ᠯ∙ᠤᠶᠤᠡᠡᠷᠳᠡᠨᠢ 2021 ᠣᠨ ᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ ᠬᠣᠷᠢᠨ ᠳᠣᠯᠣᠭᠠᠨ ᠳᠤ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢ ᠰᠠᠢᠳ ᠪᠣᠯᠵᠤ᠂ 2025 ᠣᠨ ᠤ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶᠢᠨ ᠭᠤᠷᠪᠠᠨ ᠳᠤ ᠣᠭᠴᠣᠷᠠᠭᠰᠠᠨ ᠪᠠᠢᠳᠠᠭ᠃ ᠳᠥᠷᠪᠡᠨ ᠵᠢᠯ 116 ᠬᠣᠨᠤᠭ ᠶᠡᠷᠦᠩᠬᠡᠶ ᠰᠠᠢᠳ ᠢᠶᠠᠷ ᠠᠵᠢᠯᠯᠠᠭᠰᠠᠨ ᠲᠡᠭᠦᠨ ᠦ ᠣᠭᠴᠤᠷᠠᠬᠤ ᠰᠢᠯᠲᠠᠭᠠᠨ ᠨᠢ ᠬᠦᠦ ᠣ∙ ᠲᠡᠮᠡᠦᠯᠦᠨ ᠪᠤᠯᠦᠠ ᠲᠡᠭᠦᠨ ᠤ ᠨᠠᠢᠵᠠ ᠪᠦᠰᠡᠭᠦᠢ ᠶᠢᠨ《ᠲᠠᠩᠰᠤᠭᠯᠠᠯ》 ᠡᠴᠡ ᠡᠭᠦᠳᠦᠭ᠍ᠰᠡᠨ ᠬᠠᠷᠠᠳᠠᠯᠭᠠ ᠠᠴᠠ ᠤᠯᠪᠠᠭᠠ ᠲᠠᠢ ᠭᠡᠵᠦ ᠬᠡᠯᠡᠵᠦ ᠪᠣᠯᠤᠨᠠ ᠃
ᠬᠠᠷᠠᠳᠠᠯᠭᠠ ᠬᠡᠮᠡᠨ ᠣᠨᠴᠠᠯᠠᠬᠤ ᠶᠢᠨ ᠤᠴᠢᠷ ᠨᠢ ᠂ ᠯ∙ᠤᠶᠤᠡᠡᠷᠳᠡᠨᠢ ᠶᠢᠨ 20 ᠭᠠᠷᠤᠢᠬᠠᠨ ᠨᠠᠰᠤ ᠲᠠᠢ ᠬᠦᠦ ᠨᠠᠢᠵᠠ ᠥᠬᠢᠨ ᠳᠤ ᠪᠠᠨ ᠦᠨᠡ ᠲᠠᠢ ᠲᠠᠩᠰᠤᠭ ᠮᠠᠰᠢᠨ᠂ ᠬᠡᠳᠦᠨ ᠰᠠᠶᠠ ᠲᠥᠭᠥᠷᠢᠭ ᠦᠨ ᠦᠨᠡ ᠲᠠᠢ ᠴᠦᠩᠬᠦ ᠪᠡᠯᠡᠭ᠍ᠯᠡᠵᠦ᠂ ᠲᠥᠷᠦᠭ᠍ᠰᠡᠨ ᠡᠳᠦᠷ ᠢᠶᠠᠷ ᠨᠢ 20 ᠰᠠᠶᠠ ᠲᠥᠭᠥᠷᠢᠭ ᠰᠢᠯᠵᠢᠭᠦᠯᠦᠭ᠍ᠰᠡᠨ ᠨᠢ ᠴᠠᠬᠢᠮ ᠣᠷᠴᠢᠨ ᠳᠤ ᠢᠯᠡ ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ ᠪᠠᠷ ᠣᠯᠠᠨ ᠨᠡᠢᠲᠡ ᠲᠡᠳᠡᠨ ᠢ ᠲᠠᠲᠠᠪᠤᠷᠢ ᠲᠥᠯᠥᠭ᠍ᠴᠢᠳ ᠦᠨ ᠮᠥᠩᠭᠥ ᠪᠡᠷ ᠲᠠᠩᠰᠤᠭᠯᠠᠵᠤ ᠪᠠᠢᠵᠤ ᠪᠣᠯᠵᠤᠰᠢ ᠦᠭᠡᠶ ᠭᠡᠬᠦ ᠠᠰᠠᠭᠤᠳᠠᠯ ᠢ ᠬᠥᠨᠳᠡᠵᠦ᠂ ᠤᠯᠠᠮ ᠢᠶᠠᠷ ᠶᠡᠷᠦᠩᠬᠡᠶ ᠰᠠᠢᠳ ᠯ∙ᠤᠶᠤᠡᠡᠷᠳᠡᠨᠢ ᠶᠢ ᠣᠷᠣᠯᠭᠠ ᠪᠠᠨ ᠨᠣᠲᠠᠯᠠᠬᠤ ᠶᠢ ᠱᠠᠭᠠᠷᠳᠠᠭᠰᠠᠨ ᠪᠢᠯᠡ ᠃
ᠠᠰᠠᠭᠤᠳᠠᠯ ᠶᠠᠪᠤᠨ ᠶᠠᠪᠤᠭᠰᠠᠭᠠᠷ ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠤᠨ ᠪᠡᠭᠠ ᠬᠤᠷᠠᠯ ᠢ ᠬᠤᠷᠠᠯᠳᠤᠭᠤᠯᠵᠤ᠂ ᠬᠠᠮᠲᠤᠷᠠᠭᠰᠠᠨ ᠵᠠᠰᠠᠭ ᠤᠨ ᠭᠠᠵᠠᠷ ᠦᠷᠬᠦᠯᠵᠢᠯᠡᠬᠦ ᠡᠰᠡᠬᠦ᠂ ᠴᠢᠨᠠᠭᠰᠢᠯᠠᠪᠠᠯ《ᠬᠠᠳᠠᠭ ᠪᠠᠷᠢᠵᠤ ᠭᠤᠶᠤᠭᠰᠠᠨ》ᠠᠷᠠᠳᠴᠢᠯᠠᠭᠰᠠᠨ ᠨᠠᠮ ᠢᠶᠠᠨ ᠵᠠᠰᠠᠭ ᠠᠴᠠ ᠬᠥᠭᠡᠭᠡᠬᠦ ᠲᠤᠬᠠᠢ᠂ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠯ∙ᠤᠶᠤᠡᠡᠷᠳᠡᠨᠢ ᠳᠤ ᠢᠲᠡᠭᠡᠯ ᠬᠦᠯᠢᠶᠡᠯᠭᠡᠬᠦ ᠲᠤᠬᠠᠶ ᠠᠰᠠᠭᠤᠳᠠᠯ ᠪᠣᠯᠣᠨ ᠬᠤᠪᠢᠷᠠᠵᠤ᠂ ᠡᠳᠦᠷᠵᠢᠨ ᠰᠥᠨᠢᠵᠢᠨ ᠬᠡᠯᠡᠯᠴᠡᠬᠦ ᠪᠣᠯᠲᠠᠯᠠ ᠪᠠᠨ ᠬᠦᠨᠳᠦᠷᠡᠵᠦ᠂ ᠵᠢᠷᠭᠤᠭᠠᠨ ᠰᠠᠷᠠ ᠶᠢᠨ ᠭᠤᠷᠪᠠᠨ ᠤ ᠬᠠᠷᠠ ᠥᠷᠯᠥᠭᠡ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠯ∙ᠤᠶᠤᠡᠡᠷᠳᠡᠨᠢ ᠳᠦ ᠢᠲᠡᠭᠡᠯ ᠬᠦᠯᠢᠶᠡᠯᠭᠡᠬᠦ ᠦᠭᠡᠢ᠂ ᠶᠡᠷᠦᠩᠬᠡᠢ ᠰᠠᠢᠳ ᠤᠨ ᠠᠯᠪᠠᠨ ᠲᠤᠰᠢᠶᠠᠯ ᠢ ᠦᠷᠭᠦᠯᠵᠢᠯᠡᠭᠦᠯᠦᠨ ᠬᠠᠰᠢᠬᠤ ᠪᠣᠯᠣᠮᠵᠢ ᠦᠭᠡᠢ ᠭᠡᠵᠦ ᠦᠵᠡᠭ᠍ᠰᠡᠨ᠃
ᠠᠪᠯᠢᠭᠠ ᠲᠠᠢ ᠲᠡᠮᠡᠴᠡᠬᠦ ᠭᠠᠵᠠᠷ ᠨᠢ ᠤᠯᠤᠰ ᠤᠨ ᠶᠡᠭᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠯ ∙ᠤᠶᠤᠡᠡᠷᠳᠡᠨᠢ ᠶᠢᠨ ᠬᠦᠦ ᠲᠡᠮᠡᠦᠯᠦᠨ ᠲᠠᠢ ᠬᠣᠯᠪᠣᠭᠠ ᠲᠠᠢ ᠠᠰᠠᠭᠤᠳᠠᠯ ᠢ 60 ᠬᠣᠨᠣᠭ ᠰᠢᠯᠭᠠᠵᠤ᠂ ᠰᠢᠢᠳᠪᠦᠷᠢ ᠪᠡᠨ ᠭᠠᠷᠭᠠᠭᠰᠠᠨ ᠨᠢ ᠠᠬᠢᠭᠠᠳ ᠤᠯᠠᠨ ᠨᠡᠢᠲᠡ ᠶᠢᠨ ᠠᠩᠬᠠᠷᠤᠯ ᠳᠤ ᠣᠷᠣᠪᠠ᠃
ᠮᠣᠩᠭᠣᠯ ᠤᠯᠤᠰ ᠤᠨ ᠬᠠᠤᠯᠢ ᠪᠠᠷ ᠨᠡᠢᠲᠡ ᠶᠢᠨ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠨᠢ ᠥᠪᠡᠷ ᠤᠨ ᠪᠤᠯᠦᠠ ᠭᠡᠷ ᠪᠦᠯᠢ ᠶᠢᠨ ᠭᠡᠰᠢᠭᠦᠳ ᠦᠨ ᠬᠥᠷᠥᠩᠭᠡ᠂ ᠣᠷᠣᠯᠭᠠ ᠶᠢᠨ ᠪᠠᠢᠳᠠᠯ ᠢ ᠬᠠᠤᠯᠢ ᠳᠤ ᠵᠢᠭᠠᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠦᠨᠡᠨ ᠵᠥᠪ ᠮᠡᠳᠡᠭᠦᠯᠬᠦ᠂ ᠬᠥᠷᠥᠩᠭᠡ᠂ ᠣᠷᠣᠯᠭᠠ ᠶᠢᠨ ᠡᠬᠢ ᠡᠭᠦᠰᠪᠦᠷᠢ ᠪᠡᠨ ᠪᠣᠳᠠᠲᠠᠢ᠂ ᠦᠨᠡᠨ ᠵᠥᠪ ᠲᠠᠢᠢᠯᠪᠤᠷᠢᠯᠠᠬᠤ ᠡᠭᠦᠷᠭᠡ ᠬᠦᠯᠢᠶᠡᠳᠡᠭ᠃ ᠬᠠᠷᠢᠨ ᠣ ∙ ᠲᠡᠮᠡᠦᠯᠦᠨ ᠨᠢ ᠲᠡᠢᠮᠤ ᠡᠭᠦᠷᠭᠡ ᠪᠦᠬᠦᠢ ᠨᠡᠢᠲᠡ ᠶᠢᠨ ᠠᠯᠪᠠᠨ ᠲᠤᠰᠢᠶᠠᠯᠲᠠᠨ ᠪᠢᠰᠢ᠃ ᠬᠡᠳᠦᠢ ᠲᠠᠢᠮᠤ ᠴᠤ ᠬᠢᠨᠠᠯᠲᠠ ᠰᠢᠯᠭᠠᠯᠲᠠ ᠪᠠᠷ ᠲᠡᠭᠦᠨ ᠤ ᠵᠠᠷᠤᠴᠠᠭᠤᠯᠤᠭᠰᠠᠨ ᠮᠥᠩᠭᠥ ᠬᠠᠤᠯᠢ ᠶᠣᠰᠣᠨ ᠤ ᠪᠣᠯᠬᠤ ᠨᠢ ᠲᠣᠭᠲᠠᠭᠠᠭᠳᠠᠵᠠᠢ᠃
ᠣ ∙ ᠲᠡᠮᠡᠦᠯᠦᠨ ᠤ ᠠᠪᠠᠭᠠ ᠠᠬᠠ᠂《ᠾᠧᠷᠤ᠋ ᠢᠨᠲ᠋ᠧᠷᠲ᠋ᠠᠢᠮᠸᠨᠲ ᠭᠷᠦ᠋ᠫ 》ᠺᠣᠮᠫᠠᠨᠢ ᠶᠢᠨ ᠭᠦᠢᠴᠡᠳᠬᠡᠬᠦ ᠵᠠᠬᠢᠷᠤᠯ ᠪ ∙ ᠪᠠᠭᠠᠲᠤᠷ ᠨᠢ ᠺᠣᠮᠫᠠᠨᠢ ᠶᠢᠨ ᠣᠷᠣᠯᠭᠠ ᠠᠴᠠ ᠪᠠᠨ ᠣ ∙ ᠲᠡᠮᠡᠦᠯᠦᠨ ᠳᠤ᠄ 2025 ᠣᠨ ᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ 12 ᠣ ᠡᠳᠦᠷ 150 ᠰᠠᠶᠠ ᠲᠥᠭᠥᠷᠢᠭ᠂ 3 ᠳ᠋ᠤᠭᠠᠷ ᠰᠠᠷᠠ ᠶᠢᠨ 16 ᠣ ᠡᠳᠦᠷ 80 ᠰᠠᠶᠠ ᠲᠥᠭᠥᠷᠢᠭ᠂ ᠳᠥᠷᠪᠡᠳᠦᠭᠡᠷ ᠰᠠᠷᠠ ᠶᠢᠨ 5 ᠣ ᠡᠳᠦᠷ 70 ᠰᠠᠶᠠ ᠲᠥᠭᠥᠷᠢᠭ ᠪᠤᠶᠤ ᠨᠡᠢᠲᠡ 300 ᠰᠠᠶᠠ ᠲᠥᠭᠥᠷᠢᠭ︵ ᠣᠢᠷᠠᠯᠴᠠᠭᠠ ᠪᠠᠷ ᠵᠢᠷᠠᠨ ᠲᠦᠮᠡᠨ ᠶᠤᠸᠠᠨ︶ᠰᠢᠯᠵᠢᠭᠦᠯᠦᠨ ᠥᠭ᠍ᠭᠦᠭ᠍ᠰᠡᠨ ᠪᠣᠯᠬᠤ ᠨᠢ ᠬᠤᠯᠪᠦᠬᠳᠡᠬᠤ ᠡᠲᠡᠭᠡᠳ ᠤᠳ ᠦᠨ ᠲᠠᠢᠯᠪᠤᠷᠢ᠂ ᠰᠠᠩᠬᠦᠦ ᠶᠢᠨ ᠪᠠᠷᠢᠮᠲᠠ ᠨᠤᠭᠤᠳ ᠢᠶᠠᠷ ᠨᠣᠲᠠᠯᠠᠭᠳᠠᠭᠰᠠᠨ ᠪᠡᠢᠨᠡ᠃
ᠣ ∙ ᠲᠡᠮᠡᠦᠯᠦᠨ ᠨᠢ《ᠨᠠᠢᠵᠠ ᠦᠬᠢᠨ ᠤ ᠬᠠᠮᠲᠤ ᠨᠢᠰᠳᠡᠭ ᠲᠡᠷᠭᠡ ᠪᠡᠷ ᠵᠣᠷᠴᠢᠭ᠌ᠰᠠᠨ》 ᠭᠡᠬᠦ ᠠᠰᠠᠭᠤᠳᠠᠯ ᠢ ᠰᠢᠯᠭᠠᠬᠤ ᠳᠤ《ᠾᠧᠷᠤ᠋ ᠢᠨᠲ᠋ᠧᠷᠲ᠋ᠠᠢᠮᠸᠨᠲ ᠭᠷᠦ᠋ᠫ 》 ᠺᠣᠮᠫᠠᠨᠢ ᠨᠢ ᠤᠷᠠᠨ ᠰᠠᠢᠬᠠᠨ ᠤ ᠣᠯᠠᠨ ᠠᠩᠭᠢᠲᠤ ᠺᠢᠨᠣ᠋ ᠶᠢᠨ ᠵᠢᠷᠤᠭ ᠠᠪᠬᠤ ᠭᠠᠵᠠᠷ ᠤᠳ ᠢ ᠰᠤᠳᠤᠯᠬᠤ ᠪᠠᠷ ᠪᠤᠯᠠᠭᠠᠨ ᠠᠢᠮᠠᠭ ᠲᠤ ᠠᠵᠢᠯᠯᠠᠬᠤ ᠪᠡᠷ《ᠠᠯᠢᠹᠠ ᠠᠪᠷᠤᠷᠠ ᠡᠸᠢᠱᠢᠨ》ᠺᠣᠮᠫᠠᠨᠢ ᠲᠠᠢ 2025 ᠣᠨ ᠤ ᠳᠥᠷᠪᠡᠳᠦᠭᠡᠷ ᠰᠠᠷᠠ ᠶᠢᠨ 21 ᠤ ᠡᠳᠦᠷ ᠪᠠᠢᠭᠤᠯᠤᠭᠰᠠᠨ《ᠵᠠᠬᠢᠶᠠᠯᠠᠭᠠᠲᠤ ᠨᠢᠰᠦᠯᠭᠡ ᠶᠢᠨ ᠭᠡᠷᠡ 》 ᠶᠢᠨ ᠳᠠᠭᠠᠤ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠠᠴᠠ ᠣᠩᠭᠣᠴᠠ ᠪᠠᠷ ᠲᠡᠰᠢ ᠨᠢᠰᠦᠭ᠍ᠰᠡᠨ ᠪᠥᠭᠡᠳ ᠨᠢᠰᠦᠯᠭᠡ ᠶᠢᠨ ᠪᠠᠭ ᠲᠤ ᠣ ∙ ᠲᠡᠮᠡᠦᠯᠦᠨ᠂ ᠨᠠᠢᠵᠠ ᠥᠬᠢᠨ ᠲᠠᠢ ᠪᠠᠨ ᠬᠠᠮᠲᠤ ᠪᠠᠢᠭᠰᠠᠨ ᠭᠡᠵᠡᠢ ᠃
ᠯ∙ᠤᠶᠤᠡᠡᠷᠳᠡᠨᠢ ᠶᠢᠨ ᠡᠬᠡ ᠥᠭᠡᠷᠡ᠂ ᠡᠴᠢᠭᠡ ᠨᠢᠭᠡ ᠠᠬᠠ᠂《ᠾᠧᠷᠤ᠋ ᠢᠨᠲ᠋ᠧᠷᠲ᠋ᠠᠢᠮᠸᠨᠲ ᠭᠷᠦ᠋ᠫ 》ᠺᠣᠮᠫᠠᠨᠢ ᠶᠢᠨ ᠭᠦᠢᠴᠡᠳᠬᠡᠬᠦ ᠵᠠᠬᠢᠷᠤᠯ ᠪ ∙ ᠪᠠᠭᠠᠲᠤᠷ ᠪᠣᠯ ᠥᠭᠡᠷᠡ ᠬᠥᠮᠥᠨ ᠪᠢᠰᠢ᠂《ᠮᠣᠩᠭᠣᠯ ᠲᠤᠯᠭᠠᠲᠠᠨ ᠤ ᠵᠠᠭᠤᠨ ᠡᠷᠬᠢᠮ》 ᠨᠡᠪᠲᠡᠷᠡᠭᠦᠯᠭᠡ ᠶᠢᠨ ᠨᠠᠢᠷᠠᠭᠤᠯᠤᠭ᠌ᠴᠢ ᠪᠥᠭᠡᠳ《ᠲᠠᠮᠠᠭᠠ ᠦᠭᠡᠢ ᠲᠥᠷᠥ》 ᠵᠦᠴᠦᠭᠡ ᠶᠢ ᠨᠠᠢᠷᠠᠭᠤᠯᠵᠤ᠂ ᠠᠯᠳᠠᠷ ᠮᠠᠨᠳᠤᠭᠰᠠᠨ ᠨᠢᠭᠡᠨ ᠪᠢᠯᠡ᠃ ᠲᠡᠷᠡᠪᠡᠷ《 ᠲᠠᠮᠠᠭᠠ ᠦᠭᠡᠢ ᠲᠥᠷᠥ》 ᠵᠦᠴᠦᠭᠡ ᠪᠡᠨ ᠣᠷᠳᠣᠰ ᠲᠤ ᠭᠠᠷᠭᠠᠬᠤ ᠭᠡᠵᠦ ᠨᠢᠭᠡᠨ ᠺᠣᠮᠫᠠᠨᠢ ᠲᠠᠢ ᠭᠡᠷᠡ ᠬᠢᠵᠤ᠂ ᠪᠢᠯᠧᠲ ᠢᠶᠡᠨ ᠵᠠᠷᠤᠭᠰᠠᠨ ᠪᠣᠯᠪᠠᠴᠤ᠂ ᠡᠴᠦᠰ ᠦᠨ ᠮᠥᠴᠡ ᠳᠦ ᠵᠥᠪᠰᠢᠶᠡᠷᠡᠯ ᠴᠢᠳᠠᠭᠠ ᠦᠭᠡᠢ ᠨᠤᠲᠤᠭ ᠪᠤᠴᠠᠭᠰᠠᠨ ᠪᠠᠢᠳᠠᠭ᠃《ᠾᠧᠷᠤ᠋ ᠢᠨᠲ᠋ᠧᠷᠲ᠋ᠠᠢᠮᠸᠨᠲ ᠭᠷᠦ᠋ᠫ 》ᠺᠣᠮᠫᠠᠨᠢ ᠶᠢᠨ ᠲᠠᠪᠢᠨ ᠬᠤᠪᠢ ᠶᠢ ᠯ ∙ᠤᠶᠤᠡᠡᠷᠳᠡᠨᠢ ᠡᠵᠡᠮᠰᠢᠳᠡᠭ ᠪᠠᠢᠨᠠ᠃
