ᠰᠸᠢᠰ ᠤᠨ ᠬᠣᠯᠪᠤᠭᠠᠨ ᠤ ᠤᠯᠤᠰ ᠤᠨ ᠪᠧᠷᠨᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠨᠣᠮ ᠤᠨ ᠰᠠᠩ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠭᠰᠠᠨ ᠮᠣᠩᠭᠣᠯ ᠤᠨ ᠲᠡᠦᠬᠡ ᠂ ᠰᠣᠶᠤᠯ ᠤᠨ ᠦᠨᠡᠲᠦ ᠥᠪ ᠲᠦ ᠬᠠᠮᠢᠶᠡᠷᠬᠤ ᠡᠷᠲᠡᠨ ᠥ ᠬᠤᠪᠦᠷ ᠬᠣᠶᠠᠷ ᠪᠢᠴᠢᠪᠦᠷᠢ ᠶᠢ ᠮᠣᠩᠭᠣᠯ ᠤᠯᠤᠰ ᠲᠤ ᠪᠤᠴᠠᠭᠠᠨ ᠰᠢᠯᠵᠢᠭᠦᠯᠵᠡᠢ ᠃ ᠲᠣᠳᠣᠷᠠᠭᠤᠯᠪᠠᠯ ᠡᠬᠢᠨ ᠤ ᠪᠢᠴᠢᠪᠦᠷᠢ ᠨᠢ ᠠᠷᠪᠠᠨ ᠳᠣᠯᠣᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠦᠶᠡ ᠶᠢᠨ ᠭᠠᠷ ᠪᠢᠴᠢᠮᠡᠯ ᠪᠥᠭᠡᠳ ᠲᠥᠪᠡᠳ ᠤᠨ ᠶᠡᠭᠡ ᠪᠢᠰᠢᠯᠭᠠᠭ᠌ᠴᠢ ᠂ ᠢᠷᠠᠭᠤ ᠨᠠᠢᠷᠠᠭ᠌ᠴᠢ ᠮᠢᠯᠠᠷᠠᠢᠪᠠ ᠶᠢᠨ 《ᠵᠠᠭᠤᠨ ᠮᠢᠩᠭᠠᠨ ᠳᠠᠭᠤᠤ》ᠵᠣᠬᠢᠶᠠᠯ ᠤᠨ ᠮᠣᠩᠭᠣᠯ ᠣᠷᠴᠢᠭᠤᠯᠭᠠ ᠠᠵᠠᠢ ᠃
ᠤᠭ ᠣᠷᠴᠢᠭᠤᠯᠭᠠ ᠶᠢ ᠨᠡᠷᠡᠲᠦ ᠯᠠᠮᠠ ᠰᠢᠷᠡᠭᠡᠲᠦ ᠭᠦᠦᠰᠢ ᠴᠣᠷᠵᠢ ᠲᠦᠮᠡᠳ ᠦᠨ ᠨᠦᠯᠤᠬᠡ ᠪᠦᠬᠦᠶ ᠨᠣᠶᠠᠨ ᠤᠮᠪᠤ ᠬᠣᠩ ᠲᠠᠢᠵᠢ ᠶᠢᠨ ᠵᠠᠬᠢᠶᠠᠯᠠᠭᠠ ᠪᠠᠷ ᠬᠢᠭ᠍ᠰᠡᠨ ᠪᠥᠭᠡᠳ ᠭᠠᠷ ᠪᠢᠴᠢᠮᠡᠯ ᠦᠨ ᠲᠡᠭᠦᠰᠬᠡᠯ ᠦᠨ ᠲᠡᠮᠳᠡᠭ᠍ᠯᠡᠯ ᠳᠤ ᠳᠤᠷᠠᠳᠤᠭᠰᠠᠨ ᠢᠶᠠᠷ 1615 ᠣᠨ ᠣᠷᠴᠢᠮ ᠳᠤ ᠣᠷᠴᠢᠭᠤᠯᠤᠭᠳᠠᠭᠰᠠᠨ ᠪᠠᠢᠢᠬᠤ ᠮᠠᠭᠠᠳᠯᠠᠯ ᠲᠠᠢ ᠪᠡᠢᠨᠡ᠃ ᠡᠨᠡ ᠬᠦ ᠡᠬᠡ ᠰᠤᠷᠪᠤᠯᠵᠢ ᠨᠢ ᠮᠣᠩᠭᠣᠯ ᠤᠨ ᠪᠤᠷᠬᠠᠨ ᠤ ᠱᠠᠰᠢᠨ ᠂ ᠤᠳᠬᠠ ᠵᠤᠬᠢᠶᠡᠯ ᠂ ᠣᠷᠴᠢᠭᠤᠯᠭᠠ ᠶᠢᠨ ᠲᠡᠦᠬᠡ ᠶᠢ ᠰᠤᠳᠤᠯᠬᠤ ᠳᠤ ᠴᠢᠬᠤᠯᠠ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ ᠃
ᠬᠣᠶᠠᠲᠠᠬᠢ ᠪᠢᠴᠢᠪᠦᠷᠢ ᠨᠢ 1716 ᠣᠨ ᠳᠤ ᠪᠡᠭᠡᠵᠢᠡᠭ ᠬᠣᠲᠠᠨᠠ ᠤᠯᠠᠮᠵᠢᠯᠠᠯᠲᠤ ᠮᠣᠳᠤᠨ ᠬᠡᠪᠯᠡᠯ ᠢᠶᠡᠷ ᠬᠡᠪᠯᠡᠭ᠍ᠳᠡᠭ᠍ᠰᠡᠨ ᠂ ᠮᠣᠩᠭᠣᠯ ᠪᠢᠴᠢᠭ ᠤᠨ ᠭᠡᠰᠡᠷ ᠦᠨ ᠲᠤᠤᠯᠢᠰ ᠤᠨ ᠬᠤᠪᠦᠷ ᠡᠬᠡ ᠶᠤᠮ ᠃ ᠤᠭ ᠬᠡᠪᠯᠡᠮᠡᠯ ᠨᠢ ᠲᠤᠤᠯᠢᠰ ᠤᠨ 1-3 ᠪᠤᠯᠦᠠ 5-7 ᠳ᠋ᠤᠭᠠᠷ ᠪᠦᠯᠦᠭ ᠢ ᠪᠠᠭᠲᠠᠭᠠᠭᠰᠠᠨ ᠪᠦᠷᠢᠠ ᠪᠤᠰᠤ ᠬᠤᠪᠢᠯᠪᠤᠷᠢ ᠪᠣᠯᠪᠠᠴᠤ ᠮᠣᠩᠭᠣᠯ ᠤᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ᠂ ᠠᠮᠠᠨ ᠪᠤᠯᠦᠠ ᠪᠢᠴᠢᠭ ᠤᠨ ᠤᠯᠠᠮᠵᠢᠯᠠᠯ ᠤᠨ ᠲᠡᠦᠬᠡ ᠶᠢ ᠰᠤᠳᠤᠯᠬᠤ ᠳᠤ ᠣᠨᠴᠠᠭᠠᠢ ᠦᠨᠡ ᠴᠡᠨᠡ ᠲᠡᠢ ᠡᠬᠡ ᠰᠤᠷᠪᠤᠯᠵᠢ ᠳᠤ ᠲᠣᠭᠠᠴᠢᠭ᠌ᠳᠠᠵᠤ ᠪᠡᠢᠨᠡ᠃ ᠡᠳᠡᠭᠡᠷ ᠪᠢᠴᠢᠪᠦᠷᠢ ᠨᠤᠭᠦᠳ ᠨᠢ ᠡᠮᠦᠨᠡ ᠨᠢ ᠰᠤᠳᠤᠯᠤᠭᠠᠴᠢ ᠷᠢᠾᠠᠷᠳ᠋ ᠡᠷᠡᠨᠰᠲ ᠤᠨ ᠬᠤᠪᠢ ᠶᠢᠨ ᠴᠤᠭᠯᠠᠭᠤᠯᠤᠯᠭᠠ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠭᠠᠳ ᠤᠯᠠᠮ ᠢᠶᠠᠷ ᠪᠧᠷᠨᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠨᠣᠮ ᠤᠨ ᠰᠠᠩ ᠳᠤ ᠰᠢᠯᠵᠢᠨ ᠬᠠᠳᠠᠭᠠᠯᠠᠭᠳᠠᠭᠰᠠᠨ ᠪᠥᠭᠡᠳ ᠣᠯᠠᠨ ᠵᠢᠯ ᠤᠨ ᠳᠠᠷᠠᠭᠠ ᠡᠢᠨ ᠬᠦ ᠡᠬᠡ ᠣᠷᠣᠨ ᠳᠤ ᠪᠠᠨ ᠪᠤᠴᠠᠵᠤ ᠪᠠᠢᠭᠠ ᠨᠢ ᠡᠨᠡ ᠶᠤᠮ ᠃
