ᠲᠦᠷᠦ ᠵᠢᠨ ᠱᠠᠩᠨᠠᠯᠳᠤ᠂ ᠠᠷᠠᠳ ᠤᠨ ᠣᠷᠠᠨ ᠵᠣᠬᠢᠶᠠᠯᠴᠢ᠂ ᠰᠤᠶᠤᠯ ᠤᠨ ᠭᠠᠪᠢᠶᠠᠳᠣ ᠵᠢᠳᠭᠦᠯᠲᠡᠨ ᠪᠠ᠂ ᠯᠾᠬᠠᠪᠠᠰᠦ᠋ᠷᠦᠩ ᠲᠠᠢ ᠶᠠᠷᠢᠯᠴᠠᠯᠠ᠃ ᠲᠡᠭᠦᠨ ᠢ ᠣᠯᠠᠨ ᠰᠡᠳᠭᠦᠯᠴᠢ《ᠮᠦᠯᠵᠢᠭ᠍ᠰᠡᠨ》ᠴᠦ ᠳᠠᠪᠳᠠᠭᠳᠠᠰᠢ ᠦᠭᠡᠢ ᠶᠠᠷᠢᠶᠠ ᠭᠠᠷᠤᠭᠰᠠᠭᠠᠷ ᠯᠠ ᠪᠠᠢᠳᠠᠭ᠃ ᠡᠨᠡ ᠣᠳᠠᠭᠠ ᠴᠦ ᠪᠠᠰᠠ ᠲᠡᠭᠦᠨ ᠢ ᠦᠪᠡᠷ ᠤᠨ ᠬᠢ ᠪᠡᠷ ᠢᠶᠠᠨ ᠨᠡᠭᠡᠭᠡᠯᠡ᠃ ᠲᠠᠮᠠᠬᠢ ᠪᠡᠨ ᠬᠦᠯ ᠳᠤᠣᠷᠠ ᠪᠡᠨ ᠬᠠᠢᠷᠴᠠᠭ ᠢᠶᠠᠷ ᠨᠢ ᠲᠠᠯᠪᠢᠴᠢᠬᠠᠭᠠᠳ ᠂ ᠡᠭᠡᠯᠵᠢᠲᠤ ᠨᠢᠭᠡ ᠨᠢ ᠢᠷᠡᠵᠦ ᠪᠠᠢᠴᠠᠭᠠᠳᠠᠭ ᠢᠢᠠᠷ ᠢᠢᠠᠨ ᠪᠠᠢᠴᠠᠭᠠᠬᠤ ᠨᠢ ᠭᠡᠰᠡᠨ ᠶᠠᠩᠵᠦ ᠲᠠᠢ᠄《ᠵᠠ ᠶᠠᠭᠤ ᠠᠰᠠᠭᠤᠮᠠᠷ ᠪᠠᠢᠨᠠ》ᠭᠡᠳ ᠲᠠᠮᠠᠬᠢ ᠪᠡᠨ ᠠᠰᠠᠭᠠᠪᠠ᠃ ᠣᠷᠢᠯᠭᠠ ᠵᠠᠯᠠᠯᠭᠠ ᠵᠢ ᠣᠳᠠᠰᠦ ᠪᠡᠷ ᠪᠤᠯᠤᠨ ᠪᠡᠶᠡ ᠪᠡᠷ ᠢᠷᠡᠵᠦ ᠬᠦᠷᠭᠡᠬᠦ ᠬᠦᠮᠦᠨ ᠥ ᠬᠦᠯ ᠲᠠᠰᠤᠷᠠᠳᠠᠭ ᠦᠭᠡᠢ ᠪᠣᠯᠣᠯᠲᠠᠢ᠃ ᠬᠠᠨᠢ ᠰ᠂ ᠪᠠᠰᠠᠩ ᠡᠴᠡ ᠨᠢ《ᠲᠠᠨ ᠥ ᠳ᠋ᠦ ᠬᠦᠮᠦᠨ ᠶᠡᠬᠡ ᠢᠷᠡᠳᠡᠭ ᠪᠠᠢᠬᠤ ᠡ 》ᠭᠡᠬᠦ ᠳ᠋ᠦ《ᠨᠠᠭᠤᠢ》ᠭᠡᠳ ᠲᠤᠯᠤᠭᠠᠢ ᠰᠡᠭ᠍ᠰᠦᠷᠪᠠ᠃ ᠢᠩᠭᠢᠭᠡᠳ ᠶᠠᠷᠢᠯᠴᠠᠯᠭᠠ ᠪᠡᠨ ᠬᠦᠷᠭᠡᠶᠠ ᠃
– ᠲᠠ ᠦᠴᠦᠭᠡᠳᠦᠷ ᠨᠣᠲᠣᠭ ᠶᠠᠪᠣᠭᠠᠳ ᠢᠷᠡᠪᠠ ᠤᠤ᠂ ᠶᠡᠷᠦ ᠨᠢ ᠣᠢᠷᠠ ᠣᠢᠷᠠᠬᠠᠨ ᠶᠠᠪᠣᠳᠠᠭ ᠭᠡᠰᠡᠨ ᠪᠠᠢᠬᠤ ᠡ
–《ᠲᠣᠷᠤᠭ ᠡᠴᠡᠬᠦ ᠪᠠᠷ ᠢᠢᠠᠨ ᠠᠭᠤᠯᠠ ᠪᠡᠨ ᠭᠡᠭ᠍ᠴᠢ ᠪᠡᠷ》ᠨᠣᠳᠤᠭ ᠢᠶᠡᠨ ᠯᠠ ᠶᠡᠬᠡ ᠪᠣᠳᠣᠬᠣ ᠶᠤᠮ᠃ ᠰᠢᠯᠳᠠᠭ ᠯᠠ ᠭᠠᠷᠪᠠᠯ ᠨᠣᠲᠣᠭ ᠶᠠᠪᠣᠮᠠᠷ ᠰᠠᠨᠠᠭᠳᠠᠬᠣ ᠪᠣᠯᠣᠭᠰᠠᠨ᠃ ᠨᠠᠰᠤ ᠠᠬᠢᠬᠣ ᠪᠠᠷ ᠲᠡᠭᠡᠳᠡᠭ ᠪᠠᠢᠬᠤ ᠯᠠ ᠳ᠋ᠠ ᠃
– ᠨᠣᠲᠤᠭ ᠤᠨ ᠠᠢᠯ ᠣᠳ ᠢᠢᠠᠷ ᠢᠢᠠᠨ ᠣᠷᠤᠳᠠᠭ ᠤᠤ ︖
–ᠠᠢᠯ ᠬᠡᠰᠦᠳᠡᠭ ᠦᠭᠡᠢ ᠡ᠃ ᠣᠢᠷᠠ ᠶᠢᠨ ᠠᠬᠠ ᠲᠡᠭᠦᠦᠰ ᠢᠶᠡᠷ ᠢᠶᠡᠨ ᠯᠠ ᠣᠷᠤᠳᠠᠭ ᠶᠤᠮ ᠃
– ᠰᠠᠶ᠋ᠢᠬᠠᠨ ᠪᠢ ᠲᠠᠨ ᠥ ᠠᠪᠣ ᠵᠢᠨ ᠵᠢᠡᠨ ᠲᠤᠬᠠᠢ ᠪᠢᠴᠢᠭ᠍ᠰᠡᠨ ᠳᠤᠷᠠᠰᠤᠮᠵᠢ ᠵᠢ ᠣᠩᠰᠢᠭ᠌ᠰᠠᠨ ᠃
–《ᠨᠢᠯᠪᠣᠰᠤ ᠲᠠᠢ ᠳᠤᠷᠠᠰᠤᠮᠵᠢ 》ᠭᠡᠳᠡᠭ ᠶᠤᠮ ᠃
– ᠲᠠᠨ ᠥ ᠣᠷᠠᠨ ᠪᠦᠲᠦᠭᠡᠯ ᠤᠨ ᠬᠡᠳᠦᠨ ᠬᠤᠪᠢ ᠨᠢ ᠠᠪᠣ ᠵᠢᠨ ᠲᠤᠬᠠᠢ ᠪᠠᠢᠳᠠᠭ ᠪᠤᠯ ︖
– ᠨᠠᠮᠠᠢᠢ ᠣᠷᠠᠨ ᠪᠦᠲᠦᠭᠡᠯ ᠬᠢᠵᠦ ᠪᠠᠢᠬᠤ ᠳ᠋ᠦ ᠠᠪᠣ᠂ ᠡᠵᠢ ᠬᠣᠶᠠᠷ ᠮᠢᠨᠢ ᠬᠠᠮᠳᠤ ᠲᠤᠭᠤᠷᠪᠢᠳᠠᠭ ᠪᠠᠢᠬᠤ ᠭᠡᠵᠦ ᠪᠢ ᠪᠣᠳᠣᠳᠠᠭ ᠰᠢᠣ᠃ ᠲᠡᠢᠮᠦ ᠡᠴᠡ ᠠᠪᠣ ᠮᠢᠨᠢ ᠮᠢᠨᠦ ᠪᠦᠲᠦᠭᠡᠯ ᠪᠤᠯᠭᠠᠨ ᠲᠠᠢ ᠬᠠᠮᠳᠤ ᠪᠠᠢᠭᠰᠠᠨ᠃ ᠲᠡᠷᠡ ᠬᠣᠶᠠᠷ ᠨᠠᠮᠠᠢᠢ ᠬᠦᠮᠦᠨ ᠪᠤᠯᠭᠠᠭᠠ ᠦᠭᠡᠢ ᠪᠤᠯ ᠪᠢ ᠶᠠᠭᠤ ᠪᠡᠨ ᠪᠦᠲᠦᠭᠡᠬᠦ ᠪᠤᠢ ᠳ᠋ᠠ ᠭᠡᠵᠦ ᠪᠤᠳᠤᠬᠤ ᠪᠡᠷ ᠦᠷᠭᠦᠯᠵᠢ ᠲᠡᠷᠭᠡᠳᠠ ᠮᠢᠨᠢ ᠪᠠᠢᠭᠠ ᠮᠡᠳᠦ ᠰᠠᠨᠠᠭᠳᠠᠳᠠᠭ ᠃ ᠪᠢᠳᠡ ᠭᠣᠷᠪᠠ ᠡᠯᠪᠡᠵᠤ ᠣᠷᠠᠨ ᠪᠦᠲᠦᠭᠡᠯ ᠬᠢᠳᠡᠭ ᠭᠡᠵᠦ ᠬᠡᠯᠡᠬᠦ ᠳ᠋ᠦ ᠬᠢᠯᠢᠰᠳᠡᠬᠦ ᠦᠭᠡᠢ ᠃
– ᠣᠳᠤ ᠲᠠ ᠶᠠᠮᠠᠷ ᠣᠷᠠᠨ ᠪᠦᠲᠦᠭᠡᠯ ᠬᠢᠵᠦ ᠪᠠᠢᠨᠠ ᠪᠤᠢ ︖
– ᠡᠨᠡ ᠵᠢᠯ《ᠵᠤᠪᠠᠭᠰᠠᠨ ᠰᠦᠨ》ᠭᠡᠵᠦ ᠨᠢᠭᠡ ᠨᠣᠮ ᠭᠠᠷᠭᠠᠭᠰᠠᠨ᠃ ᠲᠡᠷᠡ ᠨᠣᠮ ᠤᠨ ᠢᠶᠠᠨ ᠳᠠᠷᠠᠭᠠ 《ᠬᠦᠨᠳᠦ ᠮᠠᠨᠠᠨ》ᠭᠡᠵᠦ ᠰᠢᠯᠦᠭ ᠤᠨ ᠨᠣᠮ ᠭᠠᠷᠭᠠᠬᠣ ᠭᠡᠵᠦ ᠪᠠᠢᠨᠠ᠃ ᠪᠢ ᠶᠡᠷᠦ ᠨᠢ ᠵᠦᠭᠡᠷ ᠰᠠᠭᠤᠵᠤ ᠴᠢᠳᠠᠳᠠᠭ ᠦᠭᠡᠢ ᠶᠤᠮ᠃ ᠮᠢᠨᠦ ᠶᠠᠪᠣᠬᠤ ᠨᠢ ᠪᠠᠭᠠ᠂ ᠰᠠᠭᠣᠬᠣ ᠶᠡᠬᠡ ᠪᠠᠢᠨᠠ ᠰᠢᠣ ᠳ᠋ᠠ ᠃
– ᠠᠯᠪᠠᠨ ᠥ ᠠᠵᠢᠯ ᠬᠢᠵᠦ ᠪᠠᠢᠨᠠ ᠤᠤ ︖
– ᠣᠳᠤ ᠲᠡᠳᠬᠦᠪᠦᠷᠢ ᠳ᠋ᠦ ᠭᠠᠷᠤᠯᠠ ᠳ᠋ᠠ᠃ ᠡᠨᠳᠡ ᠲᠡᠨᠳᠡ ᠵᠦᠪᠯᠡᠬᠦ ᠠᠵᠢᠯ ᠪᠠᠢᠬᠤ ᠶᠤᠮ ᠃ ᠣᠯᠠᠨ ᠭᠠᠵᠠᠷ ᠨᠠᠮᠠᠢᠢ 《ᠬᠡᠷᠡᠭ᠍ᠯᠡᠳᠡᠭ》ᠯᠠ ᠳ᠋ᠠ᠃ ᠪᠢ ᠪᠠᠰᠠ ᠲᠡᠳᠡᠨ ᠢ《ᠬᠡᠷᠡᠭ᠍ᠯᠡᠳᠡᠭ》᠂ ᠣᠷᠠᠨ ᠪᠦᠲᠦᠭᠡᠯ ᠤᠨ ᠵᠢᠡᠨ ᠵᠠᠪᠰᠠᠷ ᠴᠢᠯᠦᠭᠡ ᠪᠡᠷ ᠢᠶᠡᠨ《ᠮᠣᠩᠭᠣᠯ ᠲᠣᠯᠭᠠᠲᠠᠨ ᠥ ᠵᠠᠭᠣᠨ ᠡᠷᠬᠢᠮ 》 ᠢ ᠬᠢᠵᠤ ᠪᠠᠢᠨᠠ᠃
– ᠲᠡᠷᠡ ᠨᠡᠪᠲᠡᠷᠡᠭᠦᠯᠭᠡ ᠳᠠᠭᠤᠰᠬᠤ ᠲᠦᠬᠦᠵᠦ ᠪᠠᠢᠭᠠ ᠤᠤ ︖
– ᠪᠤᠯᠤᠭᠠ ᠦᠭᠡᠢ ᠡ᠃ 40 ᠭᠠᠷᠴᠤ ᠯᠠ ᠪᠠᠢᠭᠠ ᠪᠠᠢᠬᠠ᠃ ᠵᠦᠭᠡᠷ ᠰᠠᠭᠤᠬᠤ ᠦᠭᠡᠢ ᠶᠣᠮ ᠰᠠᠨ ᠃ ᠠᠮᠢᠳᠤ ᠳ᠋ᠠᠭᠠᠨ ᠦᠬᠦᠬᠦ ᠦᠭᠡᠢ ᠶᠣᠮ ᠰᠠᠨ ᠭᠡᠵᠦ ᠶᠡᠬᠡ ᠪᠣᠳᠣᠬᠣ ᠶᠤᠮ᠃
– ᠬᠠᠵᠠᠭᠤ ᠪᠡᠷ ᠨᠢ ᠨᠣᠮ ᠶᠡᠬᠡ ᠣᠩᠰᠢᠵᠦ ᠪᠠᠢᠨᠠ ᠤᠤ ︖
– ᠣᠩᠰᠢᠬᠤ ᠦᠭᠡᠢ ᠪᠠᠢᠨᠠ ᠭᠡᠳᠡᠭ ᠪᠤᠯ ᠦᠬᠦᠨᠡ ᠭᠡᠰᠡᠨ ᠦᠭᠡ ᠰᠢᠣ ᠳ᠋ᠠ᠃ ᠵᠠᠯᠠᠭᠤ ᠵᠤᠬᠢᠶᠠᠯᠴᠢᠳ ᠨᠣᠮ ᠢᠶᠠᠨ ᠶᠡᠬᠡ ᠦᠭ᠍ᠭᠦᠨᠡ᠃ ᠲᠡᠭᠦᠨ ᠢ ᠪᠢ ᠵᠠᠪᠠᠯ ᠣᠩᠰᠢᠳᠠᠭ᠃ ᠣᠷᠴᠢᠨ ᠦᠶᠡ ᠶᠢᠨ ᠵᠠᠯᠠᠭᠤᠰ ᠶᠠᠭᠤ ᠬᠢᠵᠦ ᠪᠠᠢᠨᠠ ᠪᠤᠢ ᠭᠡᠳᠡᠭ ᠢ ᠮᠡᠳᠡᠵᠦ ᠪᠠᠢᠬᠤ ᠶᠤᠰᠤᠲᠠᠢ᠃ ᠦᠪᠡᠷ ᠤᠨ ᠵᠢᠡᠨ ᠣᠨ ᠴᠠᠭ ᠢ ᠮᠡᠳᠡᠷᠡᠵᠤ ᠠᠮᠢᠳᠣᠷᠠᠬᠣ ᠶᠤᠰᠤᠲᠠᠢ ᠭᠡᠵᠦ ᠪᠣᠳᠣᠳᠠᠭ᠃ ᠠᠮᠢᠨ ᠳ᠋ᠠᠭᠠᠨ ᠶᠡᠬᠡ ᠵᠠᠪ ᠦᠭᠡᠢ ᠯᠨ ᠪᠠᠢᠬᠤ ᠶᠤᠮ᠃ ᠲᠡᠳᠭᠦᠪᠦᠷᠢ ᠶᠢᠨ ᠡᠪᠦᠭᠡᠨ ᠵᠠᠪ ᠦᠭᠡᠢ ᠪᠠᠢᠨᠠ ᠭᠡᠬᠦ ᠪᠡᠷ ᠢᠨᠢᠶᠡᠳᠦ ᠲᠠᠢ ᠪᠠᠢᠬᠠ᠃
– ᠷᠸᠳᠠᠺᠲ᠋ᠣᠷᠯᠠᠭᠣᠯᠬᠣ︵ ᠵᠠᠰᠠᠵᠤ ᠨᠠᠢᠷᠠᠭᠤᠯᠬᠤ︶ᠠᠵᠢᠯ ᠶᠡᠬᠡ ᠢᠷᠡᠬᠦ ᠤᠤ ︖
– ᠲᠡᠢᠮᠤ ᠠᠵᠢᠯ ᠬᠢᠵᠦ ᠦᠭ᠍ᠭᠦᠨᠡ ᠡ᠃ ᠣᠷᠤᠰᠢᠯ ᠪᠢᠴᠢᠬᠦ᠂ ᠳᠠᠭᠤᠤ ᠶᠢᠨ ᠰᠢᠯᠦᠭ ᠭᠡᠳ ᠡᠯᠳᠡᠪ ᠤᠨ ᠶᠠᠭᠤᠮᠠ ᠢᠷᠡᠨᠡ ᠃
– ᠰᠡᠭᠦᠯ ᠳ᠋ᠦ ᠲᠠ ᠶᠠᠮᠠᠷ ᠨᠣᠮ ᠣᠩᠰᠢᠪᠠ ︖
– ᠬᠠᠮᠤᠭ ᠤᠨ ᠰᠡᠭᠦᠯ ᠳ᠋ᠦ ᠦᠪᠦᠷ ᠮᠣᠩᠭᠣᠯ ᠤᠨ ᠠᠯᠳᠠᠨᠸᠴᠢᠷ ᠭᠡᠵᠦ ᠬᠦᠮᠦᠨ ᠥ ᠪᠢᠴᠢᠭ᠍ᠰᠡᠨ ᠴᠢᠩᠭᠢᠰ ᠬᠠᠭᠠᠨ ᠥ ᠪᠠᠢᠯᠳᠤᠨ ᠳᠠᠭᠠᠭᠤᠯᠤᠯ ᠤᠨ ᠲᠤᠬᠠᠢ ᠨᠣᠮ ᠢ ᠬᠠᠷᠠᠯᠠ᠃
– ᠲᠠ ᠬᠦᠮᠦᠨ ᠶᠡᠬᠡ ᠣᠬᠢᠯᠠᠭᠤᠯᠬᠤ ᠶᠤᠮ᠃《ᠮᠣᠩᠭᠣᠯ ᠲᠣᠯᠭᠠᠲᠠᠨ ᠥ ᠵᠠᠭᠣᠨ ᠡᠷᠬᠢᠮ》ᠳ᠋ᠦ ᠣᠷᠤᠭᠰᠠᠨ ᠬᠦᠮᠦᠨ ᠪᠣᠯᠭᠠᠨ ᠪᠠᠷᠣᠭ ᠣᠬᠢᠯᠠᠳᠠᠭ᠃ ᠬᠠᠷᠢᠨ ᠲᠠ ᠨᠢᠯᠪᠤᠰᠣ ᠬᠢᠷᠢ ᠣᠢᠷᠠᠬᠠᠨ ᠬᠦᠮᠦᠨ ᠪᠤᠢ
– ᠰᠡᠳᠭᠢᠯ ᠨᠢ ᠬᠦᠳᠡᠯᠦᠭᠡᠳ ᠯᠠ ᠲᠡᠳᠡ ᠣᠬᠢᠯᠠᠳᠠᠭ ᠭᠡᠵᠦ ᠪᠣᠳᠣᠳᠠᠭ᠃ ᠶᠡᠷᠦ ᠨᠢ ᠬᠦᠮᠦᠨ ᠬᠤᠳᠠᠯ ᠣᠬᠢᠯᠠᠵᠤ ᠪᠤᠯᠳᠠᠭ ᠦᠭᠡᠢ᠂ ᠬᠠᠷᠢᠨ ᠬᠤᠳᠠᠯ ᠢᠨᠢᠶᠡᠵᠤ ᠪᠤᠯᠳᠠᠭ᠃ ᠪᠢ ᠪᠤᠯ ᠶᠡᠬᠡ ᠣᠶᠠᠬᠠᠨ ᠬᠦᠮᠦᠨ ᠰᠢᠣ ᠳ᠋ᠠ᠃ ᠭᠡᠬᠦ ᠳ᠋ᠡᠭᠡᠨ ᠳᠠᠭᠠᠭᠠᠳ ᠣᠬᠢᠯᠠᠭᠠᠳ ᠪᠠᠢᠬᠤ ᠦᠭᠡᠢ ᠶᠤᠮ ᠯᠠ ᠳ᠋ᠠ᠃ ᠲᠡᠪᠴᠢᠬᠦ ᠶᠤᠮ᠃ ᠲᠡᠭᠦᠨ ᠡᠴᠡ ᠪᠢᠰᠢ ᠣᠬᠢᠯᠠᠴᠢᠬᠠᠮᠠᠷ ᠭᠱᠠᠨ ᠵᠦᠩᠳᠡᠭᠡᠨ ᠯᠠ ᠪᠠᠢᠳᠠᠭ᠃
– ᠲᠠ ᠦᠪᠡᠷ ᠢᠶᠠᠨ ᠨᠡᠪᠳᠡᠷᠡᠬᠦᠯᠭᠡ︵《ᠮᠣᠩᠭᠣᠯ ᠲᠣᠯᠭᠠᠲᠠᠨ ᠥ ᠵᠠᠭᠣᠨ ᠡᠷᠬᠢᠮ》︶ ᠳ᠋ᠦ ᠪᠡᠨ ᠣᠷᠣᠨᠠ ᠭᠡᠵᠦ ᠰᠣᠨᠣᠰᠤᠭᠰᠠᠨ᠃
– ᠲᠡᠷᠡ ᠲᠤᠬᠠᠢ ᠪᠢᠴᠢᠵᠦ ᠯᠠ ᠪᠠᠢᠭᠠ᠃ ᠵᠢᠭᠠᠬᠠᠨ ᠠᠵᠠᠨᠠᠳᠠᠭ ᠶᠤᠮ ᠤᠤ ᠯᠠ ᠭᠡᠵᠦ ᠪᠤᠳᠤᠵᠤ ᠪᠠᠢᠨᠠ ᠃
– ᠳᠠᠩᠳᠠ ᠯᠠ ᠪᠤᠯᠵᠤ ᠪᠦᠲᠦᠬᠦ ᠦᠭᠡᠢ ᠶᠠᠭᠣᠮᠠᠨ ᠣ ᠲᠤᠬᠠᠢ ᠶᠠᠷᠢᠬᠤ ᠪᠣᠯᠣᠭᠰᠠᠨ ᠡᠨᠡ ᠦᠶᠡ ᠳ᠋ᠦ ᠲᠠᠨ ᠲᠠᠢ ᠰᠠᠢᠬᠠᠨ ᠵᠦᠢᠯ ᠤᠨ ᠲᠠᠯᠠ ᠪᠡᠷ ᠶᠠᠷᠢᠯᠴᠠᠪᠠᠯ ᠶᠠᠭᠠᠬᠢᠭ᠌ᠰᠠᠨ ᠶᠤᠮ ᠪᠤᠢ ᠭᠡᠵᠦ ᠪᠣᠳᠣᠭᠰᠠᠨ ᠃ ᠠᠪᠣ ᠵᠢᠨ ᠲᠤᠬᠠᠢ《ᠨᠢᠯᠪᠣᠰᠤ ᠲᠠᠢ ᠳᠤᠷᠠᠰᠤᠮᠵᠢ 》ᠵᠢ ᠣᠩᠰᠢᠭ᠌ᠰᠠᠨ ᠡᠴᠡ ᠣᠯᠪᠠᠭᠠᠯᠠᠭᠠᠳ᠂ ᠲᠠᠨ ᠥ ᠦᠷᠠ ᠬᠡᠤᠬᠡᠳ ᠵᠢᠡᠨ ᠬᠠᠢᠷᠠᠯᠠᠬᠤ ᠬᠠᠢᠷᠠ ᠶᠠᠮᠠᠷ ᠪᠠᠢᠳᠠᠭ ᠢ ᠠᠰᠠᠭᠣᠬᠣ ᠵᠢ ᠬᠦᠰᠡᠭ᠍ᠰᠡᠨ ᠶᠤᠮ ᠃
– ᠬᠠᠢᠷᠠ ᠶᠢᠨ ᠣᠳᠤᠷᠢᠳᠬᠠᠯ ᠨᠢ ᠬᠦᠨᠳᠦᠳᠭᠡᠯ ᠰᠢᠣ ᠳ᠋ᠠ᠃ ᠦᠷᠠ ᠵᠢ᠂ ᠨᠠᠰᠣᠲᠠᠨ ᠢ᠂ ᠰᠠᠢᠨ ᠨᠦᠬᠦᠳ ᠢ ᠴᠦ ᠭᠡᠰᠡᠨ ᠡᠬᠢᠯᠡᠵᠦ ᠬᠦᠨᠳᠦᠳᠭᠡᠬᠦ ᠬᠡᠷᠡᠭ᠍ᠲᠡᠢ᠃ ᠲᠡᠭᠡᠵᠦ ᠪᠠᠢᠵᠤ ᠲᠡᠷᠡ ᠨᠢ ᠣᠨ ᠴᠠᠭ ᠤᠨ ᠣᠷᠳᠤ ᠳ᠋ᠦ ᠶᠡᠬᠡ ᠬᠠᠢᠷᠠ ᠪᠤᠯᠳᠠᠭ᠃ ᠶᠡᠷᠦ ᠨᠢ ᠶᠢᠷᠳᠢᠨᠴᠣ ᠵᠢ ᠬᠠᠢᠷᠠᠯᠠᠵᠦ ᠬᠠᠷᠠᠨᠠ ᠭᠡᠳᠡᠭ ᠪᠤᠯ ᠨᠡᠯᠢᠶᠡᠳ ᠦᠭ᠍ᠭᠢᠶᠡᠮᠦᠷ ᠬᠦᠮᠦᠨ ᠥ ᠰᠢᠨᠵᠢ ᠯᠠ ᠳ᠋ᠠ᠃ ᠬᠤᠷᠸᠠ ᠬᠦᠮᠦᠨ ᠢ ᠬᠠᠢᠷᠠᠯᠠᠬᠣ ᠦᠭᠡᠢ ᠪᠠᠢᠵᠤ ᠪᠤᠯᠤᠨᠠ᠃ ᠬᠣᠷᠸᠠ ᠵᠢ ᠬᠠᠢᠷᠠᠯᠠᠵᠦ ᠠᠮᠢᠳᠤᠷᠠᠨᠠ ᠰᠢᠣ ᠳ᠋ᠠ᠃ ᠬᠠᠢᠷᠠ ᠣᠯᠠᠨ ᠶᠠᠩᠵᠤ ᠪᠡᠷ ᠢᠯᠡᠷᠡᠵᠤ ᠪᠤᠯᠤᠨᠠ᠃ ᠬᠠᠮᠤᠭ ᠤᠨ ᠭᠤᠣᠯ ᠨᠢ ᠰᠡᠳᠭᠢᠯ ᠤᠨ ᠬᠦᠨ ᠳ᠋ᠡᠭᠡᠨ ᠬᠠᠢᠷᠠᠯᠠᠬᠤ ᠭᠡᠳᠡᠭ ᠶᠠᠭᠤᠮᠠ ᠯᠠ ᠪᠠᠢᠭᠠ ᠶᠤᠮ᠃ ᠪᠢ ᠨᠢᠯᠠᠭᠣᠷᠠᠬᠣ ᠶ᠋ᠢ ᠬᠠᠢᠷᠠ ᠭᠡᠵᠦ ᠪᠤᠳᠤᠳᠠᠭ ᠦᠭᠡᠢ᠃ ᠮᠠᠷᠳᠠᠬᠤ ᠦᠭᠡᠢ ᠪᠠᠢᠬᠤ ᠵᠢ ᠬᠠᠢᠷᠠ ᠭᠡᠨᠡ᠃ ᠪᠢ ᠬᠡᠤᠬᠡᠳ ᠤᠤᠨ ᠤᠨ ᠢᠶᠠᠨ ᠠᠰᠠᠭᠣᠳᠠᠯ ᠳ᠋ᠦ ᠨᠢᠭᠡ ᠶᠡᠬᠡ ᠣᠷᠤᠯᠴᠠᠳᠠᠭ ᠦᠭᠡᠢ᠃ ᠬᠡᠤᠬᠡᠳ ᠤᠤᠨ ᠢᠶᠠᠨ ᠵᠢᠮᠡᠯᠡᠭᠡᠳ ᠦᠭᠦᠯᠡᠭᠡᠳ ᠪᠠᠢᠳᠠᠭ ᠴᠦ ᠦᠭᠡᠢ᠃ ᠪᠢᠳᠡ ᠵᠡᠷᠭᠡᠴᠡᠨ ᠠᠮᠢᠳᠤᠷᠠᠵᠤ᠂ ᠵᠡᠷᠭᠡᠴᠡᠨ ᠦᠰᠳᠡᠭ᠃ ᠪᠢ ᠦᠲᠡᠯᠳᠡᠭ᠂ ᠲᠡᠳᠡ ᠦᠰᠳᠡᠭ᠃ ᠶᠠᠮᠠᠷ ᠪᠠᠢᠬᠤ ᠵᠢ ᠨᠢ ᠵᠢᠭᠠᠭᠠᠳ᠂ ᠶᠠᠭᠠᠬᠢᠵᠤ ᠶᠠᠪᠤᠬᠣ ᠵᠢ ᠨᠢ ᠲᠦᠰᠦᠭᠡᠯᠡᠭᠡᠳ ᠪᠠᠢᠬᠤ ᠳᠤᠷᠠ ᠦᠭᠡᠢ ᠯᠠ ᠳ᠋ᠠ᠃ ᠬᠦᠮᠦᠨ ᠳ᠋ᠦ ᠦᠪᠡᠷ ᠲᠦ ᠣᠨᠣᠭᠳᠠᠭᠰᠠᠨ ᠣᠬᠠᠭᠠᠨ᠂ ᠦᠵᠡᠨ ᠶᠠᠳᠠᠬᠣ᠂ ᠬᠠᠢᠷᠠᠯᠠᠬᠤ᠂ ᠭᠤᠮᠤᠳᠠᠬᠤ᠂ ᠬᠠᠷᠠᠭᠤᠰᠠᠯ ᠣᠢᠳᠬᠠᠷ ᠭᠡᠵᠦ ᠪᠠᠢᠭᠠ ᠃
– ᠭᠡᠬᠦ ᠳ᠋ᠡᠭᠡᠨ ᠬᠡᠯᠡᠬᠦ ᠰᠣᠷᠭᠠᠬᠣ ᠵᠦᠢᠯ ᠢᠶᠡᠨ ᠬᠡᠯᠡᠨᠡ ᠯᠠ ᠪᠢᠵᠠ ᠳ᠋ᠠ︖
– ᠬᠦᠮᠦᠨ ᠰᠤᠷᠭᠠᠯ ᠢᠶᠠᠷ ᠬᠦᠮᠦᠨ ᠪᠤᠯᠳᠠᠭ ᠦᠭᠡᠢ ᠶᠤᠮ᠃ ᠦᠪᠡᠷ ᠢᠶᠠᠨ ᠲᠠᠭᠣᠷᠢᠶᠠᠯ ᠲᠠᠢ ᠪᠠᠢᠵᠤ ᠯᠠ ᠬᠦᠮᠦᠨ ᠪᠤᠯᠭᠠᠨᠠ ᠰᠢᠣ ᠳ᠋ᠠ᠃ ᠪᠢ ᠬᠦᠮᠦᠨ ᠲᠠᠭᠤᠷᠢᠶᠠᠵᠦ ᠯᠠ ᠬᠦᠮᠦᠨ ᠪᠣᠯᠣᠭᠰᠠᠨ᠃ ᠲᠡᠭᠦᠨ ᠡᠴᠡ ᠪᠢᠰᠢ ᠰᠣᠷᠭᠠᠮᠵᠢᠯᠠᠭᠣᠯᠣᠭᠠᠳ ᠬᠦᠮᠦᠨ ᠪᠣᠯᠴᠢᠬᠠᠭᠰᠠᠨ ᠶᠤᠮ ᠪᠢᠰᠢ᠃ ᠣᠳᠤ ᠬᠠᠷᠢᠨ ᠨᠠᠰᠤ ᠠᠬᠢᠬᠣ ᠪᠠᠷ ᠲᠠ ᠰᠣᠷᠭᠠᠮᠵᠢ ᠬᠡᠯᠡᠨᠡ ᠤᠤ ᠭᠡᠵᠡᠭᠡᠬᠦ ᠶᠤᠮ᠃ ᠦᠪᠡᠷ ᠢᠶᠠᠨ ᠯᠠ ᠦᠯᠢᠭᠡᠷ ᠦᠵᠡᠭᠦᠯ᠃ ᠵᠦᠪ ᠵᠢᠡᠷ ᠭᠦᠷᠳᠡᠭᠦᠢ ᠪᠣᠯᠭᠠᠨ ᠢ ᠨᠢ ᠦᠵᠡᠭᠦᠯᠵᠦ ᠬᠠᠷᠠᠭᠤᠯᠬᠤ ᠶᠤᠰᠤᠲᠠᠢ ᠭᠡᠵᠦ ᠪᠣᠳᠣᠳᠠᠭ᠃ ᠶᠡᠷᠦ ᠨᠢ ᠬᠦᠮᠦᠨ ᠳ᠋ᠦ ᠦᠵᠡᠬᠦ᠂ ᠦᠯᠦ ᠦᠵᠡᠬᠦ ᠶᠣᠰᠣ ᠲᠠᠢ ᠶᠠᠭᠤᠮᠠ ᠭᠡᠵᠦ ᠪᠠᠢᠳᠠᠭ ᠰᠢᠭ᠋ ᠪᠠᠢᠭᠠ ᠶᠤᠮ ᠃ ᠲᠡᠷᠡ ᠵᠠᠮ ᠵᠢᠡᠷ ᠵᠢᠡᠨ ᠶᠠᠪᠤᠭ ᠯᠠ ᠭᠡᠵᠦ ᠪᠣᠳᠣᠳᠠᠭ ᠃
– ᠭᠡᠬᠦ ᠳ᠋ᠡᠭᠡᠨ ᠬᠡᠤᠬᠡᠳ ᠬᠡᠳᠦ ᠲᠤᠷᠠ ᠪᠠᠷ ᠢᠶᠠᠨ ᠪᠠᠢᠭᠰᠠᠨ ᠡᠴᠡ ᠪᠡᠨ ᠪᠤᠯᠤᠭᠠᠳ ᠠᠯᠳᠠᠭᠠ ᠭᠠᠷᠭᠠᠪᠠᠯ ᠡᠨᠡ ᠬᠤᠪᠢ ᠬᠦᠮᠦᠨ ᠥ ᠠᠰᠠᠭᠣᠳᠠᠯ ᠭᠡᠵᠦ ᠬᠠᠨᠳᠤᠨᠠ ᠭᠡᠵᠦ ᠤᠤ ︖
– ᠮᠢᠨᠦ ᠬᠡᠤᠬᠡᠳ ᠤᠤᠨ ᠶᠠᠭᠠᠬᠢᠭᠠᠳ ᠠᠯᠳᠠᠵᠦ ᠪᠤᠯᠳᠠᠭ ᠦᠭᠡᠢ ᠶᠤᠮ ᠪᠤᠢ᠃ ᠠᠯᠳᠠᠭᠠ ᠬᠦᠮᠦᠨ ᠳ᠋ᠦ ᠪᠠᠢᠳᠠᠭ ᠪᠢᠵᠠ ᠳ᠋ᠠ᠃ ᠠᠯᠳᠠᠵᠦ ᠣᠨᠣᠵᠦ᠂ ᠭᠤᠨᠢᠵᠦ ᠪᠠᠶᠠᠷᠯᠠᠵᠣ ᠪᠤᠯᠤᠨᠠ᠃ ᠪᠦᠬᠦ ᠯᠠ ᠵᠦᠢᠯ ᠦᠪᠡᠷ ᠲᠦ ᠨᠢ ᠦᠭ᠍ᠭᠦᠭ᠍ᠳᠡᠭ᠍ᠰᠡᠨ ᠰᠢᠣ ᠳ᠋ᠠ᠃ ᠦᠪᠡᠷᠰᠡᠳ ᠢᠶᠠᠨ ᠠᠯᠳᠠᠭᠠ ᠦᠭᠡᠢ ᠠᠮᠢᠳᠤᠷᠠᠭᠰᠠᠨ ᠮᠡᠳᠦ ᠬᠦᠭ᠍ᠰᠢᠴᠦᠳ ᠲᠡᠭᠡᠷᠡ ᠡᠴᠡ ᠨᠢᠭᠡ ᠶᠡᠬᠡ ᠰᠣᠷᠭᠠᠯ ᠠᠢᠯᠠᠳᠬᠤ ᠶᠤᠮ᠃ ᠪᠢᠳᠡᠨ ᠥ ᠠᠮᠢᠳᠤᠷᠠᠯ ᠠᠯᠳᠠᠭᠠ ᠣᠨᠣᠭᠠ ᠬᠤᠶᠠᠷ ᠤᠨ ᠠᠯᠠᠭ ᠡᠷᠢᠶᠡᠨ ᠪᠠᠢᠭᠰᠠᠨ᠃ ᠰᠡᠬᠦᠳᠡᠷ ᠦᠭᠡᠢ ᠴᠢᠯᠠᠭᠤ ᠭᠡᠵᠦ ᠪᠠᠢᠳᠠᠭ ᠦᠭᠡᠢ ᠰᠢᠭ ᠠᠯᠳᠠᠭᠠ ᠦᠭᠡᠢ ᠬᠦᠮᠦᠨ ᠭᠡᠵᠦ ᠪᠠᠢᠬᠤ ᠦᠭᠡᠢ᠃
– ᠲᠠ ᠠᠢᠯ ᠤᠨ ᠭᠠᠭᠴᠠ ᠬᠡᠤᠬᠡᠳ ᠪᠠᠢᠭᠰᠠᠨ᠃ ᠬᠠᠢᠷᠠ ᠳ᠋ᠦ ᠬᠢᠷᠢ ᠳᠠᠪᠠᠷᠠᠵᠤ ᠦᠰᠦᠭ᠍ᠰᠡᠨ ᠬᠡᠤᠬᠡᠳ ᠪᠤᠢ ︖
– ᠠᠪᠣ᠂ ᠢᠵᠢᠢ ᠬᠣᠶᠠᠷ ᠮᠢᠨᠢ ᠣᠬᠠᠭᠠᠨ ᠲᠠᠢ ᠪᠤᠯᠤᠭᠠᠳ ᠨᠠᠮᠠᠢᠢ ᠶᠡᠬᠡ ᠵᠦᠪ ᠬᠠᠢᠷᠠᠯᠠᠭᠰᠠᠨ ᠪᠠᠢᠬᠤ ᠭᠡᠵᠦ ᠪᠣᠳᠣᠳᠠᠭ᠃ ᠪᠢ ᠵᠦᠪ ᠬᠠᠢᠷᠠ ᠳ᠋ᠦ ᠦᠰᠦᠭ᠍ᠰᠡᠨ᠃ ᠲᠠᠪᠠᠷᠠᠬᠣ ᠶ᠋ᠢᠨ ᠲᠤᠬᠠᠢ ᠳ᠋ᠦ ᠪᠤᠯ ᠪᠢ ᠶᠡᠷᠦ ᠡᠴᠡ ᠪᠡᠨ ᠲᠡᠭᠡᠵᠦ ᠴᠢᠳᠠᠳᠠᠭ ᠦᠭᠡᠢ ᠬᠦᠮᠦᠨ᠃ ᠬᠦᠮᠦᠨ ᠨᠠᠮᠠᠢᠢ ᠮᠠᠭᠳᠠᠵᠤ ᠪᠠᠢᠨᠠ ᠭᠡᠳ ᠬᠦᠬᠡᠷᠬᠦ᠂ ᠮᠠᠭᠣᠯᠠᠵᠣ ᠪᠠᠢᠨᠠ ᠭᠡᠳ ᠭᠤᠮᠤᠳᠠᠬᠤ ᠶᠠᠭᠤᠮᠠ ᠨᠠᠳᠠᠳᠦ ᠶᠡᠷᠦ ᠪᠠᠢᠬᠤ ᠦᠭᠡᠢ᠃ ᠨᠠᠳᠠᠳᠦ ᠠᠲᠠᠭᠠᠷᠬᠠᠬᠣ ᠬᠠᠮᠢᠶᠠ ᠦᠭᠡᠢ᠃ ᠪᠢ ᠣᠯᠠᠨ ᠶᠠᠭᠤᠮᠠᠨ ᠡᠴᠡ ᠶᠡᠬᠡ ᠬᠠᠮᠢᠶᠠᠷᠤᠯ ᠦᠭᠡᠢ ᠦᠰᠦᠭ᠍ᠰᠡᠨ ᠰᠢᠭ ᠪᠠᠢᠭᠠ ᠶᠤᠮ᠃ ᠲᠡᠷᠡ ᠮᠢᠨᠢ ᠨᠠᠳᠠᠳᠦ ᠵᠤᠯ ᠪᠤᠯᠵᠤ ᠶᠠᠩᠵᠦ ᠪᠦᠷᠢ ᠪᠡᠷ ᠬᠡᠯᠡᠭ᠍ᠳᠡᠬᠦ ᠨᠢ ᠬᠦᠷᠲᠡᠭᠡᠯ ᠦᠭᠡᠢ ᠰᠠᠨᠠᠭᠳᠠᠳᠠᠭ᠃ ᠯᠾᠬᠠᠪᠠᠰᠦ᠋ᠷᠦᠩ ᠭᠡᠬᠦ ᠬᠦᠮᠦᠨ ᠣᠷᠣᠭᠣ ᠳᠠᠭᠠᠷᠢᠵᠤ ᠪᠠᠢᠭᠠ ᠪᠢᠰᠢ᠂ ᠯᠾᠬᠠᠪᠠᠰᠦ᠋ᠷᠦᠩ ᠳ᠋ᠦ ᠪᠠᠢᠬᠤ ᠦᠭᠡᠢ ᠨᠢᠭᠡ ᠬᠢᠮᠡᠯ ᠬᠦᠮᠦᠨ ᠣᠷᠣᠭᠣ ᠲᠠᠭᠠᠷᠢᠭᠠᠳ ᠪᠠᠢᠭᠠ ᠮᠡᠳᠦ ᠰᠠᠨᠠᠭᠳᠠᠳᠠᠭ᠃ ᠮᠢᠨᠦ ᠮᠦᠨ ᠴᠢᠨᠠᠷ ᠲᠦ ᠪᠠᠢᠬᠤ ᠦᠭᠡᠢ ᠪᠤᠯᠬᠤᠷ ᠨᠠᠳᠠᠳᠦ ᠬᠠᠮᠢᠶᠠ ᠴᠦ ᠦᠭᠡᠢ᠃ ᠪᠢ ᠲᠡᠢᠮᠦ ᠯᠠ ᠣᠷᠴᠢᠨ ᠳ᠋ᠦ ᠦᠰᠦᠭ᠍ᠰᠡᠨ ᠃《ᠦᠬᠦᠳᠡᠯᠡ》 ᠪᠠᠨ ᠡᠷᠬᠡᠯᠡᠭᠦᠯᠦᠭ᠍ᠰᠡᠨ᠃ ᠡᠷᠬᠡᠯᠡᠭᠦᠯᠬᠦ ᠲᠡᠷᠡ ᠬᠡᠮᠵᠢᠶᠠ ᠵᠢ ᠠᠪᠣ᠂ ᠢᠵᠢᠢ ᠬᠣᠶᠠᠷ ᠮᠢᠨᠢ ᠶᠡᠬᠡ ᠲᠠᠭᠠᠷᠠᠭᠤᠯᠤᠭᠰᠠᠨ ᠰᠢᠭ᠋ ᠪᠠᠢᠭᠠ ᠶᠤᠮ ᠃ ᠪᠢ ᠲᠡᠭᠦᠨ ᠢ ᠨᠢ ᠦᠨᠡ ᠲᠠᠢ ᠶᠠᠭᠤᠮᠠ ᠭᠡᠵᠦ ᠮᠡᠳᠡᠳᠡᠭ ᠦᠭᠡᠢ ᠪᠠᠢᠵᠤ ᠯᠠ ᠳ᠋ᠠ᠃ ᠦᠬᠦᠭ᠍ᠰᠡᠨ ᠬᠣᠢᠨᠠ ᠨᠢ ᠯᠠ ᠠᠭᠣᠣ ᠶᠡᠬᠡ ᠦᠨᠡ ᠲᠠᠢ ᠬᠠᠢᠷᠠ ᠪᠠᠢᠵᠤ ᠳ᠋ᠠ ᠭᠡᠵᠦ ᠮᠡᠳᠡᠷᠡᠵᠤ ᠪᠠᠢᠨᠠ ᠰᠢᠣ ᠳ᠋ᠠ᠃ ᠮᠣᠩᠬᠠᠭ ᠤᠨ ᠰᠠᠨᠠᠬᠤ ᠨᠢ ᠬᠣᠢᠨᠠ ᠭᠡᠵᠦ᠃ ᠪᠢ ᠴᠢᠨᠢ ᠮᠣᠩᠬᠠᠭ ᠬᠦᠮᠦᠨ ᠰᠢᠣ ᠳ᠋ᠠ᠃
– ᠲᠠᠨ ᠢ ᠬᠡᠳᠦᠨ ᠨᠠᠰᠤ ᠲᠠᠢ ᠪᠠᠢᠬᠤ ᠳ᠋ᠦ ᠠᠪᠣ᠂ ᠡᠵᠢ ᠴᠢᠨᠢ ᠦᠭᠡᠳᠡ ᠪᠣᠯᠣᠭᠰᠠᠨ ᠪᠤᠢ
– ᠢᠵᠢᠢ ᠮᠢᠨᠢ ᠨᠠᠮᠠᠢᠢ 25 ᠲᠠᠢ ᠪᠠᠢᠬᠤ ᠳ᠋ᠦ ᠲᠦᠴᠢᠨ ᠲᠦᠷᠪᠡᠬᠡᠨ ᠨᠠᠰᠣᠨ ᠳ᠋ᠠᠭᠠᠨ ᠦᠭᠡᠳᠡ ᠪᠣᠯᠣᠭᠰᠠᠨ᠃ ᠢᠵᠢᠢ ᠡᠴᠡ ᠪᠡᠨ ᠡᠷᠲᠠ ᠰᠠᠯᠤᠭᠰᠠᠨ ᠃
– ᠲᠡᠭᠡᠵᠦ ᠶᠡᠬᠡ ᠬᠠᠢᠷᠠᠯᠠᠭᠤᠯᠵᠤ ᠦᠰᠦᠭ᠍ᠰᠡᠨ ᠬᠦᠮᠦᠨ ᠬᠠᠭᠠᠴᠠᠯ ᠢ ᠢᠯᠡᠭᠦᠦ ᠡᠮᠵᠡᠭ ᠬᠦᠯᠢᠶᠡᠵᠦ ᠠᠪᠳᠠᠭ ᠰᠢᠭ᠋ ᠰᠠᠨᠠᠭᠳᠠᠳᠠᠭ ᠃
– ᠪᠢ ᠦᠬᠦᠯ ᠭᠡᠳᠡᠭ ᠤᠨ ᠮᠦᠨ ᠴᠢᠨᠠᠷ ᠢ ᠨᠢᠭᠡ ᠶᠡᠬᠡ ᠣᠢᠯᠠᠭᠠᠭᠰᠠᠨ ᠬᠣᠢᠨᠠ ᠪᠠᠨ ᠢᠵᠢᠢ ᠡᠴᠡ ᠪᠡᠨ ᠬᠠᠭᠠᠴᠠᠭᠰᠠᠨ ᠦᠭᠡᠢ ᠯᠠ ᠳ᠋ᠠ᠃ ᠭᠡᠬᠦ ᠳ᠋ᠡᠭᠡᠨ ᠣᠷᠴᠢᠯᠠᠩ ᠣᠨ ᠵᠢᠮᠡ ᠳ᠋ᠥ ᠶᠠᠭᠠᠬᠢᠯᠳᠠ ᠴᠦ ᠦᠭᠡᠢ ᠬᠦᠴᠦᠨ ᠮᠡᠬᠦᠰᠳᠡᠳᠡᠭ ᠶᠤᠮ ᠪᠢᠯᠡ᠃ ᠲᠡᠭᠡᠭᠡᠳ ᠳᠤᠲᠠᠵᠤ᠂ ᠬᠠᠭᠰᠠᠷᠠᠵᠤ ᠦᠯᠡᠳᠡᠭ᠍ᠰᠡᠨ᠃ ᠡᠵᠢ ᠵᠢ ᠪᠠᠨ ᠦᠬᠦᠯ ᠳ᠋ᠦ ᠪᠣᠯᠢᠶᠠᠯᠭᠠᠨᠠ ᠭᠡᠳᠡᠭ ᠲᠡᠢᠮᠦ ᠠᠮᠠᠷ ᠵᠦᠢᠯ ᠪᠢᠰᠢ᠃ ᠵᠢᠮᠠ ᠡᠴᠡ ᠨᠢᠭᠤᠭᠳᠠᠬᠤ ᠭᠠᠵᠠᠷ ᠦᠭᠡᠢ ᠶᠤᠮ ᠪᠢᠯᠡ᠃ ᠠᠪᠣ ᠵᠢ ᠪᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠥ ᠳᠠᠷᠠᠭᠠ《 ᠵᠢᠮᠠ ᠶᠢᠨ ᠴᠠᠭᠠᠨᠠ ᠨᠢᠭᠤᠭᠳᠠᠬᠤ ᠭᠠᠵᠠᠷ ᠦᠭᠡᠢ》ᠭᠡᠵᠦ ᠳᠠᠭᠣᠣ ᠪᠢᠴᠢᠭ᠍ᠰᠡᠨ᠃ ᠴ᠂ ᠴᠢᠩᠵᠤᠷᠢᠭ ᠬᠦᠭ᠍ᠵᠢᠮ ᠢ ᠨᠢ ᠪᠢᠴᠢᠵᠦ᠂ ᠴ᠂ ᠲᠦᠪᠰᠢᠨᠳᠡᠬᠦᠰ ᠲᠠᠭᠤᠯᠠᠭᠰᠠᠨ᠃ ᠣᠳᠤ ᠬᠦᠮᠦᠰ ᠨᠢᠭᠡ ᠶᠡᠬᠡ ᠲᠠᠭᠤᠯᠠᠬᠤ ᠦᠭᠡᠢ ᠪᠠᠢᠨᠠ᠃ ᠲᠡᠷᠡ ᠶᠡᠬᠡ ᠦᠨᠡᠨ ᠳᠠᠭᠣᠣ ᠪᠠᠢᠳᠠᠭ ᠶᠤᠮ᠃
– ᠨᠢᠭᠡ ᠡᠵᠢ᠂ ᠠᠪᠣ ᠵᠢ ᠪᠠᠨ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠳ᠋ᠠ ᠭᠡᠵᠦ ᠪᠣᠳᠣᠳᠠᠭ ᠵᠦᠢᠯ ᠶᠠᠭᠤ ᠪᠤᠢ
– ᠮᠢᠨᠦ ᠬᠦᠦ ᠲᠡᠭᠡᠬᠦ ᠳ᠋ᠦ ᠨᠢᠭᠡ ᠪᠠᠶᠠᠷᠯᠠᠭᠤᠯᠤᠯᠠ᠂ ᠢᠩᠬᠢᠵᠦ ᠨᠢᠭᠡ ᠭᠣᠮᠣᠳᠠᠭᠠᠯᠠ ᠭᠡᠵᠦ ᠲᠣᠭᠠᠴᠠᠬᠣ ᠣᠯᠤᠰ ᠪᠢᠰᠢ ᠪᠠᠢᠭᠰᠠᠨ᠃ ᠲᠡᠢᠮᠦ ᠡᠴᠡ ᠦᠨᠦᠳᠦᠷ ᠪᠢ ᠭᠡᠮᠰᠢᠵᠦ ᠯᠠ ᠲᠤᠭᠠᠴᠢᠨᠠ ᠤᠤ ᠭᠡᠬᠦ ᠡᠴᠠ ᠲᠡᠳᠡᠨ ᠥ ᠡᠮᠦᠨᠡ ᠡᠴᠡ ᠪᠣᠳᠣᠬᠣ ᠡᠷᠬᠡ ᠨᠠᠳᠠᠳᠦ ᠪᠠᠢᠬᠤ ᠦᠭᠡᠢ᠃ ᠶᠡᠷᠦ ᠨᠢ ᠡᠴᠢᠭᠡ ᠡᠬᠡ ᠲᠡᠢᠮᠦ ᠶᠠᠭᠤᠮᠠ ᠪᠤᠳᠤᠳᠠᠭ ᠦᠭᠡᠢ ᠰᠢᠣ ᠳ᠋ᠠ᠃ ᠪᠢ ᠴᠦ ᠣᠳᠤ ᠬᠡᠤᠬᠡᠳ ᠤᠤᠨ ᠢᠶᠠᠨ ᠡᠨᠡ ᠨᠢ ᠭᠤᠮᠤᠳᠠᠭᠠᠵᠤ ᠲᠡᠷᠡ ᠨᠢ ᠪᠠᠶᠠᠷᠯᠠᠭᠤᠯᠵᠣ ᠪᠠᠢᠨᠠ ᠭᠡᠵᠦ ᠲᠤᠭᠠᠴᠠᠭᠠ ᠲᠠᠢ ᠬᠠᠨᠳᠤᠳᠠᠭ ᠦᠭᠡᠢ᠃ ᠬᠡᠷᠡᠭ ᠴᠦ ᠪᠠᠢᠬᠤ ᠦᠭᠡᠢ᠃
– ᠲᠡᠭᠡᠬᠦ ᠪᠡᠷ ᠲᠠ ᠬᠡᠨᠡᠭ ᠦᠭᠡᠢ ᠬᠦᠮᠦᠨ ᠤᠤ ︖
– ᠶᠠᠭᠠᠬᠢᠯᠠ ᠭᠡᠵᠦ᠃ ᠡᠴᠢᠭᠡ ᠶᠢᠨ ᠬᠠᠢᠷᠠ ᠭᠡᠵᠦ ᠴᠠᠭᠠᠨᠠ ᠪᠡᠨ ᠲᠣᠮᠣ ᠵᠦᠢᠯ ᠪᠠᠢᠵᠤ ᠯᠠ ᠪᠠᠢᠭᠠ ᠰᠢᠣ ᠳ᠋ᠠ᠃ ᠬᠡᠨᠡᠭ ᠦᠭᠡᠢᠳᠡᠭᠡᠳ ᠬᠠᠢᠬᠤᠷᠬᠤ ᠦᠭᠡᠢ ᠪᠠᠢᠭᠠ ᠵᠦᠢᠯ ᠠᠯᠠᠭᠠ᠃ ᠬᠦᠮᠦᠨ ᠦᠪᠡᠷ ᠢᠶᠡᠨ ᠬᠦᠮᠦᠨ ᠪᠤᠯᠬᠤ ᠶᠣᠰᠣ ᠲᠠᠢ ᠰᠢᠣ ᠳ᠋ᠠ᠃ ᠦᠪᠡᠷ ᠢᠶᠠᠨ ᠦᠪᠡᠷ ᠢ ᠪᠠᠨ ᠣᠯᠬᠤ ᠳ᠋ᠦ ᠨᠢ ᠵᠠᠢ ᠲᠠᠯᠪᠢᠵᠤ ᠦᠭ᠍ᠴᠦ ᠪᠠᠢᠭᠠ ᠪᠤᠯᠬᠤ ᠡᠴᠡ ᠪᠢᠰᠢ ᠰᠡᠳᠬᠢᠯ ᠡᠴᠡ ᠪᠡᠨ ᠭᠠᠷᠭᠠᠭᠠᠳ ᠬᠠᠶᠠᠴᠢᠬᠠᠵᠤ ᠪᠠᠢᠭᠠ ᠶᠠᠭᠤᠮᠠ ᠶᠡᠷᠦ ᠳ᠋ᠡᠭᠡᠨ ᠪᠢᠰᠢ᠃ ᠢᠯᠡ ᠲᠠᠯᠳᠠ ᠵᠣᠪᠠᠳᠠᠭ ᠢᠢᠠᠷ ᠢᠢᠠᠨ ᠯᠠ ᠵᠣᠪᠠᠨᠠ ᠰᠢᠣ ᠳ᠋ᠠ᠃ ᠲᠡᠷᠡ ᠪᠣᠯᠭᠠᠨ ᠢ ᠭᠠᠷᠭᠠᠵᠤ ᠪᠠᠢᠬᠤ ᠤᠤ᠂ ᠨᠢᠭᠤᠬᠤ ᠤᠤ ᠭᠡᠳᠡᠭ ᠴᠢᠨᠢ ᠬᠦᠮᠦᠨ ᠬᠦᠮᠦᠨ ᠥ ᠠᠷᠠᠨᠰᠢᠨ ᠥ ᠡᠷᠬᠡ᠃
– ᠭᠡᠬᠦ ᠳ᠋ᠡᠭᠡᠨ ᠲᠤᠲᠤᠷᠠ ᠪᠠᠨ ᠶᠡᠬᠡ ᠶᠠᠭᠤᠮᠠ ᠲᠡᠭᠡᠭᠡᠳᠡᠭ ᠬᠦᠮᠦᠨ ᠦᠪᠡᠷ ᠢ ᠪᠠᠨ ᠵᠣᠪᠠᠭᠠᠳᠠᠭ ᠰᠢᠭ᠋ ᠰᠠᠨᠠᠭᠳᠠᠳᠠᠭ ︖
– ᠪᠢ ᠵᠤᠪᠠᠬᠤ ᠶᠢᠨ ᠲᠤᠯᠠᠳᠠ ᠢᠷᠡᠭ᠍ᠰᠡᠨ ᠰᠢᠣ ᠳ᠋ᠠ᠃ ᠵᠢᠷᠭᠠᠬᠤ ᠭᠡᠵᠦ ᠢᠷᠡᠭᠡ ᠦᠭᠡᠢ᠃ ᠲᠡᠭᠦᠨ ᠢ ᠪᠡᠨ ᠯᠠ ᠡᠳ᠋ᠯᠡᠵᠦ ᠪᠠᠢᠨᠠ᠃ ᠪᠢ ᠣᠯᠠᠨ ᠵᠦᠢᠯ ᠢ ᠬᠦᠮᠦᠨ ᠲᠠᠢ ᠬᠤᠪᠢᠶᠠᠯᠴᠠᠬᠤ ᠵᠢ ᠬᠦᠰᠡᠳᠡᠭ ᠦᠭᠡᠢ ᠃ ᠲᠡᠭᠡᠬᠦ ᠪᠡᠷ ᠪᠢ ᠵᠤᠪᠠᠯᠠᠩ ᠢᠶᠠᠨ ᠦᠪᠡᠷ ᠢᠶᠠᠨ ᠯᠠ ᠡᠳ᠋ᠯᠡᠬᠦ ᠰᠡᠨ ᠭᠡᠵᠦ ᠬᠦᠰᠡᠳᠡᠭ ᠬᠦᠮᠦᠨ ᠰᠢᠭ ᠪᠠᠢᠭᠠ ᠶᠤᠮ᠃ ᠣᠯᠤᠰ ᠤᠤᠨ ᠨᠠᠮᠠᠢᠢ ᠮᠡᠳᠡᠬᠦ ᠪᠠᠢᠬᠤ ᠡ᠃ ᠣᠷᠴᠢᠯᠠᠩ ᠳ᠋ᠦ ᠲᠠᠨᠢᠭ᠌ᠳᠠᠬᠤ ᠪᠡᠷ ᠠᠮᠢᠳᠣᠷᠠᠯᠠ ᠯᠠ ᠳ᠋ᠠ ᠃
– ᠶᠡᠷᠦ ᠨᠢ ᠡᠴᠢᠭᠡ ᠬᠦᠮᠦᠨ ᠥ ᠬᠠᠢᠷᠠ ᠢᠯᠡᠭᠦᠦ ᠲᠤᠳᠤᠭ᠌ᠰᠢ ᠪᠠᠢᠳᠠᠭ ᠪᠣᠯᠪᠡ ᠤᠤ ᠃ ᠲᠡᠷᠡ ᠣᠳᠬᠠ ᠪᠡᠷ ᠢᠶᠡᠨ ᠭᠤᠮᠤᠳᠠᠵᠤ᠂ ᠪᠠᠶᠠᠷᠯᠠᠵᠣ ᠪᠠᠢᠭᠠ ᠵᠢ ᠨᠢ ᠲᠠᠭᠠᠮᠠᠭᠯᠠᠬᠤ ᠳ᠋ᠦ ᠬᠡᠴᠡᠭᠦᠦ ᠶᠡᠬᠡ《ᠬᠦᠨᠳᠦ》ᠬᠦᠮᠦᠰ ᠰᠢᠭ ᠪᠠᠢᠳᠠᠭ ︖
– ᠬᠠᠷᠢᠨ ᠴᠦ ᠠᠪᠣ ᠨᠠᠷ ᠬᠡᠤᠬᠡᠳ ᠵᠢᠡᠨ ᠬᠠᠢᠷᠠᠯᠠᠬᠣ ᠳ᠋ᠠᠭᠠᠨ ᠬᠠᠮᠤᠭ ᠤᠨ ᠬᠦᠩᠭᠡᠨ ᠬᠦᠮᠦᠰ ᠰᠢᠣ ᠳ᠋ᠠ᠃ ᠦᠷᠠ ᠬᠡᠤᠬᠡᠳ ᠨᠢ ᠡᠴᠢᠭᠡ ᠶᠢᠨ ᠢᠶᠡᠨ ᠨᠡᠷᠡ ᠵᠢ ᠠᠪᠴᠣ ᠶᠠᠪᠣᠬᠤ ᠭᠡᠳᠡᠭ ᠪᠤᠯ ᠬᠦᠨᠳᠦ ᠠᠴᠢᠶᠠ᠃ ᠪᠢ ᠪᠤᠯ ᠠᠪᠣ ᠵᠢ ᠪᠠᠨ ᠬᠠᠢᠷᠠᠯᠠᠵᠦ ᠴᠢᠳᠠᠭᠠ ᠦᠭᠡᠢ᠃ ᠣᠬᠠᠭᠠᠷᠠᠯ ᠭᠡᠳᠡᠭ ᠵᠦᠢᠯ ᠶᠡᠬᠡ ᠬᠣᠵᠢᠮ ᠢᠷᠡᠳᠡᠭ ᠶᠤᠮ ᠪᠠᠢᠨᠠ ᠃
– ᠬᠠᠢᠷᠠ ᠴᠢᠮᠡᠭᠡ ᠦᠭᠡᠢ ᠪᠠᠢᠬᠤ ᠲᠤᠰᠤᠮ ᠵᠢᠡᠨ ᠬᠦᠴᠦᠲᠡᠢ ᠪᠠᠢᠳᠠᠭ ᠰᠢᠭ᠋ ᠪᠠᠢᠭᠠ ᠶᠤᠮ᠃ ᠶᠡᠷᠦ ᠨᠢ ᠬᠠᠢᠷᠠ ᠵᠢ ᠶᠠᠭᠠᠬᠢᠵᠤ ᠠᠪᠴᠣ ᠶᠠᠪᠣᠬᠤ ᠶᠤᠰᠤᠲᠠᠢ ᠶᠤᠮ ᠪᠤᠯ ︖
– ᠢᠯᠡᠷᠡᠬᠦ ᠦᠭᠡᠢ ᠬᠠᠢᠷᠠ ᠵᠢ ᠮᠡᠳᠡᠷᠡᠳᠡᠭ ᠬᠦᠮᠦᠨ ᠬᠢᠷᠢ ᠣᠯᠠᠨ ᠶᠤᠮ ᠪᠤᠯ᠃ ᠬᠠᠢᠷᠠ ᠵᠢ ᠴᠢᠨᠢ ᠣᠳᠤ ᠬᠡᠲᠦᠷᠬᠡᠢ ᠢᠯᠡ ᠪᠤᠯᠭᠠᠭᠰᠠᠨ ᠶᠤᠮ ᠪᠢᠰᠢ ᠤᠤ ᠂ ᠪᠡᠶᠡ ᠪᠡᠶᠡ ᠵᠢ ᠪᠠᠨ ᠳᠠᠭᠣᠳᠠᠭᠰᠠᠨ ᠴᠦ《ᠬᠠᠢᠷᠠ ᠡ》 ᠭᠡᠬᠦ ᠶᠤᠮ ᠪᠠᠢᠨᠠ ᠰᠢᠣ ᠳ᠋ᠠ᠃ ᠬᠠᠢᠷᠠ ᠲᠡᠢᠮᠦ ᠢᠯᠡ ᠪᠠᠢᠳᠠᠭ ᠢ ᠪᠢ ᠶᠡᠷᠦ ᠡᠴᠡ ᠪᠡᠨ ᠣᠢᠯᠠᠭᠠᠳᠠᠭ ᠦᠭᠡᠢ᠃ ᠬᠠᠢᠷᠠ ᠠᠮᠠᠨ ᠲᠤᠳᠤᠷᠠ ᠪᠦᠮᠪᠦᠷᠢᠵᠦ ᠪᠠᠢᠳᠠᠭ ᠦᠭᠡ ᠬᠡᠯᠡᠨ ᠥ ᠶᠠᠭᠤᠮᠠ ᠪᠢᠰᠢ᠃ ᠬᠠᠢᠷᠠ ᠶᠢᠨ ᠲᠤᠬᠠᠢ ᠲᠤᠢᠯ ᠳ᠋ᠦ ᠨᠢ ᠬᠦᠷᠦᠭ᠍ᠰᠡᠨ ᠰᠢᠯᠦᠭ ᠪᠢ ᠪᠢᠴᠢᠵᠦ ᠴᠢᠳᠠᠬᠤ ᠦᠭᠡᠢ ᠯᠠ ᠪᠠᠢᠭᠠ ᠃
– ᠬᠡᠲᠦᠷᠬᠡᠢ ᠡᠷᠬᠡᠯᠡᠬᠦᠯᠦᠬᠡᠳ ᠡᠷᠬᠡ ᠶ᠋ᠢᠨ ᠲᠡᠨᠡᠭ ᠪᠣᠯᠴᠢᠬᠠᠭᠰᠠᠨ ᠶᠤᠮ ᠭᠡᠳᠡᠭ᠃ ᠲᠡᠷᠡ ᠨᠢ ᠬᠠᠢᠷᠠᠯᠠᠭᠰᠠᠨ ᠬᠦᠮᠦᠨ ᠳ᠋ᠡᠭᠡᠨ ᠪᠠᠢᠨᠠ ᠤᠤ᠂ ᠬᠠᠢᠷᠠᠯᠠᠭᠣᠯᠣᠭᠰᠠᠨ ᠬᠦᠮᠦᠨ ᠳ᠋ᠡᠭᠡᠨ ᠪᠠᠢᠨᠠ ᠤᠤ ︖
– ᠬᠠᠢᠷᠠ᠂ ᠢᠳᠡᠭᠡᠯ ᠵᠣᠬᠢᠳᠠᠭ ᠦᠭᠡᠢ ᠬᠦᠮᠦᠨ ᠭᠡᠵᠦ ᠪᠠᠢᠨᠠ᠃ ᠬᠠᠯᠢᠵᠦ ᠭᠠᠷᠣᠭᠠᠳ ᠪᠠᠢᠳᠠᠭ ᠬᠠᠢᠷᠠ ᠶᠢᠨ ᠵᠢᠭᠠᠬᠠᠨ ᠰᠠᠪᠠ ᠲᠠᠢ ᠬᠦᠮᠦᠨ ᠭᠡᠵᠦ ᠪᠠᠢᠳᠠᠭ ᠯᠠ ᠪᠠᠢᠯᠭᠦᠢ᠃ ᠬᠠᠢᠷᠠ ᠴᠢᠨᠢ ᠦᠪᠡᠷ ᠢᠶᠠᠨ ᠬᠦᠨᠳᠦ ᠬᠦᠩᠭᠡᠨ ᠨᠢ ᠮᠡᠳᠡᠭ᠍ᠳᠡᠳᠡᠭ ᠦᠭᠡᠢ ᠡᠳ᠋ ᠪᠠᠢᠬᠤ ᠦᠭᠡᠢ ᠤᠤ᠃ ᠮᠤᠳᠤᠨ ᠳ᠋ᠦ ᠠᠰᠠᠭᠰᠠᠨ ᠲᠦᠢᠮᠡᠷ ᠰᠢᠭ ᠴᠠᠭᠠᠭᠤᠷ ᠢᠶᠠᠨ ᠯᠠ ᠨᠡᠭᠦᠭᠡᠳ ᠪᠠᠢᠳᠠᠭ ᠃
– ᠲᠠᠨ ᠥ ᠰᠢᠨᠠᠯᠤᠯ ᠭᠤᠨᠢᠭ ᠶᠠᠭᠠᠬᠢᠵᠤ ᠢᠯᠡᠷᠡᠳᠡᠭ ᠪᠤᠢ ︖
– ᠰᠠᠨᠠᠭᠠ ᠠᠯᠳᠠᠭᠠᠳ ᠯᠠ᠂ ᠰᠢᠨᠠ ᠪᠡᠨ ᠲᠤᠯᠤᠭᠠᠳ᠂ ᠣᠬᠢᠯᠠᠵᠤ ᠳᠠᠭᠤᠯᠠᠭᠠᠳ ᠪᠠᠢᠳᠠᠭ ᠦᠭᠡᠢ ᠬᠦᠮᠦᠨ ᠯᠠ ᠳ᠋ᠠ᠃ ᠪᠢ ᠲᠤᠳᠤᠭ᠌ᠰᠢ ᠯᠠ ᠭᠣᠨᠢᠳᠠᠭ᠃ ᠨᠠᠳᠠᠳᠦ ᠬᠠᠷᠢᠶᠠᠯᠠᠯ ᠲᠠᠢ ᠡᠷᠬᠡᠲᠡᠨ ᠪᠦᠬᠦᠨ ᠣᠷᠤᠭᠤ ᠪᠠᠨ ᠭᠣᠨᠢᠳᠠᠭ᠃ ᠲᠡᠭᠦᠨ ᠢ ᠪᠡᠨ ᠰᠢᠯᠦᠭ ᠢᠶᠡᠷ ᠢᠶᠡᠨ ᠭᠠᠷᠭᠠᠳᠠᠭ᠃ ᠰᠢᠯᠦᠭ ᠪᠤᠯ ᠲᠤᠳᠤᠷᠠ ᠪᠡᠳᠡᠬᠢᠷᠡᠭ᠍ᠰᠡᠨ ᠡᠪᠡᠳᠴᠢᠨ ᠢ ᠶᠡᠬᠡ ᠵᠠᠳᠠᠭᠠᠢᠯᠠᠵᠤ ᠦᠭ᠍ᠳᠡᠭ᠃ ᠴᠢᠳᠠᠳᠠᠭ ᠶᠠᠭᠤᠮᠠ ᠪᠡᠷ ᠢᠶᠡᠨ ᠯᠠ ᠭᠠᠳᠠᠭ᠌ᠰᠢ ᠭᠠᠷᠭᠠᠬᠣ ᠶᠤᠮ ᠳ᠋ᠠ᠃ ᠰᠢᠯᠦᠭ ᠪᠤᠯ ᠨᠠᠳᠠ ᠲᠠᠢ ᠵᠢᠷᠭᠠᠯ ᠵᠤᠪᠠᠯᠠᠩ ᠬᠤᠪᠢᠶᠠᠯᠴᠠᠳᠠᠭ᠃ ᠲᠡᠢᠮᠦ ᠡᠴᠡ ᠪᠢ ᠰᠢᠯᠦᠭ ᠨᠠᠢᠷᠠᠭ ᠂ ᠵᠤᠬᠢᠶᠠᠯ ᠳ᠋ᠠᠭᠠᠨ ᠶᠡᠬᠡ ᠳᠣᠷᠠᠲᠠᠢ᠃
– ᠲᠠ ᠰᠡᠭᠦᠯ ᠳ᠋ᠦ ᠬᠡᠵᠢᠶᠡ ᠬᠠᠮᠤᠭ ᠤᠨ ᠶᠡᠬᠡ ᠪᠠᠶᠠᠷᠯᠠᠭᠰᠠᠨ ᠪᠤᠢ ︖
– ᠣᠢᠷᠠ ᠶᠢᠨ ᠵᠢᠯ ᠤᠤᠨ ᠲᠦ ᠪᠠᠶᠠᠷᠯᠠᠭᠰᠠᠨ ᠢᠶᠡᠨ ᠰᠠᠨᠠᠬᠤ ᠦᠭᠡᠢ ᠪᠠᠢᠨᠠ᠃ ᠭᠣᠨᠢᠭ᠌ᠰᠠᠨ ᠢᠢᠠᠨ ᠴᠦ ᠰᠠᠨᠠᠬᠤ ᠦᠭᠡᠢ ᠪᠠᠢᠨᠠ ᠃ ᠮᠠᠭᠠᠳ ᠦᠭᠡᠢ ᠬᠦᠮᠦᠨ ᠨᠠᠰᠤ ᠠᠬᠢᠭᠠᠳ ᠢᠷᠡᠬᠦ ᠪᠡᠷ ᠣᠷᠴᠢᠯᠠᠩ ᠢ ᠦᠪᠡᠷ ᠤᠨ ᠦᠨᠴᠦᠭ ᠡᠴᠨ ᠪᠠᠨ ᠲᠠᠨᠢᠭ᠌ᠰᠠᠨ ᠪᠤᠯᠬᠤᠷ《ᠡᠢᠮᠦ ᠶᠠᠭᠤᠮᠠ ᠪᠠᠢᠳᠠᠭ ᠯᠠ ᠶᠤᠮ ᠳ᠋ᠠ》ᠭᠡᠳᠡᠭ ᠨᠢ ᠶᠡᠬᠡ ᠳᠡᠢᠯᠳᠡᠭ ᠰᠢᠭ ᠪᠠᠢᠭᠠ ᠶᠤᠮ ᠃ ᠲᠡᠢᠮᠦ ᠡᠴᠡ ᠶᠡᠬᠡ ᠣᠯᠠᠨ ᠵᠦᠢᠯ ᠢ ᠬᠠᠵᠠᠭᠤ ᠪᠡᠷ ᠵᠢᠡᠨ ᠦᠩᠭᠡᠷᠡᠭᠡᠭ᠍ᠰᠡᠨ ᠪᠠᠢᠬᠤ ᠡ ᠃ ᠣᠳᠤ ᠨᠠᠳᠠᠳᠦ ᠠᠯᠳᠠᠷ ᠭᠠᠪᠢᠶᠠ᠂ ᠦᠬᠦᠯ ᠴᠦ ᠰᠢᠨᠡ ᠪᠢᠰᠢ᠃ ᠠᠯᠪᠠᠨ ᠲᠣᠰᠢᠶᠠᠯ᠂ ᠡᠷᠬᠢᠮᠰᠦᠭ ᠪᠠᠢᠳᠠᠯ ᠴᠦ ᠰᠢᠨᠡ ᠶᠠᠭᠤᠮᠠ ᠪᠢᠰᠢ᠃ ᠶᠠᠭᠤᠮᠠ ᠪᠦᠬᠦᠨ ᠬᠠᠭᠣᠴᠢᠷᠠᠬᠣ ᠪᠠᠷ ᠬᠦᠮᠦᠨ ᠥ ᠰᠡᠳᠭᠢᠯ ᠬᠦᠳᠡᠯᠦᠯ ᠴᠦ ᠪᠠᠰᠠ ᠬᠠᠭᠤᠴᠢᠷᠠᠳᠠᠭ ᠪᠠᠢᠬᠤ ᠭᠡᠵᠦ ᠪᠣᠳᠣᠳᠠᠭ ᠃
– ᠠᠩᠬᠠᠨ ᠥ ᠳᠤᠭᠳᠤᠯᠤᠯ᠃ ᠡᠷᠭᠢᠭᠡᠳ ᠲᠡᠭᠦᠨ ᠰᠢᠭ ᠢᠶᠡᠨ ᠨᠢᠭᠡ ᠲᠣᠭᠳᠣᠯᠬᠣ ᠰᠠᠨ ᠭᠡᠳᠡᠭ ᠴᠦ ᠶᠤᠮ ᠤᠤ᠂ ᠡᠰᠡᠪᠡᠯ ᠡᠷᠭᠢᠵᠦ ᠲᠡᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠳ᠋ᠡᠭᠡᠨ ᠬᠠᠷᠠᠮᠰᠠᠬᠣ ᠦᠶᠡ ᠪᠠᠢᠬᠤ ᠤᠤ ︖
– ᠳᠠᠪᠲᠠᠭᠳᠠᠬᠤ ᠦᠭᠡᠢ ᠵᠦᠢᠯ ᠢ ᠲᠡᠷᠡ ᠴᠢᠭ ᠢᠶᠡᠷ ᠨᠢ ᠬᠠᠳᠠᠭᠠᠯᠠᠬᠣ ᠶᠣᠮ ᠰᠠᠨ ᠭᠡᠵᠦ ᠬᠦᠰᠡᠳᠡᠭ᠃ ᠲᠡᠭᠦᠨ ᠡᠴᠡ ᠪᠢᠰᠢ᠂ ᠨᠠᠳᠠᠳᠦ ᠵᠠᠶᠠᠭᠠᠭᠰᠠᠨ ᠵᠦᠢᠯ ᠨᠢᠭᠡ ᠪᠢᠰᠢ᠂ ᠬᠣᠶᠠᠷ ᠪᠠᠢᠭᠠᠰᠠᠢ ᠭᠡᠵᠦ ᠶᠡᠷᠦ ᠡᠴᠡ ᠪᠡᠨ ᠰᠢᠨᠣᠵᠦ ᠪᠠᠢᠭᠰᠠᠨ ᠦᠭᠡᠢ᠃ ᠲᠡᠷᠡ ᠶᠡᠬᠡ ᠪᠠᠶᠠᠷ ᠬᠦᠷ᠂ ᠭᠤᠨᠢᠭ ᠲᠡᠷᠡ ᠣᠨ ᠴᠠᠭ ᠲᠠᠭᠠᠨ ᠦᠯᠡᠳᠡᠭ ᠯᠠ ᠭᠡᠵᠦ ᠪᠣᠳᠣᠳᠠᠭ ᠃
– ᠲᠡᠷᠡ ᠮᠦᠴᠡ ᠪᠤᠯᠭᠠᠨ ᠢᠶᠡᠨ ᠣᠷᠠᠨ ᠪᠦᠲᠦᠭᠡᠯ ᠳ᠋ᠡᠭᠡᠨ ᠭᠠᠷᠭᠠᠵᠤ ᠴᠢᠳᠠᠭᠰᠠᠨ ᠤᠤ
– ᠶᠠᠭᠠᠬᠢᠯᠠ ᠭᠡᠵᠦ ᠬᠦᠮᠦᠨ ᠪᠣᠳᠣᠭᠰᠠᠨ ᠪᠦᠬᠦᠨ ᠢᠶᠡᠨ ᠭᠠᠷᠭᠠᠵᠤ ᠴᠢᠳᠠᠬᠤ ᠪᠤᠢ ᠳ᠋ᠠ᠃ ᠲᠡᠷᠡ ᠪᠠᠢᠳᠣᠭᠠᠢ ᠬᠦᠮᠦᠨ ᠪᠣᠳᠣᠯ ᠤᠨ ᠢᠶᠠᠨ ᠲᠠᠯᠠ ᠵᠢ ᠠᠪᠤᠭᠠᠳ ᠯᠠ ᠦᠬᠦᠨᠡ ᠰᠢᠣ ᠳ᠋ᠠ ᠃
–《ᠨᠡᠢᠭᠡᠮ ᠢᠶᠡᠷ ᠢᠶᠡᠨ ᠪᠢᠳᠡ ᠰᠢᠭᠦᠮᠵᠢᠯᠡᠯ ᠤᠨ ᠲᠤᠩ ᠲᠣᠰᠴᠢᠬᠠᠵᠠᠢ》ᠭᠡᠰᠡᠨ ᠶᠠᠷᠢᠯᠴᠠᠯᠭᠠ ᠵᠢ ᠴᠤᠢᠵᠠᠮᠰᠤ ᠬᠠᠮᠪᠣ ᠦᠭ᠍ᠭᠦᠭ᠍ᠰᠡᠨ ᠪᠠᠢᠨᠠ ᠯᠠᠢ᠃ ᠲᠠᠨ ᠥ ᠬᠤᠪᠢ ᠳ᠋ᠦ ᠡᠨᠡ ᠨᠡᠢᠭᠡᠮ ᠤᠨ ᠰᠠᠢᠨ ᠰᠠᠢᠬᠠᠨ ᠢ ᠨᠢ ᠣᠯᠵᠤ ᠬᠠᠷᠠᠵᠤ ᠬᠡᠯᠡᠭᠡᠴᠢ ᠭᠡᠪᠡᠯ ︖
– ᠮᠢᠨᠦ ᠰᠠᠢᠬᠠᠨ ᠭᠡᠵᠦ ᠬᠠᠷᠠᠵᠤ ᠪᠠᠢᠭᠠ ᠵᠦᠢᠯ ᠦᠭᠡᠷᠡ ᠬᠦᠮᠦᠨ ᠥ ᠨᠢᠳᠦᠨ ᠳ᠋ᠦ ᠰᠠᠢᠬᠠᠨ ᠪᠢᠰᠢ ᠪᠤᠯ ᠶᠠᠭᠠᠬᠢᠨᠠ ᠭᠡᠵᠦ ᠪᠢ ᠠᠶᠤᠳᠠᠭ ᠶᠤᠮ᠃ ᠪᠢ ᠪᠣᠰᠣᠳ ᠤᠨ ᠰᠡᠳᠭᠢᠯ ᠢ ᠡᠮᠵᠡᠭ᠍ᠯᠡᠭᠦᠯᠬᠦ ᠠ᠋ᠴᠠ ᠠᠶᠤᠳᠠᠭ᠃ ᠲᠡᠢᠮᠦ ᠡᠴᠡ ᠰᠠᠢᠨ ᠂ ᠮᠠᠭᠣ ᠵᠢ ᠢᠯᠭᠠᠵᠤ ᠶᠠᠷᠢᠬᠤ ᠨᠢᠭᠡ ᠶᠡᠬᠡ ᠳᠤᠷᠠ ᠦᠭᠡᠢ᠃ ᠬᠦᠮᠦᠨ ᠦᠪᠡᠷ ᠢᠶᠡᠨ ᠬᠦᠮᠦᠨ ᠪᠠᠢᠵᠤ ᠴᠢᠳᠠᠭᠠ ᠦᠭᠡᠢ ᠠᠲᠠᠯᠠ ᠣᠯᠤᠰ ᠪᠤᠯᠵᠤ ᠲᠤᠭᠯᠠᠨᠠ ᠭᠡᠳᠡᠭ ᠢᠨᠢᠶᠡᠳᠦ ᠲᠠᠢ ᠪᠠᠢᠬᠤ ᠦᠭᠡᠢ ᠤᠤ᠃ ᠲᠡᠢᠮᠦ ᠡᠴᠡ ᠡᠯᠳᠡᠪ ᠤᠨ ᠵᠦᠢᠯ ᠳ᠋ᠦ ᠳ᠋ᠦᠩ ᠦᠭ᠍ᠬᠦ ᠳᠤᠷᠠ ᠦᠭᠡᠢ᠃ ᠪᠢ ᠡᠴᠦᠰ ᠤᠨ ᠭᠠᠷᠭᠠᠯᠭᠠ ᠵᠢ ᠬᠡᠯᠡᠳᠡᠭ ᠬᠦᠮᠦᠨ ᠪᠢᠰᠢ ᠰᠢᠣ ᠳ᠋ᠠ᠃ ᠪᠢ ᠪᠤᠯ ᠠᠮᠢᠳᠤᠷᠠᠯ ᠳᠣᠮᠳᠠᠭᠣᠷ ᠣᠷᠤᠰᠤᠭᠠᠳ ᠦᠩᠭᠡᠷᠡᠬᠦ ᠨᠢᠭᠡ ᠪᠤᠳᠠᠭᠠᠯᠢ ᠃
– ᠪᠤᠯᠪᠠᠰᠤᠷᠠᠯ ᠲᠠᠢ᠂ ᠣᠴᠢᠷ ᠮᠡᠳᠡᠬᠦ ᠬᠦᠮᠦᠰ ᠬᠡᠳᠦ ᠳᠠᠷᠤᠣ ᠪᠠᠢᠭᠰᠠᠨ ᠢᠶᠡᠷ ᠢᠶᠡᠨ ᠪᠠᠰᠠ ᠠᠯᠳᠠᠬᠤ ᠵᠦᠢᠯ ᠪᠠᠢᠳᠠᠭ ᠪᠣᠯᠪᠡ ᠤᠤ ︖
– ᠨᠠᠳᠠᠳᠦ ᠳᠠᠷᠤᠣ ᠪᠠᠢᠭᠠ ᠦᠭᠡᠢ ᠨᠠᠰᠤ ᠪᠤᠢ᠃ ᠪᠢ ᠡᠬᠡ ᠶᠢᠨ ᠢᠶᠡᠨ ᠰᠢᠯᠦᠭ ᠡᠴᠡ ᠡᠬᠢᠯᠡᠭᠡᠳ ᠯᠠ ᠮᠠᠭᠳᠠᠭᠣᠯᠣᠭᠰᠠᠨ ᠬᠦᠮᠦᠨ ᠃ ᠨᠠᠳᠠᠳᠦ ᠲᠦᠭᠡᠷᠢᠵᠦ ᠶᠠᠪᠣᠭᠰᠠᠨ ᠴᠠᠭ ᠪᠣᠢ᠃ ᠬᠦᠮᠦᠨ ᠪᠣᠯᠭᠠᠨ ᠵᠢᠵᠢᠭ᠍ᠬᠡᠨ ᠬᠠᠷᠠᠭᠳᠠᠵᠤ ᠪᠠᠢᠭᠰᠠᠨ ᠦᠶᠡ ᠴᠦ ᠪᠤᠢ᠃ ᠲᠡᠢᠮᠦ ᠡᠴᠡ ᠪᠢ ᠳᠠᠷᠤᠣ ᠬᠦᠮᠦᠨ ᠪᠢᠰᠢ᠃ ᠶᠠᠭᠠᠬᠢᠭᠠᠳ ᠴᠦ ᠪᠢᠰᠢ᠃ ᠪᠢ ᠮᠦᠷ ᠢᠶᠡᠷ ᠢᠶᠡᠨ ᠬᠦᠮᠦᠨ ᠃
– ᠠᠩᠬᠠᠨ ᠥ ᠣᠷᠠᠨ ᠪᠦᠲᠦᠭᠡᠯ ᠡᠴᠡ ᠪᠡᠨ ᠡᠬᠢᠯᠡᠭᠡᠳ ᠮᠠᠭᠳᠠᠭᠠᠯ ᠰᠣᠨᠣᠰᠣᠭᠰᠠᠨ ᠭᠡᠵᠦ ᠪᠠᠢᠨᠠ᠃ ᠲᠡᠭᠡᠬᠦ ᠪᠡᠷ ᠰᠢᠬᠦᠮᠵᠢᠯᠡᠯ ᠳ᠋ᠦ ᠵᠢᠭᠠᠬᠠᠨ ᠡᠮᠵᠡᠭ ᠬᠠᠨᠳᠤᠳᠠᠭ ᠤᠤ ︖
– ᠨᠠᠮᠠᠢᠢ ᠬᠦᠮᠦᠨ ᠮᠠᠭᠣᠬᠠᠢ ᠬᠠᠷᠠᠵᠤ ᠪᠤᠯᠤᠨᠠ ᠰᠢᠣ ᠳ᠋ᠠ᠃ ᠨᠠᠮᠠᠢᠢ ᠦᠵᠡᠨ ᠶᠠᠳᠠᠬᠣ ᠡᠷᠬᠡ ᠲᠡᠷᠡ ᠬᠦᠮᠦᠨ ᠳ᠋ᠦ ᠪᠤᠢ᠃ ᠪᠢᠳᠡᠨ ᠥ ᠶᠠᠷᠢᠭᠠᠳ ᠪᠠᠢᠭᠠ ᠡᠷᠬᠡ ᠭᠡᠳᠡᠭ ᠴᠢᠨᠢ ᠲᠡᠷᠡ ᠶᠤᠮ ᠪᠢᠰᠢ ᠤᠤ᠂ ᠪᠢ ᠮᠦᠩᠭᠦ ᠲᠠᠢ ᠪᠦᠭᠡᠳ ᠡᠷᠬᠡ ᠮᠡᠳᠡᠯᠲᠡᠨ ᠪᠢᠰᠢ᠃ ᠶᠠᠮᠠᠷ ᠨᠢᠭᠡ ᠠᠮᠲᠠᠲᠠᠢ ᠮᠦᠬᠡᠭᠡᠯᠳᠡᠰᠦ ᠪᠢᠰᠢ᠃ ᠮᠠᠭᠳᠠᠭᠰᠠᠨ ᠣ ᠲᠦᠯᠦᠭᠡ ᠬᠦᠬᠡᠷᠬᠦ᠂ ᠮᠠᠭᠣᠯᠠᠭᠰᠠᠨ ᠥ ᠲᠦᠯᠦᠭᠡ ᠭᠣᠨᠢᠬᠣ ᠵᠠᠩ ᠶᠡᠷᠦ ᠡᠴᠡ ᠪᠡᠨ ᠪᠠᠢᠳᠠᠭ ᠦᠭᠡᠢ ᠭᠡᠵᠦ ᠲᠦᠷᠦᠬᠦᠨ ᠡᠴᠨ ᠬᠤᠢᠰᠢ ᠬᠡᠯᠡᠭ᠍ᠰᠡᠨ᠃ ᠪᠢ ᠬᠣᠷᠸᠠ ᠵᠢ ᠮᠡᠳᠡᠨᠡ᠃ ᠦᠪᠡᠷ ᠤᠨ ᠵᠢᠡᠨ ᠴᠢᠨᠡᠭᠡ ᠪᠡᠷ ᠮᠡᠳᠡᠨᠡ᠃ ᠪᠢ ᠪᠤᠳᠤᠵᠤ ᠶᠠᠷᠢᠳᠠᠭ᠃ ᠬᠦᠮᠦᠰ ᠢ ᠬᠠᠷᠠᠭᠠᠳ ᠪᠠᠢᠬᠤ ᠳ᠋ᠦ ᠶᠠᠷᠢᠭ᠌ᠰᠠᠨ ᠥ ᠪᠡᠨ ᠳᠠᠷᠠᠭᠠ ᠪᠣᠳᠣᠳᠠᠭ ᠰᠢᠭ᠋ ᠪᠠᠢᠨᠠ ᠯᠠᠢ᠃ ᠡᠨᠡ ᠯᠠ ᠣᠨ ᠴᠠᠭ ᠤᠨ ᠠᠯᠳᠠᠭᠠ ᠪᠠᠢᠬᠠ᠃《ᠵᠦᠪ ᠤᠨ ᠡᠮᠦᠨᠡ ᠪᠤᠷᠤᠭᠤ ᠪᠠᠢᠪᠠᠯ ᠵᠦᠨᠦᠬᠦ ᠶ᠋ᠢᠨ ᠡᠮᠦᠨᠡ ᠦᠬᠦᠯ ᠪᠠᠢᠪᠠᠯ 》 ᠭᠡᠵᠦ ᠮᠢᠨᠦ ᠰᠢᠯᠦᠭ ᠪᠤᠢ ᠃ ᠵᠦᠨᠦᠯ ᠦᠭᠡᠢ ᠦᠬᠦᠬᠦ ᠬᠡᠷᠡᠭ᠍ᠲᠡᠢ᠃ ᠪᠤᠷᠤᠭᠤ ᠪᠤᠯ ᠵᠠᠯᠠᠷᠠᠭᠣᠯᠬᠣ ᠪᠠᠢᠬᠤ ᠶᠤᠰᠤᠲᠠᠢ ᠭᠡᠰᠡᠨ ᠰᠠᠨᠠᠭᠠ ᠪᠠᠢᠭᠠ ᠶᠤᠮ᠃ ᠪᠢ ᠬᠣᠶᠠᠷᠬᠠᠨ ᠨᠣᠮ ᠭᠠᠷᠭᠠᠭᠠᠳ ᠲᠦᠷᠦ ᠵᠢᠨ ᠱᠠᠩᠨᠠᠯ ᠬᠦᠷᠲᠡᠭ᠍ᠰᠡᠨ ᠬᠦᠮᠦᠨ ᠰᠢᠣ ᠳ᠋ᠠ᠃ ᠲᠡᠢᠮᠦ ᠲᠣᠬᠢᠶᠠᠯᠳᠣᠯ ᠣᠳᠬᠠ ᠵᠤᠬᠢᠶᠠᠯ ᠳ᠋ᠦ ᠴᠥᠭᠡᠨ ᠯᠠ ᠪᠠᠢᠬᠠ ᠃
– ᠲᠡᠷᠡ ᠨᠣᠮ ᠭᠠᠷᠤᠭᠰᠠᠨ ᠬᠣᠭᠣᠷᠣᠨᠳᠣ ᠶᠢᠨ ᠬᠣᠭᠣᠴᠠᠭᠠ ᠬᠢᠷᠢ ᠣᠢᠷᠠᠬᠠᠨ ᠪᠠᠢᠪᠠ ︖
– 1982 ᠣᠨ ᠳ᠋ᠦ ᠠᠩᠬᠠᠨ ᠥ ᠨᠣᠮ᠂ 1984 ᠣᠨ ᠳ᠋ᠦ ᠲᠠᠷᠠᠭᠠ ᠶᠢᠨ ᠨᠣᠮ ᠢᠶᠡᠨ ᠭᠠᠷᠭᠠᠭᠠᠳ ᠯᠠ 1990 ᠣᠨ ᠳ᠋ᠦ ᠲᠦᠷᠦ ᠵᠢᠨ ᠱᠠᠩᠨᠠᠯ ᠠᠪᠤᠭᠰᠠᠨ ᠰᠢᠣ ᠳ᠋ᠠ᠃ ᠪᠢ ᠮᠠᠭᠲᠠᠭᠠᠯ ᠢᠶᠠᠷ ᠲᠣᠰᠣᠭᠣᠯᠣᠭᠰᠠᠨ ᠭᠡᠵᠦ ᠠᠮᠠ ᠪᠠᠷᠳᠠᠮ ᠬᠡᠯᠡᠵᠦ ᠪᠠᠢᠭᠠ ᠮᠠᠨᠢ ᠲᠡᠷᠡ ᠃
– ᠲᠠᠨ ᠥ ᠬᠤᠪᠢ ᠳ᠋ᠦ ᠡᠪᠣᠯ ᠤᠨ ᠣᠯᠠᠷᠢᠯ ᠳ᠋ᠣ ᠣᠷᠠᠨ ᠪᠦᠲᠦᠭᠡᠯ ᠢᠯᠡᠭᠦᠦ ᠭᠠᠷᠳᠠᠭ ᠭᠡᠰᠡᠨ ᠪᠠᠢᠬᠤ ᠡ ︖
– ᠪᠦᠷᠬᠦᠭ ᠡᠳᠦᠷ ᠢᠯᠡᠭᠦᠦ ᠰᠠᠢᠨ ᠬᠢᠳᠡᠭ᠃ ᠨᠠᠷᠠᠨ ᠥ ᠬᠠᠯᠠᠭᠣᠨ ᠢᠯᠴᠢ᠂ ᠮᠢᠨᠦ ᠪᠤᠳᠤᠯ ᠬᠣᠶᠠᠷ ᠬᠤᠭᠤᠷᠤᠨᠳᠤ ᠪᠡᠨ ᠲᠠᠭᠠᠷᠠᠳᠠᠭ ᠦᠭᠡᠢ᠃ ᠪᠢ ᠣᠳᠠᠭᠠᠨ ᠪᠣᠳᠣᠭᠠᠳ ᠳᠠᠷᠢᠬᠢᠨ ᠳ᠋ᠠᠭᠠᠨ ᠢᠯᠵᠢᠷᠡᠭᠦᠯᠵᠦ ᠪᠠᠢᠵᠤ ᠪᠢᠴᠢᠳᠡᠭ᠃ ᠰᠠᠯᠬᠢ ᠰᠢᠭᠤᠷᠠᠭᠠᠳ ᠪᠠᠢᠬᠤ ᠳ᠋ᠦ ᠪᠢ ᠶᠠᠭᠤ ᠴᠦ ᠪᠢᠴᠢᠵᠦ ᠴᠢᠳᠠᠬᠤ ᠦᠭᠡᠢ᠃ ᠬᠠᠷᠢᠨ ᠪᠢ ᠣᠷᠴᠢᠨ ᠭᠤᠯᠤᠵᠤ ᠦᠵᠡᠬᠡ ᠦᠭᠡᠢ᠃ ᠠᠴᠢ ᠨᠠᠷ ᠲᠡᠷᠭᠡᠳᠠ ᠱᠤᠣᠬᠢᠵᠣ᠂ ᠴᠠᠭᠠᠰᠤ ᠵᠢ ᠮᠠᠨᠢ ᠪᠠᠷᠢᠭᠠᠳ ᠭᠦᠶᠦᠵᠤ ᠶᠠᠪᠣᠭᠰᠠᠨ ᠴᠦ ᠲᠤᠭᠤᠬᠤ ᠦᠭᠡᠢ ᠪᠢᠴᠢᠨᠠ᠃ ᠪᠢ ᠭᠠᠭᠴᠠᠭᠠᠷ ᠢᠶᠡᠨ ᠪᠠᠢᠬᠤ ᠠᠰᠤᠷᠤ ᠳᠤᠷᠠ ᠦᠭᠡᠢ᠃ ᠬᠡᠷᠪᠡ ᠨᠠᠮᠠᠢᠢ ᠭᠠᠭᠴᠠᠭᠠᠷ ᠢ ᠣᠷᠬᠢᠭᠠᠳ᠂ ᠬᠠᠨᠢ ᠮᠢᠨᠢ᠂ ᠬᠡᠤᠬᠡᠳ ᠤᠤᠨ ᠮᠢᠨᠢ ᠪᠦᠷᠳᠦᠯᠵᠡᠬᠦ ᠦᠭᠡᠢ ᠪᠤᠯ ᠪᠢ ᠶᠠᠭᠤᠮᠠ ᠬᠢᠵᠦ ᠴᠢᠳᠠᠬᠤ ᠦᠭᠡᠢ᠃ ᠪᠢ ᠬᠦᠮᠦᠨ ᠦᠭᠡᠢ ᠪᠠᠢᠵᠤ ᠴᠢᠳᠠᠳᠠᠭ ᠦᠭᠡᠢ ᠶᠤᠮ᠃
– ᠲᠠ 20 ᠨᠠᠰᠤᠨ ᠥ ᠪᠠᠨ ᠲᠤᠬᠠᠢ《ᠪᠦᠵᠢᠭ ᠲᠦ ᠶᠠᠪᠣᠵᠤ᠂ ᠵᠢᠷᠤᠭ ᠤᠨ ᠦᠵᠡᠰᠭᠦᠯᠡᠩ ᠦᠵᠡᠵᠦ᠂ ᠵᠠᠪᠰᠠᠷ ᠴᠢᠯᠦᠭᠡ ᠪᠡᠷ ᠨᠢ ᠶᠠᠯᠢᠬᠣ ᠦᠭᠡᠢ᠂ ᠵᠠᠷᠭᠣ ᠪᠠᠭᠠᠲᠠᠢ ᠵᠣᠳᠣᠭᠠᠨ ᠬᠢᠨᠡ 》ᠭᠡᠵᠦ ᠶᠠᠷᠢᠭ᠌ᠰᠠᠨ ᠪᠠᠢᠭᠰᠠᠨ᠃ ᠬᠠᠷᠢᠨ 30 ᠨᠠᠰᠤ ᠶᠠᠮᠠᠷ ᠪᠠᠢᠪᠠ ︖
– ᠲᠠᠪᠣᠨ ᠬᠡᠤᠬᠡᠳ ᠲᠠᠢ ᠪᠠᠢᠭᠰᠠᠨ᠃ ᠡᠴᠢᠭᠡ ᠭᠡᠳᠡᠭ ᠠᠴᠢᠶᠠ ᠵᠢ ᠶᠡᠬᠡ ᠡᠷᠲᠠ ᠡᠭᠦᠷᠦᠭ᠍ᠰᠡᠨ ᠪᠤᠯᠬᠤᠷ ᠮᠢᠨᠦ 30 ᠨᠠᠰᠤ ᠦᠷᠡᠰ ᠲᠡᠭᠡᠨ ᠨᠤᠤᠯᠤᠭᠤᠯᠤᠭᠰᠠᠨ ᠨᠠᠰᠤ ᠪᠠᠢᠭᠰᠠᠨ ᠃ ᠲᠡᠮᠡᠭᠡ ᠶᠤᠮ ᠪᠤᠯ ᠬᠡᠪᠲᠡᠵᠦ ᠪᠠᠢᠭᠠ ᠲᠡᠮᠡᠭᠡ ᠰᠢᠭ ᠨᠠᠰᠤ ᠪᠠᠢᠭᠰᠠᠨ ᠃
– ᠣᠷᠠᠨ ᠪᠦᠲᠦᠭᠡᠯ ᠤᠨ ᠬᠤᠪᠢ ᠳ᠋ᠦ ᠶᠠᠮᠠᠷ ᠦᠶᠡ ᠪᠠᠢᠭᠰᠠᠨ ᠪᠤᠢ ︖
– ᠢᠳᠡ ᠦᠶᠡ ᠪᠠᠢᠭᠰᠠᠨ᠃ ᠵᠢᠷᠤᠭ ᠢᠶᠡᠨ ᠵᠢᠷᠤᠨᠠ᠂ ᠰᠢᠯᠦᠭ ᠪᠢᠴᠢᠨᠠ᠃ ᠪᠢ ᠣᠷᠠᠨ ᠪᠦᠳᠦᠭᠡᠯ ᠢᠶᠡᠨ ᠵᠢᠷᠤᠭ ᠢᠶᠡᠷ ᠡᠬᠢᠯᠡᠭ᠍ᠰᠡᠨ ᠬᠦᠮᠦᠨ ᠰᠢᠣ ᠳ᠋ᠠ᠃ ᠬᠦᠦ ᠲᠠᠢ ᠪᠡᠨ ᠬᠠᠮᠳᠤ ᠨᠢᠭᠡ ᠦᠵᠡᠰᠭᠦᠯᠡᠩ ᠭᠠᠷᠭᠠᠭᠰᠠᠨ᠃ ᠵᠢᠷᠤᠭ ᠢ ᠪᠤᠯ ᠲᠡᠢᠮᠦ ᠮᠠᠭᠤ ᠪᠢᠰᠢ ᠵᠢᠷᠤᠨᠠ᠃ ᠰᠠᠢᠨ ᠳᠤᠷᠠ ᠶᠢᠨ ᠣᠷᠠᠨ ᠰᠠᠢᠬᠠᠨᠴᠢ ᠰᠢᠭ᠋ ᠵᠢᠷᠣᠬᠣ ᠦᠭᠡᠢ᠃ ᠠᠮᠢᠨ ᠳ᠋ᠠᠭᠠᠨ ᠶᠤᠰᠤᠭᠠᠷ ᠨᠢ ᠵᠢᠷᠣᠬᠣ ᠭᠡᠵᠦ ᠬᠢᠴᠢᠶᠡᠨᠡ᠃ ᠮᠢᠨᠦ ᠦᠶᠡ ᠶᠢᠨ ᠵᠤᠬᠢᠶᠠᠯᠴᠢᠳ ᠪᠦᠭᠦᠳᠡ ᠨᠣᠮ ᠤᠨ ᠢᠶᠡᠨ ᠵᠢᠷᠤᠭ ᠢ ᠨᠠᠳᠠ ᠪᠡᠷ ᠬᠢᠯᠭᠡᠭ᠍ᠰᠡᠨ᠃ ᠵᠦᠴᠦᠭᠡ ᠶᠢᠨ ᠵᠢᠷᠣᠭ ᠪᠠᠰᠠ ᠵᠢᠷᠤᠵᠦ ᠪᠠᠢᠯᠠ ᠃
– ᠣᠷᠠᠨ ᠵᠢᠷᠣᠭ᠂ ᠣᠳᠬᠠ ᠵᠣᠬᠢᠶᠠᠯ ᠬᠣᠶᠠᠷ ᠳᠠᠩᠳᠠ ᠬᠣᠯᠪᠤᠭᠠᠲᠠᠢ ᠶᠠᠪᠣᠳᠠᠭ᠃ ᠬᠤᠶᠠᠭᠤᠯᠠ ᠵᠢ ᠨᠢ ᠬᠢᠳᠡᠭ ᠬᠦᠮᠦᠨ ᠥ ᠳᠠᠪᠠᠭᠤ ᠲᠠᠯᠠ ᠶᠠᠭᠤ ᠪᠠᠢᠳᠠᠭ ᠪᠤᠯ ︖
– ᠳᠠᠩᠴᠤ ᠣᠢᠷᠠᠬᠠᠨ ᠳ᠋ᠣᠣ ᠃ ᠠᠯᠢ ᠨᠢ ᠲᠠᠪᠠᠭᠤ ᠵᠢ ᠮᠡᠳᠡᠬᠦ ᠦᠭᠡᠢ ᠶᠤᠮ᠃ ᠵᠢᠷᠤᠳᠠᠭ ᠣᠴᠢᠷ ᠡᠴᠠ ᠰᠢᠯᠦᠭ ᠨᠢ ᠳᠦᠷᠰᠦᠯᠡᠯ ᠶᠡᠬᠡᠲᠡᠢ ᠪᠠᠢᠳᠠᠭ ᠭᠡᠵᠦ ᠬᠦᠮᠦᠰ ᠬᠡᠯᠡᠳᠡᠭ ᠶᠤᠮ ᠪᠢᠯᠡ ᠃ ᠦᠩᠭᠡ ᠵᠢ ᠪᠤᠯ ᠠᠷᠠᠢ ᠢᠯᠡᠭᠦᠦ ᠮᠡᠳᠡᠷᠡᠨᠡ ᠳ᠋ᠠ ᠃
– ᠲᠠᠨ ᠥ ᠣᠷᠠᠨ ᠪᠦᠲᠦᠭᠡᠯ ᠰᠡᠳᠭᠢᠯ ᠤᠨ ᠡᠮᠵᠡᠭ ᠵᠦᠢᠯ ᠢ ᠶᠡᠬᠡ ᠲᠣᠳᠣ ᠭᠠᠷᠭᠠᠵᠤ ᠢᠷᠡᠳᠡᠭ᠃ ᠣᠷᠠᠨ ᠪᠦᠲᠦᠭᠡᠯ ᠳ᠋ᠦ ᠦᠵᠡᠵᠦ ᠲᠣᠭᠣᠯᠣᠭᠰᠠᠨ ᠠᠮᠢᠳᠤᠷᠠᠯ᠂ ᠲᠤᠷᠰᠢᠯᠭᠠ ᠶᠡᠬᠡ ᠨᠦᠯᠦᠭᠡᠯᠡᠳᠡᠭ ᠭᠡᠵᠦ ᠪᠣᠳᠣᠪᠠᠯ ᠲᠠᠨ ᠢ ᠶᠡᠬᠡ ᠵᠤᠪᠠᠯᠠᠩ ᠦᠵᠡᠭ᠍ᠰᠡᠨ ᠬᠦᠮᠦᠨ ᠭᠡᠮᠡᠷ ᠴᠦ ᠶᠣᠮ ᠰᠢᠭ᠋ ︖
– ᠪᠢ ᠲᠤᠷᠰᠢᠯᠭᠠ ᠵᠢ ᠦᠵᠡᠨ ᠶᠠᠳᠠᠳᠠᠭ᠃ ᠲᠤᠷᠰᠢᠯᠭᠠ ᠭᠡᠳᠡᠭ ᠪᠤᠯ ᠪᠠᠢᠭᠠ ᠪᠠᠢᠷᠢᠨ ᠳ᠋ᠠᠭᠠᠨ ᠵᠤᠭᠰᠤᠵᠤ᠂ ᠴᠢᠳᠠᠳᠠᠭ ᠵᠦᠢᠯ ᠢᠶᠡᠨ ᠬᠢᠵᠦ ᠪᠠᠢᠭᠠ ᠬᠦᠮᠦᠨ ᠢ ᠬᠡᠯᠡᠳᠡᠭ ᠪᠠᠢᠬᠤ ᠦᠭᠡᠢ ᠤᠤ ᠃ ᠴᠢᠳᠠᠭᠠ ᠦᠭᠡᠢ ᠵᠦᠢᠯ ᠢᠶᠡᠨ ᠬᠢᠬᠦ ᠶᠢᠨ ᠲᠤᠯᠠᠳᠠ ᠣᠷᠠᠨ ᠪᠦᠲᠦᠭᠡᠯᠴᠢᠳ ᠠᠮᠢᠳᠣᠷᠠᠬᠣ ᠶᠤᠰᠤᠲᠠᠢ᠃ ᠠᠯᠢᠪᠠ ᠨᠢᠭᠡ ᠣᠷᠠᠨ ᠪᠦᠲᠦᠭᠡᠯ ᠤᠨ ᠰᠠᠨᠠᠭᠠ ᠣᠯᠴᠢᠬᠠᠭᠠᠳ ᠲᠤᠷᠰᠢᠯᠭᠠ ᠪᠡᠷ ᠪᠢᠴᠢᠨᠠ ᠭᠡᠪᠡᠯ ᠲᠡᠭᠦᠨ ᠰᠢᠭ ᠪᠦᠳᠦᠭᠦᠯᠢᠭ ᠵᠦᠢᠯ ᠪᠠᠢᠬᠤ ᠦᠭᠡᠢ ᠃
– ᠣᠳᠤ ᠵᠢᠷᠤᠭ ᠵᠢᠷᠤᠵᠦ ᠪᠠᠢᠨᠠ ᠤᠤ ︖
– ᠪᠣᠳᠣᠬᠣ ᠯᠠ ᠶᠤᠮ᠃ ᠵᠠᠪ ᠪᠤᠯᠬᠤ ᠦᠭᠡᠢ ᠪᠠᠢᠨᠠ᠃ ᠲᠡᠳᠭᠦᠪᠦᠷᠢ ᠶᠢᠨ ᠬᠦᠮᠦᠨ ᠮᠦᠷᠲᠡᠯᠡ ᠪᠠᠨ ᠬᠠᠮᠤᠭ ᠤᠨ ᠵᠠᠪ ᠦᠭᠡᠢ ᠬᠦᠮᠦᠨ ᠪᠠᠢᠬᠤ ᠶᠤᠮ᠃ ᠮᠢᠨᠦ ᠵᠢᠷᠤᠭ ᠤᠨ ᠬᠡᠷᠡᠭ᠍ᠰᠡᠯ ᠢ ᠵᠢᠷᠣᠭᠠᠴᠢ ᠬᠦᠦ ᠮᠢᠨᠢ ᠪᠡᠯᠡᠳᠭᠡᠭᠡᠳ ᠥᠭ᠍ᠴᠢᠬᠡᠳᠡᠭ ᠶᠤᠮ᠃ ᠠᠪᠣ ᠵᠢ ᠪᠠᠨ ᠵᠢᠷᠤᠭ ᠢᠶᠡᠨ ᠵᠢᠷᠤ ᠭᠡᠵᠦ ᠪᠠᠢᠭᠠ ᠱᠠᠭᠠᠷᠳᠠᠯᠭᠠ ᠶᠤᠮ ᠪᠠᠢᠨᠠ ᠯᠠ ᠭᠡᠵᠦ ᠪᠣᠳᠣᠳᠠᠭ᠃ ᠬᠡᠳᠦᠨ ᠵᠢᠷᠣᠭ ᠵᠢᠷᠤᠵᠦ ᠦᠯᠡᠳᠡᠭᠡᠨᠡ ᠡ ᠃
– ᠲᠠ ᠦᠵᠡᠰᠭᠦᠯᠡᠩ ᠬᠢᠷᠢ ᠦᠵᠡᠵᠦ ᠪᠠᠢᠨᠠ ᠪᠤᠢ ︖
– ᠦᠵᠡᠰᠭᠦᠯᠡᠩ ᠪᠤᠯ ᠠᠯᠭᠠᠰᠠᠬᠤ ᠦᠭᠡᠢ ᠰᠢᠣ ᠳ᠋ᠠ᠃ ᠭᠠᠳᠠᠭ᠌ᠰᠢ ᠪᠡᠨ ᠶᠠᠪᠤᠬᠣ ᠳ᠋ᠠᠭᠠᠨ ᠪᠢ ᠵᠠᠪᠠᠯ ᠵᠢᠷᠤᠭ ᠤᠨ ᠦᠵᠡᠰᠭᠦᠯᠡᠩ ᠦᠵᠡᠨᠠ᠃ ᠳᠣᠷᠠᠲᠠᠢ ᠶᠤᠮ ᠴᠢᠨᠢ᠃ ᠦᠪᠡᠷ ᠢᠶᠠᠨ ᠴᠢᠳᠠᠬᠤ ᠦᠭᠡᠢ ᠪᠤᠯᠬᠤᠷ ᠰᠠᠢᠬᠠᠨ ᠵᠢᠷᠣᠭ ᠬᠠᠷᠠᠬᠤ ᠰᠠᠢᠬᠠᠨ ᠰᠢᠣ ᠳ᠋ᠠ᠃
– ᠬᠦᠮᠦᠰ ᠲᠠᠨ ᠡᠴᠡ ᠣᠷᠠᠨ ᠵᠣᠬᠢᠶᠠᠯ ᠤᠨ ᠲᠦᠪᠰᠢᠨ ᠶᠡᠬᠡ ᠠᠰᠠᠭᠤᠳᠠᠭ ᠪᠠᠢᠬᠠ᠃ ᠣᠷᠠᠨ ᠵᠢᠷᠤᠭ ᠤᠨ ᠲᠤᠬᠠᠢ ᠳ᠋ᠦ ᠲᠦᠪᠰᠢᠨ ᠨᠢ ᠬᠠᠮᠢᠭᠠ ᠪᠠᠢᠨᠠ ᠪᠤᠢ ︖
– ᠣᠷᠠᠨ ᠵᠤᠬᠢᠶᠠᠯ ᠡᠴᠡ ᠦᠨᠳᠦᠷ ᠪᠠᠢᠭᠠ᠃ ᠡᠷᠢᠯ ᠬᠢᠵᠦ ᠪᠠᠢᠭᠠ ᠵᠡᠷᠭᠡ ᠨᠢ ᠵᠤᠬᠢᠶᠠᠯᠴᠢᠳ ᠡᠴᠡ ᠢᠯᠡᠭᠦᠦ᠃ ᠶᠡᠬᠡ ᠶᠠᠭᠤᠮᠠ ᠬᠢᠵᠦ ᠪᠠᠢᠨᠠ ᠰᠢᠣ ᠳ᠋ᠠ᠃ ᠮᠠᠨ ᠥ ᠵᠢᠷᠣᠭᠠᠴᠢᠳ ᠢᠯᠡᠭᠦᠦ ᠦᠨᠳᠦᠷ ᠲᠦ ᠪᠠᠢᠭᠠ ᠳ᠋ᠦ ᠨᠢ ᠶᠡᠬᠡ ᠪᠠᠶᠠᠷᠯᠠᠳᠠᠭ᠃ ᠲᠡᠳᠡ ᠣᠨ ᠴᠠᠭ᠂ ᠨᠡᠢᠭᠡᠮ ᠲᠠᠢ ᠪᠠᠨ ᠣᠷᠢᠶᠠᠴᠠᠯᠳᠤᠳᠠᠭ ᠦᠭᠡᠢ᠂ ᠨᠣᠪᠰᠢᠷᠠᠳᠠᠭ ᠦᠭᠡᠢ ᠣᠯᠤᠰ ᠪᠠᠢᠬᠤ ᠦᠭᠡᠢ ᠤᠤ᠃ ᠲᠤᠭᠤᠬᠤ ᠴᠦ ᠦᠭᠡᠢ᠃ ᠲᠡᠢᠮᠦ ᠡᠴᠡ ᠪᠦᠲᠦᠭᠡᠯ ᠨᠢ ᠰᠠᠢᠨ ᠪᠠᠢᠭᠠ ᠶᠤᠮ ᠃
– ᠲᠠᠨ ᠳ᠋ᠦ ᠰᠠᠶ᠋ᠢ ᠢᠷᠡᠭ᠍ᠰᠡᠨ ᠣᠷᠢᠯᠭᠠ ᠨᠣᠭᠣᠳ ᠲᠣ ᠣᠴᠢᠬᠤ ᠦᠭᠡᠢ ᠭᠡᠰᠡᠨ᠃ ᠪᠦᠬᠦ ᠣᠷᠢᠯᠭᠠ ᠳ᠋ᠥ ᠲᠠᠲᠠᠭᠠᠯᠵᠠᠳᠠᠭ ᠶᠤᠮ ᠪᠢᠰᠢ ᠪᠢᠵᠠ ᠳ᠋ᠠ ︖
– ᠣᠯᠠᠨ ᠲᠠᠢ ᠭᠠᠵᠠᠷ ᠠᠯᠢ ᠪᠤᠯᠬᠤ ᠶᠠᠪᠣᠬᠣ ᠦᠭᠡᠢ ᠶ᠋ᠢ ᠯᠠ ᠪᠣᠳᠣᠳᠠᠭ ᠬᠦᠮᠦᠨ᠃ ᠳ ᠂ ᠴᠤᠣᠳᠠᠯ ᠨᠢᠭᠡ ᠪᠢᠴᠢᠭ᠍ᠰᠡᠨ ᠪᠠᠢᠭᠰᠠᠨ ᠰᠢᠣ ᠳ᠋ᠠ᠃《ᠯᠾᠬᠠᠪᠠᠰᠦ᠋ᠷᠦᠩ ᠦᠪᠡᠷ ᠤᠨ ᠵᠢᠡᠨ ᠣᠷᠠᠨ ᠪᠦᠲᠦᠭᠡᠯ ᠤᠨ ᠦᠵᠡᠰᠭᠦᠯᠡᠩ ᠳ᠋ᠦ ᠴᠦ ᠢᠷᠡᠬᠦ ᠦᠭᠡᠢ ᠪᠠᠢᠵᠤ ᠮᠡᠳᠡᠬᠦ ᠬᠦᠮᠦᠨ ᠳ᠋ᠠ 》ᠭᠡᠵᠦ ᠃
– ᠲᠠ ᠶᠡᠬᠡ ᠲᠠᠢᠪᠣᠩ ᠬᠦᠮᠦᠨ ᠶᠤᠮ ᠡ ︖
– ᠲᠡᠭᠡᠭᠡᠳ ᠶᠠᠮᠠᠷ ᠬᠦᠮᠦᠨ ᠪᠠᠢᠨᠠ ᠭᠡᠵᠦ ᠪᠣᠳᠣᠪᠠ ᠃
– ᠠᠭᠤᠷ ᠳᠠᠢ ᠬᠦᠮᠦᠨ ᠭᠡᠵᠦ ᠪᠣᠳᠣᠭᠰᠠᠨ ᠃
– ᠦᠰᠦᠨ ᠡᠴᠡ ᠪᠡᠨ ᠡᠬᠢᠯᠡᠭᠡᠳ ᠲᠡᠭᠡᠵᠦ ᠬᠠᠷᠠᠭᠳᠠᠪᠠ ᠤᠤ᠂ ᠬᠠᠨᠢ ᠡᠴᠡ ᠮᠠᠨᠢ ᠦᠭᠡᠷᠡ ᠨᠠᠮᠠᠢᠢ ᠣᠢᠯᠠᠭᠠᠬᠤ ᠬᠦᠮᠦᠨ ᠪᠠᠢᠬᠤ ᠦᠭᠡᠢ ᠳ᠋ᠠ ᠃
– ᠶᠡᠷᠦ ᠨᠢ ᠦᠳᠡᠯᠦᠬᠡ ᠨᠠᠰᠤ ᠶᠠᠮᠠᠷ ᠪᠠᠢᠬᠤ ᠶᠤᠰᠤᠲᠠᠢ᠂ ᠲᠡᠷᠡ ᠵᠡᠷᠴᠢᠮ ᠳᠡᠭᠡᠷᠡ ᠪᠡᠨ ᠲᠠ ᠬᠢᠷᠢ ᠪᠠᠢᠨᠠ ᠭᠡᠵᠦ ᠪᠣᠳᠣᠳᠠᠭ ᠪᠤᠢ ︖
– ᠦᠳᠡᠯᠦᠭᠡ ᠨᠠᠰᠤ ᠭᠡᠵᠦ ᠲᠣᠰᠬᠠᠢ ᠬᠠᠤᠯᠢ ᠵᠢᠷᠤᠮ ᠲᠠᠢ ᠶᠠᠭᠤᠮᠠ ᠪᠢᠰᠢ ᠯᠠ ᠳ᠋ᠠ᠃ ᠬᠦᠮᠦᠨ ᠦᠪᠡᠷ ᠢᠶᠠᠨ ᠦᠪᠡᠷ ᠤᠨ ᠬᠢ ᠪᠡᠷ ᠢᠶᠠᠨ ᠦᠳᠡᠯᠵᠦ ᠪᠤᠯᠤᠨᠠ ᠰᠢᠣ ᠳ᠋ᠧ᠂ ᠪᠢ ᠪᠤᠯ ᠮᠦᠷ ᠢᠶᠠᠷ ᠢᠶᠠᠨ ᠦᠲᠡᠯᠦᠭᠡᠳ᠂ ᠮᠦᠷ ᠢᠢᠠᠷ ᠢᠢᠠᠨ ᠦᠬᠦᠬᠦ ᠶᠣᠮ ᠰᠠᠨ ᠯᠠ ᠭᠡᠵᠦ ᠪᠣᠳᠣᠳᠠᠭ᠃ ᠪᠢ ᠶᠡᠷᠦ ᠨᠢ ᠮᠦᠷ ᠢᠶᠠᠷ ᠢᠶᠠᠨ ᠶᠠᠪᠤᠬᠣ ᠵᠢ ᠯᠠ ᠡᠷᠬᠢᠮ ᠪᠣᠯᠭᠠᠳᠠᠭ ᠬᠦᠮᠦᠨ᠃
