ᠣᠯᠠᠨ ᠤᠯᠤᠰ ᠤᠨ ᠰᠤᠪᠢᠯᠡᠬᠴᠢ ᠂ ᠡᠬᠡ ᠪᠠᠷᠢᠭ᠌ᠴᠢᠳ ᠤᠨ ᠡᠳᠦᠷ ᠢ ᠤᠭᠲᠤᠨ ᠪᠠᠶᠠᠨ ᠥᠯᠥᠭᠡᠢ ᠠᠢᠮᠠᠭ ᠤᠨ ᠨᠢᠭᠡᠳᠦᠭ᠍ᠰᠡᠨ ᠡᠮᠨᠡᠯᠭᠡ ᠶᠢᠨ ᠰᠤᠪᠢᠯᠠᠭᠴᠢᠳ ᠤᠨ ᠳᠤᠮᠳᠠ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠪᠡᠭᠠ ᠬᠤᠷᠠᠯ ᠵᠣᠬᠢᠶᠠᠨ ᠪᠠᠢᠭᠤᠯᠵᠠᠢ ᠃ ᠲᠤᠰ ᠬᠤᠷᠠᠯ ᠨᠢ ᠰᠤᠪᠢᠯᠠᠬᠤᠢ ᠶᠢᠨ ᠲᠤᠰᠠᠯᠠᠮᠵᠢ ᠦᠢᠯᠡᠴᠢᠯᠡᠭᠡᠨ ᠤ ᠴᠢᠨᠠᠷ ᠢ ᠰᠠᠢᠵᠢᠷᠠᠭᠤᠯᠬᠤ᠂ ᠮᠡᠳᠡᠯᠭᠡ᠂ ᠤᠷᠠ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭ᠍ᠰᠢᠯᠡᠭᠦᠯᠬᠦ ᠂ ᠲᠤᠷᠰᠢᠯᠭᠠ ᠰᠣᠯᠢᠯᠴᠠᠭᠠ ᠶᠢ ᠥᠷᠭᠡᠵᠢᠭᠦᠯᠬᠦ ᠵᠣᠷᠢᠯᠭᠠ ᠲᠠᠢ᠃ ᠬᠤᠷᠠᠯ ᠳᠤ 22 ᠲᠠᠰᠤᠭ ᠤᠨ ᠲᠥᠯᠦᠭᠡᠯᠡᠯ ᠣᠷᠣᠯᠴᠠᠵᠤ ᠂ 7 ᠢᠯᠡᠳᠬᠡᠯ ᠬᠡᠯᠡᠯᠴᠡᠭᠦᠯᠦᠭ᠍ᠰᠡᠨ ᠪᠡᠢᠨᠡ ᠃
ᠰᠤᠳᠤᠯᠭᠠᠨ ᠤ ᠠᠵᠢᠯ ᠢᠶᠠᠷ ᠨᠢᠭᠡᠳᠦᠭᠡᠷ ᠪᠠᠢᠷᠢ ᠳᠤ《ᠬᠡᠦᠬᠡᠳ ᠤᠨ ᠬᠠᠯᠠᠭᠤᠷᠠᠯᠲᠠ ᠶᠢᠨ ᠦᠶᠡ ᠳᠤ ᠡᠴᠢᠭᠡ ᠡᠬᠡ ᠂ ᠠᠰᠠᠷᠠᠨ ᠬᠠᠮᠠᠭᠠᠯᠠᠭ᠌ᠴᠢᠳ ᠤᠨ ᠮᠡᠳᠡᠯᠭᠡ᠂ ᠬᠠᠨᠳᠤᠯᠭᠠ ᠶᠢ ᠰᠤᠳᠤᠯᠬᠤ ᠨᠢ》ᠰᠡᠳᠦᠪᠲᠤ ᠢᠯᠡᠳᠬᠡᠯ ᠢᠶᠠᠷ ᠬᠡᠦᠬᠡᠳ ᠤᠨ ᠲᠠᠰᠤᠭ ᠤᠨ ᠰᠤᠪᠢᠯᠡᠬᠴᠢ ᠰ ∙ ᠲᠤᠷᠬᠢᠨᠲᠠᠢ᠂ ᠮ ∙ ᠰᠤᠯᠤᠱᠠᠱ᠂ ᠬᠣᠶᠠᠳᠤᠭᠠᠷ ᠪᠠᠢᠷᠢ ᠳᠤ《ᠰᠤᠪᠢᠯᠠᠬᠤᠢ ᠶᠢᠨ ᠲᠡᠦᠬᠡ ᠪᠢᠴᠢᠬᠦ ᠤᠷᠠ ᠴᠢᠳᠠᠪᠤᠷᠢ ᠳᠤ ᠨᠥᠯᠥᠭᠡᠯᠡᠬᠦ ᠬᠦᠴᠦᠨ ᠵᠦᠢᠯᠡᠰ ᠢ ᠰᠤᠳᠤᠯᠬᠤ ᠨᠢ 》ᠰᠡᠳᠦᠪ ᠢᠶᠡᠷ ᠰᠤᠪᠢᠯᠠᠬᠤᠢ ᠶᠢᠨ ᠠᠷᠭᠠ ᠵᠦᠢᠴᠢ ᠬ ∙ᠡᠷᠺᠧᠵᠠᠨ ᠂ ᠰ ∙ ᠹᠠᠷᠢᠽᠠ ᠨᠠᠷ᠂ ᠭᠤᠷᠪᠠᠳᠤᠭᠠᠷ ᠪᠠᠢᠷᠢ ᠳᠤ《ᠲᠦᠩᠬᠦ ᠶᠢᠨ ᠮᠤᠯᠲᠤᠷᠠᠯ ᠤᠨ ᠠᠰᠠᠷᠠᠭᠠ᠂ ᠰᠤᠪᠢᠯᠠᠭᠠ》ᠰᠡᠳᠦᠪ ᠢᠶᠡᠷ ᠲᠦᠷᠦᠭᠦ ᠲᠠᠰᠤᠭ ᠤᠨ ᠨᠢᠷᠠᠢ ᠶᠢᠨ ᠰᠤᠪᠢᠯᠡᠬᠴᠢ ᠪ ∙ ᠠᠯᠲ᠋ᠢᠩᠭᠦᠯ ᠂ D∙ᠮᠠᠷᠠᠯ ᠰᠢᠯᠭᠠᠷᠠᠵᠠᠢ ᠃
