ᠤᠩᠰᠢᠭᠴᠢᠳ᠂ ᠵᠣᠬᠢᠶᠠᠯᠴᠢᠳ᠂ ᠬᠡᠪᠯᠡᠨ ᠨᠡᠢᠳᠡᠯᠡᠭᠴᠢᠳ᠂ ᠪᠣᠯᠪᠠᠰᠤᠷᠠᠯ ᠤᠨ ᠪᠠᠢᠭᠤᠯᠤᠯᠭᠠ ᠨᠤᠭᠤᠳ ᠪᠣᠯᠤᠨ ᠨᠣᠮ ᠳᠤ ᠬᠠᠢᠷᠠᠲᠠᠢ ᠬᠦᠮᠦᠨ ᠪᠦᠬᠦᠨ ᠢ ᠨᠢᠭᠡᠳᠬᠡᠳᠡᠭ ᠭᠤᠴᠢ ᠶᠢᠰᠦᠳᠦᠭᠡᠷ ᠨᠣᠮ ᠤᠨ ᠪᠠᠶᠠᠷ ᠶᠡᠷᠦᠩᠬᠡᠢᠢᠯᠡᠭ᠍ᠴᠢ ᠤ᠊ ∙ ᠬᠦᠷᠡᠯᠰᠦ᠋ᠬᠡ ᠶᠢᠨ ᠢᠪᠡᠭᠡᠯ ᠳᠣᠣᠷᠠ ᠥᠨᠥᠳᠥᠷ ᠭᠤᠷᠪᠠᠳᠠᠬᠢ ᠡᠳᠦᠷ ᠢᠶᠡᠨ ᠰᠦᠬᠡᠪᠠᠭᠠᠲᠤᠷ ᠤᠨ ᠲᠠᠯᠠᠪᠠᠢ ᠳᠤ ᠦᠷᠭᠦᠯᠵᠢᠯᠡᠵᠦ ᠪᠠᠢᠨᠠ᠃
ᠡᠨᠡ ᠤᠳᠠᠭᠠ ᠶᠢᠨ ᠨᠣᠮ ᠤᠨ ᠪᠠᠶᠠᠷ ᠤᠨ ᠬᠤᠪᠢ ᠳᠤ ᠬᠡᠦᠬᠡᠳ ᠵᠠᠯᠠᠭᠤᠰ ᠲᠤ ᠴᠢᠭᠯᠡᠭᠰᠡᠨ ᠠᠭᠤᠯᠭᠠ ᠳᠤ ᠣᠨᠴᠠᠭᠠᠢ ᠠᠩᠬᠠᠷᠤᠯ ᠬᠠᠨᠳᠤᠭᠤᠯᠵᠠᠢ᠃《ᠨᠣᠮ ᠤᠨ ᠰᠣᠶᠣᠯᠲᠤ ᠶᠢᠷᠲᠢᠨᠴᠦ》ᠲᠥᠷᠥ ᠶᠢᠨ ᠪᠤᠰᠤ ᠪᠠᠢᠭᠤᠯᠤᠯᠭᠠ ᠶᠢᠨ ᠳᠡᠷᠭᠡᠳᠡᠬᠢ《ᠯᠢᠪᠷᠣ ᠰᠤᠪᠤᠳ》 ᠤᠳᠬᠠ ᠵᠣᠬᠢᠶᠠᠯ ᠤᠨ ᠠᠭᠧᠨᠲᠯᠢᠭ ᠠᠴᠠ ᠨᠣᠮ ᠤᠨ ᠰᠤᠶᠤᠯ ᠢ ᠲᠦᠭᠡᠭᠡᠬᠦ ᠠᠭᠤᠯᠭᠠ ᠪᠦᠬᠦᠢ ᠳᠣᠯᠣᠭᠠᠨ ᠨᠣᠮ ᠠᠴᠠ ᠪᠦᠷᠢᠳᠦᠭᠰᠡᠨ ᠪᠠᠭᠴᠠ ᠡᠷᠬᠡ ᠶᠢ ᠠᠪᠴᠤ ᠮᠣᠩᠭᠣᠯ ᠤᠩᠰᠢᠭᠴᠢ ᠬᠡᠦᠬᠡᠳ ᠦᠳ ᠲᠡᠭᠡᠨ ᠤᠩᠰᠢᠭᠤᠯᠬᠤ ᠪᠠᠷ ᠡᠷᠬᠢᠯᠡᠨ ᠭᠠᠷᠭᠠᠵᠠᠢ᠃
《ᠨᠣᠮ ᠤᠨ ᠪᠠᠶᠠᠷ》 ᠨᠢ ᠵᠥᠪᠬᠡᠨ ᠨᠣᠮ ᠬᠤᠳᠠᠯᠳᠤᠭᠠᠯᠠᠬᠤ ᠪᠤᠰᠤ᠂ ᠤᠩᠰᠢᠯᠭᠠ ᠶᠢᠨ ᠰᠤᠶᠤᠯ ᠢ ᠲᠦᠭᠡᠭᠡᠨ ᠳᠡᠯᠭᠡᠷᠡᠭᠦᠯᠬᠦ᠂ ᠬᠡᠦᠬᠡᠳ ᠵᠠᠯᠠᠭᠤᠰ ᠢ ᠮᠡᠳᠡᠯᠭᠡ ᠪᠣᠯᠪᠠᠰᠤᠷᠠᠯ᠂ ᠵᠥᠪ ᠬᠠᠨᠳᠤᠯᠭᠠ᠂ ᠪᠠᠢᠭᠠᠯᠢ ᠳᠤ ᠡᠭᠡᠯᠢ ᠲᠡᠢ ᠦᠨᠡᠲᠦ ᠵᠦᠢᠯ ᠳᠦ ᠤᠷᠢᠶᠠᠯᠠᠭᠰᠠᠨ ᠰᠣᠶᠣᠨ ᠭᠡᠭᠡᠷᠡᠯ ᠦᠨ ᠲᠣᠮᠣᠬᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠪᠣᠯᠵᠤ ᠥᠷᠭᠡᠵᠢᠵᠦ ᠪᠠᠢᠨᠠ᠃
