᠡᠬᠡ ᠨᠠᠶᠠᠳ ᠲᠥᠭᠥᠷᠢᠭ ᠢ ᠪᠦᠬᠦ ᠲᠥᠷᠥᠯ ᠦᠨ ᠦᠨᠡ ᠶᠢ ᠪᠠᠷᠢᠬᠤ ᠳᠤ ᠵᠠᠷᠤᠴᠠᠭᠤᠯᠤᠭᠰᠠᠨ᠃ ᠡᠭᠦᠨ ᠳᠣᠲᠣᠷᠠ ᠪᠠᠨ 226 ᠲᠡᠷᠪᠤᠮ ᠲᠥᠭᠥᠷᠢᠭ ᠢ 0.9 ᠬᠤᠪᠢ ᠶᠢᠨ ᠬᠦᠦ ᠲᠡᠢ ᠪᠡᠷ ᠠᠷᠠᠯᠵᠢᠶᠠᠨ ᠤ ᠪᠠᠩᠬᠢ ᠨᠤᠭᠤᠳ ᠢᠶᠠᠷ ᠳᠠᠮᠵᠢᠭᠤᠯᠤᠭᠠᠳ᠂ ᠨᠦᠭᠦᠭᠡᠳᠦᠭᠦᠯ ᠨᠢ 3-4 ᠬᠤᠪᠢ ᠶᠢᠨ ᠬᠦᠦ ᠲᠡᠢ ᠪᠡᠷ ᠴᠠᠰᠢ ᠨᠢ ᠨᠧᠹᠲ ᠢᠮᠫᠣᠷᠲᠯᠠᠭᠴᠢ 14 ᠺᠣᠮᠫᠠᠨᠢ ᠳᠤ ᠥᠭᠭᠦᠭᠰᠡᠨ᠃ ᠦᠷᠡ ᠳ᠋ᠦᠩ ᠳᠦ ᠨᠢ ᠦᠨᠡ ᠳᠠᠬᠢᠭᠠᠳ ᠯᠠ ᠥᠰᠦᠭᠰᠡᠨ᠃
-226 ᠲᠡᠷᠪᠤᠮ ᠲᠥᠭᠥᠷᠢᠭ ᠭᠡᠳᠡᠭ ᠢ ᠲᠣᠳᠣᠷᠠᠭᠤᠯᠤᠶᠠ᠃ ᠬᠡᠳᠦᠢ ᠬᠢᠷᠢ ᠬᠤᠭᠤᠴᠠᠭᠠᠨ ᠳᠤ ᠵᠠᠷᠤᠴᠠᠭᠤᠯᠤᠭᠰᠠᠨ ᠮᠥᠩᠭᠥ ᠶᠢ ᠲᠠ ᠬᠡᠯᠡᠵᠦ ᠪᠠᠶᠢᠨᠠ ᠪᠤᠢ ︖
-2012-2015 ᠣᠨ ᠤ ᠬᠣᠭᠣᠷᠣᠨᠳᠣ ᠵᠠᠷᠤᠴᠠᠭᠤᠯᠤᠭᠰᠠᠨ ᠮᠥᠩᠭᠥ᠃ ᠡᠨᠡ ᠨᠢ ᠬᠢᠮᠳᠠ ᠵᠢᠭᠡᠯᠡ ᠠᠪᠤᠭᠰᠠᠨ ᠺᠣᠮᠫᠠᠨᠢ ᠨᠤᠭᠤᠳ ᠲᠤ ᠯᠠ ᠠᠰᠢᠭᠲᠠᠢ ᠪᠠᠶᠢᠭᠰᠠᠨ᠃ ᠶᠠᠭᠠᠬᠢᠵᠤ ᠬᠡᠷᠡᠭᠯᠡᠭᠰᠡᠨ ᠢ ᠨᠢ ᠮᠡᠳᠡᠬᠦ ᠦᠭᠡᠢ᠃ ᠪᠠᠩᠬᠢ ᠪᠤᠰᠤ ᠰᠠᠩᠬᠦᠦ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠲᠠᠢ ᠴᠤ ᠪᠠᠶᠢᠭᠰᠠᠨ ᠶᠤᠮ ᠪᠢᠯᠡ ᠤᠤ᠃ ᠡᠰᠡᠪᠡᠯ ᠪᠠᠩᠬᠢ ᠨᠤᠭᠤᠳ ᠳᠡᠭᠡᠷᠡ ᠪᠡᠨ ᠬᠦᠦ ᠶᠢ ᠨᠢ ᠥᠰᠬᠡᠭᠰᠡᠨ ᠴᠤ ᠶᠤᠮ ᠪᠢᠯᠡ ᠤᠤ ᠂ ᠮᠡᠳᠡᠬᠦ ᠦᠭᠡᠢ᠃ ᠶᠡᠷᠦ ᠨᠢ ᠲᠥᠷᠥ ᠵᠠᠰᠠᠭ ᠡᠶᠢᠮᠦᠷᠬᠦᠦ ᠵᠦᠢᠯ ᠬᠢᠬᠦ ᠲᠤᠰᠤᠮ ᠪᠠᠩᠬᠢᠨ ᠤ ᠬᠦᠦ ᠶᠢ ᠥᠰᠬᠡᠭᠡᠳ ᠪᠠᠶᠢᠭᠠ ᠶᠢ ᠰᠡᠭᠦᠯ ᠦᠨ ᠦᠶᠡ ᠶᠢᠨ ᠦᠢᠯᠡ ᠶᠠᠪᠤᠳᠠᠯ ᠪᠠᠲᠤᠯᠠᠵᠤ ᠪᠠᠶᠢᠭᠠ᠃
-ᠦᠨᠡ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠬᠥᠲᠥᠯᠪᠦᠷᠢ᠂ ᠲᠡᠷᠡ ᠳᠤᠮᠳᠠ ᠪᠠᠨ ᠰᠢᠲᠠᠬᠤᠨ ᠤ ᠦᠨᠡ ᠶᠢ ᠲᠣᠭᠲᠠᠪᠤᠷᠢᠲᠠᠢ ᠪᠠᠶᠢᠯᠭᠠᠬᠤ ᠭᠡᠵᠦ ᠣᠷᠣᠯᠳᠤᠬᠤ ᠨᠢ ᠲᠠᠨ ᠤ ᠪᠣᠳᠣᠯ ᠢᠶᠠᠷ ᠪᠤᠷᠤᠭᠤ ᠶᠤᠮ ᠪᠠᠶᠢᠨᠠ᠂ ᠶᠠᠮᠠᠷ ᠴᠤ ᠦᠷᠡ ᠳ᠋ᠦᠩ ᠦᠭᠡᠢ ᠭᠡᠰᠡᠨ ᠦᠭᠡ ᠦᠦ ︖
– ᠲᠦᠷ ᠵᠠᠭᠤᠷᠠ ᠶᠢᠨ ᠦᠷᠡ ᠳ᠋ᠦᠩ ᠯᠠ ᠥᠭᠴᠦ᠂ ᠬᠦᠮᠦᠰ ᠲᠦ ᠵᠠᠬᠠ ᠵᠡᠭᠡᠯᠢ ᠶᠢᠨ ᠲᠠᠯᠠ ᠪᠠᠷ ᠪᠤᠷᠤᠭᠤ ᠮᠡᠳᠡᠭᠡᠯᠡᠯ ᠥᠭᠳᠡᠭ᠃ ᠢᠷᠭᠡᠳ ᠦᠨ ᠬᠤᠪᠢ ᠳᠤ ᠲᠥᠷᠥ ᠵᠠᠰᠠᠭ ᠢᠩᠭᠢᠭᠡᠳ ᠯᠠ ᠬᠢᠨᠠᠭᠠᠳ ᠶᠠᠪᠤᠴᠢᠬᠠᠬᠤ ᠶᠤᠮ ᠪᠠᠶᠢᠨᠠ ᠭᠡᠵᠦ ᠣᠶᠢᠯᠠᠭᠠᠳᠠᠭ᠃ ᠭᠡᠲᠡᠯᠡ ᠲᠡᠶᠢᠮᠦ ᠪᠣᠯᠤᠮᠵᠢ ᠪᠠᠶᠢᠬᠤ ᠦᠭᠡᠢ ᠰᠢᠦ ᠳ᠋ᠡ᠃
– ᠵᠠᠷᠢᠮ ᠲᠠᠯᠠ ᠪᠠᠷ ᠦᠨᠡ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠬᠥᠲᠥᠯᠪᠦᠷᠢ ᠶᠢ ᠵᠥᠪᠬᠡᠨ ᠰᠢᠲᠠᠬᠤᠨ᠂ ᠪᠧᠨ᠋ᠽᠢᠨ ᠦ ᠦᠨᠡ ᠳᠡᠭᠡᠷᠡ ᠦᠷᠭᠦᠯᠵᠢᠯᠡᠭᠦᠯᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠶᠠᠷᠢᠭᠠᠳ ᠪᠠᠶᠢᠭᠠ ᠰᠢᠦ ᠳ᠋ᠡ᠃ ᠡᠳ᠋ ᠍ ᠦᠨ ᠵᠠᠰᠠᠭ ᠰᠠᠶᠢᠵᠢᠷᠠᠵᠤ᠂ ᠭᠠᠳᠠᠭᠠᠳᠤ ᠵᠠᠬᠠ ᠵᠡᠭᠡᠯᠢ ᠳᠦ ᠦᠨᠡ ᠪᠠᠭᠤᠷᠠᠵᠤ ᠡᠬᠢᠯᠡᠲᠡᠯᠡ ᠡᠶᠢᠮᠦ ᠬᠥᠲᠥᠯᠪᠦᠷᠢ ᠪᠠᠶᠢᠬᠤ ᠬᠡᠷᠡᠭ ᠦᠭᠡᠢ ᠭᠡᠵᠦ ᠦᠦ ︖
– ᠪᠦᠷ ᠬᠣᠣᠷ ᠲᠠᠢ ᠪᠠᠶᠢᠨᠠ ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ ᠡᠨᠡ ᠨᠢ ᠵᠠᠬᠠ ᠵᠡᠭᠡᠯᠢ ᠶᠢᠨ ᠬᠦᠯᠢᠶᠡᠯᠲᠡ ᠶᠢ ᠥᠭᠡᠷᠡ ᠪᠣᠯᠭᠠᠵᠤ ᠪᠠᠶᠢᠨᠠ᠃ ᠨᠧᠹᠲ ᠢᠮᠫᠣᠷᠲᠯᠠᠭᠴᠢ ᠺᠣᠮᠫᠠᠨᠢ ᠨᠤᠭᠤᠳ ᠢ ᠤᠯᠤᠰ ᠲᠦᠷᠦᠴᠢᠳ ᠲᠡᠢ ᠯᠣᠪᠪᠢ ᠬᠢᠬᠦ ᠳᠦ ᠯᠠ ᠬᠡᠷᠡᠭ ᠪᠣᠯᠵᠤ ᠪᠠᠶᠢᠨᠠ᠃ ᠦᠨᠳᠦᠰᠦᠨ ᠳᠦ ᠪᠡᠨ ᠯᠣᠪᠪᠢ ᠬᠢᠭᠰᠡᠨ᠂ ᠯᠣᠪᠪᠢᠨ ᠳᠤ ᠣᠷᠣᠭᠰᠠᠨ ᠬᠣᠶᠠᠷ ᠬᠦᠮᠦᠨ ᠯᠠ ᠠᠰᠢᠭᠲᠠᠢ ᠪᠠᠶᠢᠬᠤ ᠦᠭᠡᠢ ᠤᠤ᠃ ᠪᠢᠳᠡᠨ ᠳᠦ ᠶᠠᠮᠠᠷ ᠴᠤ ᠠᠰᠢᠭ ᠦᠭᠡᠢ᠃ ᠬᠡᠷᠡᠭᠯᠡᠭᠴᠢ ᠠᠯᠢᠪᠠ ᠶᠠᠭᠤᠮᠠ ᠶᠢ ᠪᠣᠳᠠᠲᠠᠢ ᠦᠨᠡ ᠪᠡᠷ ᠨᠢ ᠯᠠ ᠬᠤᠳᠠᠯᠳᠤᠵᠤ ᠠᠪᠴᠤ ᠪᠠᠶᠢᠵᠤ᠂ ᠲᠡᠷᠡ ᠴᠢᠨᠢ ᠵᠠᠬᠠ ᠵᠡᠭᠡᠯᠢ ᠪᠣᠯᠤᠨᠠ᠃ ᠶᠡᠷᠦ ᠨᠢ ᠪᠣᠯ ᠮᠣᠩᠭᠣᠯ ᠤᠯᠤᠰ ᠵᠠᠬᠠ ᠵᠡᠭᠡᠯᠢ ᠶᠢᠨ ᠡᠳ᠋ ᠍ ᠦᠨ ᠵᠠᠰᠠᠭ ᠤᠷᠤᠭᠤ ᠰᠢᠯᠵᠢᠵᠦ ᠪᠠᠶᠢᠭᠠ ᠭᠡᠳᠡᠭ ᠢ ᠮᠠᠷᠲᠠᠭᠰᠠᠨ ᠬᠦᠮᠦᠰ ᠪᠣᠯ ᠮᠠᠨ ᠤ ᠤᠯᠤᠰ ᠲᠦᠷᠦᠴᠢᠳ ᠪᠣᠯᠴᠢᠬᠠᠭᠠᠳ ᠪᠠᠶᠢᠨᠠ᠃
