ᠰᠤᠳᠤᠯᠤᠭᠠᠴᠢ᠂ ᠴᠤᠭᠯᠠᠭᠤᠯᠤᠭᠴᠢ ᠼ ∙ ᠪᠠᠲᠤᠰᠠᠢᠬᠠᠨ ᠤ 《ᠮᠣᠩᠭᠣᠯ ᠤᠨ ᠱᠠᠰᠢᠨ ᠰᠤᠶᠤᠯ ᠤᠨ ᠥᠪ ᠳᠤᠷᠠᠰᠬᠠᠯ》 ᠴᠤᠭᠯᠠᠭᠤᠯᠭᠠ ᠶᠢᠨ ᠦᠵᠡᠰᠬᠦᠯᠡᠩ ᠭ ∙ ᠵᠠᠨᠠᠪᠠᠽᠠᠷ ᠤᠨ ᠨᠡᠷᠡᠮᠵᠢᠲᠦ ᠳᠦᠷᠰᠦᠯᠡᠬᠦ ᠤᠷᠠᠯᠢᠭ ᠤᠨ ᠮᠦᠽᠧᠢ ᠳᠦ4 ᠰᠠᠷᠠ ᠶᠢᠨ10 ᠳᠦ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠪᠡ᠃ ᠲᠡᠷᠡᠪᠡᠷ 70 ᠣᠷᠴᠢᠮ ᠵᠢᠯ ᠦᠨ ᠲᠤᠷᠰᠢ ᠱᠠᠰᠢᠨ᠂ ᠰᠤᠶᠤᠯ ᠢ ᠦᠭᠡᠢᠢᠰᠭᠡᠵᠦ ᠢᠷᠡᠭᠰᠡᠨ ᠲᠡᠦᠬᠡᠨ ᠴᠠᠭ ᠦᠶᠡ ᠶᠢᠨ ᠳᠠᠷᠠᠭᠠ ᠬᠣᠪᠣᠷᠳᠠᠵᠤ ᠡᠬᠢᠯᠡᠭᠰᠡᠨ ᠪᠤᠷᠬᠠᠨ ᠤ ᠱᠠᠰᠢᠨ ᠤ ᠬᠣᠯᠪᠣᠭᠳᠠᠯ ᠲᠠᠢ ᠡᠳ᠋ ᠵᠦᠢᠯᠡᠰ ᠢ ᠣᠯᠠᠨ ᠵᠢᠯ ᠦᠨ ᠲᠤᠷᠰᠢ ᠴᠤᠭᠯᠠᠭᠤᠯᠵᠠᠢ᠃
ᠦᠵᠡᠰᠬᠦᠯᠡᠩ ᠳᠦ ᠮᠣᠩᠭᠣᠯ ᠤᠨ ᠱᠠᠰᠢᠨ᠂ ᠰᠤᠶᠤᠯ ᠲᠠᠢ ᠬᠣᠯᠪᠣᠭᠠ ᠲᠠᠢ ᠰᠢᠲᠦᠭᠡᠨ ᠤᠷᠠᠨ ᠵᠢᠷᠤᠭ᠂ ᠵᠠᠩ ᠦᠢᠯᠡ ᠳᠦ ᠵᠣᠷᠢᠭᠤᠯᠤᠭᠰᠠᠨ ᠮᠣᠩᠭᠣᠯ ᠵᠢᠷᠤᠭ᠂ ᠮᠣᠳᠣᠨ ᠪᠠᠷᠰ ᠤᠨ ᠬᠡᠪᠯᠡᠮᠡᠯ ᠪᠦᠲᠦᠭᠡᠯ᠂ ᠪᠤᠷᠬᠠᠨ ᠤ ᠤᠷᠠᠨ ᠪᠠᠷᠢᠮᠠᠯ ᠵᠡᠷᠭᠡ 700 ᠭᠠᠷᠤᠢ ᠬᠣᠪᠣᠷ ᠦᠵᠡᠮᠦᠷᠢ ᠶᠢ ᠪᠠᠭᠲᠠᠭᠠᠵᠠᠢ᠃
ᠨᠡᠭᠡᠭᠡᠯᠲᠡ ᠶᠢᠨ ᠦᠶᠡ ᠪᠡᠷ ᠼ ∙ ᠪᠠᠲᠤᠰᠠᠢᠬᠠᠨ᠄ ᠮᠣᠩᠭᠣᠯ ᠳᠤ ᠱᠠᠰᠢᠨ ᠭᠤᠷᠪᠠᠨ ᠤᠳᠠᠭᠠ ᠳᠡᠯᠭᠡᠷᠡᠭᠰᠡᠨ ᠭᠡᠵᠦ ᠦᠵᠡᠳᠡᠭ᠃ ᠾᠦᠩᠨᠤ ᠶᠢᠨ ᠦᠶᠡ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ᠂ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠵᠠᠭᠤᠨ ᠳᠤ ᠳᠡᠯᠭᠡᠷᠡᠵᠦ ᠪᠠᠢᠭᠰᠠᠨ ᠪᠣᠯ ᠬᠣᠷᠢᠳᠤᠭᠠᠷ ᠵᠠᠭᠤᠨ ᠳᠤ ᠲᠣᠳᠣᠷᠬᠠᠢ ᠬᠤᠭᠤᠴᠠᠭᠠᠨ ᠳᠤ ᠲᠠᠰᠤᠯᠳᠠᠭᠰᠠᠨ᠃ ᠬᠠᠷᠢᠨ 2000 ᠣᠨ ᠠᠴᠠ ᠬᠣᠢᠰᠢ ᠳᠠᠬᠢᠨ ᠰᠡᠷᠭᠦᠵᠦ᠂ ᠳᠥᠷᠪᠡᠳ᠋ᠡᠬᠢ ᠤᠳᠠᠭᠠ ᠪᠠᠨ ᠳᠡᠯᠭᠡᠷᠡᠵᠦ ᠪᠠᠢᠨᠠ ᠭᠡᠵᠦ ᠬᠡᠯᠡᠵᠦ ᠪᠣᠯᠤᠨᠠ》ᠬᠡᠮᠡᠨ ᠣᠨᠴᠠᠯᠠᠭᠰᠠᠨ ᠶᠤᠮ᠃ ᠦᠵᠡᠰᠬᠦᠯᠡᠩ ᠳᠦ ᠳᠡᠯᠭᠡᠭᠳᠡᠭᠰᠡᠨ ᠪᠦᠲᠦᠭᠡᠯ ᠦᠳ ᠦᠨ ᠵᠠᠷᠢᠮ ᠨᠢ ᠠᠢᠯ ᠡᠷᠦᠬᠡ ᠶᠢᠨ ᠠᠪᠳᠠᠷᠠ ᠶᠢᠨ ᠢᠷᠤᠭᠠᠷ ᠠᠴᠠ ᠣᠯᠳᠠᠭᠰᠠᠨ ᠬᠣᠪᠣᠷ ᠳᠤᠷᠠᠰᠬᠠᠯ ᠤᠳ ᠠᠵᠠᠢ᠃
