ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠨᠡᠷᠡ ᠬᠦᠨᠳᠦ ᠲᠡᠢ 《The Economist》ᠰᠡᠳᠬᠦᠯ ᠥᠩᠭᠡᠷᠡᠭᠴᠢ 17 ᠤ ᠳ᠋ᠤᠭᠠᠷ ᠲᠤ ᠪᠠᠨ《The Right Way To Learn From Genghis Khan》ᠪᠤᠶᠤ《ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠰᠤᠷᠤᠯᠴᠠᠬᠤ ᠵᠥᠪ ᠠᠷᠭᠠ ᠵᠠᠮ》ᠬᠡᠮᠡᠬᠦ ᠥᠭᠦᠯᠡᠯ ᠨᠡᠢᠲᠡᠯᠡᠵᠡᠢ᠃ ᠤᠳᠤᠷᠢᠳᠤᠨ ᠮᠠᠩᠯᠠᠢᠯᠠᠬᠤ ᠤᠷᠠ ᠤᠬᠠᠭᠠᠨ ᠪᠣᠯᠤᠨ ᠲᠡᠦᠬᠡᠨ ᠮᠠᠩᠯᠠᠢᠯᠠᠭᠴᠢᠳ ᠠᠴᠠ ᠬᠡᠷᠬᠢᠨ ᠰᠤᠷᠤᠯᠴᠠᠬᠤ ᠲᠤᠬᠠᠢ ᠤᠭ ᠥᠭᠦᠯᠡᠯ ᠳᠦ ᠶᠠᠭᠤᠨ ᠤ ᠲᠦᠷᠦᠭᠦᠨ ᠳᠦ ᠮᠠᠩᠯᠠᠢᠯᠠᠯ ᠪᠠ ᠲᠡᠦᠬᠡᠨ ᠰᠤᠷᠭᠠᠮᠵᠢ ᠶᠢᠨ ᠠᠰᠠᠭᠤᠳᠠᠯ ᠢ ᠳᠡᠪᠰᠢᠭᠦᠯᠦᠭᠰᠡᠨ ᠪᠠᠢᠨᠠ᠃
ᠠᠮᠵᠢᠯᠲᠠ ᠦᠭᠡᠢ ᠶᠠᠪᠤᠭᠠ ᠪᠣᠷᠣᠯᠠᠭᠤᠯᠤᠯᠲᠠ ᠶᠢᠨ ᠪᠠᠭ ᠢ ᠤᠳᠤᠷᠢᠳᠬᠤ ᠡᠰᠡᠪᠡᠯ ᠪᠠᠢᠭᠤᠯᠤᠯᠭᠠ ᠶᠢᠨ ᠮᠧᠨᠧᠵᠮᠧᠨᠲ ᠢ ᠰᠠᠢᠵᠢᠷᠠᠭᠤᠯᠬᠤ ᠳᠤ ᠴᠢᠩᠭᠢᠰ ᠬᠠᠭᠠᠨ ᠤ ᠲᠡᠦᠬᠡ᠂ ᠲᠠᠺᠲ᠋ᠢᠺ ᠠᠴᠠ ᠶᠠᠭᠤ ᠶᠢ ᠰᠤᠷᠴᠤ ᠪᠣᠯᠬᠤ ᠪᠤᠢ ᠭᠡᠳᠡᠭ ᠠᠰᠠᠭᠤᠯᠲᠠ ᠶᠢ ᠡᠨᠳᠡ ᠬᠥᠨᠳᠡᠵᠦ᠂ ᠲᠡᠦᠬᠡᠨ ᠮᠠᠩᠯᠠᠢᠯᠠᠭᠴᠢᠳ ᠢ ᠣᠷᠴᠢᠨ ᠦᠶᠡ ᠶᠢᠨ ᠪᠢᠽᠢᠨᠧᠰ ᠪᠣᠯᠤᠨ ᠤᠳᠤᠷᠢᠳᠤᠯᠭᠠ ᠶᠢᠨ ᠠᠭᠤᠯᠭᠠ ᠪᠠᠷ ᠬᠡᠷᠬᠢᠨ ᠵᠥᠪ ᠤᠢᠯᠠᠭᠠᠬᠤ ᠲᠠᠯᠠ ᠪᠠᠷ ᠮᠥᠨ ᠦᠭᠦᠯᠡᠵᠡᠢ᠃
ᠤᠯᠠᠮ ᠢᠶᠠᠷ ᠮᠠᠩᠯᠠᠢᠯᠠᠭᠴᠢᠳ ᠤᠨ ᠨᠠᠮᠲᠠᠷ ᠪᠣᠯᠤᠨ ᠲᠡᠳᠡᠨ ᠦ ᠵᠣᠷᠢᠯᠭᠠ ᠳᠤ ᠪᠠᠨ ᠬᠦᠷᠦᠭᠰᠡᠨ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠥᠬᠥᠴᠡᠯ ᠪᠠᠢᠳᠠᠯ ᠮᠠᠩᠯᠠᠢᠯᠠᠯ ᠤᠨ ᠲᠠᠯᠠ ᠪᠠᠷ ᠶᠠᠭᠤ ᠦᠭᠦᠯᠡᠵᠦ ᠪᠤᠢ ᠶᠢ ᠬᠠᠷᠢᠴᠠᠭᠤᠯᠤᠨ ᠰᠤᠳᠤᠯᠤᠭᠰᠠᠨ ᠢᠶᠠᠨ ᠬᠦᠦᠷᠨᠢᠭᠰᠡᠨ ᠪᠠᠢᠨᠠ᠃ ᠡᠴᠦᠰ ᠲᠦ ᠨᠢ ᠴᠢᠩᠭᠢᠰ ᠬᠠᠭᠠᠨ ᠵᠡᠷᠭᠡ ᠠᠭᠤᠤ ᠲᠡᠦᠬᠡᠨ ᠵᠢᠳᠬᠦᠯᠲᠡᠳ ᠡᠴᠡ ᠰᠤᠷᠤᠯᠴᠠᠬᠤ ᠳᠤ ᠪᠠᠨ ᠲᠡᠳᠡᠨ ᠦ ᠠᠰᠢᠭᠯᠠᠵᠤ ᠪᠠᠢᠭᠰᠠᠨ ᠠᠷᠭᠠ ᠲᠠᠺᠲ᠋ᠢᠺ᠂ ᠬᠠᠲᠠᠭᠤ ᠴᠢᠩᠳᠠ ᠪᠣᠳᠣᠯᠭᠠ ᠶᠢ ᠰᠢᠭᠤᠳ ᠬᠠᠭᠤᠯᠪᠤᠷᠢᠯᠠᠬᠤ ᠪᠢᠰᠢ᠂ ᠪᠤᠢ ᠪᠣᠯᠭᠠᠭᠰᠠᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠶᠢᠨ ᠪᠦᠲᠦᠴᠡ᠂ ᠰᠦᠯᠵᠢᠶᠡ᠂ ᠤᠶᠠᠨ ᠬᠠᠲᠠᠨ ᠴᠢᠨᠠᠷ᠂ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠶᠢᠨ ᠴᠢᠳᠠᠪᠤᠷᠢ ᠠᠴᠠ ᠰᠤᠷᠤᠯᠴᠠᠬᠤ ᠨᠢ ᠬᠠᠮᠤᠭ ᠤᠨ ᠵᠥᠪ ᠠᠷᠭᠠ ᠵᠠᠮ ᠭᠡᠳᠡᠭ ᠢ ᠣᠨᠴᠠᠯᠠᠭᠰᠠᠨ ᠪᠠᠢᠨᠠ᠃
200 ᠰᠢᠬᠠᠮ ᠵᠢᠯ ᠦᠨ ᠲᠡᠦᠬᠡ ᠲᠡᠢ ᠶᠡᠬᠡ ᠪᠷᠢᠲ᠋ᠠᠨ ᠤ《The Economist》ᠰᠡᠳᠬᠦᠯ ᠪᠣᠳᠣᠯᠭᠠ ᠶᠢᠨ ᠢᠶᠠᠨ ᠬᠤᠪᠢ ᠳᠤ ᠰᠣᠩᠭᠣᠳᠠᠭ ᠯᠢᠪᠧᠷᠡᠯᠢᠰᠮ᠂ ᠴᠢᠯᠦᠭᠡᠲᠦ ᠬᠤᠳᠠᠯᠳᠤᠭᠠ᠂ ᠵᠠᠬᠠ ᠵᠡᠭᠡᠯᠢ ᠶᠢᠨ ᠡᠳ᠋ ᠦᠨ ᠵᠠᠰᠠᠭ᠂ ᠬᠤᠪᠢ ᠬᠦᠮᠦᠨ ᠦ ᠡᠷᠬᠡ ᠴᠢᠯᠦᠭᠡ ᠶᠢ ᠲᠤᠤᠱᠲᠠᠢ ᠳᠡᠮᠵᠢᠳᠡᠭ᠃ ᠲᠤᠰ ᠰᠡᠳᠬᠦᠯ ᠳᠡᠯᠡᠬᠡᠢ ᠶᠢᠨ ᠤᠯᠤᠰ ᠲᠥᠷᠥ ᠶᠢᠨ ᠮᠠᠩᠯᠠᠢᠯᠠᠭᠴᠢᠳ᠂ ᠲᠥᠷᠥ ᠶᠢᠨ ᠲᠡᠷᠢᠭᠦᠨ ᠨᠦᠭᠦᠳ᠂ ᠲᠣᠮᠣᠬᠠᠨ ᠺᠣᠷᠫᠣᠷᠠᠼ ᠤᠳ ᠤᠨ ᠭᠦᠢᠴᠡᠳᠭᠡᠬᠦ ᠵᠠᠬᠢᠷᠤᠯ ᠤᠳ᠂ ᠬᠥᠷᠥᠩᠭᠡ ᠣᠷᠣᠭᠤᠯᠤᠭᠴᠢᠳ ᠪᠣᠯᠤᠨ ᠠᠺᠠᠳᠧᠮᠢᠺ ᠰᠠᠯᠪᠤᠷᠢ ᠶᠢᠨ ᠬᠢᠨ ᠤ ᠵᠠᠪᠠᠯ ᠤᠩᠰᠢᠳᠠᠭ ᠬᠡᠪᠯᠡᠯ ᠳᠦ ᠲᠣᠭᠠᠴᠠᠭᠳᠠᠭᠰᠠᠭᠠᠷ ᠢᠷᠡᠵᠡᠢ᠃ ᠰᠣᠨᠢᠷᠬᠠᠯᠲᠠᠢ ᠨᠢ᠂《The Economist》ᠨᠡᠢᠲᠡᠯᠡᠯ ᠳᠦ ᠪᠡᠨ ᠰᠡᠳᠬᠦᠯᠴᠢ ᠶᠢᠨ ᠨᠡᠷᠡ ᠲᠠᠯᠪᠢᠳᠠᠭ ᠦᠭᠡᠢ ᠪᠥᠭᠡᠳ ᠡᠨᠡ ᠨᠢ ᠲᠤᠬᠠᠢ ᠶᠢᠨ ᠥᠭᠦᠯᠡᠯ ᠬᠤᠪᠢ ᠰᠡᠳᠬᠦᠯᠴᠢ ᠶᠢᠨ ᠦᠵᠡᠯ ᠪᠣᠳᠣᠯ ᠪᠢᠰᠢ᠂ ᠬᠠᠷᠢᠨ ᠷᠧᠳᠠᠺᠼ ᠤᠨ ᠨᠢᠭᠡᠳᠦᠮᠡᠯ᠂ ᠨᠤᠬᠤᠴᠠᠲᠠᠢ ᠳ᠋ᠦᠩᠨᠡᠯᠲᠡ ᠭᠡᠳᠡᠭ ᠢ ᠢᠯᠡᠳᠬᠡᠳᠡᠭ ᠪᠠᠢᠨᠠ᠃
