ᠡᠮᠦᠨᠡᠭᠣᠪᠢ ᠠᠢᠮᠠᠭ ᠤᠨ ᠬᠠᠨᠪᠣᠭᠳᠠ ᠰᠤᠮᠤ ᠶᠢᠨ ᠵᠠᠰᠠᠭ ᠳᠠᠷᠤᠭ᠎ᠠ ᠶᠢᠨ ᠲᠠᠮᠠᠭ᠎ᠠ ᠶᠢᠨ ᠭᠠᠵᠠᠷ ᠠᠴᠠ ᠳᠡᠮᠴᠢᠭ ᠬᠡᠢᠢᠳ  ᠦᠨ ᠴᠢᠯᠠᠭᠤᠨ ᠬᠠᠰᠢᠶ᠎ᠠ ᠶᠢ ᠣᠷᠣᠨ ᠨᠤᠲᠤᠭ ᠤᠨ ᠲᠥᠰᠥᠪ ᠦᠨ 50 ᠰᠠᠶ᠎ᠠ ᠲᠥᠭᠥᠷᠢᠭ ᠢᠶᠡᠷ ᠰᠡᠷᠭᠦᠭᠡᠨ ᠵᠠᠰᠠᠬᠤ ᠭᠡᠵᠦ ᠪᠠᠢᠨ᠎ᠠ᠃

《ᠭᠠᠯᠪᠠ ᠶᠢᠨ ᠭᠤᠷᠪᠠᠨ ᠬᠡᠢᠢᠳ》 ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠳᠡᠮᠴᠢᠭ᠂ ᠡᠷᠡᠭᠡᠳᠦ᠂ ᠴᠠᠭᠠᠨ ᠲᠣᠯᠣᠭᠠᠢ ᠬᠡᠮᠡᠬᠦ ᠭᠤᠷᠪᠠᠨ ᠬᠡᠢᠢᠳ  ᠢ ᠭᠠᠵᠠᠷ ᠰᠢᠨᠵᠢᠨ ᠰᠣᠩᠭᠣᠵᠤ 1830-1836 ᠣᠨ ᠤ ᠬᠣᠭᠣᠷᠣᠨᠳᠣ ᠪᠠᠷᠢᠭᠰᠠᠨ ᠪᠥᠭᠡᠳ ᠬᠣᠭᠣᠷᠣᠨᠳᠣ ᠪᠠᠨ 5-6 ᠺᠢᠯᠣᠮᠧᠲ᠋ᠷ ᠵᠠᠢᠲᠠᠢ ᠪᠠᠷ᠂ ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠪᠠᠢᠷᠢᠯᠠᠯ ᠲᠠᠢ ᠪᠠᠷ ᠪᠠᠢᠭᠤᠯᠵᠠᠢ᠃

ᠳᠡᠮᠴᠢᠭ ᠭᠡᠳᠡᠭ ᠨᠢ 《ᠳᠡᠭᠡᠳᠦ ᠠᠮᠤᠭᠤᠯᠠᠩ》 ᠬᠡᠮᠡᠬᠦ ᠤᠳᠬ᠎ᠠ ᠲᠠᠢ ᠪᠠ ᠳᠡᠮᠴᠢ ᠶᠢᠨ ᠬᠡᠢᠢᠳ ᠨᠢ ᠵᠥᠪᠬᠡᠨ ᠡᠷᠭᠢᠯ ᠮᠥᠷᠭᠥᠯ᠂ ᠠᠷᠢᠭᠤᠰᠤᠯ ᠪᠢᠰᠢᠯᠭᠠᠯ ᠤᠨ ᠴᠢᠭᠯᠡᠯ ᠢᠶᠡᠷ ᠪᠠᠢᠭᠤᠯᠤᠭᠳᠠᠵᠤ᠂ ᠳᠦᠢᠴᠡᠩ ᠡᠳᠦᠷ ᠦᠳ ᠲᠦ 《ᠳᠡᠮᠴᠢᠭ ᠬᠤᠷᠠᠯ》᠂ ᠬᠠᠪᠤᠷ ᠤᠨ ᠲᠡᠷᠢᠭᠦᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ 15᠂ 25 ᠳᠦ 《 ᠬᠠᠨᠵᠢᠳ ᠳᠡᠮᠴᠢᠭ》 ᠬᠡᠮᠡᠬᠦ ᠬᠤᠷᠠᠯ ᠬᠤᠷᠠᠳᠠᠭ ᠬᠡᠢᠢᠳ ᠪᠠᠢᠪᠠ᠃