ᠤᠯᠤᠰ ᠤᠨ ᠶᠡᠭᠡ ᠬᠤᠷᠠᠯ ᠤᠨ 2026 ᠣᠨ ᠤ ᠨᠠᠮᠤᠷ ᠤᠨ ᠡᠭᠡᠯᠵᠢᠲᠦ ᠴᠢᠭᠤᠯᠭᠠᠨ ᠥᠨᠥᠳᠥᠷ ᠲᠥᠷᠦ ᠶᠢᠨ ᠣᠷᠳᠣᠨ ᠤ 《 ᠶᠡᠭᠡ ᠬᠤᠷᠠᠯᠳᠠᠢ 》 ᠲᠠᠩᠬᠢᠮ ᠳᠤ 87 ᠭᠡᠰᠢᠭᠦᠨ ᠬᠦᠷᠦᠯᠴᠡᠨ ᠢᠷᠠᠵᠤ ᠂ ᠢᠷᠡᠴᠡ 69 ᠬᠤᠪᠢ ᠪᠦᠷᠢᠳᠦᠭ᠍ᠰᠡᠨ ᠢᠶᠡᠷ ᠡᠬᠢᠯᠡᠯᠡ ᠃
ᠴᠢᠭᠤᠯᠭᠠᠨ ᠤ ᠨᠡᠭᠡᠭᠡᠯᠲᠡ ᠳᠦ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶ ᠰᠠᠢᠳ ᠨ∙ ᠤᠴᠠᠷᠠᠯ ᠂ ᠦᠨᠳᠦᠰᠦᠨ ᠬᠠᠤᠯᠢ ᠶᠢᠨ ᠴᠡᠴᠡ ᠶᠢᠨ ᠳᠠᠷᠤᠭᠠ ᠂ ᠤᠯᠤᠰ ᠤᠨ ᠶᠡᠷᠦᠩᠬᠡᠶ ᠫᠷᠣᠻᠦᠷᠣᠷ ᠂ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠠᠴᠠ ᠤᠳᠤᠷᠢᠳᠤᠯᠭᠠ ᠶᠢ ᠨᠢ ᠲᠣᠮᠢᠯᠠᠳᠠᠭ ᠪᠤᠯᠦᠠ ᠠᠵᠢᠯ ᠢᠶᠠᠨ ᠲᠠᠢᠯᠤᠩᠨᠠᠳᠠᠭ ᠲᠥᠷᠦ ᠶᠢᠨ ᠪᠠᠢᠭᠤᠯᠤᠯᠭᠠ ᠨᠤᠭᠤᠳ ᠦᠨ ᠳᠠᠷᠤᠭᠠ ᠨᠠᠷ ᠂ ᠮᠣᠩᠭᠣᠯ ᠤᠯᠤᠰ ᠲᠤ ᠰᠠᠭᠤᠭᠠ ᠭᠠᠳᠠᠭᠠᠳᠤ ᠣᠷᠣᠨ ᠨᠤᠭᠤᠳ ᠤᠨ ᠳ᠋ᠢᠫᠯᠤᠮᠠᠲ ᠲᠥᠯᠥᠭᠡᠯᠡᠭ᠍ᠴᠢᠳ ᠦᠨ ᠭᠠᠵᠠᠷ ᠤᠨ ᠲᠡᠷᠢᠬᠦᠠ ᠂ ᠣᠯᠠᠨ ᠤᠯᠤᠰ ᠤᠨ ᠪᠠᠢᠭᠤᠯᠤᠯᠭᠠ ᠶᠢᠨ ᠲᠥᠯᠥᠭᠡᠯᠡᠯ ᠦᠳ ᠣᠷᠣᠯᠴᠠᠭᠰᠠᠨ ᠪᠡᠢᠨᠡ᠃
ᠴᠢᠭᠤᠯᠭᠠᠨ ᠢ ᠨᠡᠭᠡᠭᠡᠵᠦ ᠤᠯᠤᠰ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠰ∙ ᠪᠢᠮᠪᠠᠴᠣᠭᠲᠤ ᠬᠡᠯᠡᠬᠦ ᠳᠦ ᠪᠡᠨ᠄ ᠤᠯᠤᠰ ᠤᠨ ᠲᠤᠰᠠᠭᠠᠷ ᠲᠣᠭᠲᠠᠨᠢᠯ ᠂ ᠪᠦᠷᠢᠠ ᠡᠷᠬᠡᠲᠦ ᠪᠠᠢᠳᠠᠯ ᠂ ᠬᠥᠮᠥᠨ ᠤ ᠡᠷᠬᠡ᠂ ᠡᠷᠬᠡ ᠴᠢᠯᠦᠭᠡᠨ ᠤ ᠪᠡᠳᠦᠯᠡᠭᠠ ᠪᠣᠯᠬᠤ ᠠᠷᠠᠳᠴᠢᠯᠠᠭᠰᠠᠨ ᠫᠠᠷᠯᠠᠮᠸᠨ᠋ᠲ ᠢᠶᠠᠨ ᠤᠯᠠᠮ ᠪᠡᠬᠢᠵᠢᠭᠦᠯᠵᠦ ᠂ ᠲᠥᠷᠦ ᠲᠥᠪ ᠲᠠᠢ ᠪᠤᠰᠤ᠂ ᠬᠥᠮᠦᠨ ᠲᠥᠪ ᠲᠠᠢ ᠬᠠᠤᠯᠢ ᠪᠠᠲᠤᠯᠠᠵᠤ ᠂ ᠠᠷᠠᠳ ᠲᠦᠮᠡᠨ ᠤ ᠲᠥᠷᠥ ᠳᠡᠬᠡᠨ ᠢᠳᠡᠭᠡᠬᠦ ᠢᠲᠡᠭᠡᠯ ᠢ ᠨᠡᠮᠡᠭ᠍ᠳᠡᠭᠦᠯᠬᠦ ᠂ ᠡᠷᠬᠡ ᠵᠦᠢ ᠶᠢᠨ ᠲᠣᠭᠲᠠᠯᠴᠠᠭᠠ ᠪᠠᠨ ᠢᠯᠡᠬᠦᠦ ᠰᠠᠢᠵᠢᠷᠠᠭᠤᠯᠬᠤ ᠳᠠᠷᠠᠭᠠ ᠶᠢᠨ ᠰᠣᠷᠢᠯᠲᠠ ᠪᠢᠳᠡᠨ ᠤ ᠡᠮᠦᠨᠡ ᠬᠦᠯᠢᠶᠡᠵᠦ ᠪᠡᠢᠨᠡ ᠃
ᠡᠨᠡ ᠤᠳᠠᠭᠠ ᠶᠢᠨ ᠨᠠᠮᠤᠷ ᠤᠨ ᠡᠭᠡᠯᠵᠢᠲᠦ ᠴᠢᠭᠤᠯᠭᠠᠨ ᠮᠣᠩᠭᠣᠯ ᠤᠯᠤᠰ ᠤᠨ ᠡᠳ᠋ ᠦᠨ ᠵᠠᠰᠠᠭ ᠤᠨ ᠲᠣᠭᠲᠠᠪᠤᠷᠢᠲᠠᠶ ᠪᠠᠢᠳᠠᠯ ᠂ ᠢᠷᠡᠬᠦ ᠣᠨ ᠤ ᠬᠥᠭ᠍ᠵᠢᠯ ᠤᠨ ᠴᠢᠭ᠍ᠯᠡᠯ ᠂ ᠢᠷᠭᠡᠳ ᠦᠨ ᠠᠮᠢᠵᠢᠷᠠᠭᠠ ᠶᠢ ᠳᠡᠮᠵᠢᠬᠦ ᠣᠨᠴᠠ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠴᠡᠬ ᠦᠶᠡ ᠳᠤ ᠡᠬᠢᠯᠡᠵᠦ ᠪᠡᠢᠨᠡ ᠃ ᠨᠠᠮᠤᠷ ᠤᠨ ᠴᠢᠭᠤᠯᠭᠠᠨ ᠢᠶᠠᠷ ᠢᠷᠭᠡᠳ ᠦᠨ ᠳᠤᠮᠳᠠ ᠬᠠᠮᠦᠬ ᠤᠨ ᠶᠡᠭᠡ ᠬᠦᠯᠢᠶᠡᠯᠲᠡ ᠂ ᠤᠷᠲᠤ ᠳᠠᠷᠠᠭᠠᠯᠠᠯ ᠡᠭᠦᠰᠬᠡᠭ᠍ᠰᠡᠨ ᠣᠷᠣᠨ ᠰᠠᠭᠤᠴᠠ ᠶᠢᠨ ᠢᠫᠤᠲ᠋ᠧᠺ ᠤᠨ ᠬᠥᠲᠥᠯᠪᠦᠷᠢ ᠶᠢ ᠰᠢᠨᠡᠴᠢᠯᠡᠨ ᠂ ᠬᠦᠮᠦᠨ ᠪᠦᠷᠢ ᠳᠤ ᠬᠦᠷᠲᠡᠭᠡᠮᠵᠢ ᠲᠠᠢ ᠪᠣᠳᠤᠯᠭᠠ ᠬᠡᠷᠡᠭ᠍ᠵᠢᠭᠦᠯᠬᠦ ᠨᠢ ᠲᠤᠢᠯ ᠤᠨ ᠴᠢᠬᠤᠯᠠ ᠃ ᠬᠠᠮᠦᠬ ᠤᠨ ᠶᠡᠭᠡ ᠰᠠᠨᠠᠭᠠ ᠵᠣᠪᠠᠭᠠᠵᠤ ᠪᠤᠶ ᠨᠢᠭᠡ ᠠᠰᠠᠭᠤᠳᠠᠯ ᠨᠢ ᠡᠷᠴᠢᠮ ᠬᠦᠴᠦᠨ ᠤ ᠨᠠᠢᠳᠠᠪᠤᠷᠢ ᠲᠠᠢ ᠪᠠᠢᠳᠠᠯ ᠶᠤᠮ ᠃ ᠡᠷᠴᠢᠮ ᠬᠦᠴᠦᠨ ᠤ ᠰᠠᠯᠪᠤᠷᠢ ᠶᠢ ᠦᠨᠳᠦᠰᠦ ᠰᠠᠭᠤᠷᠢ ᠪᠠᠷ ᠨᠢ ᠰᠢᠢᠳᠪᠦᠷᠢᠯᠡᠬᠦ ᠴᠡᠬ ᠪᠣᠯᠵᠠᠢ ᠃ ᠶᠠᠭᠤᠨ ᠤ ᠡᠮᠦᠨᠡ ᠲᠦᠯᠡᠰᠢ ᠰᠢᠲᠠᠬᠤᠨ ᠤ ᠬᠠᠩᠭᠠᠮᠵᠢ ᠪᠠᠨ ᠰᠠᠢᠵᠢᠷᠠᠭᠤᠯᠵᠤ ᠂ ᠭᠠᠵᠠᠷ ᠤᠨ ᠲᠣᠰᠤ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ ᠂ ᠡᠷᠳᠡᠨᠢᠪᠦ᠋ᠷᠢᠨ ᠤᠰᠤᠨ ᠴᠠᠬᠢᠯᠭᠠᠨ ᠰᠲ᠋ᠠᠨᠼ ᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ ᠶᠢᠨ ᠠᠵᠢᠯ ᠢ ᠤᠯᠠᠮ ᠡᠷᠴᠢᠮᠵᠢᠭᠦᠯᠬᠦ ᠳᠦ ᠣᠨᠴᠠᠭᠠᠢ ᠠᠨᠭ᠍ᠬᠠᠷᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ᠃ ᠠᠢᠯ ᠡᠷᠦᠬᠡ ᠪᠦᠷᠢ᠂ ᠰᠤᠮᠤ ᠰᠠᠭᠤᠷᠢᠨ ᠭᠠᠵᠠᠷ ᠲᠤ ᠡᠷᠴᠢᠮ ᠬᠦᠴᠦᠨ ᠤ ᠲᠠᠷᠬᠠᠮᠠᠯ ᠡᠭᠦᠰᠬᠡᠭᠦᠷ ᠲᠠᠢ ᠪᠣᠯᠣᠭᠰᠠᠨ ᠴᠠᠭ ᠲᠤ ᠬᠠᠷᠢᠶᠠᠲᠤ ᠪᠤᠰᠤ ᠪᠠᠢᠳᠠᠯ ᠠᠷᠢᠯᠤᠨᠠ᠃ ᠲᠥᠷᠦ ᠶᠢᠨ ᠪᠣᠳᠤᠯᠭᠠ᠂ ᠰᠢᠢᠳᠪᠦᠷᠢ ᠠᠷᠠᠳ ᠲᠦᠮᠡᠨ ᠤ ᠰᠣᠨᠤᠷ᠂ ᠰᠣᠷᠭᠣᠭ ᠂ ᠢᠷᠭᠡᠳ ᠦᠨ ᠣᠷᠣᠯᠴᠠᠭᠠ ᠲᠠᠢ ᠪᠡᠷ ᠠᠮᠠ ᠂ ᠠᠵᠢᠯ ᠵᠥᠷᠢᠶᠡ ᠦᠭᠡᠢ ᠂ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠢᠬᠤ ᠨᠢ ᠴᠢᠬᠤᠯᠠ ᠬᠡᠮᠡᠨ ᠣᠨᠴᠠᠯᠠᠯᠠ ᠃
