ᠡᠬᠡ ᠣᠷᠣᠨ᠂ ᠭᠠᠵᠠᠷ ᠨᠤᠲᠤᠭ᠂ ᠬᠣᠶᠢᠴᠢ ᠢᠷᠡᠭᠡᠳᠦᠢ ᠶᠢᠨ ᠢᠶᠡᠨ ᠲᠥᠯᠥᠭᠡ ᠪᠢᠳᠡᠨ ᠦ ᠲᠡᠮᠡᠴᠡᠯ ᠵᠣᠭᠰᠣᠬᠤ ᠦᠭᠡᠢ᠃ ᠲᠡᠮᠡᠴᠡᠯ ᠦᠨ ᠶᠠᠮᠠᠷ ᠴᠤ ᠬᠡᠯᠪᠡᠷᠢ ᠳᠦ ᠰᠢᠯᠵᠢᠬᠦ ᠳᠦ ᠪᠡᠯᠡᠨ ᠭᠡᠳᠡᠭ ᠢᠶᠡᠨ ︽ᠨᠣᠶᠠᠨ ᠠᠭᠤᠯᠠ ᠪᠠᠨ ᠠᠪᠤᠷᠠᠬᠤ ᠬᠥᠳᠡᠯᠭᠡᠭᠡᠨ 》 ᠦ ᠲᠡᠷᠢᠭᠦᠨ ᠣ᠊∙ᠰᠡᠷᠡᠩᠨᠠᠳᠮᠢᠳ ᠥᠨᠥᠳᠥᠷ ᠬᠢᠭᠰᠡᠨ ᠮᠡᠳᠡᠭᠡᠯᠡᠯ ᠦᠨ ᠬᠤᠷᠠᠯ ᠤᠨ ᠦᠶᠡ ᠪᠡᠷ ᠢᠯᠡᠷᠬᠡᠶᠢᠯᠡᠪᠡ᠃ ᠲᠡᠷᠡ ᠄ ᠰᠧᠨᠲ᠋ᠧᠷᠷᠠ ᠭᠤᠤᠯᠳ᠋ ᠺᠣᠮᠫᠠᠨᠢ ᠡᠨᠡ ᠰᠠᠷᠠ ᠶᠢᠨ 12 ᠍ ᠳᠦ ᠮᠣᠩᠭᠣᠯ ᠳ᠋ᠡᠬᠢ ᠪᠢᠽᠢᠨᠧᠰ ᠢᠶᠡᠨ ᠬᠤᠳᠠᠯᠳᠤᠭᠰᠠᠨ ᠲᠤᠬᠠᠢ ᠪᠠᠨ ᠵᠠᠷᠯᠠᠭᠰᠠᠨ᠃ ᠲᠡᠳᠡ ᠪᠤᠷᠤᠭᠠ ᠶᠢᠨ ᠠᠯᠲᠠᠨ ᠤ ᠠᠭᠤᠷᠬᠠᠢ᠂ ᠭᠠᠴᠤᠷᠠᠲᠤ ᠲᠥᠰᠥᠯ ᠢᠶᠡᠨ ᠬᠠᠤᠯᠢ ᠪᠤᠰᠤ ᠪᠠᠷ 35 ᠰᠠᠶᠠ ᠳ᠋ᠣᠯᠯᠠᠷ ᠢᠶᠠᠷ ᠵᠠᠷᠤᠭᠰᠠᠨ᠃ ︽ᠨᠣᠶᠠᠨ ᠠᠭᠤᠯᠠ ᠪᠠᠨ ᠠᠪᠤᠷᠠᠬᠤ ᠬᠥᠳᠡᠯᠭᠡᠭᠡᠨ︾ 2016 ᠣᠨ ᠤ 1 ᠳ᠋ᠤᠭᠡᠷ ᠰᠠᠷᠠ ᠶᠢᠨ 6 ᠍ ᠤ ᠡᠳᠦᠷ ᠨᠡᠶᠢᠰᠯᠡᠯ ᠦᠨ ᠵᠠᠬᠢᠷᠭᠠᠨ ᠤ ᠬᠡᠷᠡᠭ ᠦᠨ ᠰᠢᠭᠦᠬᠦ ᠳᠦ ᠠᠩᠬᠠ ᠨᠡᠬᠡᠮᠵᠢᠯᠡᠯ ᠭᠠᠷᠭᠠᠭᠰᠠᠨ᠃ ᠲᠡᠭᠦᠨ ᠡᠴᠡ ᠬᠣᠶᠢᠰᠢ ᠬᠣᠶᠠᠷ ᠵᠢᠯ ᠥᠩᠭᠡᠷᠡᠯᠡ᠃ ᠤᠳᠠᠬᠤ ᠦᠭᠡᠢ 40 ᠳ᠋ᠡᠬᠢ ᠤᠳᠠᠭᠠ ᠶᠢᠨ ᠰᠢᠭᠦᠬᠦ ᠬᠤᠷᠠᠯ ᠪᠣᠯᠤᠨᠠ᠃ ᠮᠣᠩᠭᠣᠯ ᠤᠯᠤᠰ ᠲᠥᠷᠥ ᠵᠠᠰᠠᠭ᠂ ᠬᠢᠯᠢ ᠬᠢᠵᠠᠭᠠᠷ᠂ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ ᠲᠠᠢ ᠲᠤᠰᠠᠭᠠᠷ ᠲᠣᠭᠲᠠᠨᠢᠭᠰᠠᠨ ᠣᠷᠣᠨ᠃ ᠬᠡᠳᠦᠢ ᠪᠡᠷ ︽ᠨᠣᠶᠠᠨ ᠠᠭᠤᠯᠠ ᠪᠠᠨ ᠠᠪᠤᠷᠠᠬᠤ ᠬᠥᠳᠡᠯᠭᠡᠭᠡᠨ 》 ᠨᠡᠬᠡᠮᠵᠢᠯᠡᠯ ᠭᠠᠷᠭᠠᠭᠰᠠᠨ ᠪᠣᠯᠪᠠᠴᠤ ᠡᠨᠡ ᠨᠢ ᠮᠣᠩᠭᠣᠯ ᠤᠨ ᠨᠡᠶᠢᠲᠡ ᠠᠷᠠᠳ ᠲᠦᠮᠡᠨ ᠦ ᠨᠡᠬᠡᠮᠵᠢᠯᠡᠯ ᠭᠡᠳᠡᠭ ᠢ ᠤᠶᠢᠯᠠᠭᠠᠬᠤ ᠬᠡᠷᠡᠭᠲᠡᠢ︾ ᠭᠡᠪᠡ᠃
ᠪᠣᠰᠤᠭᠠ ᠬᠥᠬᠡ ᠮᠣᠩᠭᠣᠯ ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ ᠍ ᠶᠢᠨ ᠭᠡᠰᠢᠭᠦᠨ ᠫ∙ᠰᠢᠨᠵᠢᠭᠡᠷᠠᠪᠲᠠᠨ᠄︽ᠨᠣᠶᠠᠨ ᠠᠭᠤᠯᠠ ᠪᠠᠨ ᠠᠪᠤᠷᠠᠬᠤ ᠬᠥᠳᠡᠯᠭᠡᠭᠡᠨ 》 ᠣ ᠨᠡᠬᠡᠮᠵᠢᠯᠡᠯ ᠲᠡᠢ ᠬᠡᠷᠡᠭ ᠦᠨ ᠰᠢᠭᠦᠬᠦ ᠬᠤᠷᠠᠯ ᠣᠯᠠᠨ ᠤᠳᠠᠭᠠ ᠬᠣᠶᠢᠰᠢᠯᠠᠭᠰᠠᠭᠠᠷ 40 ᠳ᠋ᠡᠬᠢ ᠤᠳᠠᠭᠠ ᠶᠢᠨ ᠰᠢᠭᠦᠬᠦ ᠬᠤᠷᠠᠯ ᠤᠨ ᠰᠢᠢᠳᠪᠦᠷᠢ ᠪᠡᠷ ᠠᠩᠬᠠᠨ ᠱᠠᠲᠤᠨ ᠤ ᠰᠢᠭᠦᠬᠦ ᠤᠷᠤᠭᠤ ᠬᠡᠷᠡᠭ ᠪᠤᠴᠠᠭᠰᠠᠨ᠃ ᠰᠢᠭᠦᠬᠦ ᠶᠢᠨ ᠬᠡᠷᠡᠭ ᠡᠶᠢᠮᠦ ᠮᠠᠷᠭᠤᠭᠠᠨ ᠲᠠᠢ ᠪᠠᠶᠢᠬᠤ ᠳᠤ ᠭᠠᠳᠠᠨᠠ ᠶᠢᠨ ᠬᠣᠶᠠᠷ ᠺᠣᠮᠫᠠᠨᠢ ᠡᠳ᠋ ᠪᠠᠷᠠᠭᠠ ᠰᠢᠭ᠋ ᠨᠠᠶᠢᠮᠠᠭᠠ ᠬᠢᠵᠦ ᠪᠣᠯᠬᠤ ᠦᠭᠡᠢ᠃ ᠪᠢᠳᠡᠨ ᠦ ᠡᠪᠦᠭᠡ ᠳᠡᠭᠡᠳᠦᠰ ᠶᠠᠭᠤ ᠭᠡᠵᠦ ᠬᠠᠯᠠᠭᠤᠨ ᠠᠮᠢ ᠪᠦᠯᠢᠶᠡᠨ ᠴᠢᠰᠤ ᠪᠠᠨ ᠦᠯᠦ ᠬᠠᠶᠢᠷᠠᠯᠠᠨ ᠪᠢᠳᠡᠨ ᠳᠦ ᠡᠨᠡ ᠭᠠᠵᠠᠷ ᠨᠤᠲᠤᠭ ᠢ ᠦᠯᠡᠳᠡᠭᠡᠭᠰᠡᠨ ᠶᠤᠮ ᠪᠤᠢ᠃ ᠮᠣᠩᠭᠣᠯ ᠤᠯᠤᠰ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠢᠶᠠᠨ ᠶᠠᠮᠠᠷ ᠶᠡᠬᠡ ᠦᠨᠡ ᠪᠡᠷ ᠣᠯᠵᠤ ᠠᠪᠤᠭᠰᠠᠨ ᠢ ᠡᠷᠬᠡ ᠪᠠᠷᠢᠭᠴᠢᠳ ᠲᠤ ᠮᠡᠳᠡᠷᠡᠭᠦᠯᠦᠨᠡ ᠬᠡᠮᠡᠪᠡ᠃
